Catalogue Fevruary 2013

прог

рам

а ф

евру

ари

2013

програма февруари 2013

прог

рам

а ф

евру

ари

2013

ОД УРЕДНИКОТ НА ФИЛМСКАТА ПРОГРАМА

прог

рам

а ф

евру

ари

2013

Поминаа празниците, прославите и неколку

од зимските слави. Вообичаено, студениот и

сив февруари е одличен за детоксикација на

духот, душата и телото, затоа – да се зафатиме

со работа. Ќе ви препишеме комбинација

од неколку комедии, љубовни мелодрами,

криминалистички, акциони и научнофантастични

филмови, одлични за освежување. Гарантирано

подмладуваат и лечат од секакви маки. Еве од

што ќе ви биде „подобро“...

Содржините на КАКО ОД МАЈКА РОДЕНИ,

ИЗЛЕЗ КОН РАЈОТ и АВАНТУРИТЕ НА ПРИСИЛА,

ПУСТИНСКАТА КРАЛИЦА - сите веќе видени и

познати филмски комедии - на оние кои за

првпат ги среќаваат можеби ќе им се причинат

малку „експлицитни“ и „настрани“. Но, верувајте,

од нив навистина се „паѓа од смеење“.

Свирепоста и бизарноста на одземањето

туѓи животи - колку несмасно и несоодветно

ова да звучи - со неколку зрнца црн хумор и

пародични елементи, се темите на БАКНЕЖОТ НА

ПЕПЕРУТКАТА на Винтерботом и РОДЕНИ УБИЈЦИ

на Стоун. Овие филмови се за, како што велат,

луѓе со „појак стомак“.

Месецот на Св.Валентин не треба да мине

без трошка љубов, грст страсти и многу

сентименталност, а ние се погриживме сето тоа

да го најдете во БЕСКРАЈНА ЉУБОВ, КРАЈОТ НА

ЉУБОВНАТА ВРСКА и ВО ВОЈНА И ЉУБОВ. Добро

забележавте, зборот „љубов“ се повторува во

насловите на сите три филмови. Не е случајно .

Трилогијата МАТРИКС на (од пред некоја година)

братот и сестрата Вачовски, се врвни акциони

научно-фантастични филмови кои на времето

претставуваа револуција во компјутерската

анимација и направија голем чекор напред во

филмската естетика на Холивуд. Последната

недела на февруари – целата – ќе биде отстапена

на Нео и луѓето со многу „кул“ очила.

И, не ќе бевме Кинотека на Македонија, доколку

не се погрижевме барем за една македонска

премиера. На почетокот на месецот, тоа ќе биде

краткометражниот игран филм ПОМЕЃУ на

Владимир Митревски.

Та нема само мачките да се забавуваат во

февруари...!? Нели?

прог

рам

а ф

евру

ари

2013

прог

рам

а ф

евру

ари

2013

01 февруари (петок), 20:00 ч.02 февруари (сабота), 20:00 ч.АВАНТУРИТЕ НА ПРИСИЛА,ПУСТИНСКАТА КРАЛИЦА(The Adventures of Priscilla, Queen of the Desert)игран филм, Австралија / Велика Британија1994, 104 мин., колор, 35 мм.Сценарио и режија: Стефан Елиот (Stephan Elliott)улоги: Хјуго Вивинг, Гај Пирс, Теренс Стемп, Бил Хантер (Hugo Weaving, Guy Pearce, Terence Stamp, Bill Hunter)

Познати сиднејски „транссексуалци“ добиваат покана за настап во едно одморалиште во Алис Спрингс, но за да стигнат дотаму, мораат да ја преминат големата австралиска пустина, речиси целиот континент. На пат тргнуваат со виолетовиот автобус „Присила“ и со пријател

трансекссуалец кој ќе им се приклучи во настапот. Попат се среќаваат со личности кои го прифаќаат или го осудуваат нивниот стил на живот, влегуваат во неволји и незгодни ситуации од кои се извлекуваат со многу хумор и снаодливост. Попат, исто така, подобро се запознаваат еден/една со друг/друга, си ги разоткриваат тајните, дилемите и проблемите, се зближуваат и го зацврстуваат пријателството. Со многу музика, облечени во екстравагантни костими и со пренагласена шминка, патувањето до Алис Спрингс го претвораат во постојан настап пред, за нив, замислена публика.Филмот е добитник на неколку меѓународни награди за костим, меѓу кои и „Оскар“ и „БАФТА“ во 1995 г., како и награда од публиката на Филмскиот фестивал во Кан истата година. Во 2006, според филмот беше поставен и истоимен мјузикл успешно изведуван во Сиднеј, Лондон и Њујорк.

03 февруари (недела), 20:00 ч.04 февруари (понеделник), 20:00 ч.СНЕЖАНА И СЕДУМТЕ ЏУЏИЊА(Snow White and the Seven Dwarfs)анимиран филм, САД1937, 83 мин., колор, 35 мм.режија: Дејвид Хенд и др. (David Hand et al.)сценарио: Тед Сиерс и др. (Ted Sears et al.)улоги: Адријана Каселоти, Хари Стоквел, Лусил Ла Верн (Adriana Caselotti, Harry Stockwell, Lucille La Verne)

Убавата Снежана бега во шумата за да се сокрие од својата зла маќеа, која сака да ја убие и со тоа да стане најубавата жена во кралството. Прибежиште наоѓа во куќата на седумте џуџиња, кои имаат рудник за дијаманти, кои ја засакуваат милата Снежана и £ дозволуваат да живее со нив. Исто така, ја предупредуваат, кога тие ќе бидат на работа во рудникот, таа да не ја отвора вратата никому, особено не на непознати лица. Злобната кралица од своето волшебно огледало

прог

рам

а ф

евру

ари

2013

дознава дека, сепак, Снежана е жива и дека се наоѓа во куќата на џуџињата. Преправена како скитничка-продавачка ќе се појави пред куќата на џуџињата, ќе ја измами Снежана и ќе ја наведе да гризне од отровното јаболко.Екранизација на познатата приказна на браќата Грим, СНЕЖАНА И СЕДУМТЕ ЏУЏИЊА е првиот долгометражен анимиран филм во продукција на Волт Дизни, и воопшто, првиот анимиран филм целосно изработен во класична анимација, односно секој кадар е рачно нацртан. Оваа година, токму на 4 февруари, се одбележуваат 75 години од пошироката американска премиера на филмот во 1938 г.

05 февруари (вторник), 20:00 ч.07 февруари (четврток), 20:00 ч.БЕСКРАЈНА ЉУБОВ(Immortal Beloved)игран филм, Велика Британија / САД1994, 121 мин., колор, 35 мм.режија: Бернард Роуз (Bernard Rose)сценарио: Бернард Роуз (Bernard Rose)

улоги: Гери Олдман, Изабела Роселини, Jеорен Крабе, Валерија Голино, Јохана дер Стиге (Gary Oldman, Isabella Rosellini, Jeroen Krabbé, Valeria Golino, Johanna ter Steege)

Пред својата смрт, познатиот композитор Лудвиг ван Бетовен ќе остави писмо упатено кон неговата “бесмртна љубов”, без воопшто да навести кој се крие зад тој идентитет. Неговиот близок пријател Антон Шиндлер ќе пројави голема љубопитност и ќе започне да се распрашува кој се крие зад непознатиот идентитет. Ќе почне да се среќава со личности од животот на големиот музичар и ќе разоткрие не само како се одвивал професионалниот, туку и приватниот живот на Бетовен. На своето патешествие сретнува три жени кои наводно го обележале животот на композиторот. Првата од нив е Јохана Рајс, сопруга на Лудвиговиот брат, чиј син Карл, Бетовен не само што го обожувал, туку и имал и големи планови за него. И покрај тоа, со Јохана останал во лоши односи. Другите две жени кои заземале посебно место во животот на Бетовен, Шиндлер ќе открие, биле италијанката Џулиета Џакарди, негова ученичка и поддржувач, и постарата но и помудра унгарска грофица Ана-Марија Ердоди, која живеела со композиторот во периодот кога во јавноста веќе било познато дека Бетовен го губи слухот...

06 февруари (среда), 20:00 ч.ПОМЕЃУкраток игран филм, Република Македонија2008, 15 мин., колор, ДВДсценарио и режија: Владимир Митревскиулоги: Благој Веселинов, Ненад Нацев, Александар Ѓорѓиески, Андреј Ѓорѓиески

Кратка приказна за млад човек кој по добиениот удар во глава се буди во стан во кој лежат три застрелани мртви лица. Бидејќи има моментална загуба на меморијата, се обидува да се сети како и зошто тој се наоѓа таму и кои се убиените луѓе со него во станот.

прог

рам

а ф

евру

ари

2013

08 февруари (петок), 20:00 ч.09 февруари (сабота), 20:00 ч.КАКО ОД МАЈКА РОДЕНИ(The Full Monty)игран филм, Велика Британија / САД1997, 91 мин., колор, 35 мм.режија: Питер Катанео (Peter Cattaneo)сценарио: Сајмон Бефој (Simon Beaufoy)улоги: Роберт Карлајл, Том Вилкинсон, Марк Ади, Пол Барбер (Robert Carlyle, Tom Wilkinson, Mark Addy, Paul Barber)

Газ и Дејв, како и многумина други, се без работа, отпуштени од челичарницата во Шефилд. Разочарани и очајни, воопшто не се надеваат на подобро утре. Кога во локалниот паб ќе забележат дека за настапот на американската стриптиз-група „Чипендејлс“ има голем интерес меѓу женската популација, ќе решат и самите да се обидат да оформат група и да заработат пари. За кореограф назначуваат еден од отпуштените менаџери во челичарницата, Џералд, кој

всушност повеќе има афинитет кон латино-танци и валцери. Ќе соберат уште тројца невработени, очајни и далеку од способни за танцување свои колеги, и ќе започнат со подготовките за настап. За да привлечат што повеќе публика, ќе најават дека ќе се соблечат „како од мајка родени“, односно дека „ќе одат до крај.“ Немаат што да изгубат, сите шестмина го достигнале дното на достоинството. На сета мака, по растурениот брак, Газ мора уште и да им докаже на социјалните служби дека е во состојба да се грижи за малолетниот син.Снимена со скромен буџет, оваа комедија постигна неверојатен комерцијален успех во светски рамки и во 1997 година ја доби британската награда за филм и телевизија, БАФТА.

10 февруари (недела), 20:00 ч.12 февруари (вторник), 20:00 ч.БАКНЕЖОТ НА ПЕПЕРУТКАТА(Butterfly Kiss)игран филм, Велика Британија1995, 88 мин., колор, 35 мм.режија: Мајкл Винтерботом (Michael Winterbottom)сценарио: Френк Катрел Бојс (Frank Cottrell Boyce)улоги: Аманда Пламер, Саскија Ривс, Кејти Џејмисон (Amanda Plummer, Saskia Reeves, Kathy Jamieson)

Ексцентричната и налудничава Јунис скита по патиштата и бензиските пумпи на северот од Англија во потрага по својата љубовничка Џудит, при тоа сеејќи жртви како од шега. Се запознава со Мирјам, сугестибилна и наивна девојка која избегала од дома, и тие двете стануваат нераздвојна и опасна двојка. Веднаш е јасно дека Јунис е лидерот – таа одлучува кого ќе убие и каде ќе убие, додека Мирјам слепо ја следи во сите постапки. И двете жени претчувствуваат

01 февруари (петок)

20:00 часотАВАНТУРИТЕ НА ПРИСИЛА,ПУСТИНСКАТА КРАЛИЦА(The Adventures of Priscilla, Queen of the Desert)

02 февруари (сабота)

20:00 часотАВАНТУРИТЕ НА ПРИСИЛА,ПУСТИНСКАТА КРАЛИЦА(The Adventures of Priscilla, Queen of the Desert)

03 февруари (недела)

20:00 часотСНЕЖАНА И СЕДУМТЕ ЏУЏИЊА(Snow White and the Seven Dwarfs)

04 февруари (понеделник)

20:00 часотСНЕЖАНА И СЕДУМТЕ ЏУЏИЊА(Snow White and the Seven Dwarfs)

05 февруари (вторник)

20:00 часотБЕСКРАЈНА ЉУБОВ(Immortal Beloved)

06 февруари (среда)

20:00 часотПОМЕЃУ

07 февруари (четврток)

20:00 часотБЕСКРАЈНА ЉУБОВ(Immortal Beloved)


20:00 часотКАКО ОД МАЈКА РОДЕНИ(The Full Monty)


20:00 часотКАКО ОД МАЈКА РОДЕНИ(The Full Monty)


20:00 часотБАКНЕЖОТ НА ПЕПЕРУТКАТА(Butterfly Kiss)

ФИЛМСКА ПРОГРАМА ЗА ФЕВРУАРИ 2013

прог

рам

а ф

евру

ари

2013


20:00 часотБАКНЕЖОТ НА ПЕПЕРУТКАТА(Butterfly Kiss)


20:00 часотКРАЈОТ НА ЉУБОВНАТА ВРСКА(The End of the Affair)


20:00 часотКРАЈОТ НА ЉУБОВНАТА ВРСКА(The End of the Affair)


20:00 часотИЗЛЕЗ КОН РАЈОТ(Exit to Eden)


20:00 часотИЗЛЕЗ КОН РАЈОТ(Exit to Eden)


20:00 часотРОДЕНИ УБИЈЦИ(Natural Born Killers)


20:00 часотРОДЕНИ УБИЈЦИ(Natural Born Killers)


20:00 часотВО ЉУБОВ И ВОЈНА(In Love and War)


20:00 часотВО ЉУБОВ И ВОЈНА(In Love and War)


20:00 часотМАТРИКС 1(The Matrix)


20:00 часотМАТРИКС 1(The Matrix)


20:00 часотМАТРИКС 2(The Matrix Reloaded)


20:00 часотМАТРИКС 2(The Matrix Reloaded)


20:00 часотМАТРИКС 3(The Matrix Revolutions)


20:00 часотМАТРИКС 3(The Matrix Revolutions)

прог

рам

а ф

евру

ари

2013

дека нивното однесување ги вовлекува во сè поголема неволја, но нивната љубов една кон друга, како и нивната упорност да расчистат со машката дискриминација, во стилот на ТЕЛМА И ЛУИЗ на Тони Скот, им даваат сила за да продолжат понатаму, сè до неизбежниот трагичен крај.

13 февруари (среда), 20:00 ч.14 февруари (четврток), 20:00 ч.КРАЈОТ НА ЉУБОВНАТА ВРСКА(The End of the Affair)игран филм, Велика Британија / САД1999, 102 мин., колор, 35 мм.режија: Нил Џордан (Neil Jordan)сценарио: Нил Џордан, според роман на Греам Грин (Neil Jordan, Graham Greene)улоги: Ралф Фајнс, Џулијан Мур, Стивен Риа (Ralph Fiennes, Julianne Moore, Stephen Rea)

Морис Бендрикс е писател кој за време на Втората светска војна бил во љубовна врска со Сара, сопруга на неговиот пријател Хенри. Сара

ненадејно ќе ја прекине врската со Бендрикс, ќе исчезне од неговиот живот, без да образложи зошто го прави тоа. Две години подоцна, Морис ќе налета на Хенри и станува опседнат со прекинатата љубовна врска. Ќе ангажира приватен детектив за да ја следи Сара и да дознае сè за неа. Доаѓа до нејзинот дневник во кој се запишани сите моменти од тајната афера и дознава дека Сара, обземена од страв и потиштена од чувство на вина, се заветувала дека ќе го напушти Морис, доколку неговиот живот биде поштеден. Морис сака повторно да биде дел од животот на Сара, но таа стравува дека тоа ќе биде преголемо искушение за неа.Филмот на Џордан е втора по ред филмска адаптација на истоимениот роман на Греам Грин; првата, во 1955 г, ја режираше Едвард Дмитрик, со Дебора Кер, Ван Џонсон и Питер Кушинг во главните улоги.

15 февруари (петок), 20:00 ч.16 февруари (сабота), 20:00 ч. ИЗЛЕЗ КОН РАЈОТ(Exit to Eden)игран филм, САД1994, 113 мин., колор, 35 мм.режија: Гери Маршал (Garry Marshall)сценарио: Дебора Амелон, Боб Брунер, според роман на Ен Рајс (Deborah Amelon, Bob Brunner, Anne Rice)улоги: Роузи О`Донел, Ден Ејкројд, Дејна Дилејни, Пол Меркјурио, Иман (Rosie O’Donnell, Dan Aykroyd, Dana Delany, Paul Mercurio, Iman)

Комедија во која младиот фотограф Елиот, во обид да изживее некои свои поттиснати сексуални фантазии, заминува на остров кој функционира како летувалиште за луѓе со „садо-мазо“ ориентација. По него, на островот, ќе пристигнат и крадците на дијаманти коишто Елиот случајно и несвесно ги сликал со својот фотоапарат, но и двајцата полицајци, кои

прог

рам

а ф

евру

ари

2013

преправени во посетители, ќе се обидат да дојдат и до филмот на Елиот и до криминалците. И двете заинтересирани страни се во потрага по Елиот, а тој, во улога на „сексуален роб“, ќе се вљуби во Лиза, главната „господарка“ на островот. Навикната секогаш да биде главна, Лиза се соочува со преиспитување на своите чувства, и се плаши да признае пораз, што не е во склад со нејзината улога на „домина“. Во меѓувреме, полицајците на тајна задача, за да не бидат разоткриени, исто така се соочуваат со преиспитување на своите сексуални предрасуди.

17 февруари (недела), 20:00 ч.19 февруари (вторник), 20:00 ч.РОДЕНИ УБИЈЦИ(Natural Born Killers)игран филм, САД 1994,118 мин., колор/црно-бел, 35 мм.режија: Оливер Стоун (Oliver Stone)сценарио: Дејвид Велоз, Ричард Рутовски, Оливер Стоун, Квентин Тарантино (David Veloz, Richard Rutowski, Oliver Stone, Quentin Tarantino)

улоги: Вуди Харелсон, Џулиет Луис, Роберт Дауни Џуниор, Том Сајзмор, Томи Ли Џонс (Woody Harrelson, Juliette Lewis, Robert Downey Jr., Tom Sizemore, Tommy Lee Jones)

Мики и Мелори кампуваат во пустина и Мелори се присетува на нивната прва средба. Мики работи како доставувач и доаѓа во куќата на Мелори, која живее со својот татко кој ја малтретира, запоставената мајка и помладиот брат. Мики и Мелори се вљубуваат на прв поглед и ја крадат колата од татко £. Набргу потоа Мики го апсат и го носат во затвор под обвинение за кражба на автомобил. Тој успева да избега од затворот и повторно доаѓа во куќата на Мелори. Заедно одлучуваат да ги убијат родителите на Мелори, и потоа на автопатот ќе се „венчаат” во симболична церемонија. Својата венчавка ја прославуваат со тоа што земаат заложничка. Мики е налутен бидејќи се тројца, а Мелори оди на бензинската пумпа и почува да флертува со еден работник. Таа го убива кога тој ќе ја препознае, затоа што за неа е распишана потерница како за убиец. Мики и Мелори продолжуваат да патуваат по познатиот пат – „Рута 66“, низ Ново Мексико, Аризона и Невада, а бројот на нивните жртви ја достигнува цифрата 52.РОДЕНИ УБИЈЦИ останува еден од најзначајните култни американски филмови кои, а во 1994 ја

добива и Специјалната награда на жирито на Венецијанскиот филмски фестивал.

20 февруари (среда), 20:00 ч.21 февруари (четврток), 20:00 ч.ВО ЉУБОВ И ВОЈНА(In Love and War)игран филм, САД1996, 113 мин., колор, 35 мм.режија: Ричард Атенборо (Richard Attenborough)сценарио: Алан Скот и други, според роман на Хенри Вилард и Џејмс Нејџел (Allan Scott et al., Henry S.Villard, James Nagel)улоги: Сандра Булок, Крис О`Донел, Мекензи Астин, Марго Штајнберг (Sandra Bullock, Chris O`Donnell, Mackenzie Astin, Margot Steinberg)

Дејствието на ВО ЉУБОВ И ВОЈНА се одигрува за време на Првата светска војна и ни ги прикажува искуствата на познатиот американски писател Ернест Хемингвеј. Голем дел дел од филмот се неговите вистински доживувања за време на војната како млад војник во Италија. Хемингвеј,

прог

рам

а ф

евру

ари

2013

бидејќи е ранет, пратен е во воената болница каде ја дели собата со Вилард, кој подоцна ќе биде ко-автор на книгата по која е снимен филмов. За нив се грижи медицинската сестра Агнес Куровски. Помегу Хемингвеј и Куровски се развива љубов, но нивната врска повеќе наликува на сентиментална отколку на страстна, па затоа нема да може да опстане до крај. Ричард Атенбороу (аворот на филмот) овој момент го нарекува „емоционален интензитет на Хемингвеј“. Талентот на Ричард Атенбороу како режисер е потврден со биографските филмови ЧАПЛИН и ГАНДИ.ВО ЉУБОВ И ВОЈНА е филмска драма правена според делото „Хемингвеј во љубов и војна“ на Хенри Вилард и Џејмс Нејџел.

22 февруари (петок), 20:00 ч.23 февруари (сабота), 20:00 ч.МАТРИКС 1(The Matrix)игран филм, САД / Австралија1999, 136 мин., колор, 35 мм.

режија: Енди Вачовски, Лана Вачовски (Andy Wachowski, Lana Wachowski)сценарио: Енди Вачовски, Лана Вачовски (Andy Wachowski, Lana Wachowski)улоги: Кијану Ривс, Лоренс Фишбурн, Кери Ен Мос, Хјуго Вивинг, Глорија Фостер, Џои Пантолијано (Keanu Reevs, Laurence Fishburne, Carrie-Anne Moss, Hugo Weaving, Gloria Foster, Joe Pantoliano)

Томас Андерсон води двоен живот. Во едниот е програмер на угледната компанија за софтвер „Метакортекс“. Во вториот е Нео, хакер, кој ноќта ја минува покрај компјутерот, обидувајќи се да стапи во контакт со Морфеус, најпознатиот светски хакер кој е во бегство. Нео има несоница и се обидува да дознае нешто, но и самиот не знае точно што, бидејќи константно мисли дека со светот околу него нешто не е во ред. Еден ден на мониторот на неговиот компјутер се појавува текст: „Што е тоа Матрикс“? Следејќи ги инструкциите кои ги добива оди во ноќниот клуб и ја сретнува Тринити, позната хакерка, која му кажува дека може да го поврзе со Морфеус, но Нео е скептичен. Наредниот ден на работа го апсат. Агентите кои го апсат од него бараат да соработува со нив, мислејќи дека така полесно ќе стигнат до Морфеус, но Нео ги одбива со омраза. Тогаш доаѓа до натприродна ситуација, усните почнуваат да му се топат и му се соединуваат...

24 февруари (недела), 20:00 ч.26 февруари (вторник), 20:00 ч.МАТРИКС 2(The Matrix Reloaded)игран филм, САД / Австралија2003, 138 мин., колор, 35 мм.режија: Енди Вачовски, Лана Вачовски (Andy Wachowski, Lana Wachowski)сценарио: Енди Вачовски, Лана Ваќовски (Andy Wachowski, Lana Wachowski)улоги: Кијану Ривс, Лоренс Фишбурн, Кери Ен Мос, Хјуго Вивинг, Глорија Фостер, Ламберт Вилсон (Keanu Reevs, Laurence Fishburne, Carrie-Anne Moss, Hugo Weaving, Gloria Foster, Lambert Wilson)

Шест месеци по настанот од првиот филм, Морфеус прима порака од капетанката Ниоба од Логос која повикува итен состанок на зионските екипи. Зион го потврдува последното јавување на бродот „Озирис“. Машините го пробиваат тунелот кон Зион. Заповедникот Џејсон Лок

прог

рам

а ф

евру

ари

2013

и рангираниот воен старешина на Зион им наредуваат на сите бродови да се вратат за да се подготват за одбрана. Морфеус бара бродот да остане, за да може да контактира со Оракл. Бродот „Набукодоносор“се изложува на опасност за да може да се јави Нео. Агентот Смит го сретнува Бејн и тој го презема неговиот аватар. Смит го напушта Матриксот и ја презема контролата над телото на Бејн...

27 февруари (среда), 20:00 ч.28 февруари (четврток), 20:00 ч.МАТРИКС 3(The Matrix Revolutions)игран филм, САД / Австралија2003, 129 мин., колор, 35 мм.режија: Енди Вачовски, Лана Вачовски (Andy Wachowski, Lana Wachowski)сценарио: Енди Вачовски, Лана Вачовски (Andy Wachowski, Lana Wachowski)улоги: Кијану Ривс, Лоренс Фишбурн, Кери Ен Мос, Хјуго Вивинг, Ламберт Вилсон, Џејда Пинкет Смит (Keanu Reevs, Laurence Fishburne, Carrie-

Anne Moss, Hugo Weaving, Lambert Wilson, Jada Pinkett Smith)

Нео и Бејн лежат без свест во болница. Нео открива дека неговиот ум е заробен во виртуелната станица на метрото – зона меѓу Матриксот и градот на машините. Тој дознава дека метрото е под контрола на Трejнман, под водство на Меровингијан. При обидот Нео да се качи во возот Трejнман го совладува. Морфеус и Тринити одат во клубот Хел и го присилуваат Меровингиjан да го пушти Нео. Нео е вознеморен од визијата на градот на машините и ја посетува Оракл која му открива дека агентот Смит има намера да го уништи светот. Оракл констатира дека сè што има почеток има и крај и набрзо војната ќе заврши. Капетаните планираат одбрана на Зион и Нео бара бродот да отпатува во градот на машините. Мотивиранa од средбата со Оракл, Ниоба го нуди бродот „Логос“. Нео оди во друштво на Тринити, а Бејн се качува на „Логос“, а со себе ја зема Тринити како свој заложник. Но набрзо Нео ја сфаќа намерата на Бејн и го придобива агентот Смит...

Трилогијата МАТРИКС е една од најзначајните во историјата на филмот и се занимава со филозофски теми кои коренот го влечат уште од Платон и неговата пештера, или пак констатацијата на Калдерон дека „животот е сон“,

поврзани со бројни религиски прашања и теми спакувани во обланда на врвен акционен филм.

прог

рам

а ф

евру

ари

2013

За издавачот:м-р Мими Ѓоргоска-Илиевска

Уредник на филмската програма:Владимир Љ. Ангелов

Реализација:Александар ВасилевскиКире ВелковПетар ВолнаровскиДамјана ИвановскаТихомир КашмицовскиМиле МиленковскиАлександра МладеновиќВиолета Петрушевскам-р Игор СтарделовАлександар ТрајковскиЗоран Трендафиловиќ

Лектура:Снежана Петрова-Џамбазова

Дизајн:Ладислав Цветковски

Печати:Софија – Богданци

Издавач:Кинотека на Македонијаул. Никола Русински бр. 1, Скопјеп.фах: 16, Скопјетел.: + 389 2 307 1814, л. 111 + 389 2 3065 968факс: + 389 2 307 1813e-mail: [email protected].: www.maccinema.com

прог

рам

а ф

евру

ари

2013

Проектот го помогна:

Министерство за култура на Република Македонија

прог

рам

а ф

евру

ари

2013

www.maccinema.com

Catalogue Fevruary 2013

Documents

Transcript of Catalogue Fevruary 2013