A BISA CITABU MILLION 3 KA FATA CIINI 57 KUNA Bennett … - Your Quest for God... · A na gey, i...

RichardA. Bennett

BennettYerkoy Taasi M

ise

CCIMCross Currents InternatIonal MInIstrIes

Dr Richard A. Bennett sinti a ci hu cenkoy ber. Goydi jentedi kuna a guna Yekoy hiney berdi ka bar a hunadi. Wodi banda, a fur alwakiltery goydi ka kuna na a cindi, a du ka koy Amerik ka koy cow Yerkoy ciinidi.

A na ci alpha sanda paster amma ja 1946 Dr Richard A. Benett go cowndi bibil yamardiyo henjen koyyo se ka yo du a kuna nafa ber. Jiri waraka alkadar jiri woyo kur kuna, nga jindedi momdi adduɲadi kanje tacidi kul kuna Trans World Radio nda Far East Broadcasting corporation wane Radio huudiyo ga.

Richard nda Dorothy hiiji a go to jiiri waranja moreyda amma ja i hiiji (1958) i na goro i na toko. Ɲaali nda daame ber kuna i momdi Yerkoy ciinidi nongu kur . Richard jere Dorothy bomoy dam nda ngu bomo goy beryo woydiyo nda cere game.

A na gey, i sinti ka cowndi nonguyo ka kuna na i na bey ka koy, boroyo ka na i na bey ka guna. Ngi dira diradiyo kuna ngi binediyo ɲaali gumo-gumo sa di ka na i guna boroyo ka go hinsa ka ba ngiyo ma mom Yerkoy ciinidi. Amma ngi ɲaali wodi na hin ka timme haya ka se I seedeterey nda talkaterey nda herey nda hujun boro boboyo do. Amma badi tusa Richard nda Dorothy I ma samba boro wodiyo se haya ka go kumandi I wane faradi.

Amma wodi kur Bennett nda ngu wandedi go ɲaali timmente kuna haya ka se i koroshi ka adduɲadi kur kuna boroyo go doti ka go ba ngiyo ma man Yerkoy. I kuna i boboyo go hã ngiyo bomo.

Huna wane misediyo go mey jabi ka go yeyndi bine wala? Richard A. Bennett kow sika ka Yerkoy jatir ben ka no jabi di. Wodi se na a hantum Yerkoy tasi mise.

“Yerkoy tasi mise…go ta faba iboboyo I ma du hundence huna boyro wane assasu.”

Feu Rev. Stephen Boakye-YiadomTrans World Radio, Africa

A BISA CITABU MILLION 3 KA FATA CIINI 57 KUNA

Kabarey koydi: CROSS CURRENTS

INTERNATIONAL MINISTRIES

Jemna koydi:Trans World Radio - Afrique de l’Ouest

B.P. 2131Abidjan 06

Côte d’Ivoire

Yerkoy Taasi Mise

Yerkoy Taasi Mise

Richard A. Bennett

Jensendi koï:

Trans World Radio Afrique de l’Ouest06 BP 2131 Abidjan 006Côte d’Ivoire

Yerkoy Taasi Mise

Version: Songhai, Tumbutu Koïra Ciini Lawal hamtoumdi: Your Quest for God Citab di Koïdi: Cross Current International Ministries www.ccim-media.com/resources Jensendi koï: Trans World Radio Aderessi: 06 B. P. 2131 Abidjan 06 Côte d’ivoire Tél: (225) 22 49 03 01 Fax: (225) 22 49 03 02 E-mail: [email protected]

ISBN: 978-2-917643-12-9

Kabarey koydi Cross Currents International Ministries

Djensendi koydiTrans World Radio - Afrique de l’Ouest

B.P. 2131Abidjan 06

Côte d’Ivoire

Nda ana ci ay wandedi Dorothée binedameydiyo, a wane bomo nondidi nda nga wane badi,

nda nga wane ђarediyo ciitabu wo si ta hantumdi abada. Sanda misodi ka bulos go har ga Phoebe ga,

misodi na ay go har ga ay wandedi ga:…misodi ka na nga jatir yeyndi iboboyo bine…

a ka ay jatir se fabakoy ber.

Jemna Di Yo Ciini sinti ix

Citabu wo hantumdi addelildi xi

Jemna 1Yerkoy go bara wala? 1

Jemna 2Naney go ni jinehundi ga wala? 9

Jemna 3Yerkoy ci misé fo? 23

Jemna 4Ma ngo fey-fey addamaijédiyo? 33

Jemna 5Albasidi linjidi ci ma? 45

Jemna 6Ma sé borodiyo go ho fondo? 55

Jemna 7Yerkoy go ba ay wala? 65

Jemna 8Man na ye hin ka du hunadi? 89

Jemna 9Mise fo na boro go ka Yerkoy boro? 101

Jemna 10Dé wodi banda? 111

Ye naney ka jow allahidu 121

ix

Ciini sintiy go hinsa ka wassi ciitabu wo, Yerkoy taasi

mise, addelil hinka se. Lawaldi ci ay go bey a hantumkoydi. A ci ay wane idje naney kuna de haya

fo si ɲalindi ay ka bisa ay ma mom ka ay wane idjediyo go hanga nda ciimi (3 Yahiya 4). Addelil hinkantedi go fahamdi. Dr. Richard Bennett dem goy yakuante ka har ciini suubante, ihineno nda dankaɲe kuna hayadiyo ka ci alwajib addamaidje nda Yerkoy nda cere game. Bibil go kabarey yer ka Yerkoy dem addamaije wane binedi kuna abada hungudi… (Wajukoydi 3:11). Haya ka se addamaije takandi dahimun se, hayadiyo ka ci alwakati hayayo si hin ka yajaw ga ana ci a wane misediyo kul kuna, ana ci alwakati kur. Sa kur haya go ta kuma ga ka Yerkoy fo ngo hin ka daabu. Saint Augustin kabarey ka a go henen, “Ya ay Koydi, ni taka yer ni bomo se, yer hundediyo si ta du hinanjam hal i ma du ga ni kuna.” Citabu wo go faba yer Yerkoy wane tasi wo kuna hal yer ma du hinanjam bakoyterey hunante kuna, yer nda Yerkoy Abadante di. Ay wane ђaredi ci boro boboyo ma cow fita wooyo ka yo hanga de i ma faham wajudi ka go a kuna Yerkoy Abadantedi wane jereydi se nda ngi jatir wane nafadi se.

Dr. Stephen F. Olford

A

x

Yerkoy Taasi Mise

“Ay go wassi citabu wo Yerkoy taasi mise wodiyo kur se ka go taasi cimi. Yerkoy wane cinidi ga a go bori de a go ta faaba iboboyo I ma tabatindi almasihunte huna boyro wane assasudi. Nafa go a wane cowdi kuna.”

Har bissanto Rev. Stephen Boakye-YiadomEx. Directeur InternationalTrans World Radio, Afriki

xi

Citabu wo hantumdi addelildi

er wane diradiyo kuna, ay nda Dorothy ka ci ay hukoydi, ay kuboy baakoy boboyo huna wane

fondo ciinadiyo nda iberdiyo kuna. Ngi kanidiyo nda ngi fahameydiyo na ci afo.

Yer si hungu ka yaada nga kuboyndi yer cere. Yer si hungu bomoy ka yaada nga kate citaabu kayna wo ma garndi ni kamba kuna hõ; jiiri boboyo cere banda, yer nda yer bakoydiyo wane wannasudi linjidi si samba bara yer korochi ka wanasuudi ka go tabatindi bakoyterey yer nda yer baakoydiyo nda cere game na ci bara: “misedi kana yer’o taasi nda Yerkoy” de yer hungudiyo kuna iboboyo go garndi citabu wo kuna.

Yerkoy tasi mise wane fatta lawaldi ka na yer’o filla moreyda na ci bara ay bomo dide ka saabu Sandi. Ka gar ay nda Dorothée, yer go yer jiiri waranka cindi gu hiije kuna, yer hã yer bomo, wala mise fo na yer’o hin ka barkandi Yerkoy nga wane annemadi se. Yer gar kana mise foodi ka kuna na yer’o hin ka dam albarka Yerkoy se na ci bara ka hantum ciini albarkante ka go no tammaha gumo nda alafia, ka du ka samba ga boro jember waranka cindi gu se (25). Wodi go sawand’a boro jember fo yer hiijedi jiiri fo kul kuna.

Y

xii

Yerkoy Taasi Mise

Yerkoy timmendi yer wane anniyadi. Ciitabu wo hirow kamba boboyo kuna. Ciitabu jember guudi kur jamnandi ganda boboyo kuna. Yer ɲalinda letterdiyo ka wodiyo ka yo hunadi bar haya band aka na I cow Yerkoy tasi mise hantum yer se.

A wir’ndi yer ga yer ma berendi ciitabu wo ciini tana fooyo kuna; wodi maganda se yer ye ciitabudi ga ka boorindi ga koyne; wodi kuna Yer’o ŋaare Yerkoy alkabiladiyo kul se ka go adduɲadi kanje tacidi kul kuna I ma du faaba ngi “Yerkoy tasi misedi” kuna. Citabu cinne hay aka bisa miliyon hinja fatta ciini weygu kuna ka du ka jemnandi addunɲɲadi kul kuna. De moreyda yer’o ђare fatta tawo wo ma nafa a cow koydiyo.

Jemna lawal hindiyo si ta sawa alkadar ber cow koy fo kul se. Jemna lawaldi hantumdi wodiyo se ka yo hȃ ngiyo bomo wala Yerkoy go bara. Kar jemna hinkantedi go samba wodiyo ka ngi wane dooneydi ci ka hȃ haya kur amma a go mey alkadar cow koydiyo kul se ja ma se a tusa gi I ma jas-sasu ngi bomo naaneydyo nda ngi wane alhalidiyo.

Nga bine jemna wo ka sintidi ci alwajib ciinidi linjidi se, haya ka se i go faaba ka tabatindi alkabar fodiyo.

Jemna hinjadi ka koy iweydi go kunsum ciniyo ka ci assasu ka yo go faba yer Yerkoy tasidi kuna. Sadi ɲali kuna, yer fur fatta tawo wo Yerkoy kambadiyo kuna hal ma barkandi ga nda misedi ka ci iboyrodi a do.

Dorothée nda ay jatir yer’o ba ka dam ne albarka wodiyo kul se ka filla yer se hayadi ka na Yerkoy dam i se, nda baadi, nda ŋaaredi ka na i go ŋaare yer se alwakati kur; i ci aljama, ay si hin ka kaati i kur madiyo ne. Yer baakoy wodiyo kur se, yer’o har “albarka”.

Dr Richard A. Bennett

Yerkoy Taasi Mise

Dowdi wane cowdi go kate a ma jassasundi sanda addamaije, amma sanda addamaije wane

jassasudiyo kur, a si ye sintidi do.

Sir CharleS lyell

11

Jemna1

Yerkoy go bara wala?

alla alwakati yo bey ka bara ka tammaha kur ben mana. Alwakati wodiyo ra, ana ci Yerkoy wane baadi

fo kuna na no sika, n’o ta sika wala a go bara jatir.Bibil si faranfasiya yer se ka Yerkoy go bara. A si

kowndi yer sika mo ka a go Bara. Haya nono ka tabati. Bibil wane arfu lawaldiyo go har yer se: “Sintidi kuna, Yerkoy taka beenedi nda gandadi” (Sintidi 1:1). Ciiniije annemante wo go sawa, a go guusu. A go tabatindi ka Yerkoy go bara, jina a ci adduɲadi kur taka koydi.

Jaman foyo kuna, Ay hukoydi cindi ka goy lotokor hu ber fo kuna europ gandadi ra ka si hugay nda bara karra-funtediyo. Han fo, lotokor ber fo ka si yadda ka Yerkoy go bara man ga ka hã ga a wane naaneydi ga.

Ay hukoydi jaabi ka har a se: “Ya lotokordi”, n’o bey ka na ye hinsa ka berndi ni haya ka se ay yadda nda ni wane beyreydi ni wane goydi ra. Ni ci cowndi koy ber, n’o mey maa ber ni goydi ra. Hal n’o ta filla ka har ye ne ka ni si yadda nda ka Yerkoy go bara ye wir ni ga ma dorkoto bibil

L

2

Yerkoy Taasi Mise

cow kuna misodi kana ni dorkoto ka taasi beyrey lotokor terey cowdi kuna.

Wodi banda, a du ka hungundi ga wircikomyo, ka boro kur hungu ka na i si ta du alafia. Yerkoy hineydi ra, i du ala-fia, I ye ngiyo hu. A no boro hinka ma. Wodiyo wane wir-cidi ben far. I misediyo kur bar Yerkoy hineydi ra. I hin ka ye ngiyo goydi ra. Dorothée du ka fahamdi ga misedi ka na i yadda nda Yerkoy, i du ka hanga ga nda soboy. Lotokordi jatir go bey ka ana ci lotokordiyo wane beyreydi nga hin ka safari gi. Lotokordi nda ngu beyrey di nda ngu ceferterey di kur kuna, a si hin ka faranfasi alhikima ber wo ka kate wircikomdiyo selle ngi gahamdi nda ngi hundedi kuna.

Wannasu wo banda, lotokordi ka lawal ka har Dorohtée se ka ngu si naaney Yerkoy, a yekate ka har Dorothée se a ma ŋaare ngu se Yerkoy; A du ka jow allahidu Dorothée se ka na ngo ta dam hayadi ka na ngu na bey ka dam ngu hu-nadi ra, ngo ta cow bibil bila nda alakal hinka-hinka.

Yoobu iyye wodi banda, lotokordi ka cow bibildi nda soboy har Dorothée se ka na ngu na ci cefer koyne. Amma wodi kur, albasidi na ben nga binedi ra. A go bey ka na, nda ngo hima ka hanga Yerkoy, wodi wane almanadi ci haya boboyo go ta hima ka bar ngu wane hunadi ra.

Nga jatir fer ngu binedi “ana ci alakal gumo nga gaw ay misedi ra, adelildi ci haya bobo go hima ka bar ay hunadi ra nd’ay naaney Yerkoy. Ay na lelinde wodi se jina”.

Haya banda ka yer sinti ka ŋaare Yerkoy lotokor wo se ka ka yer baakoy. Jiiri woy banda, han fo yer du nga leter ka kuna na a beyndi yer ka ngu hanga sandi naaney timmente ra. Wo ci ɲaali ber, amma yer bomo na haw far haya ka se yer’o bey ka “alkabar wane momdi go kate naaney de momdi go ka nda Yerkoy wane ciinidi” (Rom 10:17).

3


Hal yer kuna afo fo kur ma bey ga, Yerkoy beyndi yer se, yer binediyo ra ka ngo bara.

A fooyo suuba ka wongu ga amma boro fo na takandi dowdi ga ka si hin ka naaney Yerkoy.

Yerkoy no tammensa boboyo ka go cerbu ka ng’o bara. Sirridiyo nda alhikimadiyo kur ka beyreykoydiyo sinti ka faham hõ go cerbu ka adduɲa wo si hin ka bara bila takakoy. Alakalkoyni fo si yadda ka benehi go hin ka deesi benedi ra, ka wanga adduɲadi ka du ka jumbo ganda, alwakatidi nda nongudi ka na i go tammaha ga bila beyreykoyniyo nda kabukoy beryo wane beyreydi.

A ci misodi cinne woynedi se sa ka na a go tun wala sa ka na a go kam, nda alwakatidiyo wala hayadi ka ciina nda haya kul (miskanazarati), nda gaabidi ka kate haya kur ka hun bene kur si simba bara ganda, nda alhawa wane gaabidi. Wo yo kur si hin ka bara bila Yerkoy wane ibaydi ka taka haya kur.

Sikasi labudda, naaneydi ka go kate boro ma yadda nda Yerkoy, yer taka koydi si to naaney berdi ka go kate boro ma yadda ka adduɲa wo na hun bara yaada kuna. Jabine hantum si bara ka si mey hantumkoy.

Wala alwakiltereydi ka si yadda ka yerkoy go bara go bey ka adduɲadi go mey alladam nda fahamcere sa ka na a go ba ka samba beyreykoyniyo beenedi ra. Beyreykoyni wooyo go goy nda beenedi wane asharadiyo. Wodi ngo kate i ma yekate ganda, selle nda alafia kuna. Saadi a si din yer allakal ka boro wooyo ka yadda nda ka beenedi go mey ashara ma hin ka har ka na beene wodi si mey takakoy.

Yer kur go bey albasidi ka bombu atomic go hin ka dam nd’a warrandi. Nga bine kaabuyo go cerbu ka sekondu fo kuna woynedi wane gaabidi ci bombu miliyar jember

4

Yerkoy Taasi Mise

gu alkadar. Nga bine woyne wo na ci haya fo saaney tana fooyo jeere ka go no nuune. Yer si bey saaneydi yo hinne ga. Ciimi nono ka yer’o guna haya ka go to saaney miliyaryo, amma wo na ci haya fo hayadi ka na yer si bey kuna. Beyreykoynidiyo tabantindi ka saaneyyo go do ti ka yo wane nuunedi go to woyne miliyar fo wane. Mise fo na gaabi wo hinne go hin ka bara bila takakoy ka gaabidi si mey gay do. Labudda takareydi go cerbu yer Koy ka ci Takakoy, koy go mey alladam nda Koy- Hiney-Koy. Bibil go kabarey::

Benediyo go filla Yerkoy wane jeereydi, I go bangayndi a wane kamba goydi. Jaridi go cowndi ga jari tana se, de cijidi go beyndi ciji tana se. ana ci ciini, ana ci me ciini ka si hin ka momdi. I wane jinde go koy dowdy kul ga, I go koy hal adduɲadi kanje tacidi ga, doti ka na a cen tende woynedi se (Azabur 19:1-4).

Haya ka se Yerkoy wane misediyo ka si gunandi, nga wane hiney dumintedi, nda nga wane Koytereydi I gunandi, I fahamdi ja adduɲadi wane sintidi a wane goydiyo kuna ka a goy. Har wo boro woyo si filla ka mey ciini koyne (Rom 1:20).

Saadi woyo ka yo ɲankar Yerkoy si mey addelil fo nongu kul ka na I go.

Addamaijé boboyo go guna ngiyo bomo sanda boro ciina, bila alfeyda sa ka na I go guna adduɲadi, alladamndi nda hineydi kul ka Yerkoy taka.

5


Annabi Daouda ka ci bani Israila kokoydi faham wodi, a du ka har: :

Sa ka na ye guna benediyo ka ci ni kamba goy, handudi nda saneydiyo ka ni tabatindi: addamaije ta ci ma, mo sonko ma hungu ga? (Azabur 8:3,4).

Yer bereydi hinsa ka tonton bene misedi ra hõ- Goyjineyyo go doti ka go berndi adduɲadi wane biidi ce jember jongu gu. Satelitediyo mo go no yer haya kur ka go benedi ra wane biidiyo. Yer jatir go ba ka hã sanda Daouda “mise fo na Koydi ka taka wo kur go hin ka hungu ay”.

Amma goyjineydi ka se na i go har telescopu nda mi-croscopu, I kur ci jaman fo. Hayadi ka microscopudi go cerbu yer se haw yer bomo misodi ka na benedi go haw yer bomo. Gaydi jatir go kakasu. A si hin ka cerbu yer haya ciinadiyo ka go yer wane adduɲa wo ra. Microscopu go doti ka go cerbu yer haya ka microscopudi ka beyrey koynidiyo go dooney ka goynda si hin ka guna. A go cerbu hayadi ka ciinanda haya kur (I go har a se atom) wane booridi, nda caaradi, nda nga alladamndi nda nga wane hineydi.

Nda sa fooyo no hã ni bomo mise fo na Yerkoy go hin ka hungu ni; ma faham ka hayadi ka go gabidi ra ka go tabatindi adduɲadi nda gabidi ka go kate a ma sey na ci bara misikanazarrati. Almassibadi ka go hin ka fatta a kuna ci albalawu ka Yerkoy ma wa yer nga jaari. Wodi go cerbu yer ka Yerkoy wane gunadira, i cina ndi ber kur go mey alfeyda.

Yer bine ci farru sa ka na yer’o hã yer bomo wala “addamaije ta ci ma mosonko Yerkoy ma hungu ga”.

6

Yerkoy Taasi Mise

Addamaije, ana a keydi ngo no ga alkadar. Furniga, Yerkoy do, yer wane alkadardi d’o mey assasu tana ka na ci boro-diyo hungu di. De Yerkoy bangeyndi hayadi ka se na yer’o mey alkadar ngu do nda ma se na a go hinsa ka ba yer.

Misedi kur ka takarey d’o bangeyndi yer se takakoy alladamte nda hiney- koy, yerkoy na ba bara ngu ma ban-geyndi ngu bomo sanda koy ka go ba, ka go hinni, ka si ba bara yer gomni. Amma, hal ma hin ka du Koy wo cinne, a ci alwajib bara ni jinehundi ma ci boro ka bene na naaney timmente go.

7

Hayayo ka ga na yer ma goyndi yer lakaldi

1. Nda ni ton ni kamba nda guru hamni de ni warra ga bene, n’o tammaha a ma bere ka ka montor ka hinsandi swiss wala?

2. A kuboy adduɲa won da ngu wane takadi ka ci alhikima ma bangey miso bila Yerkoy ka ci takakoy wala?

3. Wala nda takareydi jatir hakakundi yer nda takakoy ka ci Yerkoy ka go bangey sanda cenkoy ber, asharante takarey wane hiney koy, takareydi jatindi go wasa hal ma du Yerkoy wane badin da nga wane tamaladi wala?


Boro ka go kamba torshi go hin ka bisa gusu kuboynte kuna.

Platon

Attabiyadi ci gay luufo wo ka go gusudi jesedi ga;

torshi go hima nda hantum hinenodiyo.

a.h. Strong

9

Naney go ni jinehundi ga wala?

lkabartondikoydiyo beyndi yer jirbi bisante wooyora ka goy jiney futu nga sabab boro boboyo

ma bun avion fo kuna ka kam. Nga bine wo na ci haya fo hayadi jere ka go ta du wodiyo ka fur ngiyo bomo jinehun ga ka bene na naney si.

Hõ jaaro, yer’o mom jinde boboyo ka afo nda afo na ci afo. Afo kur go har ka na ngu ga ci fondodi ka go koy Yerkoy do. Mise fo na yer’o ta bey fondodi ka na yer’o hima ka hanga. N’da n’o taasi Yerkoy, ma si yala ni bomo jinehun ga ka go ta dereyndi ni turaban.

Grande Bretagne wane ministir lawal fo ka maadi ci Gladstone, hantum wo: “lasaltarey tamensa alhakikadi ka go Bibil kuna nda afo na ci afo, jina kaabu si kate mooreydi ka go nga nda citabu tanadiyo nda cere game.”

De Abraham Lincoln bomoy ka ci Amerik kokoy Jeeno fo har. “Ye naney ka Bibil go bisa haya kul ka Yerkoy bey ka koddor addamaijediyo se.”

Boro jeeroyo yendi Bibil ga beerey ka gar bibil si to nda ga. Boro jeeroyo seedeterey Bibil wane lasaltereydi

A

Jemna2

10

Yerkoy Taasi Mise

nda nga wane nafadi ga; wodi si jandi ka Bibil si tuuji bara ngu jatir seedetereydi ga.

Kokoydi ka ci Daouda kowsika ka naney go ngu jine-hundi ga. A hantum: “Ni ciinidi ci lampa ay ceediyo cire, a ci annura ay fondodi ra” (Azabur 119:105).

Hal hõ jaaro, addamaijediyo go guna tamensa ka yo go kate I ma naaney bibil hal ngiyo bey Yerkoy. Bibil cinne si hantumdiyo nda cere game ka gar bine afooyo jee bara ngiyo ma kow a ga naaney. Bibil go tabati, a go tenje sanda misodi ka a ci jaman bisantediyo kuna.

Haya ka se borodiyo wane alhawadi ci bibil ma ci afo nda haya ka tabati, wodi se Yerkoy dam tamensayo ka go cerbu ka Bibil ci “Yerkoy ciinidi”. Taasikoy soboynte kur go ta gar bibil kuna tamensadiyo ka go cerbu ka “citabudi-yo kur nondi ka hun Yerkoy do” (2 Timote 3:16) alkabar boyro kul si hun bara yerkoy do sanda misodi ka na citaabu tanadiyo go cerbu ga nda.

Nda gar hantumkoy folloku nga hantum Bibil, yer bomo si ta haw haya ka se nga wane ciinidiyo go serre i go hanga cere. Amma ana ci boro folloku nga hantum citabu wo ka go citabudiyo kul se bene. A go mey hantumkoy boboyo. I na ci sii fo, ina ci alkabila fo, ngiyo attabiadiyo mo go fey. Jaman boboyo go fey gi. Wodi si jandi, a go waaju ciimi Yerkoy wane misediyoga alwakati kul; jina a ciinidiyo si ho i si bar abada. Wo fo ci haya go haw bomo, a ci—alhikima!

Wodi banda saakul beyreykoynidiyo go guna haya taawoyo ka go cumdi hayadi ka na Bibil go har. Hayayo ka borodiyo cindii I si jete far, hõ beyreykoynidiyo cerbu yer ka I ci ciimi.*

11

* 1868, dirakoy fo ka madi ci Klein, allemagne boro nono. A guna Moab jenodi ka ni go kati nda Jordanie hȏ. A guna doti tondi ka ga na Moab wane amirdi ka ci Mesha hantum serre 34. Hantumdiyo go ci yer se alwakati ka kuna na a tasi ka hun Isrel wane lamadi cire cini. Omri nda Achab ka yo go Amirdiyo citabu hinkantedi kuna wane madiyo go tondidi ga. A go hantumdi ka Israel wane amir hinka woyo kul din Moab. Haya boboyo kokor ka gunandi ka go hakakundi hayadi ka na bibil go har.


Bibil ci yerkoy citabudi ka kuna na Yerkoy wane alkabar boyrodi go, alkabiladiyo kul se.

Bibil ci yerkoy wane citabudi; ana jandi a fooyo bere a se banda haya se ka si mey adelil. Wodi ci ma? A fooyo har ka adduɲa di go jamma jamna hinka. wodiyo ka ci beyrey koynidiyo ka yo si yadda nda haya kul ka na ngi modiyo na sedeterey nda, nda yerkoy borodiyo ka yo go naaney bila i ma guna. Wodi almaanadi na ci haya fo bara beyreykoyni sooboynte si hin ka naaney Yerkoy. Amma hõ taasikoy bob-oyo na yadda wo. Lalla Bibil na ci ciitabu ka go no fahamey takareydi ga, amma ana bey ka har haya takareydi ka kokor ka kakawndi. Yer koroshi jatir ka bibil wane beyreydi tak-areydi ga go mor beyreykoynidiyo wane fahameydi.

Takareydi nda ngu beyreydi kur si hin ka fahamdi yer hayadi ka se na yer go dow wo ga; a si hin mo ka har yer se hayadi ka go ta damdi bun banda. A si faranfasi huna wane adelildi nda addamaije fo kul wane alkadardi. Yer mey alakal wala yer na, bara yerkoy ma faaba yer jina yer ma hin ka bey ga. Labudda wodi se Blaise Pascal jatir ka ci faransi ciini beyreykoyni nda kabukoy ber fo har: “ Yer wane alakal di wane nafa berdi na ci bara ka fahamdi yer ka haya go do ti ka ngu jaatir si faham”. Bila yerkoy citaabudi, yer si ta du jaabi kul ka go din alakal huna wane adelildi se.

12

Yerkoy Taasi Mise

Moreyda yer ma guna haya hinka ka go kate yer ma naaney ka bibil ci yerkoy ciinidi.

Lawal di ci misodi ka na hayadiyo kur ka na a har tabati. Ahinkantedi ci misodi ka na a bar wodiyo kur ka sooboy ka hanga nga wane waajudi.

Bibil ciini tabatintediyoYer kur go booni yer ma bey yer kokordi. Bibil go

har yer se hayayo ka go ta damdi. I boboyo hantumdi nda tamensayo ka go kate yer ma faham gi. Laala no ba ka hã: “Mise fo na n’o hin ka kowsika nda?”

Hal yer’o ta jaabi hă wo, yer ma dam sanda ni go naaru kuna ganda ka kuna na mana bey ka koy. kartidi ka go ni kamba fo nga ci ni wane fondo cerbukoy. Ni bey ka koroshi ka albasi fo si kartdi ga, n’o hin ka naaney ga ja bine ni gar isadi nda koyradi kara ni kani bi do ti jatir ka na a har mana i go. Hõ n’o hima ka suuba fondodi ka na no ta jow. Farru go ni jine ka ni si bey, amma ni karti go cerbu ni ka nda ni kuubi ni kamba wawodi ga, no ta bisa tuuriyo nda cere game jina ma to bangu ber fo do. Sadi nda n’o ba ma guna bangu wo, maa’na n’o ta dam? Ye hungu ka na n’o ta hanga tamensadiyo ka na ni kartidi go cerbu, n’o du ka kuubi ni kamba waawodi do here. N’o ta naaney ni kartidi ja bine hayadiyo kur ka na a bey ka cerbu ni kur tabati. A har mana hayadiyo ka na n’o ta guna ni fondodi ra ja mana to i do, ana dereyndi ni.

Hayadi ka se hayadiyo ka Bibil har go damdi nda misedi ka na a go har gi nda ngo cerbu ka a ci yerkoy wane ciinidi. Yer’o guna Bibil kuna annabiterey ciiniyo ka yo damdi nda sanda misodi ka na annabidiyo har gi nda a to jiiri jemberyo.

13


Annabiterey ciini wooyo go simba hayadiyo kur, adduɲadi boro siidiyo kur, amma i go no tamensayo israël nda laraw ganda di yo ga. Haya ka bisa ciini jongu go doti ka ci almasihu wane kaa’di ciini. Moreyda ka, ciini wooyo bisa na yer’o guna ka i tabati hayadi kur ka na i har kuna, ka jow ga ja Isa wane hayndi di ga, ka ka a wane hunadi nda nga wane bun di bene. Nda yer tuuji wooyo kul ga yer’o hin ka kowsika ka adduɲadi kokordi go ta ka sanda misodi ka na Bibil go har ga nda; Jiiri ka ka jiiri yer’o seedeterey nda hayayo ka go tabatindi Bibil wane ciinidiyo.

Wilbur-Smith ci alfa ber ka cow bibil ngu hunadi kul kuna. Ka cerbu borodiyo kul se ka Bibil si tangari abada; wodi ci haya ka go hinsa ka ɲalindi a binedi. A kuboyndi Allahidu jeenodi wane hantumdiyo ka yo go ci Almasihu ciini nda hantumkoy fooyo ka yo go hungu ngiyo go mey hantumyo ka ci ciimi. Wo nga ci hayadi ka na Wilbur kokor ka hantum. “assilametarey si hin ka cerbu annabiterey ciini ka go ci Muhammad wane kaadi ga jaman moroyo ra ka gar a na hayndi jina. Addin katekoy fo na bara ka go hin ka cerbu annabiterey ciiniije fo ka go ci ngu kaadi ga. “Haya ka harndi ngu ga ja ngu na ka”.

Amma yer’o bey ka na ciiniyo go do ti ka si to nda hiney tana hal i ma tabati.

Hõ, marsineyo go doti ka wote alwakatidiyo kuna, I go kate alkabar tondikoydiyo ma bangaydi borodi ka hin wane maadi ka gar kaabudi jatir na ben jina. I go mey mise boboyo ka n’i go du nda ciimidi bila kaabudi ma dam. Wodi si jandi sa foyo i go fira.

Amma, taasi ka hã alkabartondikoydiyo, boro merje ngo ta tasi persidan terey ne nda jiiri waranka wala jiiri weygu kuna. Ma hã ga wodi ka go ta hin nda dooti ka a

14

Yerkoy Taasi Mise

koydi hayndi, nda misedi ka na a go huna nda, nda misodi ka a koydi go ta bun. Ma hă ga nda hayadiyo ka go ta damdi larabterey gandiyo ra ne nda jiiri jember fo. Ma hã ga nda koyradiyo ka go ta dere turaban alwakati wodi ra. Ni jatir go ta koroshi sikasi labuda ka hayadiyo ka go mor sendu nda wodiyo ka go man kala fo nda Yerkoy jatindi nga ba ka soynendi borodi se hayadi ka go ta damdi. Wo fo kuna na yer’o hin ka tammaha, alhabartondikoydi ga a ma har hayadi ka go ta damdi. Ndaana, tamensa wooyo sanda wooyo kul ka na yer hă nda alhabar tondikoydi nda Itana bobo fooyo ci hayayo ka go Bibil kuna.

Hayadi ka damdi Tyr ga na ci haya fo bara hayadi ka Yerkoy waadu a ga. Nda ni ci boro sotiyante, ma lawal ka cow hayadi ka go hamtum Ezekiel ciitabudi ra jamna: 26: 3-21 ma du ka fer Encyclopedia Britanica nda citabu tana fooyo. Citabu hinkadi kul kuna haya foodi da na no ta cow. Ijinadi ci hayadi ka Yerkoy har aga. A hinkantedi ci haya di ka damdi a ga.

Annabitereydi: Ja haya fo na du Tyr, Yerkoy tammahandi ga kokor futu. A har a se:

“A ga go…ye ta tusa ni ga ganda boboyo… i go ta halaci Tyr cetediyo, i go ta kamdi a soyne nongudiyo.” Ezekiel go har annabiterey kuna ka dooti jatir ka na koyra ber wo bey ka cindi go ta tuusundi hal a ma henen sanda tondi ka ga na haya fo si. Wodi kur banda, annabidi har “…i go ta warra haridi ra ni fereydiyo, nda ni bundu di nda ni kisowdi”. Amma taamensadiyo na ben, Yerkoy har Tyr jeenodi ga:… “n’o ta ka nongu ka’ra na i go ta yendi taari” (Ezekiel 26:3,4,12,14).

15


Hayadi ka damdi: Wor’o ta guna attarikdiyo kuna ka saadi ka Neboukadnestar halaci Tyr koyra jeenodi, a ba ba cetediyo nda soyne nongudiyo misodi ka na a harndi nda. A gey wodi banda Alexandre le Grand (jul kar nayni) wane beyreykoynidiyo jafa koyradi ka tusu ga ka du ka fur ga sanda tondi ka ga na haya fo si.

Annabiterey ciini fo tana timme saadi ka na i warra nga tondidiyo isadi ra ka hinsa pom ka go koy goungoudi ga “i ta warra haridi ra ni tondidiyo nda ni bundudi nda ni kisowdi”. Hal hano, Tyr Koyra jeno di hassaranté go fici ciri hari di ciné. Yerkoy har wo di ga ta damdi. A damdi mo.

Hȏ koyra ber fo go larab gandadiyo ra ka du ma ber, i go kati ga nda tyr, amma ana ci tyr koyra jeenodi ka ciini na bibil go ci. A kokor ka halaci jiiri1291 alwakati.

Nda wor teɲe kan hal wor hin ka guna Tyr koyra jee-nodi, woro ta guna misodi ka na annabidi wane ciinidi timme. Wor’o ta guna sorko huyo ka yo cendi ka hanga cere koyra kayna fo kuna; wor’o ta guna hiyo ka yo jesi gumoydi ga, nda ho tariyo ka yo go sey sey tondiyo ga ka yo go ngi fo. Mise fo na addamaije go hin ka kabarey koyra ber cinne ka ci almamalante nda yulwante sanda tyr kora jeeno wo cinne?

Peter Stoner kuboyndi annabiterey ciini iyye ka go ci Tyr jeenodi ciini nda hayayo ka tabati nga misedi ra. A kaabu hayadiyo ka go hin ka jandi Ezekiel wane annabit-erey ciinidiyo ma timme; a har:

“Nda gar Ezekiel guna Tyr saadi ka na a go ngu jaaridi ra, ka du ka ci a ga ciiniije iyye wo, addamaije wane bey-reydi ga nga wane teɲe di ci afo (75. 000.000) million wayye cindigu kuna hayadi ka na a har ma timme. N’ga bine i kur timme misodi ka na a harg’i nda.”

16

Yerkoy Taasi Mise

Moreyda yer ma guna annabitaray ciini fo ka go simba ije keyna wane hayndidi.

(Matthieu) Matta, ka ci alkasuhãkoy jeeno fo go no yer ciini taci alhikimanteyo ka yo kur timme saadi ka na Isa hayndi. Annabitaray ciini wodiyo kuna Matta (Matthieu) go fahamdi yer ka annabi Michée jaatir wurrunda ngu wane jamandi kokoy futudiyo. Michée binedi dor ja bine nga jamandira nga gandadi cindi a ci sanda ganda ka si may alwakil. Amma a guna hayadi ka go ta damdi jaman mooroyora a har.

Amma ni Bethléhem ka go ephrata, ni ka go ciina juda wane koyra jemberdiyo nda cere game, ay go ta suuba ni kuna, wodi ka go ta laamu Israël; nga wane linjidiyo go hun jaman mooroyo kuna, alwakatiyo ka si mey gaydo. (Michée 5:2).

A guna ka wodi ka go ta laamu Israël si ta hayndi bara bethléhem ka go ephrata gandadira.

Sanda misodi ka na Michée waaju ga nda, yer’o guna ka Isa na hayndi nazareth, doti ka na nga huborodiyo go goro amma a hayndi bethléhem ka go Ephrata; Rome ko-koy fo wane yamardi nga sababu a ma hayndi bethléhem. Alwakatidi nono ka i go hima ka kabu gandadi borodiyo alkasidi misedi ra; nga huborodiyo bomoy si hanga bara kokoydi wane yamardi. May ngo ta taasi kokoy Bethléhem kuna ka na ci bara koyra ciina judée wane koyradiyo nda cere game? A si mey teɲe fo ka hayndi bethléhem. Amma yer’o guna ka wodi nga damdi sanda misodi ka na Michée har ga nda. Wo na ci bara afo annabitaray ciinidiyora ka go simba Isa wane hunadi.

17


Yer ma cow hayadi ka na Yerkoy har:

Hantumdiyo go har se: ja sintidira ye har wor se hayadi ka go ta ka, hayadi ka na damdi mo ye bangeyndi ga ja alwakati (Esaie 46:10).

Ay bangeyndi hayadiyo ka go ta damdi ja ngi wane alwakatidi na to. A hun ay medi ra ay du ka momdi ga: ay cii, saadi hinne i timme. Ay har gi mana ka bisa ka gar i na damdi far. (Esaie 48:3,5).

Yer koroshi hõ ka ciinidiyo ka go harndi bibil kuna, i kul timme; wala afo na kuma.

Bibil wane gaabidiTaamensa hinkantedi ka kuna na sika fo si ka go cerbu

ka bibil ci Yerkoy ciinidi, na ci bara nga wane hineydi. Bibil wane waajudi yendi addamaijediyo ga boroterey ngi misediyo kul kuna (n’gi kanidi ra; ngi nda ngiyo attanadiyo nda cere game, a no gi addawla).

Alwakatidi ka kuna na yer’o niya ka samba ciitabu wo do ti ka na i go hima ka fattandi ga, yer baakoy tao fo ka ta guna yer. Yer yekate ciitabudi kur ga ka cow ga nda cere. A na ci bine baano amma sadi ka’na a cow jamna hinka kokordi, a moharidiyo dor ganda. Yer key ce hinka ka sinji bomo ka ŋaare yer Koydi ka go hinsa ka ba yer. Yer dam a se albarka haya ka se a go subur, a ci hinnikoy, a go ba yer nda yer takadi kur. Sadi kana yer maata ka yerkoy go yer banda, yer hundediyo ɲaali, ɲaali timmente.

Jaari wodi ka jaari ber yer bakoydi se. Jiri fo ka jina alwakati wodi, a cindi hu boyrofo kuna. Nga nda hudi ka kuna na yer go moreyda si wala ka karndi cere ga. Amma

18

Yerkoy Taasi Mise

saadi, booridi kul ka go wanga ga na ci a do haya fo. A tammaha kur ben nongu ka kuna na a si ye ka booni ngu ma huna. Nga wane alhasiditereydi ra, a dam adabbaterey kul ka nga borotereydi hin ka yadda a se. A hasara alman ber subu futudi kuna. A si haya siidi kul. Hayadiyo ka go yiskandi boro, nda wodiyo ka go tundi lakal, harifutu. Jiriyo nda jiriyo ra, adduɲadi kanje tacidi kur kuna. Nga nda ta-jiryo goro nda cere, I ŋa nda cere; amma ciji wodi, a go ngu fo. a go tenje adduɲa wo ka go wir ka halaci ga, adduɲa wo ka go halaci fondo ra. A guna ka mise fo na cindi.

A jow anniya, a kur go ben; a jow ngu malfadi, a dam ara albadou, a du ka tenjendi ga ngu bomo a du har ngu binedira “alwanakati keyna de a kur go ben” “ay si ta ye ka fara” alwanakati wodi jatir kuna, (ay baakoydi na bey mise kur ka’na a damdi nda) televizondi wane porogaramdi bar. Ma har hayafo go tusa ga a ma keyndi haŋa bibil wane waaju fo se ka go damdi televizondi ra. Waajudi go bang-eyndi ga ka tammaha go bara. Nga fo nda ngu bomo ciji maasu, a gurfu ngu ceediyo ga Yerkoy jine ka du ka tasi a ga a ma hinni ngu ra, a ma hinje ngu se.

Yerkoy hineydi dam a se bar fo ka hayafo si borodi ga ka go ay jine moreyda nda wo ka na ay taamensa wor se nda cere game. A huborodiyo ŋaare Yerkoy nga misedi ra ja a na hayndi. Nga kosowtereydi ra a cow bibil amma ana bey ka din ga nda soboy. Nga wane tajir tereydi ra, a jer n’gu ninedi Yerkoy ga a du ka hanga ngu bomo ibaydi ijefututerey kuna.

Ay baakoydi bey ka dey ciitabu boyro fo ka kur feyndi nda kuuru, a to jiiri weycindi iyye. Hantum fo si ciitabudi ra. A tamaha ka ngo ta hantum a kuna haya sahinteyo ka go ta damdi ngu huna dira. Amma jiiri wey cindi iyye wo kul

19


kuna ka na ka bara dere jiiriyo a na du haya kul ka na ng’o hantum a kuna.

Jiiri wo kul kuna, ay baakoydi ka bere yerkoy se banda cindi sanda alhikima nda tangari hunde dira kuna. A jina ka sinti nda gunandi koydiyo. A hanga turabi kar koydiyo ban-da nda addindiyo ka se ni ga har yoga nda hindoudiyo wane addindi. Amma a na guna woyo kul kuna haya ka go hima ka hantumdi ngu citabudi ra. Nga ciitabudi kaddasudiyo cindi I ci ikoreyyo ngi fo hal handidi kana a kuboy Yerkoy.

Ciji wodi ay baakoydi sinti ka hantum a kuna. Ay ɲaalinda ka cow hayadi ka’na a hantum a kuna. Hantum jeero nono ka ci seede boro se ka yerkoy kallasi. A go hinsa ka boori. Nga hinnidi ra ka si mey gay do, Yerkoy kallasi ga n’ga danamtereydi ra, a kallasi ga lajaba nda bun kuna ciimidi wane annuradi ra nda nga wane badi kuna.

Lajaba wo ka go himanda danamterey wo ka cindi ay baakoy di kuna ma ganda se na Yerkoy bangeyndi ngu bomo citaabu fo kuna ka se na i go har bibil. Nda ni bere banda jinehun fodi se ka ga na naaney go ka ci bibil, n’o ta tabati tangari nda albida kuna. Amma nda ni go taasi yerkoy, ni tenje bibil nda bine heneno, n’o ta gar ka annu-radi nda fondo henonodi ka na n’o wir kul go a kuna.

Yerkoy wane ciinidi fo ngo kate yer ma hin ka bey Yerkoy sanda misodi ka na nga jatir go wir ka bangeyndi ngu bomo. Citabu wo kuna yer nda Yerkoy wane ciimidi nda nga wane ciinidi nda nga wane annuradi go tenje cere.

Ya ay sanedi, ni ciini ci abadante A go hangandi ay fondo Wodi ka naney ga Go du annura nda ɲaali.

Yerkoy Taasi Mise

20


1. Attarik wala hantum hinenoyo go bara ka yo himanda bibil hayadiyo ka yo go ta ka kabarey kuna wala?

2. N’o bey boroyo ka yo hunadiyo bar far bila i ma yadda nda bibil wane alkabardi wala?

3. Hal n’o tasi ka karraji bibil wane cowndi lasaldiyo, ni bey ka jow alwakati ka cow gi nda soboy wala?

Hayadiyo ka go simba benedi nda gandadi ka yer kur go guna ce fo

na ci haya fo Yerkoy wandiyo jine: a ci mey, ma na a go himanda nda haya

ka na yer’o hima ka dam nda ga.

a.W. tozer

23

Yerkoy ci misé fo?

lwakati go doti ka boro kul go hã ngu bomo: “Yerkoy ci misefo?” Yerkoy no yer jabidi amma

wodi si jandi a fooyo suuba ka hanga ngiyo hun-gudiyo nda ngiyo ma cow bibil ka guna hayadi kana Yerkoy jatir go har ngu bomo ga.

Boro wodiyo go ɲankar bibil wane yamar ber fo. Yerkoy har: yer ma taka addamaije sanda yer himarey (Sintidi 1:26), ngi t’o har: “yer ma taka Yerkoy sanda yer himarey.” Yerkoy wane addawladi ka si fumbu a si nooni, i himandi ga nda addamaije ka go fumbu a go nooni (Rom 1:23). Addamaije na taka “koy” kul ka go mey hiney, furniga safooyo gunado kur si i ga.

Mise kul na addamaije wane alakal bownda, wodi si kate a ma bey Yerkoy nda adduɲadi wane fahameydi. Adduɲadi nda ngu beyreydi kur na kate a ma bey Yerkoy (1 Korint 1:21). Nda gar addamaije lakal go beyndi boro yerkoy n’o ta gar koy cina nono. Wodi banda nda addamaije lakal go beydi boro Yerkoy wodiyo ka ci alakal cinadiyo mursu. Amma ana ci miso nono. Furniga, alakaldi ka go kate boro ma bey yerkoy nondi boro kul se, ka jow ga ja borobibi weydi ka go kumma tuuri ganjidi ra hal alfaberdi ka go cowndi lokol tubabu gandadi ra, jabine alakaldi ka go kate boro ma bey Yerkoy na ci haya ka boro go cow ka

A

Jemna3

24

Yerkoy Taasi Mise

du. A to boro kul ka yendi ngu bomo ganda ka taasi yerkoy almuminterey kuna.

Nda war kuna afo fo si mey beyrey, a ma wir ga yerkoy ga ka go no borokul bila teje (Jak 1:5). Beyrey wo na ci adduɲa hu wo beyrey, a si hun bara Yerkoy do. Beyrey nono ka. It is the adduɲa wo kokoyije fo (sanda wooyo ka go laamu adduɲadi nda ngiyo alakaldi) na bey ka du… ana ci adduɲa wane alakal, amma alakaldi ka go hun Yerkoy do hal yer ma faham hayadi kana Yerkoy koddor yer se (1 Korint 2:8,12).

Bibil wane addelildi na ci ka no yer fahamey addin ga. A go fahamdi yer misedi ka Yerkoy bangeyndi ngu bomo addamaijedi yo se. Yerkoy fo ngo hin ka no ni alakal hal ma faham hayadi ka ci ga nda hayadi ka’na a go ba ka dam ni wane hunadi ra.

Haya si ni ga bara ma hã ga, a go ta bangeyndi ngu bomo nga ciini saafintedi ra.

Yer wane naarudiyo ra, yer kuboy boroyo ka yer na tammaha wal’i go jete Yerkoy misediyo nonguyo ra ka yer na goronda. Han fo, yer kuboy ijemeyra boro bibi aljama kenya ganjidi ra. Yer wannasudi ra, yer koroshi ka na i si mey ngi hujun fo bara ka filla ngiyo nananeydi ka du ka tonton ngiyo beyreydi Yerkoy fondodi ra.

Weynadi kam, jaaridi koy. Ay goro tondi fo ga ka go kenya fondo fo jese ga. Haya keyna, ye mom sanda boro ka go dira tuuridiyo nda cere game. Ay bere ay bomodi, ay moddiyo sawanda boro bibi kosow keyna. A dira dira ka ka goro ay jeer. Yer sinti ka wannassu bakoyterey timmente

25

Yerkoy ci misé fo?

kuna. Haya keyna wodi banda, ijemeyra fooyo ka mom yer wannasudi man ka ka goro yer jere ka keyndi yer se haŋa. Ngi beyreydi bibil kuna hinsa ka haw ay bomo.

A fo hã ay “Ma se Yerkoy na ba annabi musa ma guna ngu wane alwujuhudi?”

Wodi ka hã wo ma ci Joël. Ay jaabi ka hã ga wal’a go hungu musa wane ŋaredi ka jina Yerkoy ma har a se, “N’o ta guna ay nda bandahere, amma ay wane alwujuhudi si hin ka gunandi” (Fatta 33:23).

Musa faham ka Yerkoy wane gunadi ci alhikima ber, amma ana ci wodi fo a faham. Amma yerkoy ci koy ka go bangeyndi ngu bomo, nga wane ibaydi ci boro kul ma hin ka to ngu do; wodi se a bangeyndi ngu bomo Musa se nda mise ka kuna na Musa go hin ka muɲe ga. Nda gar yerkoy bisa a se wodi ga sika si labuda, nga wane annura d’o kukur Musa hal a ma ka boosi. Yerkoy tuku Musa ga ngu wane jeerey ber di, wodi na jandi a dam musa tondi fo wane guusudi (Fatta 33:22) kuna jina a bisa.

Ay baakoy wooyo ka jere n’ay go ci boroyo ka go guna woyne sa kul amma i go bey ka na ngiyo si hin ka jer ngiyo modiyo ka tenje woynedi jaari maasu bila jajab. I go bey mo ka na ciji here gay d’o kaati firrifirridiyo. Sadi kana ay hã gi wala ma ngo du firrifirridiyo nd’i hinsa ka man gaydi, i kur mara ka har “i go bun” i kur go faham hayadi ka go gay ber kuna.

Ay taasi haya tana ka go ta fahamdi koyne. I kur go bey bambatafe. Ay ci I se bambataafedi ciini (Yuba 38:9) ka Yerkoy gum adduɲadi ga.

Beyrey koynidiyo go har a se “couche d’ozone”; nga ngo kor yer se woynedi wane annura berdi. Haya fo si hin ka huna dow wo ga bila woyne. Amma Yerkoy dam mise

26

Yerkoy Taasi Mise

ka kuna “bambabataafe” ka se na beyreykoynidiyo go har “couche d’ozone” ma ci sanda jajab yer nda woynedi nda cere game

Bambataafe wo ciinidi hinsa ka kan ay baakoydiyo se. Ay si bey wal’i faham hayadiyo kul ka na ay har I se amma ay maate ka ngi binediyo hinsa ka ɲaali nda hayadiyo kur ka ciini na yer ci. Wannasudi banda, yer ŋaare Yerkoy. I faham ka Yerkoy go kallasi gi misodi ka na a kallasi nda Musa sadi ka na a go wir ga.

A hinsa ka kane ay cèrè meyra di yo sé saadi ka ay cerbou gi misé di ka Yerkoy kalassi adunya di nda weyna di wana taou albassi di. Ay si bey wala I faham haya di kur ka ay har isé amma ijé meyra di yo biné diyo hinsa ka nali hali yer sabu Yerkoy nda cèrè, yer djingar yer yabudu. A henen yer sé ka I faham ka misé di ka Mousa du Yerkoy kallasi di na ngi jati go du Yerkoy kalassi di mo. Nda yero ba ka faham hay di ka hima Yerkoy a tilasu yer ma faham bibile ciimi tabatinté di ka har yer sé: “Sane ber di ka ci Yerkoy ci AFO” (Deuteronome 6:4). Yerkoy fo terey di ci arrassassu cimi.

Yerkoy bangeyndi yer se ngu maadiyo, hal yer ma bey ga soboy kuna.

Madiyo go mey alkadar ber bibil kuna, ja bine saaf-ooyo maadi wane almaanadi go cerbu a koydi wane attabi-yadi. Yerkoy wane ma kul go may almaana. A go cerbu yer se haya filan wala mise filan Yerkoy ga.

Allahidu jeenodi ra yer’o guna ma hinja ka ci Yerkoy maayo. Elohim, Jehova nda Adonaï. Ngi kuna a fo kul go may almaana ka nga nda fo na ci afo. Lawaldi ci Elohim, yer’o guna ga bibil kuna haya ka bisa ce jember hinka.

27

Yerkoy ci misé fo?

Sikasi labudda, Yerkoy go ba yer ma bey ngu maa di ka ci “Elohim” wane almaanadi nda nga wane alkadardi. Wodi ci ma?

Koyra ciini kuna nda yer’o ba ka ci aljama ciini, yer’o har “war”. N’da boro fo nono yer’o har ni. Amma alyahudu ciinidi go no faham ka bisa koyra ciini ja bine a mey arfu ka go fey-fey boro hinka nda haya hinka nda cere game (wala haya ka bisa a hinka nda cere game) ka fey fey ihinka nda i bobo nda cere game go mey alkadar ber. Ma lawaldi ka na I go kati nda Yerkoy bibil kuna ci Elohim. Alyahudu cinidi kuna Elohim ci Yerkoy ka ci taka koydi. Ana ci afo, a na ci ahinka; amma a ci ibobo.

“Sintidi kuna Yerkoy taka benediyo nda gandadi” (Sintidi 1:1). Ja bibil wane alhisib lawaldi kuna ka go ban-geyndi Yerkoy addamaijediyo se, yer’o guna ka Yerkoy ci i hinja a fo kuna nda a fo i hinja kuna. I hinja fo wo se na i go har “trinité”.

Moreyda yer’o guna misodi ka na addamaije takandi. Alhisib wodiyo go tabatindi ka Yerkoy ci afo amma a go bangeyndi ngu bomo ihinja kuna. “Yerkoy har:Yer ma taka addamije sanda yer cille, sanda yer himarey” (Sintidi 1:26).* Boro fo si hin ka kakow ka “ yer” nda “yer wané” na ci ibobo amma alhisibdi ka go hanga go har yer se: a taka gi, “har nda woy” (Sintidi 1:27). Ne mo a tabati ka “A” ci afo. Alhisib wooyo go ci boro “fo” ciini nda boro “boboyo” ciini, amma sakul i si ci yer se bara Koy foodi ka ci Elohim ciini.

* A go mey alkadar yer ma faham ana ci turidiyo, ana ci addabadiyo, takarey fo si to hardi nda woydi takareydi. Haya ka se hardi nda woydi takandi nda Yerkoy himarey. Wodi se I cinne si bara de I go Yerkoy takareydiyo kul se bene. Nda wor faham, wor’o ta bey wodi ka ci citabu wo cowdi kuna.

28

Yerkoy Taasi Mise

A si kuboy addamaije wane alakaldi ma faham koy wo cinne. Wodi nga ci addelildi ka se na Yerkoy no “hunde henonodi” “ka go hun Yerkoy do hal yer ma bey hayadi ka yerkoy koddor yer se” (1 Korint 2:12). Tamensa woyo banda, yerkoy go bangeyndi yer se ngu ci afo ihinja kuna alhikima ber nda dawla abadante kuna haya keyna. Ma fa-ham ka Yerkoy ci afo ihinja kuna, go kate ma faham a wane ba berdi ka na n’o ta cow jemna iyyedi kuna.

Yerkoy go bangeyndi ngu bomo bibil kuna ikeyna keyna hal ma hin ka faham nga ba berdi. ne na yer’o faham ka yerkoy ci koydi ka ci baba, nda koydi ka ci ije nda koydi ka ci hunde henono. wodi si jandi a bangeyndi ngu bomo sanda koy folloku. Haya si yer ga bara yer ma tasi ka faham wo. Nga ga suuba ka jumbu hal addamaijediyo do ka beyndi ngu bomo. Haya ka se addamaije si hin ka bey Yerkoy nda ngu bomo.

Yerkoy wane jeereydi nda nga henendi nda nga an-nuradi ci hayayo ka yo go hima ka tukundi musa modiyo ga amma koydi ka ci ije kuna, Elohim ka ci koy fodi ka go bara go bangeyndi ngu bomo kuna hayadi ka na a go hin ka bangeyndi bila nga wane addawla abadantedi ma kukur addamaijedi yo.

Misodi da kuna, yer’o cow allahidu taodi kuna:

Ja ma se yerkoy ka har: gaydi go ta din kuboydiyo nda cere game! A narey yer binediyo ra ka nareyndi Yerkoy jeereydi ka go beyndi almasihu wane alhujuhudi ga (2 Korint 4:6).

Wo hungu; saadi ka yahia guna Isa almasihu wane alhujuhudi a har: Yer guna a wane jeereydi, sanda ije fodi ka hun babadi do wane jeereydi (Yahiya 1:14).

29

Yerkoy ci misé fo?

Jiiri boyo banda, Yahia filla miso di ka na ngu nda Isa Almasihu kuboy. A huna hal ngu ma hin ka filla ga. A har ka na sadi ka na ngu nda Almasihu kuboy, ngu guna ga, ngu mom a jinde, ngu tar ga.

Hayadi ka bey ka bara ja sintidira, hayadi ka na yer mom, hayadi ka na yer moodiyo guna…nda hayadi ka na yer kambadiyo tar (1 Yahiya 1:1).

Ana, Hayadi ka na Yahia go har yer se na ci addin bey-rey ciini kon, amma seedeterey tabatinte.

N’o ta har “ma nga mara ay nda wo kul?” Yahia n’o wo jaabidi. Wo, yer’o hantum ga hal wor ɲaalidi ma timme (1 Yahiya 1:4). Citabu wo mo go ni kamba hõ haya ka se ni bakoydiyo kuna a fo go ba ma du ɲaali timmente Yerkoy beydi kuna.

Yahiya go faranfasiya:

Hayadi ka yer guna nda hayadi ka yer mom, yer go kabarey worn da, har wor ma du yer banda mara kasiney. Amma yer marakasinedi go babadi banda nda nga wane ijedi ka ci Isa Almasihu. Yer go hantum wor se wo haya wo yo hal wor ɲalidi ma time. (1 Yahiya 1:3,4)

Misodi ka na gaydi go cendu boro ciji maasu, misodi na Yerkoy mo go kaati boro kul ngu do here. Ni mo, hõ, nda n’o ba ma bey yerkoy, no hin ka ŋaare Yerkoy sanda musa: “Cerbu yene ni wane jeereydi.”

30

Yerkoy Taasi Mise


1. Ni Yerkoy tasidi kuna, ni hungu ni lakaldi kuna ma cow bibil wal?

2. N’o ta wir Yerkoy ga a ma bangeyndi ni ngu bomo sa ka n’o cow bibil wala?

ђare wo na ye wasi ni ga: “Ya Yerkoy, ni ci Koydi ka taka adduɲa, ka go ton nda ba, bangeyndi ni bomo ay se ma du ka cerbu ka Isa Almasihu ci wane ijedi ka n’o hinsa ka ba, almasihudi ka ni tammahandi!”

3. Ni yadda nda ka nda n’o hima sujudu Yerkoy se, a ci alwajib a ma ci iber mise ka kuna ni wane hineydi si hin ka kate ma du ga nda addamije wane alakaldi wala?

Ye hungu ka na ye hinsa ka bey addamaije attabiya. De ay kow

sika ka lawal boro berdiyo kur ci addamaijeyo.

Ay jatir ci addamaije. Amma boro fo na ci a cille.

Isa Almasihu bisa addamaije

naPoleon

33

Ma ngo fey-fey addamaijédiyo?

er wane adduɲad’o himanda koyra ber fo dowdi ga. Amma koyra nono ka go mey hamburey ja bine

wodiyo ka go taaleme a kuna si ba cereNda yer koroshi, a ci sanda alkatawdiyo ka go simba

borodiyo na ci bara politiki alkatawyo, nda almane alka-tawyo wala goy alkatawyo. Ciimi nono ka woyo kul go hin ka sababu albasiyo amma haya go do ti ka jaase wooyo kul.

Yer ma guna hayadiyo ka go sababu fey-fey borodiyo nda cere game hal yer’o ta to i jaasentedi do ka si hinsa ka gunandi.

Fey Fey TamensadiyoPolitiki mise: Politiki borodiyo yenjediyo ci cere ham-burey yenjeyo. I go tammaha ka ngiyo wangudiyo wane gaabidi go ta no ngiyo alafia jaman maanoyo ra. Hamburey nda hujun kuna, gandadi ijediyo go tangam mise ka kuna na gandadiyo go ta fur yenje jiney hinsa nda nga deydi.

Yerkoy mise kuna wodiyo kur ka guna alafia mara wooyo télévisizondiyo ra seedeterey ka haya kul ka go kate addamaijediyo ma kar cere kul timme maradi ra.

Jemna4

Y

34

Yerkoy Taasi Mise

Alman mise: Koogoy, nda herey nda dow jijirdiyo ci alkatawyo ka go hinsa ka torro ganda talkantediyo (tiers- monde). Alkataw wooyo ci binehemey ber ganda wooyo se ka kuna na talkatarey ber go ka gar gandadiyo ka go mey almane gey ka koy ka nan gi. Misedikul ka i boboyo no anniya ka faaba, nda misodi ka na iboboyo go dam ngiyo hineydi kur ka faaba, nimsey ber kuna, sa boboyo yer’o koroshi ka taajirdiyo almane d’o tonton ka gar talkadiyo wane talkareydi go tonton kuna.

Hu misediyo: Hudiyo mo go fey fey kuna. Letsoale wane modiyo ton hari saadi ka na a har yene “ay huudi ba” ay hungu ka na a ba ka har yene ka ngu bugudi kam. Ana ci wodi nono. A go niya ka har yene sirri kuna ka ngu hukoydi koy ka nan ngu. Hõ hu boboyo “ba” Alhawa ciimi ciimidi ka go hin ka no hu se gaabi nda aloomur si mey ibere kul ka go to alfasiciterey, amma yer’o ta ci a ciini jine here:Yerkoy wane ba di ci haya ka go yahadar wodiyo kul se ka go ba ngiyo huudi ma du gaabi, a ma tabati sa kul.

Goy mise: Hȏ yer doney bine hemeydiyo, yenjediyo nda faradi ka go goy nongudiyo ra. jiiri jember hinkantedi wane yenjedi ka go simba goy mise na ben bara 1985 wane sin-tidira Grande Bretagne. Misodi kur ka na Greevudiyo nda lolodiyo kuna kaati ka wurrudiyo ben, borodiyo kamba cere se doorey. Wodi hasara goykasineytereydi ka go goy koydiyo nda amirdiyo nda cere game- wodi ci haya ka go fey-fey nda haya di ka na yer koroshi guru faanikoydiyo batudi kuna. Galles gandadi wane guru faanikoydiyo mo bey ka tun miso cinne amma ngi wandi nda wo na ci afo. John Parry filla yene hayadi ka na ngu guna.

35

John jow ngu wane anteretidi saadi ka na ay nda ga bey cere. A go mey jiiri wey yagga cindi fo (91). A si guna, a go du ka hem nda wirci fo ka se ni go har “guru faanikoy-diyo wane wircidi; a si din bara boorodi wane kumbudiyo. Ay nda ay hukoydi koy guna ga ce fo kur ka na yer du yer bomo. Alwakati boboyo john go filla yer se gogorey nda daame ber kuna, misodi ka na Yerkoy bangeyndi ngu bomo galles gandadi ra 1904 ka koy 1905. Alwakati wodi kuna na guuru fanikoydiyo nda ngiyo wane amirdiyo kul bey Yerkoy. Ja wodi ra i ka harme cere se. Naaney nda beerey hirow ngi nda cere game. Wo ngo fey 1905 nda hȏ.

John go ci alwakati wo ciini nda ɲali ber ka si may gay do. A har yer se ka harifutu nere nongu bobodiyo kur ka go do ti daabu jabine boro kul na ye ka wir ngu ma ɲin harifutu. A go hungu alwakatidiyo ka ra na nga nda ngu cerediyo go saabu yerkoy ka jumbu deydiyo ra. A gogor, a du ka har “ Sa kur borodiyo go ka ay do ka hã ay nda do ti ka na Yerkoy taasi wo bangey “A karkar ngu guinde ka du har “ Ne na a damdi, ne, morey da”.

Fey-fey lasaldiLabudda hayadiyo ka yo go fey-fey yer ci haya send-

oyo amma haya jeeno alhikimante go do ti ka go fey-fey addamaijediyo. A kokor di ci addamaijediyo ci sanda kas-saijeyo, ngi wane Yerkoy bey jaŋeydi ma ganda se.

Yerkoy bangeyndi ngu bomo addamaijediyo se amma a na bey ka haw yer bomo ngu wane koytereydi ga. ja Isa Almasihu na hayndi, Yerkoy har ngo ta samba annura ber ka go ta faaba wodiyo ka si bey ga. Alkabiladi ka go dira kuboydiyora guna annura ber (Isaie 9:2). Yerkoy faranfasi misedi ka na annura wo go ta bangeyndi nda ciiniije kayna


36

Yerkoy Taasi Mise

wo kuna: Haya ka se ije keyna hayndi yer se, ijehar nondi yer se (Isaie 9:6).

Ciini wo si ta ka alhikima nda gar Yerkoy har ije key-nadi go ta hayndi de a kay. Ijekaynayo go hayndi jaari kur. Adelilfo se na I go ta cii yer se ijekayna wane hayndi ciini nda nga nda ijehar ka na Yerkoy tammahandi yer se wane noodi si koy cere do. Annabitereydi time ne haya ka se hayadi ka na Yerkoy har damdi. Yerkoy no ngu wane ijedi Isa Almasihu. Nga bomoy huna dow wo ga. Ijekaynadi ka hayndi nda ijehardi ka nondi sababu kuna, Yerkoy samba annuradi wodiyo se ka go dira kyboydiyo ra. Hal hõ, annura wodi ngo kottu kuboydiyo nda sika sikadiyo ka yo go jandi yer ma guna yerkoy.

Yerkoy ba ka cerbu hayadi ka go ngu ijedi hayndidi nda ije tanadiyo hayndidi nda cere game. Yerkoy har ka na “tamensa” alhikimante ngo ta hanga ngu wane ijedi hayn-didi: A go hondiyawdi ci boro hinka, a go ta hay ijehar, a go ta dam a maa nda emmanuel (Isaie 7:14) wodi wane almaana di ci Yerkoy go yer game. Wo go kate yer ma guna hayadi ka go fey-fey alkabar boyrodi nda hayadiyo ka addin tanadiyo go cowndi. Addin si cerbu bara misodi ka na boro go fara hal no ta to Yerkoy do; amma bibil go cerbu yer misodi ka na Yerkoy jatir go jumbu hal addamaijediyo do ka kallasi gi.

Ja do ti ka na Yerkoy fur ngu mo adduɲadi ga, hondi-yaw fo ka boro hinka. Jaaridi ka adduɲadi taka koydi yendi ngu bomo ganda hal ngu ma ci yer cinne ci haya ka bisa moreyda: “Yerkoy wane almaleyka fo fatta a se handir kuna. A har a se: Youssouf, daouda ije, ma si hambur ka jow mariama, ni hukoydi, jabine gungu di ka na a jow na ci bara hunde henonodi wane ibay” (Matta 1:20) wodi banda,

37


sadi ka na Isa ber, a har jinde gaabo fooyo jiné: “Ay nda babadi, yer ci a fo” (Yahiya 10:30).

Jim Irwin ka ci Apollo XV (15) wane beyreykoyni fo har: “Hayadi ka kate Yerkoy i ma fur ngu ceediyo dow wo ga go mey alkadar ka go bisa hayadi ka kate addamaije ma dira handudi ga.” Labudda addamaijediyo na dam poy kur benedi ra ka go to alhikimadi ka kate Yerkoy ma fur ngu wane alkursi abadantedi ka ka ta huna a ci Isa Almasihu borodiyo nda cere game.

Haya banda ka na a momdi yer ka “Ijekayna hayndi yer se, ijehar nondi yer se, bibil go tonton ka har: I go ta kaati ga nda boonihaya waajukoy, Koydi ka ci hiney kur Koydi, baba abadante, alafia kokoy amirije. A go ta noo gaabi kokoytereydi se, a go ta du ka noo alafia ka si taben” (Isaie 9:6,7). Gaabidi nda anniya di ka yer’o guna hantum wooyora go cerbu yer boro siidi ka go ta laamu adduɲadi. Jaman wooyora, yer si wir bara kokoyyo ka yo go bey ashara, I go du ka mey hiney ka tabatindi ga. A fooyo go bey hayadi ka na ngiyo go hima ka dam amma yer’o guna ka kokoy kul na mey alakal nda gaabidi ka go hin ka tabat-indi alafia timmente.

Alakaldi nda gaabidi ka go hin ka noo alafia timmente si bara alafia kokoy ijedi kamba. jaari go ta ka, ka Isa go ta yekate ka laamu adduɲadi. Handindi yenje jiney hinsa non-gudiyo kul go ta daabu; bombudiyo bomoy si ta mey nafa fo. Goshi hawjey koydiyo mo go ta ye ngiyo hu!

Addamaijediyo cerbu ka ngiyo si hin ka laamu ngiyo wane attanadiyo. Alafiadi nda asharadi ka na wor’o tonda si ta bangey bara han ka alafia kokoy ijedi jatir nga ka ta laamu ngu wane kokoytreydi ga. Saadi wodiyo ka go mey tacuba nda yaajiyo go ko kar gi ka dam gi nda faari guruyo

38

Yerkoy Taasi Mise

nda garja yo ganda fo si jer ngu cere ga tacuba. Yer si ye ka jente tangam (Isaie 2:4). Haya ka se alwakati wodi ra sandi wane jeereydi go ta beyndi adduɲa di kur kuna, misodi ka na isadiyo go ton nda hari (Habakuk 2:14). Addamaijediyo wane goy jeenodiyo kuna afo si ta kan Yerkoy se ka to wo.

Amma ja jaari wodi na ka, feyfey ber go ta bangey borodiyo nda cere game. Boro kul go ta cerbu ngu wane alhalidi ra misodi ka na ngo ba Isa Almasihu.

Wodi se, ka bey wodi ka ci ga, ma se na a ka, nda hayadi ka na a ka ta dam ni maaganda se saadi ka na a cindi adduɲadi kuna, go mey mana alfeyda ber.

Sinti citabu nda yahia wane citabu kul wane sintidiyo ci afo. Yer’o cow sinti citabudi kuna: Sintidi ra yerkoy taka benedi nda gandadi (Sintidi 1:1). Yer’o cow Yahia cit-abudi ra: Ciinidi cindi a go bara sintidi ra… ciini cindi a ci yerkoy… nga ga taka haya kul (Yahiya 1:1,3). Yerkoy ka ci Elohim sinti citabudi kuna da nga ci “ciinidi” Yahia linjildi kuna. Elohim, ciinidi, a dabu nda assobon, a du ka dira ngu takareydi game. Miso na Yerkoy bangeydi ngu badi adda-maijédiyo se. Yer ma cow ciini ber wo Yerkoy ciinidi kuna:

Ciinidi cindi a go bara sintidi ra de ciinidi cindi a ci Yerkoy. Nga ga taka hayakul de haya mo na takandi ka a na ci nga ga taka ga… a cindi adduɲadi ra, nga ga taka adduɲadi amma adduɲadi na bey ga. A ka ngu sakikadiyo do amma nga sakikadiyo na kuboy ga; Amma a no wodiyo kur ka kuboy ga se hiney I ma ci Yerkoy ijeyo. …ciinidi ka boro de a goro yer game annema nda ciimi kuna, yer du ka

39


guna a wane jeereydi, a ci sanda ije follokudi ka hun babadi do wane jeereydi. (Yahiya 1:1-3, 10-12,14).

Sanda musa cinne talibdi ka se ni go har Filip wir ngu ma bey mise ka ci Yerkoy.

Filip ђare Sandi soboy kuna kar har a se: Sandi, cerbu yer se babadi (Yahiya 14:8). Amma Isa jaabi ga a har: Wodi ka guna ay, a koydi guna babadi (Yahiya 14:9). Ciini wo go himandi Isa nda safi wala tangarikom kala fo nd’a ci Yerkoy jatir. Boro fo si hin ka har a ci safi wala hollokom. Nda Isa na ci Yerkoy, saadi nga cinne tangarikom na bara. Sadi yer’o him aka yedda ka sa ka na Yer’o guna Isa, Yerkoy na yer’o guna.

Ciini woyo ga “Isa ci may” a fooyo sinti ka hun abanda. Ana ci bomohawey mo ka sadi ka a har Yahiya wane linjildi kuna: Ay nda babadi, yer ci afo (Yahiya 10:30), afooyo du jabi ngiyo wane Yerkoy tasidi se ka gar wodiyo ka se a si kuboy Yerkoy ma yendi ngu bomo ganda miso cille na kuboy ga kuboy boyro. Isa go mandi afooyo, a susumdi afooyo. Afooyo go doti ka go wir ka hanga ga ka gar afood-iyo si taasi bara ka kow a hunde.

Nga hunadi kul kuna, Isa fey fey borodiyo. Isa har:

Wodi ka si ay banda ci ay wane ibere (Matta 12:30).

Amma anduɲa wora haya fo si cindi.

Yer ma jassasu boro fo ka hunadi bar far wane hunadi. A cindi a ci Isa wane ibere, a kokor k aka a wane talib. Bulos ci alyahududiyo wane alpha ber ka hunadi go cowndi yer haya boboyo. Nga ciinatereydira, a cindi a go konno Isa wane talibdiyo hal ana ci ikayna. A jukundi gi gumo-gumo;

40

Yerkoy Taasi Mise

A yadda jatir i ma kow i hunde. Amma ja a tuubi, ana feynda ka saabu Isa sanda ngu sandi nda ngu koydi. A guna torro siidi kul haya ka se na a suuba ka hanga Isa. Ma nga kate a bar?

Nga bine Damas fondodi ra Bulos guna gay ber. Gaydi din a moodiyo ka danandi ga alwakati keyna. A maata ka ngu go Yerkoy jine.

Grek ciinidi ra, a har: Ni ci mey ya ay sandi? Yerkoy jaabi ga a har a se: Ay ci Isa ka n’o tangam (Goydiyo 9:5). Jaari wodi Bulos Faham ka Yerkoy nda Isa ci afo.

Ciini woyo kate Bulos ka cindi a ci Isa wane ibere ma bar a ma ka diya. Ja han wodi na a no ngu hunadi Isa alma-sihu se. Wodi banda. Misodi kur ka na a fara’nda. A na goro a na toko, a koynda alkabar boyrodi adduɲa kanje taaci di kul kuna. Isa tabati nga hunadi ra nongu ka kuna Bulos cinne na bara alkabartondi koydiyo ra adduɲadi kul kuna. Nga wane letterdiyo ci tamensayo ka Isa nga taka haya kul ngu jatir se (Kolos 1:16).

Saadi ne yer’o guna ka Isa na ci annabi kon sanda misodi ka na almisilmitaray go cowndi ga nda. A na ci yerkoy, wane ije fo misodi ka na mormondiyo nda té-moins de žehovahdiyo nda itana fooyo go har ga nda; Hal ngi nda borodiyo kul ma wafaku, afooyo go doti ka go kow Yerkoy wane ciinidi hew ka dam ga nda yaada. I si har wodi se bara “syncrétisme” ka dictionnaire do farafasi nda miso: ka kuboyndi addin boboyo ka haya fo si kuboyndi.

A ci sanda hindudiyo, I go yadda nda “Isa” amma i tonton ga ngiyo wane koy mayra-mayra bobodiyo ga ka yo na ci haya fo bara tor yo. Yer ma si dina ka Elisée wane koydi Yerkoy abadantedi nda tor na ci a fo. Nda ni mara gi, a sey sey gii. Misodi na toor wala bundu kur ka addamaije

41


kamba nga hinsan go hima ka kukurndi isa almasihu jine. A ci Yerkoy ka ci Ije, nga nda Babadi ci afo hal abada ngi nda Hunde henenodi.

Nda yer ben ka faham ka Isa ci Yerkoy, haya fo si jandi yer ma naaney nga wane hayndi alhikimantedi, nga wane alhikima bobodiyo, nga wane bundi nda nga wane tundi, misodi ka na a jernda ka koy bene, nda saa ka na a go ta ka hiney nda addawla kuna. Isa Almasihu go takarey kur se bene haya ka se a ci Yerkoy, wodi ka taka adduɲadi nda nga asharadiyo.

Adduɲadi jamma hu hinka nda cere, Isa Almasihu ad-delil. Ana ci talkadiyo nda taajirdiyo wala kuɲé nda wande ka fey wala gandayo ka yo hungudiyo na ci a fo. Fey-feydi ka bangey saadi ka Yerkoy hirow adduɲadi ra go bisa haya kul ka go hin ka fey addamaijediyo.

Haya fo na tonton ciini wo ga, haya ka se Isa Almasihu jatir har:

Nda gar yerkoy ci war baba, war’o ta ba ay ja bine nga do na ay hun ka ka, ay na ka nda ay bomo amma nga ga samba ay. Ma se na wor si faham ay ciinidi? Wor si hin ka faham ay ciinidiyo, haya ka se iblis nga ci wor baba, wodise na wor’o ba ka dam nga wane ibaydi. Ja sintidi ra a ci hundekowkoy, a si tabati ciimi kuna jabine ciimi si garndi a do abada. Sa ka na a go tangari, a si ci nda bara ngu bomo ciini, haya ka se a ci tangarikom jina a ci tangari baba (Yahiya 8:42-44).

Wor bomo go ta haw nd’i har wor se ka, misodi ka na Yerkoy hanga koyyo go doti ka yo babadi ci Yerkoy, misodi na boroyo go doti ka yo babadi ci Iblis? Yerkoy huboro

42

Yerkoy Taasi Mise

wala iblis huboro- Ne na yer kuna afofo kul go hima ka suuba.

Wor wane anniyadi Yerkoy misedi ra si mey alfeyda fo ne. Saa yo go doti ka yer si mey ciimi ka gar yer wane anniyadiyo ci anniya gumoyo. Ka har ka na hayadi ka na addamaije go naaney si may alfeyda ja doti ka na a ci boro sooboynte na ci haya fo bara tangari. Wor’o hin ka gon posoni ka gar wor wane alakaldi kuna safari nono: jina wor’o ta bun!

Addamijiediyo go jamma hu hinka nda cere game. Yer kuna a fofo kur ci hu hinka wooyo kuna a fo ije. Yerkoy wane huudi wala iblis wane huudi. Ka bey huudi ka ije ci ni go mey alfeyda ber. Haya lawaldi ka na n’o hima ka dam nda n’o ba ma ka Yerkoy huu-ije na ci bara ma bey Yerkoy, nda hayadi ka na a dam saadi ka na a no ngu wane ijedi Isa Almasihu.

Maadi ka ci “Isa” wane almaanadi ci “abadakoydi ci kallasi”. Saadi Almalaykadi har Yusufi se, …de n’o ta dam a ma nda Isa: nga ngo ta kallasi ngu wane alkabiladi nga wane junubudiyo ra (Matta 1:21).

43



1. Nda ni ci boro soboynte, ni wane hungu Yerkoy ga go may alfeyda wala?

2. Ma nga ci addelil berdi ka go fey fey borodiyo? Politiki, alman, hu mise wala goy mise? Wala mo hunde nda dumi?

3. Hu hinka woyo ka ciini na Sandi ci, a fo na n’o suuba?

Ka bisa ifutu bey, lalla ka bisa haya tana fo, Yerkoy beydi ka go kallasi ngo may alfayda.

Dr. arnolD (rugby lokol hu fo Wane jineboro)

45

Albasidi linjidi ci ma?

oro boboyo tammaha jaman wo sintidi ra ka adduɲa wo go ta mey kokor gumo. I tammaha

duure nda gomni adduɲadi kur se, wala non-gudiyo ka kuna na wirci nda herey nda koogoy ci hayayo ka go hujundi yer. Amma jiiri jember fo nda jongu yagga nda jiiri wey cindi taci (1914), wangu berdi tun annasara gandadiyo kul kuna.

Beyreydi tonton hõ, wodi si jandi boro fo si tammaha kokor boyro. Ka jaase yer binediyo kankam gumo gumo ja mase yenjejiney futu wooyo ka go hin ka halaci adduɲadi si feynda ka tonton. Gunakoydiyo kur wafakunda ka adduɲadi to ngu gaydi do haya ka se, hayadiyo kul ka go hin ka kate a ma halaci kur go timme addamaijediyo kamba hõ. Yer guna hayadi ka ci yer jamandi borodiyo wane hu-jundiyo. Yer wane borotereydi jatir nga go mise siito kuna. Ma nga na tenje?

Hal ngiyo ma hin ka du jaabi, adduɲadi boro berdiyo go mara ka no cere alakal. I go mara nda kakow cere kuna, ka gar adduɲadi ta go tingi-tanga kuna, farrati nda farratiyo nda cere game. Adduɲadi jow fondo ka se addamaijediyo si

Jemna5

B

45

46

Yerkoy Taasi Mise

mey dabari kur. Beyreydiyo nda njorfudiyo nda gaabidi kul ka go adduɲadi kuna si ta hin ka keyndi ga. Kokoyyo nda politiki boroyo, alwaliyo nda almankoyyo nda lotokoryo, i kur kate ngiyo wane beyreydi.

Amma, I kuna wala afo na har hayadi ka ci addamai-jediyo wane albasidi sanda misodi ka na Yerkoy jatir go guna ga nda. Boro kul ka go bey bibil kuna wala nd’a ci ikeyna, a koydi go ta hin ka faaba beyrey koyni woyo- Yerkoy go ceybu yer yer wane albasidi. Nda albasidi na beyndi, mise sita dundi- ne na yer’o guna hayadi ka fey-fey wodiyo ka go taasi Yerkoy nda sooboy nda wodiyo ka si wir bara addin kon.

Yerkoy har: Yer ma hinsa addamaije sanda yer hi-marey (Sintidi 1:26). Laala n’o ta hã ni bomo: “Mise fo na addamaije takandi nda sanda Yerkoy himarey?” A na ci ga himarey jabine sandi ka ci Isa har: Yerkoy ci hunde (Yahiya 4:24). Yerkoy si mey kamba, a si mey ce, a si mey mo. Yerkoy gorododi ci annura ka boro fo si hin ka to, ka boro fo na bey ka guna, a si ta guna ga mo (1 Timote 6:16). Addamaije ka si gunandi si bara. Saadi, haya go addamaije ra ka go mey alkadar ka bisa nga ga-kurudi. Boro ciimi ciimidi go cindi ka huna bun banda. “ Boro” wodi nga takandi Yerkoy himarey kuna.

Bibil go bangeyndi ka Yerkoy go mey alakal, nda hunguyo, nda ibay. Miso kuna na addamaije takandi sanda Yerkoy himarey. Amma haya ka se Yerkoy ci Yerkoy, nga wane alakaldi nda nga hungudiyo nda nga wane ibaydi ci haya ka si mey gay do. Wo di ci nga takadi. Amma ad-damaije kur go mey gay do. Wala Einstein ka ci beyrey Koyni ber Wane Lakaldi go mey gay do. Boro fo si bara ka go bey haya kul, boro fo si bara ka wane ba di si mey gay

47

do. Addamaije lakaldi mo na bisa haya kul adduɲadi ra. A si mey hiney kur ngu kokordi ga.

Addamaije wane alhalidi go mey boroterey ka go kate a ma bey Yerkoy, a ma du ka taasi ga. Wodi ma ganda se Bibil go har yer se ka addamaije ci lakal, nda hunde, kuri nda mote (1 Tesalonik 5:23).

Addamaije wane alakaldi go kate a ma bey Yerkoy. Addamaije wane hundedi nda hayadiyo ka go wanga ga go faham cere. Haya si sabab wodi bara nga wane ga kuurudi. Nda lakaldi ci lawal, hundedi go hanga ga, wodi banda gaadi, albasi fo si bara!

Amma haya fo damdi. Hayadiyo bar addamaije boboyo modiyo cire. Ngi ta do gaadi ci lawal, hunded’o hanga jina alakaldi ma Ka. Hõ, ŋa nda ɲin hujundiyo, meyreydiyo nda almushaka boboyo nga go boroboboyo hungudiyo nda ngi anniyadiyo nda ngi wane boonihayodiyo kul kuna, ka gar ngi hundedi go jirbi nda huna jaŋey kuna. ka gar ka na Yerkoy wane anniyadi yer borotereydi na ci bara yer ma du a do huna amma yer nda g’o mor cere.

Boro ka se Yerkoy si bara, a koydi di ci bukow. Amma boro ka yadda nda Yerkoy, naaney timmente kuna, wodi koydi nga ci hunante ciimi ciimi.

Amma Yerkoy ka ci ikarinte hinni kuna, a wane bobo ma ganda se ka n’a ba yer nda, sadi ka yer ci bukowyo junubu kuna, a tundi yer Almasihu banda (nda nga wane annima di n wor kallasi) (Efes 2:4,5).

Albasi kur ka go adduɲadi ra na hun bara addamai-jediyo ibaydi ra. Yerkoy na taka addamaijediyo sanda nanabuduyo ka yo si hin ka dam haya fo ngiyo bomo se.


48

Yerkoy Taasi Mise

Furniga Yerkoy no yer hiney yer ma dam hayadi ka go kan yer se; alfeyda, haya ka yer dam kur go yer jinde. (ana ci yaasey woyo cinne na wor’o ta mom lotokor boboyo do ka si bey hayadi ka na Bibil go cowndi).

Alkataw ber fo damdi ka hasara ashara lawaldi ka Yerkoy tabatindi addamaijediyo se haya banda ka na a taka gi. Turiɲadiyo ka go eden sardiɲedi ra ihinka go do ti ka go fey fey nda afodiyo. Afodi maadi ci huna tuuri” ahink-antedi maadi ci i futu nd’iboyro bey tuuriɲadi (Sintidi 2:9). Yerkoy har Adama nda Hawa se ka I go hin ka ŋa tuurije kul ka go sadiɲedi kuna kala afodi ka ci iboyro nda ifutu beyndi tuuridi. Sadi ka a yara I ga I ma suba ka mom ngu ci-inidi wala ka wongu ga, Yerkoy go cerbu yer ka Addamaije takandi nda borcinterey. Nd’I ba I go mom ciini, nd’I ba bomoy I go wongu. I go suuba hayadi ka go yajaw gi.

Adama nda hawa wongu haya boyrodi ka Yerkoy cerbu gi. Yerkoy go bey ka ndi hô ngu, i ta fara, ngi bandakajum-boydi bomoy go ta fara. Amma haya ka se na a go hinsa ka ba gi, a go bey mo addawladi ka go ta koddorndi wodiyo se ka go ta suuba suuba boyro, a nan ngi jatir ma suuba ngi bomo se.

Tangarikomdi ka ci iblis hirow adama nda hawa nda ngi wane alakaldi nda cere game ka tusa gi i ma ho Yerkoy. A taaram i se tuurijedi ka dam ga nda booni haya. A har i se ka na ndi ŋa ga i ta ka sanda Yerkoy. Wo nga sheytan wane goydi. A go dam addamaijediyo lakaldi ra ka boro kul go hin ka ka ngu bomo se Yerkoy. Iblis du ka tusa Adama nda Hawa i ma dam ngi bomo ibaydi ka fur Yerkoy wane ibaydi. A kokordi ci ma? Wodiyo ka ka adduɲadi ra i banda na du bakoyterey nda maaney Yerkoy do. Wodi ma ganda se misodi ka na boro fo ma gandase junubu hirow

49


adduɲadira, junubudi bomoy kate bun, misodi cinne na bun ka boro kul ga ja ma se i kur dam junubu… (Rom 5:12).

Saareydiyo kur, lotokor huudiyo kur, wangudiyo nda kasahudiyo kur ka go adduɲadi ra na hun bara suuba futudi kuna ka adama nda hawa dam ja sintidi ra. Junubu wo ka go wi boro ci wirci ka boro kur go kaaya. Ana ci addamai-jediyo nda Yerkoy fo na junubu fey-fey, a fey-fey nga nda nga attanadi mo.

Ay nda ni kur ci junubudunceyo ja yer hayndidi ga. Yer ci ga mo yer goydiyo kuna.

Yer wane hayndidi ga Azaburkoydi ci yer me ka har: Ay hayndi i futura ay ɲa jatir jow ay gungu junubu ra (Azabur 51:5). Amma wodi na ci adelil ka go hinje junubudiyo kana yer’o dam. Bibil go har ka yer ci jinde gaabo ijeyo ka yo si dam bara hayadiyo ka go kan yer hundediyo se. Jina mo yer na ci bara boro laaloyo ja yer linjidi ga (Efes 2:2,3).

Nga, yer jatir junubudiyo ngo kate yer si mey me ciini Yerkoy do. Yer si hin ka denjindi ga boro tana kur ga. Ana ci ni wande wala ni huboro, wala ni baakoy. Yer si hin mo ka har ka na nongu futura na yer go nga sababu ga. N’o lenje ni junubudi sanda misodi ka na ye linje ay wan’diyo. Haya si kate borodiyo go konno cere, i fey-fey bara, i kur ci junubudunceyo.

Junubu go haw wodi ka si yadda Yerkoy bara Yerkoy boro ga, larawdi alyahudu ga. Junubu go haw ganda beeridiyo nda gandadiyo ka kuna na talkaterey go bow. Junubu go haw koministi nda kapitalisti, polosi nda jey, Ije futu nda waajukoy, taajir nda almiskin, beyreykoyni nda bomokon – I kur dam junubu, Yerkoy wane jeereydi si i ga (Rom 3:23). Borodiyo wane albasidi kur si hun bara

50

Yerkoy Taasi Mise

junubu kuna.Amma Isa ci tammaha gumo junubuduncedi se! A har:

Ay na ka ta kaati tenjentediyo amma junubuntedi yo (Matta 9:13). “Junubu” wane almanadi ci “ka hatta hayadi ka na n’o wir”. Moorey kuna wala maaney kuna ay nda ni kur hatta henentereydi ka Yerkoy go ba. Yer si mey hiney kur ka hinsa ga koyne nda yer bomo. Wodi ci hungu futu, ka tam-maha ka yer beyntetereydi wala yer goy boyrodiyo go kate yer ma du alafia Yerkoy do. Ana ci goy ngo no ga musonko boro ma hin ka foomanda ga (Efes 2:9). Wo di se Isa har: Ye wir hinni, ana ci kosu haya (Matta 9:13).

Wodiyo ka go lajaba kuna ngiyo junubudiyo cire si ta du alafia bara ndi faham Yerkoy wane hinni di.

Yerkoy ci hinni koy (Efes 2:4), a si tasi ni ga haya fo bara ma yadda kallasidi ka na a go no ni yaada. Haya ka se annima kuna na wor kallasi, naaney kuna. Ana hun wor kuna, Yerkoy no nono (Efes 2:8). Isa jatir nga lenje yer ju-nubudiyo ka du ka fer fondo hal junubuntedi ma du hirow do Yerkoy henentedi do.

Koy Hinnikoydi ye ka dam huna tuuriijedi addamai-jediyo jine har boro kur ka go ba ga ma jow ga. Amma, haya ka se a no boro kur se ibay, a si ta gaabi yer yer ma ŋa ga. Wodi se ma din no wo ka hun Yerkoy do ba mana. Yerkoy go har mana: moreyda nga ci alwakati boyrodi, hõ nga ci kallasi jaaridi (2 Korint 6:2). Moreyda ana ci han ka ni si bey wala han ka na ni lelinde. Ma hungu hayadi ka na Isa har: Ay na ka tenjentediyo se, amma junubutediyo se (Matta 9:13).

Ma laadir ni wane misedi ra-junubu misedi ga- wo nga ci haya lawaldi ka na n’o hima ka dam nda n’o ba mise ma dundi a ra. Isa go fer mana ngu kambadiyo ka kuboy ni hõ,

51


haya kur ka ci ni wane alhalidi wala haya ka ci ni hunadi takadi. Haya foodi ka na a go ba ma har ci: Ya ay koydi, hinni ay ra, ay ci junubunte (Luk 18:13).

“C Max Prison” wane leter foYer du ciini yakuante wooyo ka yo hanga, ka hun Afrique du Sud wane kasa hudi ka hawjeydi nda I kur wane kasaije fo do.

“Citabu wo, Yerkoy tasi mise… go faba ay ay ma faham Yerkoy ciinidi. Hayadi ka na ye ba har ci, citabu wo go cerbu yer huna wane fondo lasaldi. Ay bakoy fo nga n’ay citabu wo…ay yadda ka Yerkoy ci adduɲadi kul wane takakoydi. Ye naney ka Yerkoy go ta faba ay kasa wo ka kuna na ay go…”

– Trans World Radio wane hantumdiyo kuna haya

52

Yerkoy Taasi Mise


1. Ni koroshi ka hayayo go doti ka si tenje yer nda cere game wala?

2. Nda ni ci wircikom, mbey a go bori ni lotokordi ma bey wircidi sidi ka go ni ga hal a ma hin ka hantum mana safariyo?

3. Mise fo na bibil go hin bey ni torrodi? Ka no ni safaridi ka go no ni Alafia?

A dem ka bara wodi koyradi ra lawal kuna har fo, ka a madi ci Simon, a ci

korte koy, a go gagandi Samari borodiyo, i go har a ci haya ber. Aljamadi kul go

hanga ga, ka hun ja ije cinadiyo ga ka ka har har berdiyo ga, i go har: wo har wo

nga ci Yerkoy wane yakua berdi.

Dr. luC

55

Ma sé borodiyo go ho fondo?

y ciinatereydi ra, ay cindi Angleterre kanje fo ra ka bene na benehiyo go deesi ciji ila

jaari. Alwakati wodi na ci bara Yenje ber hink-antedi alwakati. Benehidiyo go deesi ka koy fur bombuyo Angleterre dendi here nda gandadi maasu. Ay nda ay ce-rediyo, yer dam benehidiyo se faham ka ngi wane jindediyo ga yer’o bey wodiyo ka ci yer wan’diyo nda yer wane iberediyo wan’diyo nda cere game. Sa ka na lampadiyo gaydi kani yer iberediyo wane benehi fo ga, wodi go hinsa ka kan yer se, haya ka se yer’o bey ka na yer borodiyo go ta kamdi ga.

Sa fooyo benehi waanidi borodiyo go sar ka fatta benehidi ra nda parashutt. Hal wodiyo ka kallasi benehidi ra, sa ka na a kam, ma si du fondo ka jur, yer alwakildiyo kow fondodiyo kuboy-kuboy nongudiyo kuna haya kur ka ci tamensa. I si ba haya kur ka go kate boro wodiyo ma yekate nda bombu tanayo. A himanda tamensa kur si fondo jesediyo ga.

Amma yer ta ka ci koosowyo, yer’o bey ka tamensa fo cindi tuuridiyo nda cere game ka si hima nda haya ka go

Jemna6

A

56

Yerkoy Taasi Mise

mey adelil. Amma nda yer siirindi bundu di, yer’o kowsika ka yer’o faaba yer borodiyo hal i ma hin iberediyo. Yer jatir go taasi yer ma derendi i berediyo.

Amma wodiyo ka go mey karti boyro si kula tamensa ra. Yer’o dam haya kur ka na yer ba, a koydi si dere fondo nda hanga ngu kaddasudi.

Yerkoy go bangeyndi yer se wodiyo ka, Yerkoy taasi kuna, i go nan tamensa futu ma derendi ngiyo.

Ka sinti, wodiyo kul ka wongu ka bey ka adduɲa al-hikimante wo go hima kate yer ma bey Yerkoy go ta dere.

I go foomanda ka ngiyo ci beyreykoyni, i ka hollokomyo…sanda misodi ka na I na guna addelil ka se na ngiyo go hima ka taasi beyrey Yerkoy do, Yerkoy jatir nan gi nda ngiyo wane alhawa futudiyo… (Rom 1:22,28).

Hungu futu koydiyo go ta sujudu takareydi se ka fur Takakoydi. Amma wodi ka se na Yerkoy no alakal gumo go ta sujudu ngu koydi se. Nda ni wongu ka yadda kaYerkoy nga taka adduɲadi, Yerkoy go ta nan ma yadda haya yad-dayo misodi ka adduɲadi takandi ga. Alakal futu ci hungu futu!

Yerkoy go har yer se ka wodiyo ka wongu ngu ciin-idiyo go ta hanga fondo ka go ta derendi gi. Wodiyo kul ka suuba ka fur Yerkoy ciimidi go ta dere.

Ja bine i na yadda ciimidi ka go ta hin ka kalasi gi. Wodi maaganda se Yerkoy go samba gi gaabi ka go derendi gi hal i ma cumdi tangari… (2 Tesalonik 2:10,11).

57

Nda boro na yadda ciimi, wala a koydi fur ciimi, a ko-kordi ci a ma yadda tangari.

Ye hinsa ka hungu handidi ka na ay tasi ka koy hu hew ber kuna. Ye tonda ay borotereydi kul hal ay ma du fondodi jesedi. Nongu di kur ngo kuboy. Ay si guna wala torsidi ka go ay kamba gaydi. Yerkoy go bangeyndi yer se ka hew wo cinne ngo ta daabu yer alakaldiyo sa ka na adduɲadi go ta tun. Isa talibdiyo hã ga. Ma nga ci ni kaadi wane tamensa di nda sa di ka na adduɲadi go ta tun wane tamensadi? Ajaabi gi, a har is:

Tangari almasihuyo nda tangari annabiyo go ta tun, i go ta dam alhikima beryo nongu ka kuna i go ta derendi almumindiyo jatir nda wodi go kuboy (Matta 24:24).

A go kuboy ma har: Ay ta, i na ɲindi ay… No hin jatir ka fomanda ka n’o bey tangari almasihu wala tangari an-nabi fo. Amma ni jatir ma hungu ni kokordi. N’da Yerkoy nan iblis ma bere ni lakaldi haya ka se ma na ba ciimidi, ni si ta bey nda ni go dere kuna wala ni si. Nda gar mo n’o bey ka na tangari annabi fo jey ni lakal di, a ci sanda a na dam mana haya fo. Hungu futu kul si hun bara lakal kuna, foomantediyo si wafaku nda ga.

Boro sii hinka go doti ka wala nda I cow bibil, a si ta mey i se nafa kul. Lawaldi go fooma, a go wasa ngu bomo. A hinkantedi ci jinde gaabo. Amma Sandi ka ci Isa Almasihu no allahidu wodiyo kul se ka go ba ka dam Yerkoy wane ibay di “nda boro go ba ka dam nga wane ibay di, a go ta bey ka na ciini wooyo na hun bara Yerkoy do” (Yahiya 7:17).


58

Yerkoy Taasi Mise

Nda a ci ciimi ka n’o ba ka dam Yerkoy ibaydi, ma kowsika ka bibil kuna Yerkoy go ta har ma na hayadi ka na ma naaney nda wodi ka na ni si hima ka yadda. Hayadi ka no hima ka dam nda haya ka na ni si hima ka dam.

Amma yer ma fur cowndi koy futudiyo ka yo go dam ngiyo bomo nda alfayo wane ciinidiyo. I si cowndi Yerkoy wane ciinidi, furniga, I go dam haya kur ka kuna na I go ta derendi yer.

Hō boro boboyo go doti ka na ci bara iblis wane goykasineyyo. Wodiyo ka wongu ciimi Yerkoy misedi ga ka Yerkoy ci koydi ka ci baba nda koydi ka ci ije nda koydi ka ci hunde sanda a hinja afo kuna nda a fo a hinja kuna, i kur ci tangari annabiyo. I go hin ka har sura timmenteyo Yerkoy ciinidira, amma I si har ga nda nga fondodi. Addindi ka na i go waaju bomoy na hun bibil kuna. Wor’o hin ka bey alfa tangarikom nda wor hã ga: May nga ci Isa Almasihu? Wodi se a ci alwajib wor jatir ma bey boro ka nono.

Nda ni hin ka faham ka ana ci bara koydi ka ci ije, tangari fondo wodiyo kul go ta fer ni moodiyo ciré.* Laala i go cow Yerkoy maadi amma i si kula Isa almasihu wane ciinidi ra ka go har yer se:

Boro fo si ka babadi do bila ay (Yahiya 14:6). Bibil wane ciinidiyo go horon wodiyo se ka si hinsa ka bey Yerkoy. Ni naaney ka Yerkoy ci a fo, a boori, sheytan di yo mo go naaney ga, jina igo jijir (Jak 2:19).

Addindiyo ka si yadda Yerkoy hinsa ka bow moreyda. I boboyo si yabudu bara toryo. I fur Yerkoy far. Boro bob-oyo go hanga hindudiyo wane addindiyo gandayo kuna ka

59


yo cindi I go beyndi sanda bibil gandayo. Hindudiyo add-indiyo go himandi nda sanda”yoga” wala haya tana fooyo. I go yabudu tor bobo fooyo sanda tuuriyo wala nuune wala hari; I fur Koy berdi ka taka adduɲadi.

Almisilmi gandadiyo bomoy go to ngiyo hiney waaju kuna. Njorfu berdi ka’ni go du petroldi kuna ngo no gi hin-ey I ma tabatindi ngi wane addindi adduɲadi kanje taacidi kur kuna… Wo ci haya ka boro fo si goronda. I go ɲankar alkabar boyrodi wane linjidi, I go du ka suuse ka jele ga ngiyo nongu jeerodiyo ga: “Jerusalem wane jingarey di se beene”. Hantum di ka go wanga tondidi go har larab ciini kuna: “Yerkoy na hayndi jina a si hin ka hay.” Bibil bine si har bara:

Yerkoy hinsa ka ba adduɲadi hal a no ngu wane ije follokudi hal boro ka naaney ga ma si halaci amma a ma du huna duminte (Yahiya 3:16).

* Franmason ci sirri kondey ber adunia wo ra. A har ngo mey haya ka to talibi million wey (10.000.000) adunia ra. Nga wané misé diyo go cowndi : ba, faba céré nda cimi. I har wodi hal ngou yo ma hinka kati boro diyo ngi sirri kondey dira. Amma boro diyo ka yo go bey gi, go bey ka wo di kur na ci gomni heneno. Boro tasi ni nono. Nda no ba ka ka franmason, a tilassu ma jow alahidu ka har ka ni go kubey ra. No ba ka ka annura dira. Isa Almasihuncé talibi diyo, naney ka ngi yo du annura Isa kuna. Isa har: “Ay nga ci adunia di wana annura di, boro ka hanga ay a koy di si dira kuboy kuna, fourniga, a koy di ga du huna wane annura di” (Yehiya 8:12). Haya di yo ka boro hima ka dam hal ma hirow sirri kondey wo ra ci halaci nda bomohawey. I cowndi a koydi ka Yerkoy ma derentè di na ci kala ‘Gauto’. Wo di banda I tasi ka faham di boro diyo ka Isa na ci boro di ka katé annura adunia wo ra. Bible biné har ka Nga ga ci adunia wané annura cimi cimi (Yehiya 1:9). I har wo hala ima hinka du boro si diyo kur. Nda ni ka almisilmi, wala, boudda hangakoy, wala almasihuncè, wala alyahudu. Wodi banda, saka a koy di ka malé ber, i fatandi a sé Yerkoy ma tao fo ka ci ‘Jahbulon’. Mao na ci kala mara mara ma, ka linji di go hun JAH ka almana di ci YAHWEH nda BUL (Baal wane si) nda ON ka ci Misira wane weyna torou diyo. Wodi ci adine yo mara mara. Wo di sé Isa bey ka har: nda annura di ka go nira ka ci ni mo di hasara ni ga di kur go hirow kuboy ra (Mathieu 6:23).

60

Yerkoy Taasi Mise

Ana ci addindiyo fo kuna na dere wo go. Addamaijediyo jatir si har bara addamaije nga ci adduɲadi wane bine di. Saadi haya kul ka na yer’o dam si mey adelil bara adda-maije se. Alakal wodi go nongudiyo kul kuna; lokolhudiyo, alkabar kaddasudiyora, Arajodiyora nda televizondiyo kuna. I go har mana: ‘ma bey ni bomo se haya’. Addelildi ci yer wane almamaladi ma koy nda jine.

Amma wo kur na ci haya tao sanda misodi ka na i go ba ka fahamdi ga yer se nda. Boulos jamandi ra, Yerkoy har: I bar Yerkoy ciimidi nda tangari, i du ka sujudu ka yabudu takareydi ka fur Takakoydi … (Rom 1:25). Sandi go hã gi nda haya ka go hima ka haasumdi gi. Manna ni cindi saadi ka na ye taka dow di? Har ga nda n’o bey ga nda ni kalaldi (Yuba 38:4). Haya foodi da nono sa kur. Sadi ka iblis ka hawa do ka ɲindi ga, a cerbu ga hayayo ka si kuboy sanda haya ka ci ciimi: wor go ta ka sanda koyyo (Sintidi 3:5). Hõ mo, tangari wodi da na Iblis go dam boro laalodiyo wane bomodi ra. Ngi bomoy go cowndi wodi itanayo se.

Lalla ni ci koosow ka si kula addin wala politiki kuna. Ni si naaney politiki borodiyo, addin mo na ci haya ka go jaabi ni hãdiyo. Ni baandi cere futu hanga, ka hirow ka fatta.

N’o tammaha ka doonukoydiyo ciinidiyo nda huna futudi ka ra na i go tusa ni go ta faaba ni. Ye tammaha ka na n’o mom ciinidiyo ka go hanga gaani tao wo ka bangey ka se ni go har ROCK. Laala ni si guna ga sanda misodi ka na ye guna ga nda, amma ni kowsika ka ana ci bara sheytan nda ijefututerey nda boro laaloterey mara-mara. Aljahanam go faranfasindi a kuna sanda nongu ka ba huna wo ka kuna na yer go. Kosowdiyo ka go addin tao wo kuna go halaci ngiyo bomo, I go halaci cere.

61


Nan ay ma wannasu mana nongu fo ciini ka na ay guna Los Angeles koyra di ra. I si kaati ga nda bara “FIRSIDERDI”. Bukow jongu iddu ngo kani a kuna. A go to handu hinja, i go batu boro ni ka go ta bey i game ngu harme wala ngu woyme wala ngu wane ije. Limoroyo ngo hawndi i ce modiyo ga. Ngi jere berdi kur na du hã koy. I go ta ficindi sanda hanshiyo gusu ber fo kuna. A himanda i kur na ci bara dorogu ɲin koyyo ka yo keyndi haŋa doonu futu wooyo se ka go momdi hu boboyo kuna. I na hanga bara tamensa futudi. I to nongu ka kuna na I si ye ka hin ka ye banda koyne. Nda gar ni i mom Isa Almasihu wane ciinidiyo. Ay, ay ka hal almanndiyo ma du huna nda duure (Yahiya 10:10).

Hayadi ka go tonton wo ga na ci bara jurdi ka borodiyo go jur ciini bibi banda. A go henen boro kur se ka hõ boro-diyo go goy nda ciini bibi sanda lawal borodiyo ka yo ma na yer hasara. Nga bine beyreydi hinsa ka tonton.

Cijikoyyo go kubey cere annasara gandadiyo ra nda nonguyo ka kuna na boro fo si tammaha gi. Londres wane almankoy beryo go kubey Kensington ka yabudu shey-tan. Carkow woydiyo bowndi ngiyo maradiyo annasasra gandadiyo ra, sanda Vancourer gungu boyrodi ga. boro bibidiyo wane lassalterey tor yabududiyo ci hayayo ka go garndi wala annasara gandadiyo ra. Horeyyo go doti ka se ni go har “donjons nda dragons” nda wali ka se ni go har “ouiji” ka yo kur go cerbu misodi ka na adduɲa borodiyo go ba alhikima nda goy futu. Haya wooyo ci kunfa haya boro boboyo se. Ngi tangari taasidi ra, I go bow, wodiyo ka bere banda Yerkoy annuradi se ka hanga hew nda kuboy.

Yer ma si dina hayadi ka Yerkoy go har yer se alwakati wooyo ra. A go har yer ma yendi lakal annabidiyo se ka na

62

Yerkoy Taasi Mise

ci annabiyo. Nda tamensadiyo nda alhikimadiyo ka go ta damdi jaman kokor wooyo ra. A go bangeyndi yer se ka Yerkoy ibere fo go ta ka, ka wane goydiyo kul na ci bara iblis wane goyyo. A go ta dam alhikimayo nda tangari sii kur wodiyo ka go dere se (2 Tesalonik 2:9,10).

Borodiyo go ta mey alhawa ber tangari wooyo nda kuboydiyo goydiyo se. Wodi go kate yer ma faham haya ka se ganda boboyo nda alkabila boboyo go torro nda lajaba kuna bila I ma tammaha alafia. Iblis wane tamensadiyo ci iboboyo. Yer si hin ka har ikur, amma n’o hin ka naaney ka ikuna afo si cerbu Isa Almasihu fondo di.

Haya ka seYerkoy ciinidi na ci hujun ciini wala bomo-hawey ciini wala bunciini. Ciini nono ka go dam bine, a go yiskandi, huna albarkante kuna sanda misedi ka Isa go no ga nda. Sa ka na no cow ni bibil di, hunde henonodi go ta ka tamensa, fondo cerbukoy, ka go ta cerbu ni fondodi ka go koy Isa Almasihu do ka har: Ay ci fondodi, nda ciimidi nda hunadi. De boro fo si hin har haya ka bisa hay aka se Isa tonton kar har: Boro fo si ka babadi bila ay (Yahiya 14:6).

Yerkoy no yer fahamey hal yer ma si hanga fondo futu ka derey. A beyndi yer mo ka hungu futudiyo go hin ka hasara yer lakaldi. Moreyda à jow yer se allahidu wo:

Ay sandi, ye bey, hayadiyo ka na ye ba wor se; Ye har ga wor se: ana ci haya laaloyo, amma gomni. Ye ba ka no war tammaha gumo. Nda war ka ta kati ay ka ŋaarey ay, ye ta keyndi wor se haŋa: nda war ye kate ay do, wor’o gar ay. Ay, Sandi, ye har ga wor se: nda wor taasi ay nda war binedi kul, ye nan war ma du ay (Jeremi 29:11-14).

63



1. Hunde fo ci wodi ka go sujudu takareydi se ka fur Takakoydi? (Cow Rom 1:22-28)

2. Ni wane Yerkoy tasidi kuna, kalkaw fon go faba ni ma hin ni wane torrodiyo, a ci hundence wane wala alakal wane? (Cow Yahiya 7:17)

Ni wane tasidi nono wala? Ni wane bonidi nono wala?

3. Yerkoy no ni tamensa ka go henen ka go kate ma hin ka koy a do wala? (Cow Yahiya 8:12)

A to jiiri boboyo, ije kayna fo hȃ ngu wane alhadi lokol cowndi koydi

Angleterre gandadi ra: “Yerkoy go bai je ka go hasara wala?”

de lokol cowndi koydi har a se“labudda a si”.

Wo ci Yerkoy ho ber ka har wo ije cina se. Nda gar Yerkoy si bai je kayna hasarante,

abada a si ta ba ay. Shakespeare har:‘Ba na ci ba nda a go ceɲe ka hasara’.

g. CamPbell morgan

65

Yerkoy go ba ay wala?

i bey ka sika boro ra ka n’o hinsa ka berndi wala? Ni bey ka taasi ka cerbu boro ka si naaney se ka

n’o ba ga wala? Haya kur ka na a ka, alwakatiyo go do ti ka yer goydiyo go cerbu ka na yer’o ba ka bisa yer me ciini kondi.

Hayadi ka na Yerkoy dam ngo cerbu ka a go ba yer, sa di ka Isa bun salibdi ga. Nda ni ben ka faham wodi wane almanadi, ni si ye ka tonda faranfasi tana ka go cerbu ni ka Yerkoy go ba ni.

Alwakati kayna haya banda ka ay tubi almasihu kuna, ay cow wannasu fo ka go simba saddasu hinka. I boro hinkadi kur go goy nda cere boersdiyo wane yenjedi al-wakati. Lawaldi, Willie Holt, ci lati kar koy. a ci ngu kosow kayna jiiri 12 alkadar. A go bugu fo kuna nga nda saddasu boro iyye ka yo si bey Yerkoy. Saddasu fodiyo kuna a fo go do ti ka madi ci Bill. Willie go fey fey nda Bill haya ka se a go dorkoto ka hanga Sandi Isa Almasihu. Ciji kul a go gurfu ngu wane daridi jere ka ђare Yerkoy bila kati ka wurru, a

Jemna7

N

66

Yerkoy Taasi Mise

go du ka cow ngu bibildi. De sa ka na a go ђare, saddasu fodiyo go karraji ga, i go danga ga.

Jari fo koloneldi ka go laama ngi soofidi fattandi gi i ma sesere ngu jine. Jey fo hirow bugudi ka kuna Willie nda Bill go. Koloneldi tasi jey hal a fara ana guna. Nga mo seppe I ga. “Ay kar kaseta wor ga ce fo hal a hinka, wodi kur ay na du ay jeydi. Ciji mo jeydi filla ngu wane goy futudi. Ay ce kokordi ci wo ka ye har jeydi se à ma nondi ngu bomo hal ay ma jukundi ga, ndaana wor kuna fo kur go du barju me wey amman da wor kuna fo yadda ka ngu ga ci jeydi a go jukundi, ye nan afodiyo.”

Dangay ka himanda bun dangay banda, Willie dam ce fo jine here a har: “Ay kolonel, ni har nda boro fo yadda ka jukundi n’o ta nan afodiyo. Ay kolonel, ay yadda, ay ci boro wodi.” Koloneldi futu, a har fuyentedi ka na a si bey se: “Mise fo na n’o hin ka nan boro ma jukundi ni me?” Boro fo ɲoɲo. Sadi koloneldi har: “Wor kur go huna nda hawi wo ka boro ka na hasara haya fo go ta jukundi goy futu koy se.”

Sadi da, koloneldi har i ma kow Willie derbedi, wodi banda i sinti ka barju ga. Sadi ka Willie kasam barjudi ho-rondi se, Bill ka binedi dor hayadi ka na a go guna se sar ka fatta borodiyo nda cere game, a du ka wurru: “Wo key! Ay nga ci jeydi. Wo nan ay jatindi ma jukundi ay goydi se.” Bill wane bar wo kakamdi Willie bine ka jer ngu ka du kar har a se: “A bori Bill, amma koloneldi si hin ka yekate ngu me ciinidi ga. A damdi ka ben. Ye ta jow jukundidi kul.” Wodi bomoy nga damdi!

Willie na ye ka tun kar wodi banda. Amma ka jina Willie ma koy bene, Bill ka ka boro ka ba ba, hem à jere a du ka hȃ g: “Ma se Willie? Ma se na ni dam ye ne wo? Ay si hima nda ga?” Willie jaabidi ci i sawante: “Bill, ay tasi ka

67

fahamdi ni hinnedi ka Yerkoy go ba ni. Amma ma na bey ka kula a kuna; sadi, ay har ay binedi kun aka nd’ay jukundi ni ma ganda se, lalla wodi go ta fahamdi hinnedi ka Isa ba ni sadi ka na a yedda ka salibdi ni me ka du ka bun ni junubudi se.” Ka jina Willie ma koy bene, Bill yedda borcinterey kuna kallasidi ka almasihu ka go ton nda ba no ga.

Almasihu kuna, benedi no jinde ka kallasi adduɲa wo ka derey. De ba nono—Yerkoy badi yer kuna afo fo kul se—ka kate Almasihu wane torrodi nda nga wane saradi.

Borodi ka timmeSalib hinja nga sinjindi golgotha wane tondidi ga.

Ihinkadi ga jey hinka kanjindi. Isa Almasihu kanjindi ihinkadi nda cere game, doti na a bun.

Jey fodi, torrodi nda lajabadi kur ka kuna na a go, a goyndi ngu wane alakal a du ka teje asharadi ka jukundi ngi boro hinjadi kul a bun salibdi ga. Ana hujun ngu bomo se, amma a bomo haw nda misodi ka Rom asharadi jukundi Isa sanda jey ka gar a na dam albasi fo. A yendi ngu bomo ganda, a du ka har ciini hinja ka yo mey alkadar ber.

Lawal: Yer ta, yer si din bara yer goydiyo wane al-hakudi. Ciini kayna wo kuna, Goyfutu goykoy wo ka go bun kuna cirri ka ngu ci ifutu damkoy.

Ahinkante: Yer ta, nda yer bun wodi ci ashara. In Wala nda jey nda goyfutu ci hayayo ka yer’o guna alwakati kur, a go sendu yer ma mila lawal borodiyo wane hungudi goy futu mise kuna. Amma ciinije hinja kuna, goyfutu dam koy wo fahamdi yer ka ngu jukundidi ci hay aka hima, a ci ashara bomoy.

Ahinjante: Boro wo na dam ifutu kur. Wala nda a ci ko-roshi haya ka goyfutu goykoydi yadda ka ngu dam i futu, a


68

Yerkoy Taasi Mise

yedda bomoy ka ashara go him aka jur ngu ga, yer bomo go haw nda a wane hungudi Isa misedi kuna. Boro wo- a cirri ka Isa na dem ifutu kur amma I wig a tangari ga.

Haya banda ka a hakakundi nda junubu ka gar a go salibdi ga, goyfutu dem koy wo si mey tammaha fo bara Isa. Sadi a har Isa se: Isa, hungu ay s aka n’o ta ka ni wane lamadi ra. Sanda doney haya s aka boro cirri nda ngu ju-nubudiyo ka cerbu ka ngu go tonda, sadi hinne Isa jabi ga har: Hȏ n’o ta garndi ay jere aljana (Luk 23:39-43).

Jaman wo borodiyo bomoy wane albasidi ci goyfudiyo ka kuna na iciina nda iber kur go. Wodiyo ka go hungu ka junubudi ka go yer kuridira na ci bara hayadi ka cindi yer goy laalo bisantediyo ra, wodiyo koydiyo na faham haya fo kallasidi ra ka Isa go koddor yer se ngu wane badi ra.

Jari wodi sanda junubudunce kul ka tubi ngu junubudi-yo se ka hanga Sandi, goyfutu dem koy wo ka go bun kuna kow sika ka ngu kallasi. A yille ngu boro boyrodi ga- Isa Almasihu- a wir nga wane hinnidi doti ka na a go hima, nongu boyrodi kuna- salibdi ka ga na Isa bun. Nga, hȏ jari ber wo kuna, jeydiyo kuna afo gunadi ga Isa na dem ifutu kul. Isa wane talibdiyo kuna ihinka, a fo kul nda ngu bomo, nda Bulos jatir, I go seedeterey ka a na dem junubu. I kuna borofo kul go ci Isa ciini ngu wane alhalidi nda ngu jatir borotereydi ga.

PIERRE (Butros) ci Isa bakoy ber. A go beyndi a ci boro ka bandi goy ka bisa ciini bobo. A seedeterey nda ka Isa na dam ifutu kur (1 Pier 2:22).

YAHIA jatir ci Isa wane bakoy ber: talibdi nono ka Isa go hinsa ka ba. A koroshi Sandi s aka na aljamadi go mor ga. A go har: Junubu fo si Isa kuna (1 Yahiya 3:5).

69

PAUL (Bulos) ka boro kul go bey ka a ci al aalim go har yer se: Isa na bey ka bey junubu (2 Korint 5:21). Seedeterey hinja woyo ci hay aka go him aka din yer lakal.

Amma nda yer si naaney wooyo ciinidiyo haya kase, lawaldi ka ci jeydi ci boro ka go bun kun aka tammaha kur ben, wala mo nda wor hungu ka afodiyo Butros, Yahiya nda Bulos mo ci Isa wane talibyo ka si hin ka har a ga ifutu, yer ma guna hayadi ka Ponse Pilat ka ci rom kokoydi ka cindi judée har. A na ci Isa baakoy. Wodi na jandi nga jatir seedeterey ka Isa go henen. Saadi ka i gaabi ga a ma ci Isa ga, Pilat har:

A ga go ay hã ga wor kur jine, ay na guna a ga ifutu wooyo kur ka na wor har a dam (Luk 23:14).

Amma seede fo ngo to Isa babadi ka go benedi ra wane ciinidiyo. Nda boro go hima ka ci aljama game, a go boori i ma beyndi a koydi aljama di se. Yerkoy jatir nga beyndi Isa aljama di se sa di ka na a go ta sinti ngu wane goydi. A har: Wo ci ay wane ijedi ka na ye hinsa ka ba; Ay wane alhawadi kur go nga kuna (Matta 3:17).

Babadi go bey ka na Isa huna nda mise ka go yajaw ngu adduɲadi kuna. Nda Isa hun ara afodiyo kur dem junubu, i mongo ka du Yerkoy wane jeereydi (Rom 3:23). Isa wane goydiyo go tenje hayadiyo kul kuna. Wodi se sadi ka na a go ta sinti ngu wane goydi adduɲadi kuna, babadi beyndi ga borodiyo kul se. Babadi ka ci ihineno (Yahiya 17:11) nga seedeterey ka ngu wane ijedi wane goydiyo yajaw ngu.

Sanda misodi ka na a harndi yer se, Sandi Isa jatir ci Koy. Alhikima ber nono ka a yedda ka ka boro ka hayndi nda albicir woy. Nga bine nda gar Isa na yendi ngu bomo ganda Yerkoy se benedi kuna a si ta yajaw ga. Labudda nga


70

Yerkoy Taasi Mise

wane hunadi kul kuna a na dem haya kul ka go ho Yerkoy wane ibaydi. Sadi a wane borotereydi go cerbu babadi wane hinentereydi, nda nga wane badi nda nga wane ibaydi adduɲa kuna ka ci torro nongu, alhasiditerey nongu nda ju-nubu nongu. Nga Isa nga wane koytereydi kuna, a dira wo g aka nga jatir nga taka. A goro yer banda jiiri 33 ka cerbu ka babadi go ba yer ma huna. A dem hayadi ka babadi wir a ga, a na ho ga wala ce fo. Wodi se babadi go ɲalina haya kul kuna.

Ana dem ifutu, ana dem junubu, a timme. Goyfutu goykoydi ka go kuna nda Pilat modiyo gunadi ga, Isa na dem ifutu kul. Butros, Yahiya nda Bulos mo se Isa na dem junubu. Baba hinenodi ka go bene se, Isa timme. A na dem ifutu, a na dem junubu, a ci itimmente, amma Isa bun ba berdi ka na a go mey yer kuna afo fo kul se.

Ba ka si mey gay doWo hungu wor go aljama wo ra ka sawanda Isa wane

bundi aljuma hinenodi han. Aljamadi go wanga salibdi, I go gaga. De hayadi ka na I go guna go hima sinima ka kuna kuri mun bobo go.

Isa wane jere hinkadi ga boro hinka salibdi ka I kur dem goy futu. Yerkoy jine nda addamaijediyo jine, boro hinka wooyo himanda bun adduɲadi asharadi ga.

Ngi nda cere game Isa salibdi ngu bomo salibdi ga. Hayadi ka go fey Isa nda boro hinka woyo ci Isa na dem ifutu, a na dem junubu, a timme addamaijediyo gunadi ga, a go timme baba hinenodi gunadi ga Nga, Yerkoy Almasihu kuna (2 Korint 5:19) a go salib ga sanda feeji ije ka si mey stool a si mey dalla (1 Pier 1:19), de nga badi kuna a no Almasihu a ma bun junubuntediyo me.

71


Goyfu dem koydiyo go himanda bun amma ana ci Sandi Isa. Alwakati kayna ka jina a ma bun, Isa har ngu wane iberediyo se: Ye no ay hunde, ye du ka din ga. Boro fo si hin ka kow ga ay ga…ye mey hiney ka no ga, ye mey hiney ka din ga (Yahiya 10:17,18) sadi ka na a fahamdi tali-bdiyo se doti ka na ngu wane badi go hin ka koy, a har: ba si bara ka go bisa ma no ni hundedi ni bakoydiyo se.

Boro fo si ma ba ka bisa ka ber nda wo, ka boro ma jisi ngu bomongu bakoy di yo ma ganda sé (Yahiya 15:13).

Sandi Isa bundi nda tundi banda na Bulos ka ci diya har: Yerkoy cindi Almasihu kuna de nga jatir [Yerkoy] a dem wodi [Almasihu] ka na junubu (a ma ka) junubu yer se, hal yer ma ka a kuna Yerkoy ashara (2 Korint 5:21). Jaman boboyo banda ciimi ber wok a Isa bun yer me hantumdi miso:

Ni ci ay wane asharadi,Ay ka ni junubudi,Ni jow wodi ka ci ay waneNi ney wodi ka ci ni wane,Ni ka hayadi ka na ci ni farHal ay ma ka hadi ka ni ci ay.

Alkama ijeHaya ka se a go bey ka ngu man ka bun Sandi Isa har

ngu talibdiyo se:

Moreyda ay hundedi jijir, ma n’ay ma har? Ya Baba, kallasi ay wo alwakati wo kuna…amma wo ma ganda se ay ka har wo alwakati wo. Ya Baba, jereyndi ni madi. De babadi ka gun aka a binedi go ngu se jabi ga nda ba ber…ay jerey ga, jina ye jerey ga koyne. (Yehiya 12:27,28).

72

Yerkoy Taasi Mise

Amma wor’o hȃ wor bomo mise fo na bun futu wok a Rom borodiyo go jukundi nda boro laalodiyo go hin ka jerey Babadi?

Ka jina Isa ma ђare babadi, a hungundi talibdiyo se ka a ci alwajib dumi ma bun jina a ma jey ka dumbundi.

Cimi cimi n’ay go har wor se, nda alkama gurumbu na kam ganda kuna ka bun, a go cindi ngu fo; amma nda a bun a go kate ije boboyo (Yahiya 12:24).

Haya ka se a na dem junubu, bun si mey hiney Isa ga. A sub aka bun, a suba bun futu ay ma ganda se, ni ma ganda se, yer junubudiyo se. Sadi a wane bundi wane yarbahadi ci ka kallasi alkabiladiyo kur. Wodi se sadi ka na a go fahamdi talibdiyo se nga wane arreydi, a bangeyndi tammaha gumo wodiyo kur se ka go naney ga.

[Arreydi] Ay fatta babadi kuna ka ka adduɲadi kuna, moreyda ye hun adduɲadi kuna ka ye babadi do [tammahandi di] ye ta yekate ka jow wor ay banda hal doti ka na ay go wor bomoy ma garndi doti (Yahiya 16:28; 14:3).

Wo ci alhikima ber, bomo hawey ber kuna, yer’o ko-roshi ka boro foyo go wongu kallasidi ka Isa go no gi, badi kur ka na a go ba gi banda. A foyo go ta dem sanda i si kula a bundi kuna. Amma wodiyo ka yo wongu ga nda wodiyo ka yo go ɲankar ga kur kokordi ci afo. I go ta fey fey hal abada nda wodi ka ci huna duminte no koydi, annura du-minte no koydi nda ba duminte no koydi. Cimi wok a go hamburndi boro faranfasiya nda arfu woyo.

73


Bun ta n’o bun, N’o ta bun nda mise ka si hin ka harndi, N’o bun hal abada, N’o ta bun abada wala nda ma na bun jina.

Nga bine Sandi ka ci Isa na kallasi yer aljahanam kuna ka koynda yer bene ni, a dem mise ka kuna Yerkoy ma jumbu ganda ka tabati yer kuna!

Ana, huna duminte si tabatindi ye ne kokor boyro al-jana ni. Bibil go har yer se ka naneynte cimi cimidi se, huna duminte ci tamensa ka huna wo jatindi kuna yer’o du jerey.

De wo nga ci seedetereydi, wodi ci Yerkoy no huna duminte, de huna wodi go a wane ijedi kuna. Boro ka go mey ijedi a koydi go mey hunadi; boro ka si mey Yerkoy wane ijedi a koydi si mey hunadi (1 Yahiya 5:11,12).

Huna duminte ci boro—Sandi Isa Almasihu. De sa ka na a goro boro wane bine kuna alwakati wodi jatindi kuna huna dumintedi go sinti.

Hay berAlmasihu wane salibdi do, Yerkoy wane hinentereydi,

nda nga wane asharadi nda nga wane badi kur mara goy fo kuna ka simba Isa wane saradi. Nongu wodi kuna a wane hinentereydi tabati, nga wane asharadi ka yajaw haya, nga badi bomoy dabu ay nda wor kur ka ci junubunteyo. Amma hayadi ka na a bana hinsa ka ber.

Nga wane jari kur ђare citabudi kuna My Utmost for His Highest, Oswald Chambers go gay yer:

74

Yerkoy Taasi Mise

Yer ma yendi lakal nda misodi ka na guna nda Yerkoy, ka go kate yer ma hungu ka na Yerkoy go bori a go ba nongu ka kuna a go ta hinje yer se haya kur ka na yer dem. Hungu wo cinne si mey key do Allahidu taodi kuna. Nongu fodi ka kuna na Yerkoy hin ka hinje yer wane junubudiyo, a ma du ka gmni yer na ci bara Almasihu salibdi cire, ana ci nongu tana. Wala nda Yer’o bey ka wo ci cimi, a go kuboy yer ma cinandi yer naneydi ka yarasundi junubu hin-jedi, de a ci sanda yer dina ka hay berg nga banandi hal yer ma du hinje.

Wala nda yer bey ka jete Willie Holt wane assajatereydi, a ci alwajib bara yer ma bey ka na a wane torrodiyo na ci haya fo Yerkoy wandi jere Salibdi ga. Hantum hinenodiyo kuna, Yerkoy go fahamdi yer haya kayna torro wodi ga. Yer’o har ikayna ja ma se torro wo ci hay aka go bisa adda-maije wane fahameydi. Wodi go kate yer ma guna misodi ka Yerkoy go ba yer gumo gumo.

Sadi ka na Isa bun salibdi ga, a torro yer junubudiyo ma ganda se nda si hinja.

Salibdi, Isa torro ngu wane assobondi kuna hal a go hunde gurjey; salibdi ga a wane badi addamaijediyo jas-sasudi hal a gaydi do; hayadi ka dor ka bisa wo kur, salibdi, Isa kuma nda annuradi, nda jereydi nda alafiadi ka kuna a cindi ka tabati sa ka nga nda babadi ci afo. Nga, Isa wane torrodiyo go bisa addamaije wane fahameydi. Nga bine nda yer mila wane assobondi torrodi ga, nda a wane lakaldi wandi nda nga hundedi torrodi ga, yer’o ta faham nda hungu tao a wane badi junubuduncediyo se.

75


Assobon torrodi: Rembrandt ka haydi go hinsa ka sendu wane hassaraw nda kaddasu jiibo ka dere na ci hayayo ka go karndi cere ga. Misodi na boro si hin ka kar Isa wane bundi nda boro tana kur bundi cere ga. Yer’o guna.

Allahidu jeenodira annabitarey go doti ka go fahamdi yer misodi ka na Isa wane alhujuhudi bere far. A go har: nga wane alhujuhudi hasara, a si himanda addamaije alhujuhu (Isaïe 52:14). Faransi ciinidi go luufu alyahudu ciinidi jere ka go cerbu ka i lajaba ga nongu ka kuna, a na ye ka himanda boro. Ciini woyo kuna Yerkoy go fahamdi yer ka ngu wane ijedi go ta torro nongu ka kuna a si ye ka hima nda boro. Isa jatir bey ka har ka ngu go ta torro gumo gumo.

A go ti, yer’o jiji Voici Jérusalem, de boro ijedi go ta nondi alkahan amirdiyo nda hantumkoydiyo se. I go shara a ga nda bun, i go nondi ga tomontodiyo do, i go safaha ga, i go las aga, i go tufa a ga, i go wi ga. Jirbi hinjantedi kuna a go tun (Mark 10:33,34).

De misodi jatindi na a demdi. Alwakati kayna banda Mark go seedeterey nda hayadi ka na a modiyo guna. I cindi ka kar ga a bomodi ga nda bundu, i tufa a ga, i key ngiyo kanjediyo ga ka sujudu a se. Sadi ka na I safaha g aka ben, I kow a ga derbe cireydi I dabundi ga nda nga wane derbediyo. Wodi banda i fattandi ga ka koy salib ga (Mark 15:19,20).

Rom borodiyo wane barju ka kotu kotu Isa wane gadi go hinsandi nda korfo meyra meyrayo ka go timme nda biriyo wala plon. Haya jasente wo na i fun a wane kurudi nga dumedi ga nda a wane gindedi. Wodi se a go harndi Azaburdi kuna ka Almasihu go ta har: I fun ay kambadiyo nda ay cediyo. Ye hin ka kabu ay wane biridiyo kul. Ngi ta,

76

Yerkoy Taasi Mise

i go honno, i go guna ay (Azabur 22:16,17). Nga, Sandi Isa—Itimmente haya kul kuna—bun nda bun futu. Torrodi ka na a guna kow a ga boroterey kul.

Wo go faba ni ma faham badi ka na Yerkoy go ba ni wala?

Bine hemeydi: Sandi Isa wane torrodi sadi ka a salibdi ci haya ka go yer fahameydi se bene, amma ana ci bara haya cina a wane torrodi ra. Assobon torro won a ci bara sintidi ni torro tana ber kuna.

Salibdi ga Isa guna binehemey. Diyadi ka ci Yahiya go hungundi ga yer se:

Sadi ka i ka Isa do i na ba a maka hinkadi, haya ka se i guna ka a ben ka bun. Amma wangu ijediyo kuna a fo tum a jeredi nda yaji, sadi hinne kuri nda hari dor (Yahiya 19:33,34).

Ay mom lotokor beryo ka hark a na kuri nda haridi go cerbu ka na Isa binedi ba, wodi nga sabab a wane bundi. Wodi banda, bine safari koy foyo faranfasiya ga ka har ka na haya banda ka Isa binedi ba, kuridi jur a jeredi kuna. Wodi se kuri nda hari dor sadi ka wangu ijedi tu ma a jeredi. Azabur 69 kuna, anabidiyo cinidiyo ka go simba Almasihu bun nda cere game, yer’o cow afo ka ci yer se binehemeydi ka go ta kottu a binedi: Junubudi ba ay binedi, de ay wirci … (Azabur 69:20). Labudda, binehemeydi ba Isa wane binedi ka go ton nda ba.

Sadi ka na addamaijediyo wane lajabadi jiji a wane binedi kuna ka ba bine, de a wane hundedi ka ci itimme

77


kuna—nga wane hundedi ka fey fey nda junubuduncediyo (Hébreux 7:26)—jahanam haya laaloyo ka si hin ka boro si hin ka fe, Sandi Isa bun haya ka se a binedi ba.

Wo go hin ka faaba wor wor ma faham badi ka na Yerkoy go ba ni wala?

Hundence torro: Most Boro boboyo go hin ka faham Isa wane assobon torrodi nda nga binehemeydi ka bisa a wane hunde gurjeydi. Labudda, lajaba berdi ka na a guna ci nga nda babadi nda hunde hinenodi wane fey feydi.

Guru alwakati hinja alkadar, kuboy bibi fihn kuna—jari masu ka koy 15 h 00—Yerkoy ka ci babadi nda hunde hinenodi fur Isa. Alwakati wodi kuna Isa—Yerkoy ka ci ije—wurru nda jinde ber: Ay koydi, Ay koydi, ma se na ni fur ay? (Matta 27:46).

Jari wodi kuna, sanda afodiyo, ihinjadi ka ci afo ka cerbu ka Yerkoy ci afo (ka go goro annura kuna ka si hin faranfasiyandi) i fey fey. I fey fey ay nda ni junubudi ma ganda se. Wodi se sadi ka Isa salibdi, Yerkoy si hin ka mara nda junubudi ka na a jow ngu wane assobon hinenodi kuna haya ka se Yerkoy wodi ka na bey ka bey junubu, a dem ga nda junubu yer se. . . (2 Korint 5:21).

Sadi a na ci bomohawey ka Isa bundi kuna, adduɲadi dabu nda kuboy guru alwakati hinja alkadar.

Woynedi tugu kuboydi kuna ka dangay ngu wane jereydi ga wala, Sadi ka na Almasihu, takakoy hineykoydi bun addamaije se, takarey wane junubudi.

Isaac Watts (1674–1748)

78

Yerkoy Taasi Mise

Yerkoy ci annura, de kuboy fo si a kuna (1 Yahiya 1:5). Yerkoy hinenodi wane annuradi nda addamaije wane ju-nubudi wane kuboydi si hin toɲondi cere. Sanda misodi ka kuboydi go dere nda wor kubi annuradi do, misodi na kuboy go bangey sa ka na wor bere banda annuradi se. Wodiyo kur ka bere banda Yerkoy wane badi ka ci annura ka go kallasi se go ta cindi hundence kuboy hal abada.

I go ta cindi kuboy kuna ka go bisa ciji here kuboydi; ka kuna n’o ta mate foterey ka bisa nda ni go kasa, alwaka-tidiyo go ku ka bisa alwakatidi, haya ka se yer’o cow: de ashara wodi ci, annuradi ka adduɲadi kuna, boroyo suba kuboydiyo ka fur annuradi, haya ka se ngi wane goydiyo go futu (Yahiya 3:19). Ka bere Isa se banda wane kokordi ci hundence kuboy nda bun—hundence bun bun duminte. Furniga ka ka Isa do go yarbahandi ni hundence hun anda huna duminte.

Hin wane wurrudiAlkabar boyrodi ci guru hinja alwakatidi maneydi

ra, Isa na har sanda boro ka tammaha ben “a ben yene”. Labudda ana! Nga wane badi goydi ka go kallasi timme. Wodi se nda hin koy jinde a wurru ka har: “a kur timme” (Yahiya 19:30).

Ay nda wor junubudi haydi banandi hal a timme. A ben!

Haya banda ka a wane kallasi goydi timme, mara-kasineydi ka kuna Isa cindi ka du yajaw nga nda Yerkoy ka ci afo nda hinja ci haya ka hinsa hal abad (Yahiya 17:5). Ay nda wor, yer si hin ka dem haya fo ka bana yer junubudiyo hayadi. Iblis bomoy si hin ka dem haya fo ka go hasara

79


hayadi ka na Isa koddor yer se. Iblis wane assomdi, ganda korfodi a ben ka hun.

Bun hin bun wane kokoy ijediYerkoy na dabu nda assobon nda kuri ni haya ka se a

hima ka bun yer junubudiyo ma ganda se, amma mere bun kuna a ma halaci wodi ka go kamba bun wane hineydi, wodi ci Iblis. Har a wane bune di kuna a ma du ka hasara wo di ka go mey bune di wane hiney di, ka ci Seytan (Hebreu boro diyo 2:14).

Sanda misodi ka Dawda jow Goliath wane takubadi ka halaci ga, nga ta ka go himanda boro ka i si hin misodi na Isa jow Iblis wane gurje jineydi—bun—ka hin ga. Isa nga ci wodi ka wahay addamaije—hardiyo nda woydiyo. A ci kallasi koydi ka hun Yerkoy do—nga fo ngo mey hiney ka kallasi borodiyo bun duminte nda hundence korfodiyo kuna—korfodiyo ka kuna Iblis go wir ngu ma din boro kur ka go bere banda Yerkoy se ka taka addamaijediyo ngu himarey kuna.

Nga wane addamaije assobondi ka ci ham nda kuri sanda ay nda wor kuna na Isa hin Iblis, a hin bun, a du ka tun ka fatta sareydi ra. Yer’o cow a wane sambudi ga ka koy bene, doti ka na Isa hirow yer se sanda lawal, haya banda ka a dem ka ka alkahan amir ber hal abada, Melchisédech cille (Hébreux 6:20). Ce lawal boro fo—ka na dem ifutu, bila junubu, boro timmente—jiji bene. Nga wane bundi salibdi ga ma ganda se, moreyda a fer fondo wodiyo se ka go ba ka hanga ga.

Nga wane alwakatidi kuna, Charles Wesley haakakundi ka Yerkoy badi ci cimi ngu se sadi ka na a

80

Yerkoy Taasi Mise

go hantum “mise fo na ni ka ci ay koydi, n’o hima ka bun ye ne?”

Amma moreyda Almasihu tun bukowdiyo game!

“Amma moreyda Almasihu tun bukowdiyo game. A ci ijina wodiyo ka bun kuna. Haya ka se bun ka nda boro fo, wodi se boro fo ngo kate bukowdiyo wane tundi” (1 Korint 15:20-21).

Dr Sangster ci alfadiyo ka na ye bey kuna boro ka go hinsa ka bey waaju. A go hinsa ka saabu ngu koydi nda ngu deenedi ka ci sanda njorfu. Amma, alabina! Sa di ka na a go ta bun a deenedi dindi. A si hin ka ci. Sa di ka na a kowsika ka haya fo na cindi. A ci nda kamba ngu wane ijewoydi do; a har a ma no ngu kaddasu nda kaalum. Jaari wodi ci pâques jaari. A hantum kaddasu di ga: “Ma si mey deene de a ma gar no ba ma kaati ka har ‘Isa tun bukowdiyo nda cere game,’ a ba ma mey dene ka gar ni si ba ma ci a ciini.”

Sadi ka na Bulos ka ci diyadi key Amir Agripa jine ka jabi tangaridiyo ka i dem a ga, a fahamdi nga ciiti koydiyo se Almasihu wane torrodiyo nda nga wane tundi ka hun bukowdiyo game: “ka bey ka Almasihu go ta torro, de sa ka na a tun bukowdiyo game a ci ijina, a go ta kabarey an-nura alkabiladiyo nda gandadiyo kul se” (Goydiyo 26:23).

Ka jina Sandi Isa Almasihu ma tun bukowdiyo nda cere game, Alahidu tao ci yer se boroyo cini ka yo tun bu-kowdiyo game. Afo ci Lazar, itana foyo mo ci Jaïrus wane ije woydi wala alietum woydi. Isa tundi gi bukowdiyo game, amma i kokor ka bun. Amma ana ci wodi nga du Isa.

81


Hȏ jatindi, a go huna assobon kuna, a go huna hunde kuna hal abada. A ci lawaldi ka tun bukowdiyo game!

Mise fo na sarey ka ci ben haya go hin ka kamba wodi ka taka huna? Haya ka se Sandi Isa Almasihu ci Takakoydi, a taka haya kur. Haya ka se a ci boro ka timme; a ci koydi ka go kallasi, a kate huna kuna wodi cindi sarey ra de lawlal a jow bene fondodi ka na a fer wodiyo kur ka yo go kuboy ga naney kuna:

“Amma Yerkoy ka ci ikarinte hinni kuna, a wane ba bobo ma ganda se ka n a ba yer nda sadi ka yer ci bukowyo junubu kuna, a tundi yer Almasihu banda (nda nga a wane annimadi n wor kallasi; a tundi yer nda cere, a gorondi yer nda cere, Isa Almasihu kuna, benediyo kuna” (Efes 2:4-6).

Diyadi ka ci Bulos hantum almasihuncediyo se ka go Korint ka hungundi gi ka i kallasi ngi wane junubudiyo wane albasi ra haya ka se i yadda nda Isa: ay cowndi wor ka jina, sanda misodi ka na ay ding a, ka Almasihu bun, misodi ka a hantumdi, ka ficindi, de jirbi hinja banda a tun misodi ka hantumdi (1 Korint 15:3,4). Hȏ, naneynte kur go du hinanjam ciimi jereynte wo kuna ka se na a go hin ka har. “Almasihu bun ay junubudiyo se; a tun bukowdiyo game de a go no ay huna duminte ngu jatindi kuna.”

Jari lawaldi ka koy ihinjantedi doLalla wor’o hȃ wor bomo moreyda, ma nga du Sandi

Isa Almasihu jaridi ka i salib ga nda nga tundi han bu-kowdiyo game. Yerkoy no wodi jabidi.

82

Yerkoy Taasi Mise

Nga bine, ma nga ci a jiji, nda na ci a jumbu dawdi kuna here, wodi ka jumbu, nga da nga jiji benediyo se bene, hal a ma ton haya kul (Efes 4:9,10).

Bibil go har yer se ka haya banda ka a jumbu dawdi kuna heredi ra, doti ka Iblis go lama, Sandi jiji bene a du ka koynda Allahidu jenodi wane alwalidiyo (ka yo ci naneynte sadi ka na i bun) ngu banda. hȏ, naneynte cimi cimi go ɲali kuna haya ka se a kow sika ka bun na ci bara fondodi ka go fer jereydi here. Alhikima ber kuna, Almasihu jatir hin bun yer se assobon nda hunde kuna.

Ya bun, man na ni wane hineydi go? ya bun man nan i wane najidi go? bun wane najidi ci junubu; de junubu wane hineydi, ci yamardi. Amma Yerkoy albarka, ka no yer hiney yer Sandi kun aka ci Isa Almasihu (1 Korint 15:55-57).

83


Ka bendi ciini wo- nga wane badi wane kayedi

A ci iboyro yer ma bey ka Isa nga lawal ka bene fondo-di de moreyda yer’o hin ka hanga ga. A go bori yer ma bey ka na ka jina a ma bun, Isa nga wane beyntetereydi kuna, tammahandi haya banda ka ngu jiji bene, ngu go samba Hunde Hinenodi naneyntediyo ga ganda.

Nga talibdiyo se a har:

Wodi ka naney ay, hari hunante Isayo ngo jur a kuna, “sanda hantumdi go har ga nda.” A go har wodi ka simba Hundedi ka wodiyo ka naney go hima ka du; ja ma se hundedi na ka jina haya ka se Isa na jerey jina. (Yahiya 7:38-39)

Moreyda, ye koy wodi do ka donto ay … de ye ђare babadi, a go ta no wor fabakoy … cimi hundedi … a ci nafa haya wor se ay ma koy, haya ka se nda ay na koy faba koydi si ta ka wor ga; amma nda ay koy, ye ta samba ga wor se … a go ta jerey ay (Yahiya 16:5;14:16,17;16:7,14).

Yer ben ka korosho misodi ka na Yerkoy jerey nga wane ijedi bundi kuna. Amma lalla moreyda wor’o hȃ wo: “Mise fo Isa go hin ka jerey Hunde hinenodi ka na a go samba wor kuna?”

Jabidi kuna ikayna nondi hȃ wo se ja ma se Isa go jerey naneynte kul ka hunadi kunadi kuna Yerkoy badi go jur. Yer’o cow ka: Yerkoy badi sey yer binediyo kuna Hunde Hinenodi sabab kun aka nondi yer se (Rom 5:5). Yerkoy badi go ka ta goro yer kuna—Hunde Hinenodi alhorma kuna—ka bias addamaije wane alhawadiyo. Nda, naney

84

Yerkoy Taasi Mise

kuna yer jabi a wane goydi ka na a goy salibdi ga, Sandi Isa, Hunde Hinenodi kuna, go sinti ka ba boro tanayo yer kuna. Wo ci haya boyro mbey!

Ka naney ka Isa bun wor junubudiyo se, ka du ka dem a se albarka wor binedi kuna wodi ma ganda se, wor bomo se, wor ma ɲalinda ka wor du Yerkoy wane hinjedi nda nga wane badi ka kallasi wor.

Wodi banda, ka no ni hunadi Sandi Isa Almasihu se hal a ma goro wor kuna, a ci wor se wor ma ci nga wane badi goy jineyyo addɲa kuna ka ba kur si.

I hȃ al aalim ber fo, ka go mey berey nga wane beyreydi se: “Ma nga ci ni hungu berdi Yerkoy mise kuna?” Sadi hinne a har ije meyradiyo wane doonu fo ka go har: “Isa go ba ay; ye bey haya ka se Bibil go har ga ye ne.”

Nga, Yerkoy go ba ay, sika si labudda, sanda misodi ka na a go wor nda!

O! badi ka hinsa kallasi wo,O! annemadi ka jow kallasi wo hal ay,Nga! Warudi ka cindi ka fey ay nda Yerkoy ci iber, de Isa Almasihu dabu ga kalwer!Nga! Wo ci hinni ber, nda annima ka ay si himanda,Nga! Ne, kalwer, Yerkoy badi ka si ben go gunandi, Haya ka se, ne Kalwerdi do, ay hunde ka go lenje, ka derey go du kallasi nda borcinterey.

85


Leter ka hun IRAK

“Ay cindi almisilmiyo nda cere game. Ay hu borodiyo jentendi ay mise ka boro go jingar nda ka du ka hamme sanda almisilmidiyo. Ye haw jaara sanda almisilmi woydiyo, ye dabu ay alhujuhudi hal boro ma si dem junubu nda a guna ay.

“Wodi ma ganda se, ye dem alwakati boboyo ay si hinsa haya fo. Sadi ye cow citabu wala ye keyndi haђa radio se. Han fo ay hanjire woydi kate kaddasu caarante boyroyo. De ay hantum leter lawal a madi ga. Wor jabi ay, wor du ka samba ye ne citabu fo “Yerkoy tasi mise”.

“Ay tasi ka faham ka tasi Yerkoy wane almanadi. . . jemna iyyedi do, hȃ fo go doti, ‘‘ciimi nono ka Yerkoy go ba ay wala?’ Ay key doti ka na a go har: ‘Yerkoy cerbu ngu wane badi wor se sadi ka na Isa bun salibdi ga. Nda wor faham wodi wane almanadi wor si ye ka tonda I ma faranfasiya wor se Yerkoy badi.’

“Jemna wodi, ay cow ga haya ka to ce jongu. Sadi ay sinti ka faham bila sika kur ka salibdi ci fondo fodi ay se.”

– Trans World Radio wane hantumdiyo kuna na hun

86

Yerkoy Taasi Mise


1. Mise fo nga ci iboyrodi hal ma cerbu boro se ka n’o ba ga?

Hayadi ka na n’o har a se wala?

Hayadi ka a n’o dem wala?

2. Mise fo na Yerkoy cerbu ni ngu badi?

3. Mise fo na n’o ta jabi Yerkoy badi?

Saka na i go goy, lotokor fo kur go tasi ka fey kuri nda huna. Ihinkadi si hin ka fey fey. Nda afo derey ni ga,

Ihinkadi kur go derey.

Dr. Paul branD

89

Man na ye hin ka du hunadi?

ijidi go ba ka gusu. Yer’o batu woynedi ma kam. Ay nda ay wandedi go train gar fo kuna ka madi ci

St Lazare a go Paris. Yer kur go batu I fer hal yer ma to traindi do. Yer kuna I boboyo ka go batu ci kosowyo.

A go hima ay nda Dorothee se ka annasara gandadiyo kur wane boroyo go aljamadi kuna. Afoyo I kuna go tasi ka du jirbi kayna, I go dem ngiyo gafadi nda dofor wala nda dame fo si a kuna. Afodiyo go key key nda sandwichyo ka na i go ђa, i go bisandi ga nda hari ka go buntalyo kuna. Batudi kuna, yer’o gogor, yer’o wannasu kosow woyo banda. Wala nda i go himanda boroyo ka si mey hujun, ije kaynatereydi ma ganda se, alwakati foyo I boboyo I kuna go mate ka ngiyo na du huna wok a banda na I go jur. Ceɲe kuna, yer wanasudi simba boro wodi ka go dira ay nda Dorothee banda—Sandi Isa Almasihu!

Yer wanasudi kuna, afoyo ka ci alfodoriyo fer yer se ngiyo binedi, I du ka har yer se ka ngiyo ba ngiyo ma du huna cimidi. Afoyo go I kun aka yo go tammaha ngiyo ma du ga koyra tanadi kuna; afo tanayo tammaha ngiyo bakoy

Jemna8

C

90

Yerkoy Taasi Mise

tanadi banda. Afoyo mo go hungu ka na ngiyo du ga drog nda hari futu kuna. Amma I tana foyo go do ti ka yo hinsa ka hambur wirci ka go wi boro.

Boro bibi koyradiyo kuna, i go kati wirci cinne nda ‘boro luufodi wircidi.’ Wodi ka ga na a go, I go har a ci VIH positive wala seropositive. Sa ka na VIH time har wala woy gadi kuna, wala kosow wala hondiyaw kuna, i go kati ga nda SIDA. Hayadi ka na wodi ka ga na SIDA go go hujun nda ci afo: a go som ce fo! Adduɲadi kul kuna hayadi ka go hamburndi SIDA na ci bara kuri wirci nono. Kuri ka go hima ka ciIsa ka go henendi, ka go no huna, a ka Isa ka go jiibi ka go no bun.

Ye beyndi work a wala Kuri ci Isa albarkante ka go no huna, ay si hin ka guna ga. Han fo ay dem bine ka turu ay bakoy lotokor fo ka wir ay ma ka guna misodi ka na i go goy nda. Amma sadi ka na ay guna ngi wane goy jineydi ka kottu wircikomdi gadi, ay ba ka kassam. Sadi ka na ay bakoydi gun aka ye sungay, ay wane addindi bar, a har ay ma fatta. Ay tasi ay bomo. Wala kuri wane gunadi go ham-burndi boro, boro ka kuridi hinsa ka kuma wirci ma ganda se go hin ka du selle nda Alafia nda a du kuri. hȏ, kuridi ka go hunboro sellente gadi kuna go hin ka nondi wircikom se ka safari ga.

Ka jina lotokordiyo, Yerkoy bangeyndi kuri wane bo-ridi nda nga wane alhikimadi. A go har: hay aka se assobon wane hundedi go kuridi kuna … (Lewitik 17:11). Lotokordi ka ci Paul Brand yedda ka huna wane albarkadi go kuri kuna: “Sa ka na i go goy kuna, lotokor fo kur go jente ka bey kuridi huna kuna. Ihinkadi si hin ka fey: nda wor hatta afo, wor’o hatta ihinkadi.”

91


Nga bine boro boboyo go dina ka nda kuridi go hasara nda VIH wane virusdi ka haw nda misodi ka borodiyo man ga, wirci tana go ti ka si fur boro fo. Haya ka se …dem ka borodiyo kul, ka fatta kuri fo kuna ma goro adduɲadi gan-dadi kul ga… (Goydiyo 17:26); wirci wodi ci bun wane ka tar addamaijediyo kul. Bibil kuna, wirci wodi si hun bara adama do, ka ci alkabiladiyo wane kagadi.

Sadi ka na: har lawaldi, Adama, (1 Korint 15:45) dem junubu, a wane banda ka jumbeydiyo kul, haya kul ka ci i kurudi, nda doti ka na i go goro, I kur jukundi nda bun. Bibil go har yer se: I kur go bun Adama kuna … (1 Korint 15:22). Nga sanda SIDA misedi kuna, bun go hirow as-sobon kuna nda kuri ka jiibi, misodi nono junubudi go hun alkabila fo do ka koy itana do. Nda gar won a demdi, boro-diyo go ta koy bene bila I ma guna wirci wala bun. Amma ana ci miso nono.

Yer ma dem albarka Yerkoy se, ka gar sadi ka na Isa hayndi, kuri Isa ka go no huna nondi addamaijediyo kuna. Miso na wodi demdi: Almalaykadi ka ci Jibrila har Mariama se ka a go ta hay ije ka ma di ci Isa. Jibrila faha-mdi albicir woydi misedi ka Isa go ta hayndi nda.

Hunde hinenodi go ta ka ni ga de Ijerodi wane hineydi go ta dabu ni nda ngu wane bidi. Wodi se ije kayna hinenodi ka na n’o ta hay go ta katindi nda Yerkoy wane ije (Luk 1:35).

Alhikima wo demdi sadi ka na hunde hinenodi dabu woydi. Hayayo wo kun aka go haw bomo Yerkoy hunadi nondi addamaijediyo se. sadi, ka gar mariama wane gungudi go ber, kuridi ka go ije kaynadi kuna ci ihineno ka kuna jiibi

92

Yerkoy Taasi Mise

fo si. Nga Sandi wane kuri di go henen bila jiibi. Nga Sandi Isa wane kuridi jatindi ci hunadi!*

Addamaije kuridi ci haya ka fahameydi go sendu. hȏ jatindi, tasikoydi go guna a kuna hayayo ka go haw i bomo. Kuri wane goydiyo kuna afo assobon kuna ci ka.

Henen gadi, ka no ga ђa, ka du ka tangam wirci. Wo go hima nda alhikima, amma alhikima berdi ci ka bey ka Yerkoy no yer kuri tana ka wane goydiyo go himanda wo, ka bias ga jatindi. De kuri wodi go yahadar wodiyo kul se ka go tasi huna ‘cimidi’. Junubuntedi se, Isa wane kuridi na Yerkoy jow ka tusu junubudi. Wodiyo ka bun hunde kuna se, a wane kuri go no huna. Wodiyo se ka ci ihunan-teyo hunde kuna, Isa wane kuridi ci Yerkoy miseyo ka go kallasi Iblis wane almaciladiyo kuna. Kuri wodi yer’o cow: …ka bey ka na ana ci nda hayayo ka go hasara, njorfu wala wura na wor deyndi nda, huna yaadadi ka kuna wor kaye wor babadiyo ga amman da Almasihu kuridi ka go mey hay ber, sanda feeji ije wane ka kuna sotol wala dalla si (1 Pierre 1:18,19).

* M.R. Dehaan, D.D., nga wané citab di ka hamtum ka ma di ci: The Chemistry of the Blood, a jow cini fo yo ka hune beyrey fo yo ra dé a har: ‘Nya ga no ngu wane ijé (ka na hayndi jina, ka go goungou dira) nya si di yo kur ka ijé di ga tonda. Amma kuri di kur ka ijé di go ta du, nya di si mey ara haya kur. Ka jow ijé di wané siinti dira hala a ma hayndi wala toli fo si hune nya di do ka to ijé di.’ Dr. Robert E. Coleman, nga wané citab ka ga sé ni har: Written in the Blood har cini fo DeHaan wané cini di ga: ‘bila nda ngu ma hasara nga cini di ngu ta guna ka ijé wana kuri di si hune kala Har wane Maniyu di kuna, wey si mey ara hiney wala ba kur. Ngu si guna wo dira kakaw fo beyrey koy di yo wane cini dira. Albasi kur si wodira mo. Misé di Yerkoy jati ga dam misé kara ka Isa jati hayndi bila nga nya ma mara nda har a cerbu ndi yer wo wané cimi terey di ka Bibil har yer sé.’

93

Kuri: nga hinende gabi diAlwakati fo, alkabar tondi koydiyo har yer se ka

kondey fo ka go hugay nda jiney jow, albacirterey kuna, i ɲankar goydi wane fondodi. Hal ngiyo ma yarbaha ka bow, kondeydi, ngi wane naaru fo kuna, i jow jiney futuyo ka yo ga hin ka wircindi boro jineyyo kuna ka yo goy ka bisa. I dam i kuna ђayo. Wodi sabab boro boboyo ma wirci wodi banda.

Nga bine addamaije wane gadi kuna, Yerkoy dem alhikima ka dem kuridi nda sanda Isa ka go koyda ђadi assobondi kur se, a go du ka kow jiibidiyo ka tangam wir-cidiyo. De haya ka se Yerkoy wane takareydi go timme, jiibi fo si kuridi kuna. Nga bine kuridi jur nongu si tefe ka bisa hambir. Nda jiibidi na hun kuridi kuna, sika si labudda a kokordi ci wirci nda bun.

Wo ci hayadi ka na Yerkoy faranfasiya sa ka na a go fa-hamdi yer misedi ka na a go kow yer hunadi kuna junubudi ka go jiibindi yer. Hinandi cinne wo si kuboy bara Isa wane kuridi kuna: amman da yer’o dira annuradi kuna, sanda misodi ka nga jatir ci annura, yer’o tabati nda cere de nga wane Ijedi Isa wane kuridi go hinendi junubu kur kuna (1 Yahiya 1:7). Furthermore, Wodi banda, Yerkoy hark a fondo tana fo si bar aka kuna n yer junubudiyo go hin ka hinjendi yer se, hay aka se bila kuri ma mun hinje si bara (Hébreux 9:22).

Kuridi: nga hineydi ka go no hunaKuridi wane goy tana fo ci ka koy nda assobondi

kul kuna haridi, nda ђadi kul ka na a go to nda hal a ma cindi a go huna. Nda kuridi na to nongu foyo, i go bun sadi hinne. Sadi assobondi go bun nda kuris i jur a kuna koyne.


94

Yerkoy Taasi Mise

Labudda, hunde go kuri kuna.Nda yer faham wodi, yer’o hungu Sandi Isa wane ciin-

idiyo ka haw talibdiyo bomo sadi ka na a go ci ngu bomo kuridi ga:

Cimi cimi, ye har ga wor se, nda wor na ђa boro ijedi wane hamdi, nda wor na ɲin a wane kuridi, wor si mey huna wor kuna. Wodi ka go ђa ay wane hamdi, ka go ɲin ay wane kuridi go mey huna dumintedi, de ye ta tundi ga bukowdiyo game jari kokordi ra. Haya ka se ay hamdi ci ђa, ay wane kuridi ci ɲin haya (Yahiya 6:53-55).

Amma hal a ma hinendi hayadi ka na a go ba ka har, Isa filla har: wodi ka ђa ay wane hamdi, ka ɲin ay wane kuri go tabati ay kuna, de ye tabati a kuna… (Yahiya 6:56). Ka fa-hamdoti ka na Huna dumintedi go hun ce ɲali ber! Isa wane kuridi dor hal borodiyo ma kallasi ngi wane junubudiyo kuna. Haya ka se nga wane kuridi mun moreyda yer’o hin ka du ba nga wane hunadi kuna. Sandi fahamdi hayadi ka ci ka ci ɲin nga kuridi, sadi ka na a har — ‘Ay go a kuna! Alhikima!

Haya banda ka i naney Almasihu, almasihuncediyo go hin ka seedeterey nda miso: “Almasihu ka tun bukowdiyo game go huna ay kuna Christ!” Ngi ta se ka ђa takula, nda ka jow ɲin haya, sandi wane tudi do na ci bara seedeterey nda ka sabu Yerkoy. Hineydi ka go Isa wane kuridi kuna ka go no huna ci haya ka go jur naneynte hunadi kuna, hunde hinenodi sabab kuna sa ka na a koydi hayndi taoterey kuna.*

*Amma boro boboyo go hungu ka na takuladi nda ɲin hayadi ka go jowndi eglisedi kuna ci Isa Almasihu jatindi wane hamdi nda nga wane kuridi. Ana ci wo na Isa Sandi ba i ma faham.

95

Nga boro kul ka go tasi huna go tonda kuri ka go no huna.

Kuridi: hineydi ka na a go mey ka kallasiGoy tana fo go addamaije kuridi se. hinendi nda huna

nodi banda, a go kallasi huna. Adduɲadi hambur gumo gumo sadi ka na wirci wo ka

se na I go har pest gunandi Inde. Bene hi fo ka hun doti firsindi nda hay aka go halaci wircidi nonidi, dira koydiyo kuna afoyo jatindi gorondi karantaine. Wirci wo ma si to ganda tana foyo kuna hamburey se bene bene hi kul na ye ka desi ka hun Inde alwakati kayna. Pest ma hun ara, yer wane assobon d’o tangam wirci tana boboyo ka go hin ka wi yer. Amma kuri go mey ngu bomo wangu ijeyo.

A ci alhikima ber, yer ma bey ka Sandi Isa Almasihu wane kuridi, ka go bisa addamaije wane kuri go kallasi yer hunadi. Nga ngo kallasi yer Iblis wane almacildiyo kuna. Ciinidi ka go simba yenjedi ka go ta dempdi jaman kokoro-diyo kuna Iblis nda Yerkoy boroyodiyo nda cere game go har wo: I hin ga feeji ijedi wane kuridi ma ganda se nda ngi wane seedetereydi wane ciinidi se, de I na ba ngiyo wane hundedi ka hambur bun (Bangeyndi 12:11). Isa wane kuridi kuna, wor’o hin ka key Iblis se.

Isa wane hin wo Iblis ga harndi haya banda ka Iblis ka-mdi Adama nda Hawasadi, Sandi ka ci Koydi tammahandi ka woydi wane jumbureydi ngo ta halaci Iblis. Ye ta dem iberete. …ni wane alkabiladi nda nga wane alkabiladi nda cere game, woy wo go ta ba ba ni bomo, de ni go ta morey a cedi (Sintidi 3:15). Woydi wane ijedi go ta ba ba Iblis wane bomodi, amma ka jina gondidi ma du Almasihu wane cedi. Nga Sandi Isa Almasihu jatindi nga ci woydi wane ijedi ka go ta mun ngu wane kuridi boyrodi:


96

Yerkoy Taasi Mise

Nga bundi kuna, a kow wodi ka go mey wane hineydi, wodi ci Iblis (Hébreux 2:14).

Ka fey fey nda lpkol ije woyo ka yer kuboy St. Lazare gardi ra ka go Paris, ka yo go tasi handiryo, boro boboyo du huna cimidi.

Alwakati fo, ay nda Dorothee, yer kuboy Ouganda ije boro jongu ka yo kow sika ka ngiyo du huna cimidi. Sandi Isa Almasihu wane kuri sendodi kuna, i du hiney ka go henendi ngi binedi, ka go no huna, ka go wongu Iblis se. I go hin ka sedeterey ka haya jenodiyo bisa de hayadiyo kul ka itaoyo.

Ouganda alwakildiyo beyndi yer ka gandadi si bori, wodi na jandi ay nda Dorothee, hunde hinenodi wane ya-mar kuna yer jow fondo ka ka gandadi kuna.

Yerkoy jatir nga lelelinde jentendidi ka yer’o hima ka dem doti, yen da pasterdiyo nda ngi wandediyo. Yer’o ta guna ka na a lelinde yekatedi jatindi. (Yer benehidi nga ci ikokordi ka hun Entebbe ka jina saddasudiyo ma kamdi kokoyterey koyne.)

Ja yer to benehi jumbudi do, yer mate hamburey nda ga jijir. Bomohawey go gandadi kuna, de jiibidi jati ka na yer koroshi si kuboy. Yer du mobil ka jow yer ka koy benehi jumbudi do. Fondo kul nga ci gusu gusu, ka yo himanda nongu ka bomb kam. Saddasu foyo keyndi fondodi kuna ka tenjendi yer se malfayo. Yer si bey nd’i go kokoytereydi banda wala ana wala nda boroyo nono ka yo tasi ka dem hasaraw. Amma Yerkoy hinneydi kuna i ceɲe ka bey yer jundi koydi haya ka se i ci alkabila fo. Sadi binetarey kuna, I nan yer ma bisa bila I dem yer se ifutu, wala ka kam yer ga.

97


Sadi ka na yer to, ay nda ay wandedi koy doti ka na jentendidi go hima ka demdi. Yer gar nongudi go jiibi, a go kuboy; de borodiyo jatir go hambur ber kuna. Amma sadi ka na pasterdiyo nda ngi wandediyo ka yer dina hayadi kur ka na yer koroshi. Sandi jatir nga jer yer annema kuna. Ay si ta dina mara woyo ka na yer du Ouganda hal abada haya ka se i cerbu yer ka Yerkoy ci cimi.

Pasterdiyo nda ngi wandediyo go goro haya ka go to guru yaha alwakati alkadar, goro haya kakasoyo ga ka mom ay nda Dorothee ma cowndi gi Yerkoy wane cimidi ka hun bibil kuna. Ye cowndi, Dorothee go hantum cown-didi wane linjidi tablo jeeno fo ga hal i ma hin ka hantum ngiyo kaddasudiyo ga. Haya kayna, yenje demdi, hudi me. I din malfa jowkoy fo ka sakkar, amma a ceredi hin ka bisa borodiyo nda cere game hal Dorothee do ka na a simbandi ngu malfadi. Dorothee har: “Yer ma ђare har wo se hal a ma bey Isa,”

Alwakati kayna banda ka himanda ye ne dahimun, cini bere koydi ha rye nda bomohawey, a har: “ay si hin ka yedda hayadi ka saddasu sakkarnte wo har ye ne—a har, ‘Ye ba ay ma bey woy wo wane Yerkoydi.’”

Sadi ka cini bere koydi go ci ay do, ay guna hay aka ay si dina abada. Haya kul ka sabab ganda haya nono ka almalayka nga gaabi ga, wala Yerkoy jatir nga cerbu ga ngu hineydi, saddasudi ye ngu kanjediyo ga, ka fer ngu binedi; a malfadi kam ganda, nga ta jatindi ye ngu kanjediyo.

Alwakati wodi kuna na haya go hima ka demdi. De Dorothee go bey wodi se haya. A har saddasudi se: “ђare ay banda.” Miso cinne ce nda ce, a kate hunde wo ka derey hal salibdi do—junubunduncediyo kul kallasi koydi do—ne na huna cimi linjidi go Isa wane kuridi kuna.

98

Yerkoy Taasi Mise

Ma se na ye filla wo moreyda? Hayadi ka demdi jen-tendi wo banda ma ganda se? Jentendi wodi kuna, boro boboyo wodiyo kuna ka cindi doti go mey addelil ka se na i go hima ka konno saddasudi gaabi ka hirow cowndi nongudi kuna.

I seppe afoyo ga. Saddasuyo dumbu afoyo kobeyijeyo, i tasi ka wi gi. Amma haya ka se i bey Sandi, i go ba ga, i kuboy saddasu nda ba i du ka ђare a se. I kuboy ga sanda ngiyo harme tao. Jaridi i doonu nda bine ɲali:

Oh, Isa wane kuridi, Oh, Isa wane kuridi, Oh, Isa wane kuridi, Ka henendi ay junubu kuna.

Nda gar ni ye wane adduɲa alwakildiyo cindi yer banda jari wodi sika si labudda go ta sedeterey ka Yerkoy fo nga ci go ta sedeterey ka Yerkoy fo nga ci fondo yenjediyo kul se:

Ka wafakundi haya kul nda ngu bomo…ka du ka no alafia, salibdi kuridi kuna (Kolos 1:20) …de wor ka cindi wor ci yowyo, wor cindi wor ci ibereyo wor hungudiyo nda wor goy futudiyo kuna, moreyda, a wafakundi wor… (Kolos 1:21).

Nga, wodiyo fo se ka go hanga Yerkoy bakoyterey timmente kuna, i go har “nga kuridi kuna (almasihu kuri) yer’o ta kallasi nga binadi ra … ka bisa nda yer wafaku, nga hunadi go ta kallasi yer.” (Rom 5:9-10).

99



1. N’o boni huna boyro wala? Wodi ci huna ka cini na Sandi Isa go ci sadi ka na a har: Ay ka hal feeji ijediyo ma du huna, de I ma a kuna dure (Yahiya 10:10).

2. Bibil cini ga, man na huna go addamaije wane assobon kuna? (Lewitik 17:11).

3. Ma nga ci kuri Sandi Isa wane kuri sendodi wane almana dumintedi?

N’o naney ka a go mey hiney ka hinendi wala?

N’o naney ka a go mey hiney ka no huna wala?

N’o naney ka a go hin ka kallasi wala?

Sandi Isa har: Ay ci tundi nda hunadi. Boro ka naney ay go ta huna wala nda a bun, de hunante kur ka naney ay si ta bun abada (Yahiya 11:25,26).

Goy boyro boyro,Alhujuhu boyro,Ganda boyro.

Labudda ciini kon si faranfasiya wo kur.Mo gunadi ci alwajib.

101

Mise fo na boro go ka Yerkoy boro?

angu ber hinkantedi sawanda ka lotokordiyo hinsa ka beyrey mo safari kuna. Ngi beyreydi to

nongu ka kuna na i go kow linjiyo bukowyo mooyo kuna ka dam gi danamyo se hal i ma hin ka guna. Sangster ka ci lotokor, amma a go yerkoy do moreyda, go filla yer’sé hayadi ka na a guna.

Ja woynedi na fatta, Sangster hanga boro hinka ton-didiyo ra ka go Surrey, ka go angleterre gandadi ra. A foodi hayndi nda danamterey; a foodi ci lotokordi ka bey ka fer a moodiyo. Sa ka na i kottu danamdi moodiyo ka safari ga, i go daabu a moodiyo nda jaara tefeyyo hal woynedi ma si kar gi. Han ka na i go kow gi mo, i go kow gi mooso mooso. Haya kayna kayna, Woydi sinti ka guna gaydi; nga binedi go ɲaali kuna. I batu hal doti ka woynemod’o ba ka fatta, i kow a se jara kokordi.

Woynedi si hin ka boori ka to jaari wodi. Woynedi fur mo nongu mooro. Biidiyo dere. Tuuri fitadiyo taabu ka ka iboyroyo. Cirowyo go sarsar subudi ga ka bene haran-dandi go narey cirkaare taasi kuna. Hayadi ka na a guna ci

Jemna9

W

102

Yerkoy Taasi Mise

alhikima boyro sonko a gar a ci boro ka na bey ka guna. A mo haridiyo dor ganda. A fur jinde. A har: “Hay! Ni har yene ka na a go boori amma ay na hungu wala a go to hinno!” Saadi a cindi goro ra, dangay timmente ra Yerkoy takareydiyo jeereydi jine.

Mise fo na no ta faranfasi icirey boro se ka na bey ka guna? Wala woyne kamte boro se ka moodiyo go daabu? A si kuboy. Ciini fo si bara ka go hin ka tamensa iboyro boro se ka si guna. Maa bene na akoydi go ta jow tamensa? Goy boyro, alhujuhu boyro wala ganda boyro si hin ka tamen-sandi nda jinde. Bara ma guna gi.

Hunde bomoy ci misodi cinne. Ay taasi ka fahamdi Yerkoy wane alhikimadiyo lokkolije fo se. “A har ngu na bey ka dam wodi se lakal.” Ay faham amma ay hanga ka ci a do. “Ana, nda gar ma na ci miso, ay bomo go ta haw haya ka se ni ci sanda boro ka go hu kuboynte ra. Ye bey haya ka nono. Amma ay fatta’ara, moreyda ay si huna bara doti ka na Yerkoy wane badi wane woynedi go narey. Ay har se!” Daouda, nda no ba ma faham Yerkoy wane badi, bara ma fatta hu kuboynte wo kuna, ka huna nga wane annuradi ra. Jaari wodi, Daouda gurfu ngu kanjediyo ga ka taasi Yerkoy ma hinje ngu wane junubudiyo ka du ka hirow ngu binedi ra. Abada, ay si dina hayadi kana a har yene saadi ka na a tun. Ay na bey ka hungu wala a go boori miso cinne.

Sanda misodi ka yer moodiyo go cerbu yer takareydi booridi, misodi na yer hundedi moodiyo go cerbu yer ka Yerkoy go yer jere, a go mey hiney, a go ba yer.

Haya banda ka na a koy bene, Sandi donto diyadi ka ci Yahia ka har a se hayadi ka ci Laodise borodiyo wane misedi. A har koyra wodi se: Ni si bey … Ka ni ci…danam (Bangeyndi 3:17). Wor’o hin ka miila danam ka si bey ka

103


ngu ci danam wala? Amma haya banda ka Isa faham ngi misedi a cerbu safaridi. Ye waaju ni ma ka ay do ka dey modooru safari ka na no ta yon ni moodiyo ga hal ma hin ka guna (Bangeyndi 3:18). Wo ci haya ka wane alkadar do bow.

Wor’o lawal ka hayndi wor ci kuri nda mote. Amma hayndi wodi si fer wor lakaldi, a si fer wor binedi. Nda n’o ba ma hun kuboyra ka hirow Yerkoy beyrey di wane jeereydi wane annura dira (2 Korint 4:6), bara ma hayndi, hayndi tao. Isa har Nicodeme se:

Wodi ka hayndi ham kuna ci ham. Wodi mo ka hayndi hunde kuna ci hunde. Ni bomo ma si haw haya ka se na ay har: ‘bara ma hayndi hayndi tao’ (Yahiya 3:6,7), … nda boro na hayndi hayndi tao, a koydi si hin ka guna Yerkoy kokoytereydi (Yahiya 3:3).

Saadi, nda n’o ba ma guna Yerkoy kokoytereydi, bara ma hayndi hayndi tao.

Sanda addamaijediyo kur cinne, ni mo hayndi nda haya ka go kuma ni. Haya wodi si himanda bara Yerkoy. Almasihu fo ngo hin ka ton ga. Nda ni naaney ga, nga bundi go ta kate goy boyroyo ni hunadi ra. Ana ci ni wane junubudiyo hinjedi ni se na a bun, amma a bun mo hal ni binedi ma ci nongu ka na a go himanda. Amma bara ni ju-nubudiyo ma hinjendi jina a ma ta goro ni binedi ra.

Ay nda boro bibi koosow keyna fo cindi ka wannasu. Ay maate ka boro nono ka go ba ngu ma har Isa Almasihu wane alkabar boyrodi ngu cerediyo se. A gar wodi jirbidiyo ra, ye hima ka koy cowndi Yerkoy ciinidi haya ka go to

104

Yerkoy Taasi Mise

paster jonguhinka se. Ay har a se a ma hang’ay ka koy doti. Yer’o hinsa ka mor doti ka na yer’o hima ka koy nda kilometer boboyo. Amma wodi kur ay dam a bine a ma ka ta tonton yer ga misodi kur ka na fondodiyo kur ci tondiyo. Saadi ka William ka, ay koroshi ka a hinsa ka fara, amma nga binedi cindi ka ɲaali hayaka se a go ta tonton ngu bey-reydi ga Yerkoy ciinidi ra. William na hirow boro bibi mo-bil siito wo kuna hal ngu ma koy yara-yara. A si bey mise tana kur ka na ngo ta koynda maradi do! A si guna bara haya fo, hayadi ka go batu ga sa ka na a to.

Misodi cinne na lsa jatindi go bey ka mise fo si bara ka ra na ni nda ngu go hin ka wafaku ka na ci ni binedi ma hin ka henen. Mise wodi na ci bara junubu hinjedi, amma Isa go ba ma du ngu kuna huna tao. Ni si hin ka har ni si tonda wa-fakoy wodi ni nda Isa nda cere game. Wodi se na ni takandi.

Ka bey ka Isa go huna ni binedi ra, wodi ci ka bey ka huna abadantedi sinti ne, moreyda. Isa go dam ni hunadi ra aljanna keyna hal ma hin ka hirow a kuna.

Wo nga ci seedetereydi: Yerkoy no yer huna abadante. Hunadi mo si bara nga wane ijedi kuna. Wodi ka du ijedi, akoydi du hunadi; wodi ka na du Yerkoy ijedi, akoydi na du hunadi (1 Yahiya 5:11-12).

Wodi se ay bomo na haw saadi ka Daouda wir Isa ga hinje a ma du ka hirow ngu binedi kuna. A du ka wurru ka har: “Ay na bey ka hungu wala a ci miso cinné.”

Amma Mise Fo?Saadi ka Butros (Pierre) go ci Isa wane hunadi nda nga

wane bundi nda nga wane tundi ciini, Yerkoy no wodiyo

105

kur ka go keyndi a se haŋa se, I ma booni ka bey ga. Hunde Henonodi mo dam ise hayadi ka na a go dam ma na mo-reyda. Butros (Pierre) har ise ka Isa ci Yerkoy diyadi. Wodi nga kate i ma har: ma na yer’o ta dam? (Goydiyo 2:37).

Saadi Butros (Pierre) jaabi gi ka har ise ka na i go hima ka tuubi jina. Naaneydi ka go kallasi da ngo cerbu ka Ni naaney, Ni bar; haya ka se naaney si nongu ka tubi si; Yer o dam sanda, nda’na, ana ci haya fo.

Nda ni dam albarka isa se hayadi ka na a dam salibdi ga ni maganda se; a ci sanda ni misediyo kur bar junubu nda Yerkoy misediyo ra. Wodi banda na hunde henonodi go sinti ngu goydi. Sadi na n’o sinti ka guna hayadiyo nda mise tana fooyo. Tuubi jaatindi wane almanadi ci ‘ka bar hungu.’ Saadi, ka tuubi ci ma bar ni hungudiyoYerkoy do here nda junubu do here.

Yerkoy do here: Tuubi (ka bar hungudiyo) go nan hayakur ka na ci ciimi Yerkoy misediyo ra. Ay guna boroyo Afriki ra ka yo kukur ngiyo tordiyo borodiyo kur jine saadi ka na i naaney Isa Almasihu. Amma ana yaraasu. Ye mey cereyo mo ka se na I dam seppe sii kur haya ka se na I furbanda hayayo se ka na ci Yerkoy fondo wala hayayo ka bene na bibil go gay gi. Naaneydi ka go kallasi wane linjidi na ci bara ka naaney bila sika ka Isa ci Yerkoy, Yerkoy fodi ka go kallasdi.

Junubu do here: Sa ka na naaney kuna ni sinti ka huna taoterey kuna, ni jatir go ta sinti ka guna ni junubunteterey-di. N’o nimsi nda ga. Ni hungudiyo go ta bar. Hayakur ka ci junubu mise kuna. Ni si ye ka daabu mo ni junubudiyo ga, amma n’o ta taasi ka mor junubu. Ana ci yer tenjen-tetereydi ngo ta kallasi yer. Yer goy boyrodiyo kur ka na


106

Yerkoy Taasi Mise

yer’o dam ashara kuna na ci bara sanda derbe jiibo (Isaie 64:6). Amma n’o ta bere banda goy futudiyo se ka guna Isa do here.

Miila saddaasu ka go ‘permision’ kuna. De han fo a du leter hinka. Lawal di na hun bara nga cere fo do. A fodi hun nga wane amirdi do. Lawaldi kuna, nga cere d’o wir a ma yahadar ngu wane hiijedi do, leter tana fodira, nga wane amir d’o wir a ga a ma yekate saddaasudiyo nda cere game. Fey-fey ber go nga ceredi leterdi nda nga wane amirdi yamardi nda cere game. Yer’o hin ka fahamdi yer ceredi se ka yer si hin ka sawanda nga hiijedi bila a ma dukur amma ka jan ka tuuru amirdi yamardi ci sanda yer go jinde gaaboterey kuna.

Haya ka se Yerkoy go ba ni, a go bey ka na junubu go ta halaci ni hunadi, wodi se a si kaati ni ma tuubi, a go yaamar ga ni ga. Bulos (Paul) waaju Athenes borodiyo, a har ise: “A go bangeyndi moreyda borodiyo kur se ka I go hima ka tuubi” (Goydiyo 17:30). Ni go wodiyo game ka se na waaju wo damdi.

Alhikimadi ci, nda ni fur hungu futudiyo ka hanga Isa Almasihu ka ci ni Sandi nda ni kallasikoydi, Hunde Henonodi go ta kate wor ma ba iboyro, wor ma hin ka dam ga nga wane ibaydi ra (Filip 2:13). Wo ci tammaha wodiyo se ka go ba ngiyo ma tuubi ka dam Yerkoy ibaydi. Sadi na ni hunadi go ta ka hayadi ka Yerkoy go ba.

Ay bakoy, ye wir ni ga ma yedda Sandi Isa moreyda. Tasi nongu ka kuna n’o hin ka ye ni kanjediyo ka ђare yiskan kuna. Labudda, nda ni wane ђaredi ci har ciiniyo ay banda sanda jinji moko, i si ta nafa ni. Adelildi ci ma jabi naney kuna Isa ka har: Ay ci fondodi, ay ci cimidi, ay ci hunadi mo, boro fo si ka babadi bila ay (Yahiya 14:6).

107

Moreyda dabu ni modiyo, ma ђare nda hayadi ka go ni binedi kuna wala ma ђare nda wo ka na ye no ni.

Ђaredi Ya Yerkoy, ay yedda ka ay na cindi ka bey ni, de ay

na cindi ka ba ni jatindi mais ye dem ma na albarka haya ka si ni bey ni fila ka ba ay.

Ye yedda ka ay ci junubunte de ay si hin ka dem haya fon da ay bomo hal ay ma kallasi. Ye bere ni do Sandi naney kuna, de ye wir ni ga hinje.

Ye cirri nda ka ay ci junubunte, de ye tubi nda ay fondo futudiyo nda ay goy laalodiyo. Albarka Sandi Isa ka ni yedda ka bun ay se, ka no ni wane hunadi ka henendi ay nda ni wane kuridi. Naney kuna, ye jisi hȏ ay huna ni wane kuridi cire ka go mey hay ber. Ka ay binedi kuna Sandi, ma lama ay hunadi. Albarka Sandi haya ka se ni wane Hundedi kuna, moreyda ay hayndi taoterey kuna. Wo ci alhikima ber, ka bey ka na ni wane tundi bukowdiyo game hineydi kuna, ay ci Yerkoy ije, de ye ta huna hal dahimun! de sanda diyadi ka ci Butros go har ga yer se:

De wodi ka naney ga si ta bomohawey far (1 Pier 2:6).

Moreyda ka ni yedda nda ga, koy har boro tana se hayadi ka ni dem. Ma si dina ka a go huna ni kuna de nga nga ci gabidi ka n’o tonda hal ma ci wala ma huna a se:

… nda ni cirri nda ni medi Sandi Isa, de ni naney ni binedi kuna ka Yerkoy tundi ga bukowdiyo game,


108

Yerkoy Taasi Mise

n’o ta kallasi. Haya ka se bine naney kuna yer’o du ashara, de me cirridi kuna yer’o kallasi (Rom 10:9-10).

Leter ka hun Slovaquie

“Ay bakoyyo, misa ka na ay bendi ka cow citabudi ka din ay lakal ka bisa citabu kur ka ay bey ka cow ay hunadi kuna, Yerkoy tasi mise. Ye bey ka na ay si ka ka boro wo da koyne. Sandi Isa yedda ay ga de ay no ga ay hunadi. Ye ba ay wane ɲalidi ma to ay bakoydiyo, wodi se ye wir wor ga nda a go kuboy, wor ma samba citabu wo cinne hinka ka ye ta samba afoyo se…

“Albarka ka wor kate linjil nda Almasihu kallasidi ay hunadi ra … yer na cindi ka bey wala citabu boyro wo cinne go bara.”

– J.A.wane hantum kuna haya.

109



1. Mise fo na n’o dem albarka nondi ber se?

N’o ta har: “ye wir ni ga ma ney ga”?

N’o ta har: “albarka”?

2. N’o hungu ka ni ci Yerkoy ije wala ni kow sika ka ni ci ga?

Haya ka se Yerkoy wane annimadi kuna na ni kallasi naney kuna. De wodi na ci ni goy, Yerkoy no nono (Efes 2:8).

3. Haya woyo go ni naneydi kuna wala:

tubi?

ka dem albarka Yerkoy se?

ka kabu Yerkoy ga haya kur kuna?

4. Moreyda n’o ta dem albarka Yerkoy se haya ka se a kallasi ni wala? ka du ka sabu hayadi ka na a dem ma na ma ganda se nda haya ka se a ci koy wala?

Haya si bara—mise si bara, lakal tun—ka go hin ka to ay nda na ci lawal a ma bisa

Yerkoy do here nda Almasihu Isa. INda a ci miso, a demdi addelil ber se ka lalla ay si hinsa ka faham moreyda. Amma ye wongu ka nan hamburey ma hirow ay binedi kuna nda ay jer a do ay modiyo de ay hayadi ka ka sanda a hun Yerkoy wane alkursi do hal a ma ci ay binedi se gomni ber, binetaray kur si tundi ay lakal, lajaba fo si kow ay

bine, de mise fo si jijirndi ay—haya ka se ye du hinanjam ɲali kuna ay Sandi ma ganda

se. Wo nga ci naney wane hineydi!

alan reDPath

111

Dé wodi banda?

allasi ci haya ka go dundi yaada. Haya fo si doti ka boro go hin ka dam ka du ga. Sandi Isa nga dam

akur. Saadi ka na ni ŋaare Yerkoy nda bine henono, naaneydi ka ni naaney Isa nga dam ni nda Yerkoy ije ciimi ciimi.

De wodiyo kul se ka yedda nda ga, wodiyo se ka naney nga madi a no gi hiney i ma ci Yerkoy ijedyo (Yahiya 1:12).

Laala, n’o ta hã ni bomo “de moreyda, ma na ye ta dam?”

Ka jina Isa ma hun talibdiyo do, nga wane goydi se ka ci ka hin bun, ka du ka ye bene, a har: Wo tabati ay kuna, de ay bomoy go tabati wor kuna (Yahiya 15:4). Cini woyo kuna Isa go fahamdi hayadi ka ci almasihunceterey. Yerkoy wane gunadi ga, naneyntedi go hima ka tabati nga wane ijedi kuna—hal a ma hawjeyndi, a ma sutura hal sa ka na a koy bene. Amma addamaije gunadi ga, haya ka se Sandi ka tun go tabati naneynte cimidi kuna; nga hunadi takadi ahudi kuna, a bakoydiyo se, nda a wane goykasinediyo se, wodiyo kul si fahamdi bila sandi ka go goro a kuna.

A ci sanda turi me. A gunadi ga wor’o har a go nunedi kuna, amman da wor hinsa ka koroshi, wor’o ta bey ka na

Jemna10

K

112

Yerkoy Taasi Mise

nga jatir go cirey sanda nune. Sadi a na ci tangari nono, wor ma hark a na nune go turidi medi kuna!

Misodi da kuna wo koroshi tu ka mitindi siyo me fo hari kuna. Amma haridi bomoy go tudi kuna! Sadi ka na wor hayndi taoterey kuna, hunde hinenodi batize wor Almasihu wane assobondi kuna.

Sadi bibil go har se ka wor hunadi go tugu nda Almasihu Koydi kuna (Kolos 3:3). Nga haya ka se wor hayndi taoterey kuna, Almasihu ka tun go goro wor kuna. Wo ci gomni! Wodi banda, sadi ka na wor hayndi taoterey kuna, Almasihu ka tun wane hunadi jerey hunde hinenodi kuna. Sadi wor’o hin ka ɲalinda ka Almasihu wor kuna, wodi ci tammaha gumo jerey … (Kolos 1:27). Nga haya ka se wor hayndi taoterey kuna, Almasihu ka tun go goro wor kuna. Wo ci gomni!

Moreyda yer ma guna hayadi ka na bibil go har cimi hinka wo ga ka borciney yer wane nafadi ga—ay go Almasihu kuna de Almasihu go ay kuna.

Ay go Almasihu kuna

Yer kur batizendi hunde fo kuna, ka ka assobon fo … (1 Korint 12:13).

Wor si bey ka na yer kur ka batizendi Isa Almasihu kuna, nga wane bundi kuna na yer batizendi ya? sadi yer ficindi nga banda batize kuna nga wane bundi kuna, hal misodi ka Almasihu tun bukowdiyo game nda babadi wane jereydi, misodi da yer bomoy ma dira huna tao kuna (Rom 6:3,4).

113

Dé wodi banda?

Haya ka se wor bun, de wor wane hunadi go tugu nda Almasihu Yerkoy kuna (Kolos 3:3).

Ay cindi ka bey ijekeyna ciina wircikom fo. Alwakati wodi gar a go mey jiiri iyye amma handu hinja ka ka handu hinja kur i go hima ka dam ase pikir nga dumedi ra. han fo lotokordi har a se wala mase na a si hem sanda ijemeyra fodiyo cinne sa ka na pikirdi go hirow nga dumedi ra. Lotokordi hã ga: “Asi dor ni ya?” Daryl jaabi ga ka har a se: “a go dor’ay, amma ni si hin ka faham; Saana d’o hirow Isa wane kambadi ra jina a ma to ay do.” A go mey yer nafa ber yer ma bey ka na haya ka se yer go Almasihu kuna, a go hawjey yer misediyo kul. wo ci naaney!

Misodi ka na naaney kuna ni yadda nda Isa, misodi da kuna n’o ta hin ka huna huna ka go yaajaw Yerkoy. Yer’o dungurandi ciini ka har ka yer naaneydi ngo sabab yer ma du gomni ber Yerkoy do. Wodi se, misedi ka na wor naaney nda Sandi Almasihu Isa, wor ma dira nda ga (Kolos 2:6).

Nda cimi nono ka wor hayndi taoterey kuna, hayadi ka Yerkoy go ba wor ga na ci wor ma dam haya kur ka na Isa dem. Almasihunce boboyo bine hun haya ka se i go ba ngiyo ma hin haya kul kuna. Amma Yerkoy no yer silfanda yer wane almasihunce hunadi se. Yer ben ka bun Almasihu kuna. De nda yer bun Almasihu kuna, yer bun yamar wane alwajibdiyo nda nga jukundidi se. Sadi, yer wane hineydi, wodi ka bias nda wodi ka go te ka kur ci yaada. Nga yer bun adduɲa wane boni hayadiyo kul se. Yer si ye ka huna yer bomo se. Yer ma barkandi Yerkoy haya ka se yer’o huna nda Isa Almasihu wane tundi wane hineydi.

Labudda, yer’o fara nda yer’o tasi ka tenje huna wana almushakadiyo nda yer bomo. Almasihunce taodi go hima

114

Yerkoy Taasi Mise

ka bey ceɲe kuna ka a si hin ka huna taoterey huna won da ngu bomo bila Almasihu ma huna ngu kuna. Sandi Isa go har ga yer se a go hinen: … haya ka se bila ay wor si hin ka dem haya fo (Yahiya 15:5).

Bulos (Paul) na kaana’andi galates borodiyo se ngi hunadi takadi. Jabine, i sinti ka dam hayayo ka nda ngi goy lawaldiyo na ci afo. I lawal ka hanga Yerkoy nda naaney, amma i kokor ka tonton ngiyo naaneydi ga goy tana yo. Bulos hȃ gi nda ciini fo ka jabidi ci haya ka go hinen:

Hayadi ka na ye ba wor ma har yene ci wo: Ashara goy kuna na wor du hunde henonodi wala momdi ka na wor mom nda naaney nga no ga war se? War to lakaldokinteterey kuna hinno wala? Haya banda ka wor sintinda hunde, wor’o ta timmendi nda gaaham wala? (Galat 3:2-3).

Nda cimi, i kokor ka faham, i du ka sinti ngi huna taodi Almasihu kuna nda naney goyyo. De misodi kuna i go hin ka tammaha ka lama huna kuna nda Isa Almasihu sanda misodi ka bibil go har ga (Rom citabudi kuna 5:17).

Galat gandadi kuna borodiyo fur Yerkoy hangadi ka dem haya kul nda ngi bomo. Amma wo dem Yerkoy se Albarka haya ka se nda wor yille wor misediyo a ga naney kuna wor si guna hayadi ka galat borodiyo guna.

Almasihu go huna ay kuna

Ay salibdi Almasihu banda; de nda ye huna, ana ci ay ngo huna koyne, Almasihu ngo huna ay kuna … (Galat 2:20).

115

Nda Almasihu go wor kuna, cimi nono, a bun junubudi ma ganda se, amma hundedei ci huna asharadi ma ganda se. De nda wodi ka tundin Isa bukowdiyo game go goro wor kuna, wodi ka tundi Almasihu bukowdiyo game go ta no huna wor assobon bun hayadiyose nda hundedi ka go goro wor kuna (Rom 8:10-11).

…nga ka se Yerkoy ba ka beyndi ka ci alhikima wo alman jereyntedi tomontodiyo nda cere game, wodi ci: Almasihu wor kuna, tammaha gumo jerey (Kolos 1:27).

… mise ka kuna Almasihu ma goro wor binediyo kuna nda naney; hal nda wor sinjindi a kuna, wor ma ci assasu badi kuna … (Efes 3:17).

Wor’o hima ka tuji Almasihu ga naney kuna ka du ka har: “Albarka Sandi Isa, ni hayadi kur ay na ci. Ye ba ma ka ay hunadi kuna hayadi ka ci ni.” Cimidi ci haya kul ka go simba ni wane almasihunce hunadi kul, Yerkoy talfi ga boro tan ag—Sandi Isa Almasihu! Isa fo nga ci borodi ka go hin ka tenje ni wane almushakadiyo. A go kuboy ma ka addin beyrey koyni ber bila Almasihu, a go kuboy ma ka waju koy ber bila Almasihu, n’o hin ka kabarey linjil ganda tanayo kuna bila Almasihu; amma a si kuboy ma ka alma-sihunce nda Almasihu si huna ni binedi kuna. Moreyda, nga wane a go tabati wor binedi kuna nda ngu hundedi.

Sadi a go hin ka damdi ni hayadiyo kul ka na ma na bey ka hin ka dem nda ni bomo. Nga ka ci ihineno ka ni wane hinendi adduɲa futu wo kuna; nga ka ci hin ka ni wane hindi adduɲa jarrabinte wo kuna; Nga ka ci ba, a ka ma na

Dé wodi banda?

116

Yerkoy Taasi Mise

ba adduɲa alhasidi wo kuna. Labudda, nga ka ci tun nda huna ka ni wane almasihunce hunadi.

Sadi, wo yendi wor bomo ganda, wor ma no wor hu-nadi Sandi Isa, se ka ka tasi ka kallasi wodiyo ka dere (Luk 19:10), wodi ci wor’o hin ka naney ga ka du ka nan a ma goyndi wor hal a ma kallasi hundediyo ka dere! Hunadi go mey nafa ber sa ka na naneyntediyo go du fondo ka kuna Isa go no ngu hunadi itana foyo se.

Wo hungu wo—wala Isa ye bene—ana kow ngu goro nongudi ni kuna haya se a ci hantum haya, ka sadi ka na a go hun talibdiyo jere ka koy bene a har I se:

Alwakati kayna koyne, de adduɲadi si ye ka guna ay koyne; amma wor, wor’o ta guna ay, haya ka se ye huna, de wor bomoy go ta huna. Jari wodi kuna, wor’o ta bey ka ay go babadi kuna, ka wor go ay kuna, de ay go wor kuna (Yahiya 14:19-20).

Moreyda, n’o hȃ ni bomo: “Mise fo na haya woyo kur ka Yerkoy koddor ye ne Isa Almasihu alhorma kuna go hin ka ka cimi ay hunadi kuna?” Hȃ boyro. Wodi ci yer faham hayadi ka go fey naney ka go lakal kuna nda naneydi ka go goy. Hȃ wo mo go cerbu ka wor naneydi nda goyyo. Jabidi ka yarasu nda i kur ci Almasihu wane hunadi go yahadar wodi se ka go naney nga wane jabidi annema kuna. TNaney cimidi go har sa kur, “albarka’.”

Misodi ka borin da ikur ka cerbu ka yer naney ka yer kallasi Almasihu kuna, naney kuna ci yer ma har Isa se albarka haya ka se haya ka se a hinje yer junubudiyo. Wor’o hin ka har a se albarka hayadi ka na a go ta ka wor se alwakati wodi ka kuna wor’o tonda ga. Bila naney, a si kuboy boro ma yajaw ga (Hébreux 11:6). Sadi nda n’o ba

117

ma yajaw Yerkoy, huna naney kuna, de ma si dina ka dem Sandi Isa se albarka alwakati kul nga wane gomnidiyo se.

Sadi ka na Butros hantum almasihuncediyo se ka go jarab kuna ngi wane naneydi Sandi Isa Almasihu kuna ma ganda se, a dem i bine nda miso: Amma, wo hinendi wor binediyo Sandi Almasihu kuna … (1 Pier 3:15). Wo nga ci sirridi ka go kate wor ma muɲe jarabdiyo wor naneydi se. Haya kur kuna wor ma kow sika ka Almasihu go tabati wir hunadi kuna.

Wor ma si dina ka Yerkoy wane madiyo kuna, allahidu jenodi kuna, afo ci ‘Adonay’. Adonay wane almanadi ci San wodi ci koy. Ma wodi na Butros hungu sadi ka na a dem Almasihuncediyo bine ka har i se: wo hinendi wor binediyo kuna Sandi Almasihu.

Nda Sandi Isa ci wor koydi, sakur wor’o ɲalinda ka man ga. Sadi na wor’o ta du borcinterey cimi cimi ka naney ga, ka du ka talfi a ga haya kul ka ci wor misediyo. George Matheson go hantum:

Dem ay nda baɲa, Sandi,Sadi ye ka borcin;Gaabi ay ma fur takuba,De ye ta ka hin koy.

Ka fey fey nda hayadi borodiyo go hungu borcinterey ga, borcinterey cimi cimidi na ay ma dem haya ka na ay go ba. Furniga, ana ci bara ay ma hin ka dem hayadi ka na ye hima ka dem! Wo hungu diyadi ka ci Bulos wane cinidiyo: Ye hin haya kul nda wodi ka go yakuandi ay (Philippiens 4:13).

Irlande du Nord wane tun berdi ka demdi 1859 kuna, boro jemberyo ka Isa do i du ka dem ngiyo kamba dalladiyo

Dé wodi banda?

118

Yerkoy Taasi Mise

kaddasu ka cerbu ka ngiyo ci talibyo. Jaman wodi kuna borodiyo naney ka dorkoto naneydi kuna mise ka kuna gandadi alhalidi kur bar.

Wala kamba dalla kaddasu alwakti wodi si mey nafa ber, ka fur ni kamba dalladiyo citabu wo ga go hin ka faba ni ma tabatindi ni wane jabidi Yerkoy se.

Yala Alafia Koydi, ka tundi bukowdiyo game, feejiijediyo kurkoy berdi, allahidu dumintedi kuridi kuna, yer Sandi Isa, mo hindi wor goy goyro kul nga wane ibaydi timmendi se, a ma du ka dem wor kuna hayadi ka go yajaw ga, Isa Almasihu kuna, nga se jerey ma bara jaman nda jamanyo kuna. Amin (Hébreux 13:20-21).

Leter ka hun Hongrie

“Ye hinsa ka dem wor se albarka haya ka se wor samba ay Bibil hinenodi nda Richard A. Bennett: wane citabu Yerkoy tasi mise.

“Ay cow citabudi kur, ay du ka tasi bibil kuna hayadiyo ka na ay cow.

“Yerkoy tasi mise wo henendi ye ne hayadi na ye hima ka naney nda mase na ye hima ka naney ga. Moreyda ay ci almasihunce, de citabu wo faba ay hal ay jow allahidu ka huna Almasihu se hal abada.”

– Trans World Radio hantumdiyo kuna haya

Moreyda, hal yer ma faba ni ma jow allahidu naney kuna.

Ay wane allahidudi naney kuna

Guna hantum woyo ka yo hun Hantum Hinenodiyo kuna fita:

121 nda 122.

120

121

Ye naney ka jowallahidu

Koydi ka ci babadi go ta ka ay koydiSadi ka na war fur tordiyo ka hanga Koy hunantedi ka ci ciimi.

(1 Tesalonik 1:9)

Koydi ka ci ijedi go ta ka ay kallasikoydiYerkoy jer Isa nda ngu gaabidi sanda Kokoy ije nda kallasikoy hal

tuubi nda jumibu hinje ma hin ka nondi.(Goydiyo 5:30-31)

Hunde henonodi go ta ton ay binedi nda Yerkoy badiHaya ka se hunde henonodi ka nondi yer se mun yer binediyo ra

Yerkoy badi.(Rom 5:5)

Yerkoy ciinidi go ta ka yene tammensaHantumdi kur na hun bara Yerkoy do, nga nafadi ci ka cowndi, ka

tabatindi, ka tenjendi, ka hangandi ashara kuna hal Yerkoy borodi ma sawa, a ma lelinde goy boyro kur se.

(2 Timothée 3:16-17)

Yerkoy borodiyo go ta ka ay borodiyoNi borodiyo ci ay boroyo, ni Koydi bomoy ci ay Koydi.

(Ruth 1:16)

122

Yerkoy Taasi Mise

Ye fur ay huna di Isa seAlfeyda, yer kuna a fo kur si huna ngu bomo se, a si bun ngu bomo se. Haya ka se nda yer’o huna yer’o huna Sandi se, nda yer bun mo,

Sandi se na yer’o bun. Nda yer huna wala yer bun, yer ci Sandi meyrey.

(Rom 14:7,8)

Ye bey hayadi ka na ye damWo suuba hõ wodi ka na wor’o ba ka hanga … Ay nda ay huudi, yer’o

ta hanga Abadakoydi.(Josue 24:15)

Nda ay binedi kurYer dira ciimi nda henen kuna ka na hun bara Yerkoy do war nda

addua di kul jine. Yer na dam ga nda addamaije alakal.(2 Korint 1:12)

Borcinterey kunaNi borodiyo go ton nda anniya han ka na n’o mara ni wane wangudi.

(Azabur 110:3)

Hal abadaMay ngo fey yer nda Almasihu wane badi; lajaba wala hujun, wala

torro, wala herey, jaŋey, wala farrati, wala takuba?(Rom 8:35)

Kamba signé: ________________________________________

Jaridi: _______________________________________________

124

Moreyda, yer’o dam wor bine wor ma cow wodi ka go hanga hantumkoydi citabu wo ka madi ci:

Sanda boro ka jente hina si boboyo, amma a go bun nda herey, misodi na wor’o hin ka ba bibil wane wajudiyo hal wor ma du huna boyro, amma wor’o cindi hundence guna

ga marasunte!

‘Naaney wane ђadi’ ci bibil wane goy jiney ka hantumdi hal a ma ci wor se faba wor ma hin ka du Yerkoy cinidi

nafadi ka hun wor kamdiyo do ka koy wor bomodi do, nda ka hun wor bomodi do ka koy wor binedi do.

Kabarey koydi Cross Currents International Ministries

Djensendi koydiTrans World Radio - Afrique de l’Ouest

B.P. 2131Abidjan 06

Côte d’Ivoire

RichardA. Bennett

Ŋaaney Wane Ŋadi

Ŋaaney Wane Ŋadi

A BISA CITABU MILLION 3 KA FATA CIINI 57 KUNA Bennett … - Your Quest for God... · A na gey, i...

Documents

Transcript of A BISA CITABU MILLION 3 KA FATA CIINI 57 KUNA Bennett … - Your Quest for God... · A na gey, i...