Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/257 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

THLAHmur (juLy) 06, 2017 ningAni (THursdAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

sP Hotline number 7085-256-377

NEWS TOMkiMCHANCHIN LAKTAWI

Mimkeiin Pu Sangkhum Taithu huon a keichim sa;

Lam chimsap ding vengin JCB 2 an duty zingTAiTHu: Taithu le JT Road inkar lamchim khan Taithu khuoa Pu Sang-khum in sum lamsuoknaa a hmang a huon-a Serth-lum kung 7, Hatkora kung 6 le Pan bul 3 le huonthlai dang dang a keichim pek sa a. Hieng a huon thlai le thei kung hai hi a puitling sa vawng, sum lamnaa a lo hmang ve hlak a ni a. Sienkhawm hienga mim-keiin a keichim pek lei hin an insung khawsakna chen a sukbuoi pha ding thu Pu Sangkhum chun a hril. Hi le inzawm hin sawrkar-a inthawk saw-mdawlna iemanizat bek a hmu theina dingin Village Authority le thuneitu han sawrkar tiengpangah baw-zui pek thei hai sien a nuom thu a hril. Chun, tlawmngai pawl tum tum han Taithu le JT Road lampui chim mo-tor fethleng thei dinga an siem\hat zo hnungin Pu Tunga motor hmanga lung la le phurin Taithu khaw-sunga lampui siet zuolna hmun hai siem\hatna sin an thaw mup mup. Hi baka hin JT Road phak hma metah tuhin JCB pahni chu lam chim sap ding vengin an la um zing niin Pu Lalruotlien, HYA Hmarram Joint Hq. Secre-tary chun ei Hmasawnna

Thar a hung hril. Hieng laizing hin June 4, 2017 a inthawk khan Lungthulien le Sipuikawn inkara mimkei hmun ie-manizat ah a tlung leia lam-pui a suksietna hai khawm JCB hmanga siem\hatna sin thaw nawk mup mup a nih. Lampui siem\hatna ding kawnga hma la pui-tuhai Pu Lalropui, Army Chief, HPC(D); Pu Laldawnlien Varte, Presi-dent, HYA GHQ, VA Parbung & HYA Taithu, VA Lungthulien le mimal tlawmngai taka a hmuna sinthawtu hai po po chun-gah Pu Ralkap\huom Village Authority Union, Tipaimukh, Pherzawl Dis-trict, Parbung le Pu Chall-ienthang Songate, Presi-dent, HYA Hmarram JHQ chun July 4, 2017 khan thusuok siemin lawmthu an hril.

Lampui sietna hai siemna dinga pawisa sum sengso hai phuhrukna din-gin biel mipui le mimal bakah Organisation hran hran \hangpuina pe nuom hai ta dingin kawt hawng zing a nih tiin thusuok chun a hril bawk. NH-150/Tipaimukh Road, Pherzawl le Tipaimukh inkar mim-keiin lampui a suksiet thu hi sawrkar thuneitu-hai kuomah intlun a ni a, sienkhawm ngaisak vat a ninaw leiin June 30, 2017 khan VA Union, HYA Hmarram JHQ le Pu T. Siema Commander, HPC(D) han emergency meeting an ko a, chu taka an thurel dungzuia lampui siem\hatna sin hi thaw a nih tiin VA Union le HYA Hmarram JHQ in thusuok an siema chun an zieklang bawk.

Agents hai NFSA Bufai May 2017 quota lak thei hunCCPur: May, 2017 quota NFSA bufai chu a hnuoia ang hin Rationing Agents hai kuoma pekdawk le an lak thei ding hun DSO, CCPur in a puong tah. Hi dungzu hin Thanlon biel a mi han 10-7-2017; Parbung a mi han 11-7-

2017; Singngat a mi han 12 le 13, 2017; Henglep biela mi han July 14 le 15, 2017; Churachandpur a mi han July 17 le 18, 2017 le Saikawt biel sun-ga Rationing Agent han July 19, 20 le 21, 2017 haiah Bufai hi lasuok thei

an tih. Parbung Sub-Division sunga mi chu Sub-Divi-sional Officer, Parbung annawleh ama aiaw of-ficial representative kuta peksuok ning a tih tiin M. Ginzasuan, DSO, CCPur chun inhriettirna a siem.

Ex-Servicemen Rally um ding

CCPur: July 8, 2017, 9AM khin Khuga Dam a um 6th Light Infantry huoi-hawtnain District Training Centre, Tuibong, CCPur hmunah Ex-Servicemen rally um a ta, hi huna hin Shyam Lal Poonia, IAS, DC, CCPur le Rakesh Bal-wal, IPS, SP, CCPur bakah 27-Sector Assam Rifles han uop an tih. Zila Sainik le Bank tum tum han Ex-servicemen hai harsatna chingfelna dingin stall siem an ta, free medical camp um bawk a tih. Hi huna hin Ex-service-ment le Veer Naris a tam thei ang tak \hang dingin CO/Khuga Battalion chun fielna a siem.

ART Centre rawk

CCPur: Zani hmasa zan khan District Hospital, CCPur-a ART Centre chu rukru han an rawk a, Oral Substitution Therapy (OST) tam tak an inrukhmang. Tuta \um hi ART Centre rukru han an rawk a vawith-umna ni taa hril a nih. Rukru hai hin OST Cen-tre kawtkhar kalna le a sun-ga damdawi tum tum kalna tala hai suksiea an rawk a nih. Thil an inrukhmang hai lai hin OST a hmang P. Bu-prenorphine (2 mg) mum

6,996 a \hang niin Dr. Leivon Bellamy Kom, Med-ical Officer in-charge, OST Centre chun CCPur Police Station-ah report a pek. Police a report a ni le inzawm hin zanikhan Lunk-homang Khongsai, Addl. SP (Law & Order) le Johnny Sharma, SDPO, CCPur in-rawinain a hmuna an hang enfel. District Hospital ART centre hin registered cli-ent 573 an nei a, hi lai hin Regular Client 160 vel an um a nih.

JNIMS-ah Operation chawlsan hriimPHAL : Jawaharlal Nehru Institute of Medical Sciences (JNIMS), Porompat, Imphal huongsungah tui a luonglut leiin zanita (05-07-2017) a inthawk thuthar um nawk hmakhata dingin JNIMS-ah operation thil hrim hrim chawlsan hri phawt a nih tiin Dr. L. Ranbir Singh, Medical Superintendent, JNIMS chun inhriettirna a siem. Routine opersation suk-chawl hri a nia chu emer-gency operation ruok chu thaw a nih. Tuilien hin power supply khawm a suk buoi a, Transformer chu

tuiin a chim mek. Medical Superintendent office lutna khawm khup chena tui pal a \ul a, Hospital huongsung khawm tui a lut vawng a, hi Hospital panna lampui khawm tuiin a chim bakah class room haiah tui a lut leiin July 4 & 5, 2017 haiah class nei ni naw ni a, mithi siena (morgue) ah tui a lut bawk leiin post-mortem thawna sin chawlsan hri le mithiruong um hai khawm RIMS Morgue tieng sie-sawn an nih tiin Medical Superintendent, JNIMS thusuok chun a hril.

Regular Class July 7 a inthawk

CCPur : July 5, 2017 a inthawka Churachandpur College-a regular class \an dinga ti chu remchang-nawna a um leiin July 7, 2017 a inthawk regular class \an lem ning a tih tiin Secretary, Student’s Union, Churachandpur College a inthawka ei thu dawngna chun a hril.

Rs. 1,00,000 an thawlawmimPHAL : Manipur a tu-ilien leia harsatna tuo-rhai \hangpuina dingin zanikhan Manipur Home Guard Employees Welfare Association chun Chief Ministre’S Relief Fund-ah Rs. 1,00,000 an thawlawm.

Hi sum hi zsanikhan hi As-sociation \huoituhai chu Chief Minister’s Secretar-iat, Imphal-ah fein CM N. Biren Singh kutah an pek. CM chun lawmum a ti thu hi Association \huoituhai kuomah a lo hril.

SDC, Lilong man dingin

imPHAL : Tuilien leia sin thaw ding tam tak el a um laia a sin le a mawphurna thaw lova a fe hmang san leiin L. Nabakishwar Singh, IAS, DC, Thoubal chun Md. Itocha, SDC (HQ) Lilong Sub-Division chu man dingin SP, THoubal chu an hriettir. Md. Itocha hi an bihmang a, a chengna In, Hiyangthang Thong-khong, Imphal West a khawm a um naw leiin man a la ni nawh.

JMIC, Moreh rawktuhai manmoreH : June 29, 2017 le July 2, 2017 haia JMIC, Moreh Complex rawktuhai chu July 4, 2017 khan Law-rence K. Munluo, SDPO, Moreh le a rawi han Prem-nagar, Moreh Ward No. 4 hmuna an man. Mana um rukruhai chu, Md. Muna @ Asad (34), s/o Md. Abdul Rajak of Moreh Ward No.

5 le Thongkhomang Ha-okip (33), s/o Ngamjathang Haokip of Supermeina, tuta Dalpati, Moreh Ward No. 2 a um hai an nih. JMIC, Moreh Court Complex a inthawka an thil inruk hai chu Acer Computer Set 1, Ceiling fan 1 le folding almirah 1 niin Police chun an hril.

Manipur-ah Charter Flight a service \an

imPHAL : Zanita inthawk khan Manipur ah Charter Flight a service \an. Zani zing dar 9:50 khan Imphal a inthawka Silchar pan ding Charter Flight chu MLAs Surchandra Singh le Sara than Tulihal Air-port, Imphal-ah Charter

Flight hi an hawng. Char-ter Flight hi Imphal – Di-mapur le Imphal – Aizawl inkar haiah khawm a ser-vice ding ti a nih. Kha hma khan CM N. Biren Singh chun Charter Flight fe ding thu hi a lo puonglang ta a nih.

Police han Ganja Kgs. 1605 an man

imPHAL : Zani chawhnungtieng dar 2 vel khan Andro Bus Terminal/Parking bula Truck pakhata inthawk Imphal East District Police hnuoia Narcotics Cell han Ganja Kgs. 1605, tuolsung rate a Rs. 33 lakh manhu le International Market rate a Rs. 2 Crore manhu vel chu Truck Driver Imran Khan leh an man a, case an siem khum. Ganja hi Plastic Polythene a tuom le fun 107 a ni a, fun khat hi 15 Kg pei a nih tiin Police thusuok chun a hril.

Chief Minister-in GST thuah High Level Meeting a neipuiState-a thil umdânhai en dingin Central Team hung an tih: CM

imPHAL: Chief Minister Mr N. Biren Singh chun Old Secretariat, Conference Hall ah sawrkâr thlung-puiin July 1 inthawka India ram pumpuia hmang dinga a ti Goods and Services Tax (GST) hmangna ding le inzawmin mi pawimaw le official insanghai high level meeting a neipui a, mipuihai hrilvarna kawn-gah nasataka \hang la seng dingin an fui tâwl. Chief Minister chun, revenue collection \ha tak le awlsam lema thaw a ni theina dingin mipui vântlâng an hnuoitaka mihai chenin tax lak dan thar GST hi an hrietchieng theina dingin official hai chu GST chieng taka hrieta mipuihai khawm hrilhriet pei dingin an hriettir. District tina DC le SDO hai chu revenue collection thuah mani mawphurna bi-kah ngai a, titakzet le taima taka sin thaw dingin a hril a. Meeting hi GST \hatna le \hat nawnahai thlirna ding le ei State ah \ha tak le indik taka hlen/hmang a ni theina

dinga lampui siemna dinga nei a ni thu a hrilpek bawk. “GST hi tax lak dan thar, thil thar a nih leiin sawrkâr kaupenghai po po khawm coordination \hatak neia hlen suok a ni theina dinga dan le system hai hri-et chienga thaw a \ul a nih” tiin a hril. High level meeting-a hin Dy CM Mr Yumnam Joykumar Singh, Chief Secretary O. Nabakishore, Administrative Secretar-ies, Deputy Commissioners hai, SDO hai le high rank-ing officer dang danghai khawm an \hang.

Meeting zo hin CM chun Old Secretariat com-plex-a biometric machine hai le room hran hranhai khawm a en kuol a. In-spection zova Reporter hai kuoma a hril dan chun, sub-division level-a GST nodal officer ding chun SDO tinhai ruot niin a hril. “Anni hin grass-root level-a mipuihai hrilvar an tih” tiin a hril. A hril dan chun, kha hma khan chu tax (sie) chi hran hran Central le State-in an lak 17 vel a um a. Tuhin chu an rengin GST hnuoiah um vawng tang an

ta, single tax angin GST lak an ni ta ding a nih. State sawrkâr sum ngîrhmun \hat a pawimaw thu hrilin, Prime Minis-ter Mr Modi-in North East State hai 90:10 share hung sukthar nawk sienkhawm, tax lâkna kawngah \ha taka thaw a \ul tho a nih tiin a hril a. Development project rêng rêng chu sum ngîrh-mun \hatah an nghat a nih a ti bawk. “Chuleiin, hmasawnna kalpen sukhratna ding chun sawrkârin a sum ngîrhmun sukdetna dingin tax lâkna/revenue hmuna a sukhrât

a \ul a nih” tiin uor takin a hril. Chanchinbumihai in-dawnna dawnin, central sawrkara inthawka tuilien \hangpuina ding thuah, CM chun, State sawrkârin ‘state calamity’ a puong ta a. Central kuomah khawm thil umdân hrilin ‘severe nature’ anga pawmpek din-gin Home Minister ngei khawm telephone-in a hril thu le PM khawm lekha a thawn thu a hril a. Hi chungchânga hin thil umdân enfel ding le tuilien le mimkeiin a suksiethai inkhi dingin central team an la hung ding niin a hril. State Plan size iengtik am sukfel a nih ding, ieng-zam a ni phâk ding ti zawna dawnin, tuta inthawka sawt-nawte ah State Plan Size chu fix nîng a tih tiin a hril a. A sawrkar chun skill develop-ment, connectivity (inth-lungzawmna), infrastructure (hmangruo), drinking wa-ter (tui thienghlim dawn ding) le thil \ul dang dang-hai a ngawi pawimaw hma-satak ding thu a hril bawk.

Ruotuoi a hawng khe saa phurlut dinginCCPur: Chief Execu-tive Officer (CEO), ADCC, Pu TK Simte chun CC-Pur khawpui sung Bazar-a Ruotuoi zawrtu hai chu an Ruotuoi zawr ding hai a hawng khe fai saa Bazar-a phurlut chau ta dingin zan-

ikhan Inhriettirna a siem. Ruotuoi zawrtu tam takin

an rawtuoi zawr ding hai a hawng khe loa Bazar sunga a hawng an khena han Bazar a sukhnawk taluo ti report um le inzawma CEO, ADCC hin ruotui zawrtu hai a hawng khe saa Bazar phurlut chau dinga an hriettir a nih.

MSRLM le Apollo Medskills Ltd han MoU an ziek

imPHAL: Manipur State Rural Livelihood Mission chun M/s Apollo Medskills Ltd leh Deen Dayal Upad-hyaya Grameen Kaush-alya Yojana ( DDU-GHY) hlenna dingin, Rural De-velopment le Panchayati Raj Minister Mr Th Biswa-jit Singh hrietpuiin July 5 khan New Secretariat of-fice ah MoU an ziek. MSRLM aiin State Mis-sion director Mr R. Sud-han in hming a zieka, M/s

Apollo Medskills Ltd chu an Senior Vice President – Projects Mr S. Sridhar-in hming a ziek. DDU-GKY hi National Rural Livelihood Mission kut le ka sinthawna tak a ni a. A sinthaw tak chu \halaihai thiemna (skills) pek le thilsiem sukpunga Retheina sukbo/suktlâwm a nih. Trainee or employer hai ta dinga sêngso um \hak lovin trainee haiin thiemna an neia fak hmu theina sin

an neia productive an ni chenin, thiem inchuktirna project (Skilling Project) kum thum sung, an gradu-ate chenin a pek vawng a nih. MSRLM target dung-zui chun, March 2019 che-na \halai training pek ding zat chu 10, 518 a nih. DDU-GKY hin 3-tier implementation model a hmang a. Tier I chu na-tional unit policy-making, technical support, facilita-tion le investing agency ang/ngirhmuna um chu a ni a. Tier nawk chu, state sawrkâr Rural Livelihood Mission hnuoia um DDU-GKY State Skill Mission hi a nih nawk a, co-invest-ment thawa, public/pri-vate agency hai supervise a, NGO hai le sector dang dang industry/education/training haiah skill devel-opment training pek a nih.

Manipur ah Unemploy-ment rate A Tlahnuoi

imPHAL: Directorate of Employment, Lamphelapt, Imphal hril dan chun, February 2017 khan thla danghai nêkin Manipur-a unemployment rate a tla hnuoi. March thlaa sin nei lo inzieklut mi 4, 080 kha, February ah chu nuhmei 240 \hangin mi 523 chauh an nih. A tamtak chu Imphal West niin, nuh-mei 82 \hangin mi 174 an inzieklut a. Inzieklut tlaw-mtak chu Tamenglong dis-trict a nih a, pakhat khawm

an um nawh. Tuta thla sun-gin pieng kena ruol banlo, danglamtaka pieng pathum an inzieklut bawk. Hi hun sung bawk hin Vacancy Notice khawm a um nawh a. Career in-formation ah visitor an um bawk nawh. Self Em-ployment Promotion Cell a Live Register khawm a pangngaia zing a nih; nuhmei 1219 thangin ap-plicants 4370 an um. Live Register-a total record chu nuhmei 2, 45, 545 \hangin 8, 17, 411 a nih. (DIPR)

Monthly Review meeting an nei

CCPur: District AIDS Control Officer (DAPCU), CCPur Dr Romeo Sanate inrawinain zanikhan a office chamber-ah District AIDS Prevention & Control Unit (DAPCU), Churachandpur Monthly review meeting nei a nih. Nishi, Nishi, Project Of-ficer, TI-NGO chun, hun ie-manichen New Bazar-a Drop in Centre (DIC) hawnga um chu Bungmual tienga sawn ding le LRRC Sub-DIC feth-

lengin Singngat khuoah OST Satellite hawng a ni ding thu a hril a, MACS in Annual Plan an siem, NACO in a pawmpui thu hai report a pek huna a hril. Benjamin chun, District Superviser, DAPCU, CCPur in meeting hmasaa resolu-tion hai a tiemlang hnungin ennawn a ni a, DAPCU a inthawk People Living With HIV (PLHIV) hrietchienghai po I-Card pek ding ti chun-gthua hriltlang a ni hnungin

PL-HIV Private Laboratory le Hospital a HIV an nih ti sukchiengna an neia, con-cession ngen an um chun Laboratory/Hospital han rate inhnuoi thei ang taka thaw pek ding le DAPCU in I-Card a peksuok thei hma po sawrkar hrietpui ICTC test-a HIV positive sukchiengna re-sult hmang thei dingin an rel. June 16, 2017 nia DC in-rawinaa PLHIV hai I-Card chungthu hriltlang hunah First round a I-Card siemna dingin District Administra-tion in Rs. 10,000 pek a ni ding thu, Overdose Manage-ment chungthuah Transport Association le District Ad-ministration hai inbiekrawn ding ti a ni thu Benjamin chun a hril.

Messi in Barcelona leh 2021 chena dingin contract a suksei

Hmasawnna Thar2 THLAHmur (juLy) 06, 2017ningAni (THursdAy) ARTICLE/HEALTH & EMPLOYMENT NEWS

Editorial

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIThutiem thar ka pek cheu hi, inhmangai unla; keiin ka hmangai ang cheu hin, nangni khawm inhmangai ro. In inhmangai chun mi popovin ka \huoihruoihai in nih ti chu taka chun hrieng an tih,” a ta. - Johan 13:34-35

Driver mawl

ALL INDIA RADIO: CHURACHANDPUR PROGRAMMEdate: july 6, 2017 (ningani)

TrAnsmission- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God: (Paite)

5.05pm P Local Announcement/Prog. Summary

5.10pm P Minor Dialect (Simte): Dimneikim & party

5.25pm P Health Hints(Paite): “Personal Hygiene” by Kamthianlal

5.30pm PPAITE Prog. Sig. Tune & Announcement

Announcer: Ellen1. Listeners Choice (dev)

6.00pm P

HMAR Prog., sig. Tune & Announcement Announcer:Mary

1. Joseph Pakhuongte (dev)2. Schemes and Prog. launched by PM Narendra Modi

between 2016-17 Translated and Narated by Niangngai-hlun Buhril.

7:00PM PTHADOU Prog., sig. Tune & Announcement

Announcer:Lunminhao1. Listeners Choice

Farm & Home:Paite1. Khamkhansuan & party (dev)

2. Talk: “Mushroom Cultivation” by Thangchinlian Ngaihte

Inlirthei khaltuhai (Motor Drivers) hi sin pawimaw tak cheltu le thawtu an nih. Mihriem phura inlirthei an khal lai lem hin chu mihriem hringna chunga mawphurtu an nih. Hi lei hin inlirthei khaltuhai hi an fimkhur hle a \ul a nih. An sin hi namnul mei mei puma thaw chi a ni der nawh. Inlirthei khaltu-hai hin motor an khal hun sung hin chu Zu \hang-sain inruithei thil thaw naw hrim hrim hai sienla, mobile phone hmangin mi inbiekpui bawk nawhai sienla a \ha. Inlirthei khal laia inruithei thaw lei le mobile phone hmanga mi inbiekpui hlak leiin mo-tor eksiden hi a tlung rawp ta hlak a nih. Inlirthei khaltuhai hrim hrim chun an mi phurhai himna an ngaipawimaw hmasa tak ding a nih. Sil le bil ei ti hin mihriem lungril le ngaituona hi a thunun thei hle hlak. Hi lei hin ram changkang haia chun Driver-hai incheina hin ngaipawimaw a hlaw hle. Inlirthei khaltuhai hrim hrim chun pheikhawk an bun ngei ding, zakuo le kekawr a mawikhai tawk an hakin an bun ding, smart tak le bengvar takin an um ding ti a nih. Ei rama ruok chun hi thil hi ngaipawimaw a la hlaw tawk naw a, Driver tam takin an incheina hi an la namnul a, a pawi hle. Lungril fim tak putna ding le lun-gril har vaka umna ding chun incheina hi uluk le ngaipawimaw ding a nih. Ei rama inlirthei khaltuhai lai mi fel tak tak, mi bengvar le hawihawm tak tak an um lai zingin Driver Traffic Rules hriechieng mang lo, Driver mawl le chut tak tak an la um hi chu a pawi hle a nih. Tulai sana mani passenger-hai ngaituo der lova dumziel hawp khu vung vung le inrui buta la um hai hi chu Driver mawl an nih. Hiengang motor a hin chu mi an chuong nuom ngai nawh. Hi lei hin Driver-hai hin motor an khal hun sung hin chu an nun le an incheina an uluk ding a nih. Driver \awp le motor \awp deuva chuong hi mi an nuom ngai naw a. Hi lei hin driver fel le bengvar, a mawitaw-ka inchei Driver hi passengers han an melkai hlak. Driver fel le bengvar, a mawikhai tawka inchei le inruithei thaw lo han passenger an hip nge nge hlak a nih ti hi Driver-hai hriet dinga pawimaw a nih. State dang le ramdang (foreign) a inthawka ei rama hung inzinhai lo dawngsawng hmasa taktu chu Driver-hai an nih. Hi lei hin ei ram le hnamin Driver \ha, Driver fel le bengvar hi a mamaw em em el a nih. Driver-hai an fel a, an bengvar chun ei ram le hnam an chawimawi a, an suk hming \ha hlak. Driver an fel a, an bengvar chun ei ramah mi han hung inzin an chak rawp ding a nih. Hi lei hin ei rama Driver han an nun le incheina hi tuta nek hin uluk lem hai sienla nuom a um hle. Driver-hai mawphurna hi a pawimaw ang bawkin an sang hle a nih. Inluling tak le intithei taka inlirthei khal hlak hai hi mi han Driver fel le bengvarin an sie ngai naw a, mi uongthuong, mi chapo le Driver maw-lin an ngai hlak. Driver fel le bengvar hai chun an passenger-hai an inzain an sie lal thiem hlak. Hi lei hin passenger an hip a, passenger an tlasam ngai nawh. Inrui buta inlirthei khal hlak hai hi chu mi han an \i a, an motor a chuong an nuom naw leiin an hel hlak. Intithei takin um hlak hai sienkhawm an hnungtieng mi han an nuisaw hlak. Fur hun lai a ni a. Ei lamlien hlak a \hanaw a, inkuo rek ruk an ni a. Lamlien inkuokna hmun haiah hin tuihawk an tling leiin inlirthei khaltuhai an fim-khur zuol a \ul hle. Driver fel, Driver fimkhur, Driv-er bengvar le Driver \ha hai chu hieng huna hin hriet thei an ni hlak. Tulai ang huna lamlien sira kelawnga fe hai ngaituona nei der lova motor hrat taka khal a, lamliena tuihawk le chirhak chilper hlak Driver-hai hi chu mihai theida le hnam an nih. Hiengang mihai hi DRIVER MAWL an nih. Intithei le uong tutin an uma chu mi han an ngaisang nawin an lawm naw a, an ngaisang bawk nawh. Inlirthei khaltu han tulai tak hin chu lamlien sira kelawnga fe hai hi an CARE hle nuom a um hle.

emPLoymenT neWs1. All India Radio, Imphal hnuoiah Hmar Programme-a thupuongtu ding Casual Programme presenter/Announc-er a ruok. Inhnikna nei han plain paper-a hnina lekha ziekin July 15, 2017 chen khin peklut thei ning a tih.Document peklutsa \ul hai (i) Thlalak passport size copy 2 (ii) Age Proof Certificate (iii) Degree Certificate (iv) Kum 20 le 45 inkar mi (v) Money Order Rs. 300/- leh Station Director, All India Radio, Imphal kuoma peklut ding a nih. recruitment process: Written, audition le Interview hai fethlenga lak ding a ni a. Laka um hai chu a \ul dung-zuia ko hlak ning an tih. Western Music, Paite, le Thadou \awng haia casual presenter ding khawm lak ning a tih. 2. Chief Ministers Secretariat-ah contract basis in Grievance Cell-a Customer Care Executive post 4 a ruok. Inhnikna nei han July 7, 2017, 10:00AM khin Old Secre-tariat Conference Hall-ah Interview Board hmaah inlang ding a nih. Thiemna Graduate le computer knowledge nei. Manipur major language le Dialects thiem hai ditsak bik ning an tih. Kum 21-35 inkar ni a \ul a, Thlanga um han thlatin Honorarium Rs. 12,000/- hmu hlak an ta, a sin hi February, 2018 chen ding a nih. Interview huna hin bio-data bakah attested passport size copy 2 bakah original documents hai chawi ding a nih.

AIIB in Gujarat-a lam-pui siemna dingin

USD 329millionneW deLHi: Beijing-a headquarter nei Asian Infrastructure Investment Bank (AIIB) chun Guja-rat state a khuo 4,000 haia lampui siemna dingin US dollar 329 million a pawm-pui (approved). Hieng sum hai hi Gu-jarat state sunga districts 33 haia khuo 4,000 haia infepawna lampui (road) siemnaa hmang ding a nih. Lampui mumal umnaw le \hatnaw leiin Hriselna (Health) tiengpang servic-es le naupang school kai hai ta dingin harsatna nasatak an tlun mek a nih.

Hi Project hnuoia hin district le farm-to market roads hai bakah inchuknain le hospital panna lampui hai siem\hat le sukchang-kang ning a tih. Project sum hi AIIB chun Gujarat Economic development le India kuomah direct in peng a tih tiin DJ Pandian, Vice Pres-ident le Chief Investment officer, AIIB chun a hril. AIIB hi multilateral development bank niin an headquarter chu Beijing (China) rama um a ni a, tuhin member rambung 80 an um mek a nih. (PTI)

GJM supporter han TMC Of-fice Petrol bomb in an deng

dArjeeLing: Gorkha Janmukti Morcha (GJM) in Gorkhaland state hran ngenna leia shutdown an nei chu an fepui pei a. Darjeeling-a inthawk km. 55 vela hla Kalimpong hmuna Trinamool Con-gress (TC) Office chu GJM supporters han Petrol bomb hmangin an deng. Darjeeling a chun za-nikhan Gorkha Janmukti Yuva Morcha supporters

han Gorkhaland hran ngen-na thlawpnain Chowkbazar area-ah ‘khukri’ chawia thu insamin lampui hrawna an nei. GJM in Darjeeling-a Shutdown an puong hi ni 20 a chuong ta bakah Inter-net serice thata um khawm ni 18 a tling ta a, pharma-cy ti lo dawr le bazar hai bakah schools le college hai khawm khar zing an la nih. (PTI)

VieWs From my WindoW: THLirnA- By L. Keivom

Ka piengcham July 15, 2017-a tlangzar hman ngei dinga ka thuziek thlang khawm bu khatna buotsai dinga thutlukna ka siem thut leiin ka artikul hluihai dap khawm le rem khawmin ka buoi char char a, ka hriet naw karin Inrinni tukin a mi lo nang dĕr tah a. DT-a insuo ding artikul ziek chu hril lo, ziek ding thupui khawm ka la ngaituo hman naw leiin tuta kar chu inphat el ka tum a. Ka hang ngaituo nawn leh, dam zing sia tum hlen lo chuh a pa naw thlakin ka hriet si a. “Takchapa!” tiin ka hang insang mar a, zing nisa suok ruolin ka computer hmaah ka \hung a, ka lekhabu insuo tum chanchin hung phawr met ka tum a nih. Kum 21 tawp a zawna India ram puo tieng kan thang hnungin 1997 khan Delhi tlangah kan hung kir a. Chu taka inthawka vawisun chen hin Delhi Thurawn (DT) a insuo ding thu pawimaw le tlo dinga ka ngai artikul ka ziek ngat ngat a. A hmaa ka ziekhai le tiem chun 1500 chuong zet a lo intling khawm ta a. Hienghai ringawt khawm hi lekhabu-in khawr pum inla, bu 50 chuong ding a ni tah. Topic hrang hranga rem khawma a bu-a sut ka tumna a sawt ta a, sienkhawm kum 15 sung hi Baibul prawzekin a hluolan leiin thaw thei loin ka la um a. Tu hin ‘KA TUKVERA INTHAWKIN’ (VIEWS FROM MY WINDOW) ti hming chawia Sinlung Academy of Letters (SAL) hminga bu iemani zat sut phawt tum a nih. Bu hrang hrang sutna tumtuhai (sponsors) hming inchuon ni bawk a tih. Bu khatnaa hin sakhaw tieng ngha thusep le artikul 50 a chuong a. Pathien nina le hming, sîr hrang hranga inthawka thlirna le a thiltum hlenna dinga hmangruoa mi a hmang dan hai; Setanin a lampui dal le sut chat tuma \hang a lak dan le Remruottu Mak a nina anga mihriem hmanga a thiltum a hung hlen suok dan hai; ringna umzie le ringnaa kalchawihai tawnhriet chi hrang hrang dam; Sinai Constitution le Sinai |ening Sikul pawimaw chungchuongna dam; mihriem lungrila chatuon a sie umzie dam; machi le kristien nina pawimawzie dam; Joba lekhabu dilsutna dam; Beroi kohran le eini kohran danglamzie dam; \awngkam indik lo ei hmang leia thutak ei sukbuongbar dan dam; piengthar umzie thlirna dam; inthawina hringin umzie a nei nawzie dam; Tirko Paula phungsorna dam; theulawzi thar- tina, thabo, sekibusuok, sekhonhan theulawzi dam; Kana tawnhriet umzie dam; hmunhnawk pek suok \hatzie dam; Pentecost ni umzie dam; Paula le Peter tawnhriet khaikhinna dam; ringna umzie le ringnaa kalchawihai tawnhriet dam; sir hrang hranga kros umzie thlirna dam; le thil dang dang khum a nih. Desk Computer (PC) le Laptawp ka hmangna hi kum 23 vel a lo ni ta a. Chu sung chun laptop 8 ka hmang chul ta a; PC lem chu vawi ieng zat tawp am a mi sepeka kan siemtir le a thara ka thlak ka hriet seng ta nawh. Computer a siet zatin ei fimkhur hle ei ti khawmin document iemani zat chu pendrive le hum dan chi hrang hranga ei hum theinghil amanih hman lo iemani zat chu a bo ngei ngei a. 2002-2007 sunga Baibul inlet kan bei ngawr tak tak lai chun boruoka inthawka dotu le sukse tumtu an tam zuol amanih ti dinga a um leiin, ka zing thoa computer ka hawng charin Pathien kuomah inhlanin, a huol himna ka hni a, zan rilah ka khâr ding pha lawmthu ka hril bawk a. Boruok zai hmanga veng himtu dingin New York-a um ka naupa James Lalropui Keivom-in Carbonite le ka computer a hung suizawm a. Vawi khat chu virus

\ium deuin ka computer a hung rŭn a, a thara thlak hlawl ngai khawpin a sawp a. Vangneithlak takin Carbonite hmanga ka document po po khah kan hum a ni leiin internet hmangin ni nga sungin kan hmu kir nawk vawng a nih. Pathien thilsiem makzie hi a hmang dan ei hriet inthuk po leh a makzie ei hriet inthuk pei el ding a lo nih. DV lampui hraw hi a khokham khawp el. Sienkhawm, Pathien lunginsietna ropuizie inlangna ding vawng a nih. Computer le internet hmanga boruok zaia thil inthawn zung zung theia ei um hnung hin nasa takin mihriem ei inthlada a, ei document tam tak chu zieka kawl nachang ei hriet naw leiin, computer khawl a thawk naw chun ai mit thlawng ang hlawl ei ni a, hmang thei loa a se lem chun, chu hlauh chu! Chun, zieka thil inchik dan ei hriet hma chun ei hrietzingnaa innghat ei ni leiin ei thil hriet a sawt a, ei thu le hla hlui, Oral Tradition ei ti po po hi chuong anga hrietna an lo inhlan sawng a nih. Zieka thil inchik dan ei hung thiem hnung chun ei hung inthlada a, hriet zing theina tha fei dan a hung zalh tiel tiel a, a tawpah zani lai thil el khawm ei inchik pei naw leiin ei hriet dan a mumal ta naw hlak a nih. Hieng tieng panga hin eini rawi hi sa borala boral ei nih. Ei chanchin invawi a, hriet nuoma thu le hla indawn le rikawta sie tumna lungril put ei văng a, vawi khat vawi hnih thawhai khawmin sie \hat nachang ei hriet naw tlangpui. India ram puo tienga kum 21 a zawna posting-a kan suok sung khan India hmarsak, abikin Zo hnathlakhai laia thil tlung pawimawa ka hriet, Indian newspaper-a inthawka ka hmu thei po po chu chep thlain, file-ah clippings ka sie pei a, HPC Movement thil ringawt khawm Baibul neka sa ding hiel ka khawl hman a nih. A hnung daih, 2010 May-a DT Editor-in Martar Ni chanchin ziek dinga a mi ngen chun a chanchin hre ding awma ka hriet taphawt telefawn le mail-ah ka’n dawn a, ka hlawsam dĕr a. A tawpah clippings ka kawlhai ka dap khawm a, Martar Ni (Martyrs’ Day) ti khah ka ziek a nih. A tiem an um ngŭt rĕk dim! Chanchin bu amanih magazine-a thuziek \ha ei insuohai hi a \hat lai zingin a lo hmutu mi tlawmte chauh tiem a hlaw bak chu a tukah hriet fuk a hlaw naw nghal a, a pamhmai em em. Lekhabua sut a ni ruok chun kum tam tak hnung chen khawmin mi tam takin an \angkaipui bakah ram le hnam le khawvel ta dingin ro hlu le malsawmna hnar a ni zui pei thei. Mihriema ei hung pieng hin mi tinin mani tawkah tawnhriet ei nei seng a, chuonghai chu \hang la hung thar peihai \angkaipui dinga inhlan sawng hi mi tinin ei dam sunga tha bat tlak ding ei nei chu a nih. Chu dinga hniekhnung maksan dan kawng khat chu lekhabua hlu lut a nih. Kum 1997-a Delhi-a ka hung kir nawka inthawkin kum sawmhni zet hun a lo fe el tah. Chu sunga lekhabu kan sut po po hi cheng nuoi sawmnga chuong hu a ni tah. A zatve neka tam hi Delhi Version Baibul inletna le sutna a nih. Inlet le sut dinga buotsai ding hin ram changkanghai bituk zat pe dingin hlawfain mi ruoi ding ni inla, vaibelse zawnga tiem ngai a tih. Suta a um hnunga a hlutna ruok chu pawisa hlutnaa hisap thei a ni nawh. Pathienin a hriet. Tuta khawrpuma um po hi lekhabua buotsai dinga riruong zaa sawm khawm a la ni nawh. A nih, mihriem chun thaw tum ei hauh, sukpuitlingtu ruok chu Pathien a nih. (June 24, 2017 Delhi)

IAF Helicopter inhmang zawng zingiTAnAgAr: July 4, 2017 –a Tuilien leia intang hai sansuokna sin thaw dinga Pilputu Helipad a inthawka vuongsuok , a umna chin hriet lova inhmang Indian Air Force (IAF) vuongna Advanced Light Helicopter (ALH) zawngna sin chu Army le Indo-Tibetan Bor-der Police han zawngna sin an thaw mek tiin Sandeep Goel, Arunachal Pradesh Police Chief chun a hril. Helicopter hi Papum Pare district-a Yupia le Hoj Telam inkar ramhnuoi lai zawng a ni a, sienkhawm mita hmutu hai hril dan chun Helicopter hi Hosta-

lam le Borum inkara Toru area hmun laia tla thla ni an ring tiin Police chun an hril. Helicopter hi Sagalee le Dambuk haia ruosur na-sat leia mimkei tlung leia intang hai phurdawk dinga vuongsuok a nih. May thla khan Indian Air Force vuongna Suk-hoi-30 jet fighter chu As-sam le Arunachal Pradesh ramri lai a lo tla thla ta bakah kum 2015 khan Ti-rap Deputy Commissioner Kamlesh Joshi \hanga mi 3 chuongna Pawan Hans Helicopter tuoksiet tuoka a tla thla leiin Kamlesh Joshi in thina a lo tuok bakah

kum 2011 khan Arunachal Pradesh Chief Minister Dorjee Khandu le midang 4 hai khawm Pawan Hans Helicopter tuoksiet leiin an lo thi ta bakah hi zo ni tlawmte hnungah Tawang hmuna Helicopter pakhat a \um naah changsuola a tla thla leiin mi 16 in thina an lo tuok ta bawk a nih. Pawan Hans Heli-copter Services Limited (PHHL) hin kum 15 sung zet Arunachal Pradesh, Sikkim, Meghalaya, Naga-land le Tripura hai bakah nitin Guwahati-Tawang inkar-ah a lo service ta a nih. (PTI)

An nau hmingah GST an phuok

rAiPur: Chhattisgarh-a nupa tuokkhat hai chun nau nuhmeite an nei thar a, a hming dingin ‘GST’ an phuok. Naute pa hi Jagdish Prasad Sonwani a ni a, Carpentry sinthaw a ni a, GST umzie iengkhawm a hriet nawh, sienkhawm hun iemanichena inthawk In-dia rama nasa taka a hung inlar lei le July 1, 2017 nia Goods and Services Tax (GST) hmang \an a ni le inzawma an nau hming dinga GST an phuok a nih. Jagdish Prasad Son-wani le a sunghai hi Basti Village a cheng an nih.

IAS/MCS/MPS Officers Transfer & Posting

IAS OFFICERS1. shri r. sudhan, IAS, Special Secy (Tourism, RD &PR), SMD (MSRLM), e/o CEO (MDA) & CM’s Moni-toring Cell as Special Secretary (Tourism), ED (MIDA & CM’s Monitoring Cell

2. shri C. Arthur worchuiyo, IAS, Director (Transport) as Director (Transport), Joint Secy. (Transport, Labour & Employment) & Mission Director, Manipur Society for Skill Development (MSSD)

3. shri ningam Chamroy, IAS, Joint Secy. (MOBC & SC) as Director (TA & Hills)4. Smt. Mannuamching, IAS, Director (TA & Hills) as Joint Secy. (MOBC & SC)

5. shri Harmit singh pahuja, IAS, DC (Jiribam) as DC (Ukhrul)

6. shri robert singh Kshetrimayum, IAS on compulsory wait as DC (Jiribam)

7. shri MJ pradip Chandren, IAS, DC Ukhrul as Joint Secretary (RD & PR) & SMD (MSRLM).

MCS OFFICERS1. dr rangitabali waikhom, MCS, Deputy Secretary (Transport) as Deputy Secretary (Transport & Power)2. shri r. rang peter, MCS, CEO/ADC Senapati as Depu-ty Secretary (Vety. Health & FW)3. shri Ksh diddarth, MCS, Under order of transfer as BDO/Imphal East-II as SDO Keirao Bitra4. shri sheikh Abdul Hekim, MCS, Under order of trans-fer SDO/Lilong as Under Secretary (Works & Power)5. shri lanjoy thoudam, MCS, Under order of Transfer Under Secretary (Works & Power) as BDO/Imphal East-II6. Ms laishram Jayarani, MCS, SDO Keirao Bitra as Dis-trict Coordinator/MAHUD & Under Secretary (MAHUD)7. shri Ksh Umananda singh, MCS, AO/Vety & Under Secretary (Health & FW) as SDO/Lilong8. shri puny pao ronald, MCS, SDO/BDO Kamjong as SDO/BDO Mao Maram, Tadubi9. shri l.H. ngathingshim, MCS, SDO/BDO Mao Maram Tadubi as SDO/BDO Kamjong10. shri stiff Khapudang, MCS, SDO/BDO Bungte Chiru as i/c CEO/ADC Senapati11. shri Aribam Amarjit sharma, MCS, AO (Com & Ind) as Under Secretary (Finance)12. shri A. Adahri Maheo, MCS, SDO/BDO Phungyar as SDO/bdO Paomata13. shri Ajijur rahman, MCS, SDO/BDO Paomata as SDO/BDO Phungyar.

MPS OFFICERS1. shri sony siem Go sang, MPS, AC/1-MR as Dy. SP (CDO/BPR)

2. shri pukhram shanker singh, MPS, AC/2-IRB as Dy. SP (Ops), BPR

Chun, ms jenee Thoidingjam, mPs, DSP/CID (Se-curity) chu Manipur Bhavan, New Delhi-a Deputy Resi-dent Commissioner dinga ruot a nih.

AR han KUFO Cadres 4 ralthuom leh an man

imPHAL : Zani hma-sa zing dar 7 vel khan 38 Assam Rifles C-Coy han Kangpokpi District a Twigong @ Lamidara, T. Khullen hmuna KUFO Cadres 4 hai chu ralthuom leh an man. Man a um hai chu, Henjahao Lhouvum, s/o Mangchon Lhouvum of Thenjang Village, Imphal – Tamenglong Road, Let-minlien Lhouvum, s/o Jam-lun Lhouvum of Wokotphai Village, Imphal – Tamen-glong Road, Thangkholun

Lhouvum, s/o Sehjang Lhouvum of Motbung Vil-lage le Lunjahao Lhouvum, s/o Thangkam Lhouvum of Lasan Village, Imphal – Tamenglong Road hai an nih. An kuta inthawk AK-47 pakhat le magazine 1, AK-46 pakhat le magazine 1, AK-84 pakhat le maga-zine 1, 17.65 mm pistol 1 le magazine 1, AK 7.52 si-laimu 139, AK-84 silaimu 50, Radio Set 1 le Mobile Phones 4 an man niin ei thu dawngna chun a hril.

RBI in Telangana Banks a dingin Rs. 2,600 crores

HyderABAd: Reserve Bank of India (RBI) chun, thlai ching hun a hungt-lung le inzawma Telangana region-a loneitu hai kuoma loan-a a sem dingin zan-ikhan Banks tum tum hai kuomah Rs. 2,600 crores a

peksuok. Finance Minister Arun Jaitley in an hriettir dungzuia pawisa hi peksuok a nih. A hma chun sawrkar thlungpuiin Telangana-a lo-neitu hai kuoma loan-a sem dinga a pek tum hi Rs. 1,700 crore a nih. (PTI)

Hmasawnna Thar3 THLAHmur (juLy) 06, 2017ningAni (THursdAy) nATionAL/inTernATionAL & AdVerTisemenT

VAWK in|HAngnA dAmdAWiI vawk zawr hun tlingna dingin kum khat nek tam nghak ngai tanaw nih.

A |HATnA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAn ding:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwK tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

LAKTAWi

PrinCess TreeKhawvela thing in\hang tak le ram changkang han an ngaisang, PRINCESS TREE kak phun dinga huntawk lai tak zawr a nih. A dit le an chaw nuom hai chun Muolhlum, Rengkai, Near Agape Centre le Contact Numbers 8731830789 le 9089381481 haiah ngaiven ding a nih. (4-13)

LOSS OF DOCUMENTS I have lost my Class XII Original Certificate/Marksheet of Higher Secondary (HSSLC) bearing Roll No. 11448 of 2012 and REg. No. 7824 of 2011 issued by Council of Higher Secondary Education Manpur (CoHSEM) and Diploma in General Nursing and Mid-Wifery Certificate bearing Roll No. 86 of 2017 and Certificate of Regis-tration bearing Regd. No. 7419/16 issued by Manipur Nursing Council on my way between Imphal & Chura-chandpur on 25/06/2017. Finders are requested to handover the same to the undersigned.

sd/- Grace laldinthartiddim road, Zenhang lamka, CCpur

Contact No. 8131854948

Highway bul hnaia Zu dawr ban leiin Rs. 5,000 crores a chan pha

LuCKnoW: Supreme Court in National High-ways le state highways bul hnai haia Zu zawrna dawr siem a khap leiin Ut-tar Pradesh sawrkar chun Zu a inthawk revnenue a hmu hlak Rs. 5,000 crore zet a chan pha niin UP Ex-cise minister Jai Pratap Singh chun a hril. Supreme Court in

Highway bul hnaia Zu dawr hawng a khap hin a state sunga Highways bul hnaia um Zu dawr 8,591 hai a tawkbuoi phak a, hi laia Zu dawr neitu 3,000 hai chun an permit/licenc-es an surrendered ta a nih. Supreme Court chun nikum khan National Highways a inthawk me-tres 500 chen biel huom

sunga Zu dawr hawng khapna thupek a lo insuo a, sienkhawm a hnungin khawpui haia chun me-tres 220 biel sung chin dinga sukhnuoi nawk a nih. Hi thil hi Highway haia motor eksiden suk-tlawmna dinga Supreme Court in a hung thaw a nih. (PTI)

July thlaa inthawk Central thawk-tu han HRA 157%

neW deLHi: Prime Minister Narendra Modi inrawinaa June 28, 2017 a Union Cabinet in 7th Pay Commission allow-ances recommendations \henkhat an siem\hat zoa an pawmpui hnungin Cen-tral Government hnuoia thawktu hai chun July,

2017 a inthawk House Rent Allowances (HRA) 106-157% inkar an hmu ta ding a nih. Hi thil hi Central Gov-ernment hnuoia thawktu nuoi 48 chuong han an ham\hatpui dinga ngai a nih. Central sawrkar hnuoia

thawktu a hlaw thlawm ta han thla khatah Rs. 7000 an lak hlak chu tuta in-thawk Rs. 18000/- an lak ta ding a nih. 7th Pay recommen-dations hmang lei hin sawrkar chun Rs. 29,300 crore a seng belsa ding a nih.

Nominated BJP member 3 in MLA dinga sesamna an nei

PuduCHerry: Pu-ducherry a chun nominat-ed BJP members pathum han zani hmasa zan dar 8 khan Puducherry Assem-bly Speaker V. Vaithilin-gam hmaah MLA dinga sesamna an nei. Nominated BJP mem-bers sesamna nei hai chu V. Saminathan, KG Shankar le S. Selvaganapathy hai an nih. Hieng nominated mem-bers han MLA dinga ses-amna an nei ding thu hi

Media hai kuoma khawm hrillawkna um hman lova thaw thut nia hril a ni a, iengleia hienganga thaw thut am ti chieng taka hriet a ninaw a. Official press release a thlalak le videos hai a hnungin insuo a ni a, chu taka inthawk hriet chau a nih. Inhmaw taka sesamna hunser hmang a ni lei hin Bedi le Raj Niwas officials hai ti lo tukhawm sesamna hunsera \hang an um nawh. (ENS)

Pasal naupang kum 12 mi in lampui inkhurna hai a hrukbit

HyderABAd: Telan-gana-a pasal naupang kum 12 mi chau Ravi Teja chun tulai hnaia lampui siet le inkhur tam leia nau-pang thla 6 mi borewell sunga a tlak hlum kha a ngaimaw hle leiin ama mi-mal tlawmngainain lampui inkhurna hai hrukbitna sin a thaw. Tulai hnai el khan lampui inkhur leia Bike eksiden leiin sungkuo pak-hatin thina an lo tuok ta bawk a. Lampui siet leia

hiengang eksiden tlung nawk hi ka nuomnaw leiin lampui inkhurna hmun hai hrukbitna sin hi ka thaw pei ding a nih tiin Teja chun ANI a hril. Teja hi Class V pass chau a ni a, Habsiguda main road laia lampui inkhurna hmun hai hrukbitna sin a thaw lai hmu a ni hnunga a sinthaw hi hrietlar-a hung um a nih. A hmalakna hin thu-neitu hai le mipui inpak a hlaw hle. (ANI)

CEC ruotna thuah SC in Centre an dawnneW deLHi: Supreme Court chun India rama election buotsaitu Chief Election Commissioners le Election Commissioners ruotna kawngah Consti-tuttion dungzuia a ruottu or enkaitu ding mumal an-nawleh dan le dun chieng-kuong tak a um naw am a

nia? tiin sawrkar thlungpui kuomah indawnna a siem. Chief Justice JS Kheher le Justice DY Chandrachud hai umna Supreme Court Bench chun, India Consti-tution Article 324 hnuoiah CEC le ECs ruotna chu dan dungzuia thaw ding ti a ni a, sienkhawm tuchena hin

CEC le ECs ruotna kawnga hin dan chiengkuong tak a la um naw niin a hril. Pasal pakhat Ano-op Paranwal in a lawyer Prashant Bhusan fethlenga CEC le ECs ruotna kawnga PIL a file thua hearing nei hnunga SC hin indawnna hi a siem a nih. (PTI)

nOtICeThis is to inform all students and faculties of techno paramedical Institute (tpI) that classes will com-mence on 10th July, 2017. For any further queries contact the office at 9774544804/ 9615209964/ 8731830290.

-CoordinatorTechno Paramedical Institute (TPI)(6,7)

BJP in VP candidate dingin South tieng mi neW deLHi: Election Commission in August 5, 2017 nia Vice Presidential election notification an suo hnungin nomination pro-cess a fe mek a, tuchena chu sawrkarna siemtu NDA le Opposition chun an candidate ding an la puong naw ve ve. Tuta Vice president term hnina chel mek Ha-mid Hansari term hi August 10 a tawp ta ding a ni a. BJP chun President bakah Vice President hi anni ruot ngei thlangtling tumin hma an lak mek a, tuta India ram \huoitu inlawk, Presi-dent, Vice President, PM le Speaker hai hi regions danga mi vawng an ni leiin BJP chun Vice President candidate ding hin South India tieng mi an ruot ring a nih tiin ei thu dawngna chun a hril.

Meira in Nitish inhmu-pui a tum hran nawh

PATnA: President election hung um dinga Opposition nominee Ms Meira Ku-mar chun July 6, 2017 nia President election campaign dinga Bihar an zin hunah Bihar Chief Minister Nit-ish Kumar inhmupui tumna a nei hran nawh tiin state Congress president Ashok Choudhary chun zanikhan a hril. Amiruokchu RJD le Congress MLAs le MPs hai chu an hmupui ding thu Mr Chaudhary hin a hril. Ms Meira Kumar chun tulai hin India ram hmun tum tum fangin campaign a nei mek a. Hiengang bawk hin BJP-NDA presidential nominee Ram Nath Kov-ind khawmin state tum tum fangkuolin campaign a nei mek a nih. (PTI)

Mihriem pathum ru hmuLuCKnoW: Uttar Pradesh-a chun Madhya Pradesh le inrina Chitra-koot distict sunga Bun-delkhand ramhnuoiah mihriem pathum ru le thuomhnaw \henkhat hmu a nih. Hieng mihriem ru le thuomhnaw hlek hmua um hai hi Police chun laa enfe-lin an suizui mek. Kar hma-sa lai khan Nayagaon police station huopsunga Satna district, Madhya Pradesh-a Tharpahad le Tedipatwan hmun haia mi pathum an umna chin hriet lovin an inhmang a, hieng inhmang hai ru hi a ni dim ti ruok chu hriet a la ni nawh. Mi 3 hai hi sawrkarin luman Rs. 30,000 neia a lo puong tah suomhmang Lalit Patel pawl han an \huoihmang ni dinga ring a nih. (ENS)

IS fighters 300 vel an la um niin a hril mosuL: Iraq special forces Commander Lt. Gen. Sami al-Aridi chun, Mosul Old city hmunah Islamic State Fighters 300 vel an la um niin a hril. Mosul khawpui hi Islamic terrorist han hun sawt takel an lo awpbet tah, Iraq si-pai han US inrawi coali-tion forces han lakkir ngei tuma nasa taka an bei zing a ni a. Hi khawpuia intawm IS terrorist hai beina hi fe peiin tuhin square metres 500 vel huomsungah IS terrorist mi 300 lai vel chau an um taa hril a nih. (PTI)

S. Korea le US Han Missile Drill An Nei VeseouL: Bau Sakei a tak taka iengkhawm thaw thei si lo anga ngai North Korea-in “thuhril chau ni lova thil thaw leh” tia Alaska (US) kap phâk dinga a hril ICBM hlâwtling taka a ensin zo chauh, ni khat niin US le South Korea hai chun an Ballistic Missile hai ensinna kap suok na Nilaini khan an lo nei ve dur dur nawk a, Korean Peninsula laia boruok chu a sosang inrang hle. North Korea-in UN thupêk le hrena a umna le thurawn hai inza lova nuclear râlthuom le Ballistic Missile a ensin nawk chu thil theida um tak indona châwk suok theitu a nih tiin US Commander Gen Vincent Brooks le South Korea commander Joint Chiefs Chairman Gen Lee Sun-jin hai chun joint statement siemin, “Mani inthununna chau a nih indona râpthlâk tak dangtu chu” tiin an in-control leia North Korea an kap naw chau niin an hril. US le South Korea hai chun Sea of Japan lai Military exercise an thaw nghâl a. Ballistic Missile tuipui kam khawmuola an sie hai chu an kap suok sin

ut ut a, North Korea beina an tuok thut khâwma North Korea bei nghâl thei ding tawka inralringa um zing an ni thu an hril. Gen Lee Sun-jiin chun, “Mani le mani kan lan keidei hram hram a. Amiruokchu, hi hi inthleng thut thei a nih. Kan hotuhai le \hangruolpui rambunghai thutlukna ang peiin inhem thei kan nih a. Mani inthunun zing kan tih kan ti thei bik nawh” tiin chophawk zinga tium hmuna an um nia an hriet chun a tul ang angin an dawnkir ding thu a hril bawk. Hi hma met khan Rex Ti l l e r son chun Nor th Korea thil thaw hi “titum sukthartu” tiin a hril a. Washington chun nuclear râlthuom nei North Korea

chu pawm thei ngai naw nih tiin a hril bawk. North Korea-in nuclear râlthuom a nei a phal naw thu a hrilna a nih. Rex chun, “khawvêl ta dinga tium sukbonoa dingin khawvêl a \hangruol a \ul” thu a hril. China le Russia khawmin North Korea chu a nuclear râlthuom le Missile ensin chu tawpsan dingin an hril a. A tawpsan chun US le South Korea khawmin Joint Military Exercise an thaw hlak chu an tawpsan ve ding thu khawm an hrilpeka chu, North Korea chun zâwm nuom lovin Missile a la ensin nawk pei a nih. Thawlenni July 4 nia ICBM a ensin khawm hi UNSC dan bawsietna a nih. Hi lei hin UNO chun member 15-umna UNSC

chu an rang thei anga meeting neia thil chingfel dingin an hriettir a. Nilaini khan Emergency closed door meeting nei a nih a, iem rel a nia ti ruok chu hi thu sut chenah hriet a lan nawh. Tuta \uma North Korea Missile ensin hi Alaska kap phâk niin an hril laiin mithiem \henkhat chun nuclear râlthuom phura la tlung phâk thei an nawh an ti ve thung. Kim Jong Un chun “American hai Independence Day nia ‘gift’ tiin a hril a. A rawihai chu a chang changa ‘gift chin’ le ‘gift chin’ pe zeu zeu dingin an fui bawk niin KCNA news agency chun a hril. Hi Hwasong-14 (ICBM) hin minute 39 sungin Km 933 a vuonga, altitude 2, 802

chen a hang kai phâk hman a, chu zova Sea of Japan ah sukthlûk a nih tiin a hril a. “Khawvel khawlai hmun khawm kap theina ICBM a nih” tiin a hril. ICBM chu minimum range 5500 Km le maximum Km 10, 000 vuong thei a nih a. North Korea chun kha hma khan KNK-08, Km. 11, 500 le KN-14 Km. 10, 000 vuong thei a suklang tah a. Anachu, July 4 hma hin ICBM an nei ti thu an la puong nawh a, Tuta Hwasong-14 hi a danglamna ieng tak am a na ti hrietcheing a lan nawh. South Korea hai chun Km 7,000 – 8, 000 chen kap phâk an tih a. David Wright chun Km 6, 700 chen kap phâk a tih bawk a. “Nuclear warhead’ phur thei dingin a ring bawk nawh a. KCNA chun, “Nuclear warhead phura a target indiktaka kap fu chat thei” niin a hril thung. Expert tamtak chun nuclear warhead phur thei khawp Missile chu a siem thei an la ring nawh a. Anachu, hienga a fe pei chun kum 5 vela chun a la thei el thei tiin an hril.

Turkey President Dit Lovin Lam An HrawisTAnBuL: Turkey mipui sing tel chun an President Recep Tayyip Erdogan an dit naw zie suklangnain lam an hraw a, nisa lum tak hnuoiah Km 450 vel chen lawnin T-shirt var hâkin Ankara a inthawka Istanbul chen an lawn tlung a nih. Hi hi Opposition MP pakhat Enis Berberoglu, Republican People’s Party (CHP) member chu Turkey sawrkârin Muslim helpawlhai a rukin a \hangpui hlak ti fiena document neia an hril sawrkarin a man lei a nih. MP pa hin President Edogan sawrkârin Syria rama Muslim helpawlhai a \hangpui hlak a râlthuom khawm an chawktir hlak ti fiena document a nei thu a puong a. Sawrkarin a man nghâl leiin President chu helpawlhai \hangpuitua intumin an dit naw zie an suklang tah a nih. Movement hi President

Erdogan hnuoiah Democracy-in hmun a chang ta nawh ti zâwngin a fe ta a nih. “Kan ramah hin beiseina kan nei ta nawh, kan hlim ta nawh” tiin kum 70a upa Leyla pitar, lum laia lam hrawa thang ve chun a hril. Turkey ramah iem an dik naw a um a? an ti chun, “Recep Tayyi Erdogan a nel” ti chauvin a dawn. Turkey rama hin sawrkâr sukth lûk tumna Coup khawm ni kum July khan a lo um tah a. Amiruokchu, President Erdogan hi a vangneia siemin a hlâwsam hlau a, Coup thawtu le

phierutua \hang mi tamtak man le hrem an ni ta nghe nghe a nih. Kha china inthawk khan mi 260 neka tam an thi tah a, 50, 000 man an nih a, 140, 000 chu ban le tirhmang dam an nih. Sawrkarin ama khingtu rêng rêng chu hrehmang pei a tum tah nia mipuiin an hriet leiin Democracy a um tah nawh tiin lam hi an hraw tah a nih. Tamtak chun Democracy in\an nâwkna ding le remna le muongna hlun a um tan nâwkna ding, mipui \huoi revolution niin an ngai.

Mizoram CADC sungah Govenor Rule puong

AizAWL: Mizoram Gov-ernor Lt. Gen. (Retd) Nib-hay Sharma chun Chakma Autonomous District Coun-cil (CADC) sungah zani zantienga inthawk khan Govenor Rule a puong tiin sawrkar thusuok chun a hril. Hi le inzawm hin Gov-ernor chun Lawngtlai dis-trict Deputy Commissioner (DC) chu CADC caretaker dingin a ruot nghal bakah CADC Chairman chu chawlkarkhat sungin major-ity a command le command

naw (floor test) nei dingin Governor chun an hriettir nghal bawk. CADC a sawrkarna siemtu Congress members 12 hai chun CADC Chief Executive Member (CEM) thlakthleng dingin an ngen a, hi le inzawma CADC sunga buoina um leia Gov-ernor in CADC a Governor Rule hi a puong a nih. Kum 2013-a CADC seats 20 uma inthlangna nei huna khan Congress in seats 17 an lak a nih. (PTI)

Pakistan in ft. 400 a insang Flag khai a tum

neW deLHi: India in tu-kum kumbul lai Pakistan le inrina Attari border-a In-dia flag ft. 350 a insanga a khai hnungin Pakistan chun Waga border lai Pakistan flag ft. 400 a insanga khai a tum ve niin Pakistan daily The News report chun a hril.

The News report in a hril danin Pakistan chun Wagah border a Pakistan flag feet 400 a insang le feet 120 a lien khai a tum niin a hril a, hi le inzawm hin Flag khaina ding hmun inthiel-faina sin thaw mek a nih tiin a hril.

IOC in North East-ah Special Inspection

guWAHATi: PSU ma-jor Indian Oil Corporation (IOC) chun India hmar-sakbiel (NE) a retail outlets haiah thil indiklo a um le umnaw enfel dingin spe-cial inspection a thaw mek a, inspection hi June 15, 2017-a inthawka kha a thaw \an a ni a, tuchena hin As-sam, Meghalaya le Nagaland states haiah Oil depots haiah indiklo taka thil thawna (ir-regularities) 14 an hmusuok tah.

Quality control-na ding le consumers hai kuomah in-dik taka thautui zawr a ni am ti enfelna dinga inspection hi an thaw a nih. Uttar Pradesh le Maharashtra haiah in-diklo (tlinglo) a customer hai kuoma thautui zawr hrietsuok a ni hnunga IOC hin India ram pumpuia oil depots hai inspection thaw dinga thutlukna a siem a nih tiin IOC Executive Director Dipankar Ray chun a hril. Inspection thawna ding

le inzawm hin Company chun state sawrkar hai le \hangruolin joint Special Task Force (STF) an din, STF hin Oil depots 20 per-cent vel chu an lo enfel ta a, amiruokchu IOC in North east biel-ah inhriettir lawk-na annawleh hrillawk um loa inspection nei dinga thut-lukna a lo siem anga inspec-tion hi thaw a ni a, hi thila ding hin teams 45 siemin Officers 100 vel deuthaw in-spection thawnaa hin an \hang a niin IOC thusuk chun a hril. NE biela hin IOC chun oil depots 879 a nei a, hi laia 542 hai chu Assam state sun-ga um an nih. NE biela in-spection thawna hi July 31, 2017 sunga zo hman dinga ti a ni a, sienkhawm August thla chen a aw el thei tiin Ray chun a hril. (PTI)

Hmasawnna Thar4 EntErtainmEnt / SportSTHLAHmur (juLy) 06, 2017ningAni (THursdAy)

LOCAL/iNTERNATiONAL ,ETC.

Barcelona le Real Madrid chun Dani Ceballos an inchu

Real Betis midfielder Dani Ceballos chu hun iemani chen a hmabak ding hril nuom lova a um hnungin tuhin kar hni hnungah a chungchang thu le a hma tieng hun ding a hril ding thu Thawleni khan a hril. Reporter-hai kuoma a hril dan chun, ‘Kar hni liem sien, chu chun ka \awng dawk hung hre tang in tih,’ tiin a hril.

Ama hi Barcelona le Real Madrid chun an dit ve ve a, lak ngei tum ve ve bawk an tih. Kum 20 chau a la ni a, a hmabak khawm a >ng hle. Season liem ta khan Real Betis ta dingin goal hni a thun a, assist khawm ie-mani zat a nei bawk. Chun, tuta U-21 Euro Champion-ship-a khan Player of the tournament dinga thlang a ni nghe nghe bawk.

LYON STRIKER LACAZETTE CHUN ARSE-NAL-A INSAWN DINGIN MEDICAL TEST A ZOFrance le Lyon striker Al-exander Lacazette chu Ar-senal-in record fee £45m in inchawk an inhuom a, chu ding chun medical test khawm zo a ni tah. Ama hi an lak vai chun Arsenal-in Ozil inchawknaa an seng £42.4 million chu a hung khel ding a nih. Season nuhnung tak khan Lacazette hin Lyon ta dingin Ligue-1 ah goal 28 tawp a thun a, goal thun

rawn tak pahnina a nih. Kum 26 mi France interna-tional player hi a tir chun Arsenal chun dit lo ang

deuin an um a, anachu in-biekna an sunzawm zing tho a nih. Kum 2009-10 a inthawk khan inkhelna chi dang dangah game 275 sung goal 129 a thun hman a nih. Kar hmasak khan Arsenal Chief Ex-ecutive Ivan Gazidis chun player \ha filawr iemanizat inchawk a ni ding thu a lo hril ta a, chulaia pakhat chu Lacazette hi a hung ni hmel a nih.

Portugal Defender Pepe chun Turkish Club Besiktas a zawm

Real Madrid le Portugal de-fender suongum Pepe chun Real Madrid-a a contract a bo le inruolin Turkey tieng an sawn. Tuta a Club zawm thar Besiktas hi Turkey-a champion lai mek an nih. Kum 34 mi Pepe hi Real Madrid-ah kum 2007 khan Porto-a inthawkin an sawn a, chu taka inthawk chun vawi 350 deuthaw an khel hman a, La Liga title vawithum a lak hman bakah Champions League khawm

vawithum bawk a lak hman bawk. Pepe hi Euro 2016 Fi-nal inkhelnaa khan Man of The Match dinga thlang a ni nghe nghe. Ama hi Besiktas a zawm hma khan Paris St. German tieng insawn ding ang deuin a um a, medical test khawm a lo thaw hman bawk. Anachu Besiktas tieng a zawm ta lem a nih. Hi a contract ziek hi ieng chen ding am a nih ti puon-glang a ni naw bawk.

Manchester United Transfer chungchangah Jose Mourinho a lungawi nawh

Manchester United Man-ager Jose Mourinho chu a club-in nipui transfer kawt inhawng sung duthusama player an lak naw leiin a lung a awi naw hle. May 24-a Europa League an lak zo khan Mourinho chun player lak ding chungchan-gah Club Vice Chairman Ed Woodward kuta ieng-kim a sie thu a lo hril ta a. United \huoitu senior deuhaiin a fal deuin an hril tlang a chu tu chen hin player pakhat char an la lak a, chu chu Benefica-a in-thawk defender Victor Lin-delof char a la nih. Atletico Madrid-a inthawk Griez-mann lak ding an ti hlak chu contract thar a lo ziek nawk ta si, a hmatawng ding hi a lungkham tak chu a nih. Zlatan Ibrahimovic hlak hliem leiin kum thar hma chu an khel thei ring a um naw leiin ama ai-awtu ding an pawimaw reng bawk a nih.

Everton striker, Romelu Lukaku an beisei deua chu ama’n Chelsea tieng a lun-glut nawk lem bawk leiin tuta beisei ding an nei sun chu Real Madrid-a inthawk Alvaro Morato a hung ni ta a nih. Khawm chu an lak thei chie di’m hriet a la ni nawk nawh. Inter Milan winger Ivan Perisic khawm an beisei ti thuthang a um a, anachu Milan tieng pawisa sum an hnieng-in-hn^r lai tak a lo ni nawk leiin player zawr an inhmaw nawk naw si leiin United ta ding chun beidawng um ve tak tho ding a nih.

Tuhin Pathienni khin Pre-season tour-in USA tieng an pan ding a nih a, vawinga lai inkhel ding an ni leiin club thuneituhai le inbiektlangna hun a um bek bek ta naw ding tina a nih. Nikum khan hieng tik hun hin kar hni sung chauin Ibrahimovic, Eric Bailly le Henrikh Mkhitaryan hai an lak hman a, tu ruok hin chu a dang ta hle. Tuta tour an nei sung hin Manchester City, Real Madrid le Barce-lona hai an inkhelpui ding a ni a, chu chun ieng ang chie am player an pawimaw sa ti chu chieng hleng a tih.

WimBLedon 2017:

nau thla li le chenve pai mek single le double-ah a \hangWimbledon 2017 fe mekah Luxembourg mi Mandy Minella chu naupai pumin a \hang. An hnel lai hin zakuo inthawl deuin a h^k a chu a phing a puom met tah ti chu hmu theiin a um tho. A naupai hi thla li le a chenve a ni ta thu a puong. Anachu single round khatnaah Italy mi Francesca Schia-vone lakah 6-1, 6-1 in a tlawm nghal a nih. Minella hi tuhin World No. 82 a ni mek a, double-a khawm inkhel bawk a tih. Dou-ble-a a \hangpui ding chu Anastasija Seva-tova ning a tih. Anni hin round khatnaah

Ipek Soylu le Varatchaya hai inkhelpui an tih. Tuta a pasal (a coach ni bawk) Tim Sommer le hin kum 2014 in an innei a, tuta a naupai hi kum tawp tieng a nei ding a nih.

Jennifer Lawrence, Paris ah A Nal HlePAris: “Hunger Game” a inthawka hung inlâr le tulai hnai “Passenger” nuhmei Journalist vanboruoka khuol inzinna sei tak le \ iumtak a \hangna chanchin leia inlâr zuol, film puotieng an cheidan simple tak si to tak tak leia inlâr Jennifer L a w r e n c e chu Dio r 70 th A n n i v e r s a r y hmang d ing in Thaw\anni khan Paris a tlung a, an cheidan danglam tak chun mit a lakin hril a hlâw hle. Kum 26-a upa Jennifer Lawrence chun film chang a hnesaw ang bawkin fashion khawvêla khawm chi dang danga inchei a hnesaw zie a suklang. Dior kutsuokhai inpâkna le pholangna hun a ni ang bawkin, a zakuo le puonbil, Bag hai khawm Dior vawng a nih. Jennifer hi Dior le thaw tlangin 2017 Fall Collection ah khawm hi agency thuomhnaw iemani zat a pholang pek ta a nih. Puonbil inphan deu (embroidered sheer skirt) bilin a hnuoiah kekawrte ang half-pant a bun a, an

lang tlang thei vawng. Dar inhawng vawng zakuo tle ser ser a hak a, tarmit dum leh, a sam a hlim tung vawnga a bawk nam pang leh Dior bag sen a khai bawk a, en nghawk a um nawh. Jennifer Lawrence hi ni kum a inthawk khan director Darren Aronofsky leh an inzui \an a. An inlaichinna khawm an film siem Mother zoa inthawkin a det \an nia hril a nih. Iengkhawm nisien “Mother” film chu an siem zo tah a, October 3 khin tlângzar nîng a tih. A film-a hin Javier Bardem, Ed Harris le Michelle Pfeiffer hai khawm an \hang.

G-20 Summit |an A Nih, North Korea Thu LumHAmBurg: Khawvela rambung changkang pawlhai sawmhni inzawmkhawm G-20 Summit chu boruok lum tak kârah July 5 a in thawkin Germany khawpui Hamburg ah tan a nih. Rambung \huoituhai chu an lungril a buoi em em a, North Korea-in ring lo taka ICBM a hung ensin hlâwtling nia an hriet leiin an agenda khawm a hung danglam vawng ta a nih. Chinese President Xi Jinping le Russia President Vladimir Putin hai chun a hrana inbiein North Korea chu an vau ding thu an hril a. A tul chun European Union khâwmin sanction thar a chunga a chelek theina dinga hma an lak ding thu an hril a. North Korea thil thaw nasa takin an dem bawk. Khawve l mi t ruok chu US President Trump

chungah a fu deu fur a nih. Asan chun, President Trump hin North Korea-in ICBM a nei ding hi “tlung ngai naw nih” tiin a lo hrila, tuhin a nei angin a um tah si a. Secretary of State Rex Tillerson \awngbau khawmin a fie ta bawk si, iengtin am hma a lak ding ti hi khawvêl hriet nuom chu a ni tah. President Trump chun Russia President Putin khawm inhmupui a ta, thu tamtak, election laia e-mail hack-a intumna le thil dang

dang hril tlâng an tih. Hi Summit-a thil dang tlung thei dinga inlau um pakhat chu, Climate Change thua US le Western rambung danghai ngaidân inphira hmalak dan inchen naw leia khawvêl lum zuol deu deu dangna ding kawnga hlawsamna hi a nih. Abikin EU le US kârah inhrietthiem nâwna a tlung chun thil pawi tak a ni ding a nih. Chu thu khawm chu G-20 Summit hin iengtinam a hung rel ding ti hi ngai nuom um tak ding a nih.

HAA Imphal JHQ \huoituhai le an huom chin ding sukfel

CCPur: Kum 2017-2017 sunga Hmar Artistes As-sociation, Imphal JHQ \huoitu ding thlangna nei a ni hnungin Committee members, Advisers le an huom chin ding sukfel a nitah.Hi dungzui hin HAA Imphal JHQ chun Tamen-glong, Moreh le Jiribam hai huomsang an tih tiin HAA GHQ in zanikhan inhriettirna a siem.

HAA Imphal Joint Hq. \huoitu dinga thlang hai chu hieng a hnuoia hai hi an nih. President : John Banyan Songate; Vice President : Dr. S. Dam-rolien; Secretary : Ramchanglien Shakum; Asst. Secretary : Sanglien L. Inbuon; Secy. Finance : Freddy Ramdinsang Infi-mate; Treasurer : Nk. Julie

Vanlalsang; Secy. Info & Publicity: Lalbelsang Infi-mate; Steward ZoteCommiTTee mem-Bers: Basil Lalrochan , Lamphel; John Rohlusang Shakum, Langol; Lalh-mingthang, Sangaiprou; Sanghlun, New Lambu-laneADVISERS: Enok Ngam-haulien Songate; Zorisang |hiek.

Israel le lndia-in inremna chi sari an ziekjerusALem: Israel ram inzin mek Prime Minis-ter Mr Narendra Modi hai chun Water Conservation, Space, Innovation le Ag-riculture \hangin inremna agreement chi sari an ziek. Hi thil hi zani ta Prime Minister Mr Modi le Mr Benjamin Netanyahu haiin chanchinbumihai hmaa press conference an nei huna hril a nih. An pahnia Joint State-ment an siem dan chun, US Dollar 40 Million sen-gin Technological Innova-tion Fund siem an remti a. Space Research tienga thaw tlâng dingin an inrem bawk. ISRO le Israel Space Agen-cy hai chun Atomic Clock, Geo-Leo optical links le satellite chin deuhai ta ding electric propulsion hai siem tlâng an remtih. Mr Modi chun, “Israel chu tui dawn ding suk-thienghlimna le thlai ching-na dinga hmangna kawngah a changkang em em a. India chun a kuoma tui sukthieng-hlim dan inchuk a tum a nih” tiin national water con-servation campaign India-a thawna dingin MoU pahni ziek a nih. State Water Uti-ity ah MoU dang ziek a nih bawk. Modi chun, West Asia rambung dang Israel theida-tuhai khawm bie râwn peiin

inremna le muong a um theina ding le rikrakpa chet-na le helnahai dona kawnga \hang tlâng dinga thaw tlâng pei dingin an tiem a. Khawvêla muongna a um theina dinga thaw tlâng a pawimaw thu a hril bawk. Israel PM Benjamin Netanyahu chun rambung pahnihaiin history an siem kawp thu hrilin, India le Israel chun rambung dang Africa hai ang \hangpuina kawnga thaw tlâng an remti bawk niin a hril. “Helna hin muongna an tlun nawh a, inremna a suksiet leiin do tlâng kan tum a nih” tiin a hril. Prime Minister Modi hin Israel President Mr Reuven Rivlin khawm an hmupui a, India le Israel in-laichinna sukhrât dan ding tamtak an hriltlâng. Modi chun, “President hin a mi lo welcome nasa taluo a, pro-tocol bawsiein ngaina takin a mi lo lâwm a nih. India

mipuihai a ngainat suklang-na a nih” tiin a tweeted. PM Modi hin Israel-a India mi umhai Tel Aviv khawpui ah an hmupui tâwl bawk a. Ringum tak le taima taka sin thawa India le Israel inlaichinna siem\hatua \hang tum seng din-gin an fui tâwl. Mumbai bomb blast-a dam naupang khawm a va sir a, India rama hung um dingin a fiel. Pu Modi hin PM Ne-tanyahu unaupa Lt Colonel Yonathan Netanyahu, 1976 Entebbe a Israel hostage hai sansuoktu thi champha le Israelin hnêna a chang champha July 4 chu ni ropuitaka le, mani ram le hnam sanna dinga intiem tharna ni a nizie uor takin a hrilpek bawk. Juda mi Second World War le Holocaust-a thi tahai hrietzingna hmunhai khawm sirin PM hin ruoi ropuitaka a buotsaipek an kil tlâng bawk.

Angelina Jolie le a Naunu Vivienne Bazaar Kai HmuL o s A n g e L e s : Hollywood a nupa inhmetak le inlâr taka thâwk khal laia an hril, ni kum September thlaa inthawka a pasal Brad Pitt le in\he, UNHCR (UN High Commission on Refugees) Envoy ni bawk Angelina Jolie chun a pasal le an in\he hnungin a nauhai po enkawl theina (temporary custody) a chang bawk leh inkhat nu angin a buoi thei ve hle. Africa ah International Refugee Day a hmang zo hnungin veng tieng a hung kir nawk a. American mipui tam takin 4th of July,

America in zalenna a hmuna ni lawma an so bur bur laiin ama chu Brad Pitt le an naunu, Knox le inphir, a naupangtak kum riet mi Vivienne leh bazaar an kai lai hmu a nih. Kum 42-a upa Angelina Jolie chun nilum lai tak puonbat ang deu zakuo, \huilo zakuo an ti ang chi, puon a ring nei, a hma puma \hui mei mei dum infuol duomin a hak a. Kut khingtiengin Bag var a khaia, khing tiengin Vivienne a chel a, tarmit dum bunin a sam a sen thal tah a, khui nam zatin thliin

a hei hmut lem chu a hmêl ngo de kak el an hmufie zuol nawk thei a, lungril sâwlna

nei hmêl a put nawh a, a hlim sai el a nih. Vivienne khawm naute lim (Doll) chawiin zakuo dum le kekawr var a bun a, sandal leh a sam eng thalin, nisa var taluoa mit meng tah ngam lovin a nu kut chelin a zui a. Nghaklakte, tleirâwl el ta ding a ni ve. A pa Brad Pitt an bazaar-na Los Feliz lai hin a chêng a nih ti a hriet chieng naw khawm a ni el thei. A n g e l i n a J o l i e l e Brad Pitt hi, Pitt-in zu a dawna insung a chawkbuoi ngun taluoa naupanghai a sukthlabar ti leiin in\he

rawt a nih a. Naupanghai po enkawlna chu Jolie hin a chang a, a kar poa kan theina Pit in a nei bawk a. Tuhin chu ama khawm, Rehabilitation program a zo ta leiin a \ha pei tah niin a hril. Tulai hin a zu dawn nghei leh, a rehabilitation sunzawmna ni bawkin 1994 kuma Dollar 1.7 million zeta an châwk tukhawm hluo lova um chu an in\he hnungin ama khata a hluo dingin a siem \ha a, lemziekna tieng thil le music thawin a nun khawm a hlim ve pei tah a hawi.

Christina Aguilera-in 4th of July Swimming Pool ahLos AngeLes : Hun sâwt tak inlang ta ngai lo Christina Aguilera hi khawlam a um tah nîng a tih aw, ei ti laiin tu kum chu American Independence Day, 4th of July ni takin mak le nal danglam takin a hung inlang ve nawk ta tlat el. Christina chun a piengzie nal tak pholangna ding le America mi indiktak a nizie suklangna dingin American flag râwng, a sen le vara siem zakuohnuoi (bikini) hâkin, tarmit dum leh swimming pool ah an chie dei/hu lai lim a hung pholang a, a la nunghakin a la nei mar \ha hle ti an hmu thei. A zakuohnuoi khingtieng sen ang bawkin a hner khawm a sen tawt a, hlasak thiem naw sienkhawm pasal tamtak ta dinga buoina tham a tling tah rêng rêng a nih. Kum 36-a upa Christina hin naute 2 lai a nei taa chu a rikna an khâwl khawmhai sukthlak nâwkna dingin a workout nasa bawk a. A pum duong khawm nunghâk

lai ang thovin a la nal a nih. Hi hma met hin a nauhai pahni le a ruolpa/bielpa Matthew Rutler le an thlalâk a hung post a. A nauhai pahni Max le Summer han an nu le pa hai an baw lang lang lai lim dam a hung post a. “Happy 4th of July!” tiin, sûngkuo hlim thei tak chu an nih ti a lan lang thei. Hi thlalaka hin an sûngkuo in a var le pawl vawng an hak a, an Ui khawm rawmawl sen a ringa khitin American nîna an tarlang seng a nih. Christina Aguilera

hin 2012 a “Lotus” album a suksuok bak kha chu a dang a la suksuok nawk nawh a. Amiruokchu, zofel vâng tah pakhat chu a nei niin a hril. Nghakhla a um ta hle, ieng hla tak am a ni ding? Album siem bâka hin ni kum khan charity single “Change” a siem a, chutaka hlâwk po po chu Orlando club inthatnaa mithi le hliem sûnghai \hangpuina dingin a peksuok vawng a nih. Tulai hin sci-fi film Zoe le The Emoji Movie a râwl thawin a buoi thei em em.

Dist. Level Badminton Champion final le Closing hmangCCPur: Churachandpur District Badminton Associ-ation (CDBA) huoihawtna hnuoia 17th District Level Badminton Championship 2017 closing le category tum tuma final khelna zani zantieng khan CDBA In-door Stadiuum, Hiangtam Lamka hmuna nei a nih. Hi huna hin Bijoy Koi-jam, President, Manipur Badminton Association le IK Muivah, IPS, DIG (Range-III), Manipur hai Chief Guest le Guest of Honor in an \hang a, Shy-amlal Poonia, IAS, DC Churachandpur Function-al President le Thangk-hosuanmung Guite, MDC, Chief of Hiangtam Lamka Chief Host in a \hang. Closing fuction a hin category tum tuma final inkhelna bakah Exhibition match inkhel a ni a, Under 14 nuhmei le pasal single-ah pakhatna le pahnina hai kuomah lawmman Rs. 1,500 le runner up in Rs. 1,000; Open Double winner le runnerup han Rs. 2,000 le Rs. 1000/-; Mens open single winner le pahnina han Rs. 3,000 le Rs. 1,500 an dawng a, lawmman latu hai hin Yonex a inthawk rucksack pakhat seng an dawng bawk.

Pu Shyamlal Poonia chun, taksa insawizawina dinga inkhel a pawimaw thu, taksa ei insawizawi naw pha lungril ngaituona khawm a hrat theinaw thu, inkhelnaa kum upa tak tak a \hang chu ruopui a ti thu a hril. Bijoy Koijam chun, Sports hi hunawl khawral na chau ni lovin fakhmunaa hmang thei a ni thu, ramri neilo a ni leiin inlaichinna siem\hatu a ni thu a hril bawk. IK. Muivah chun, tlangram district-ah Bad-minton sukhmasawn a ni theina dinga hmalak a ni thu, Kakching le Thoubal haiah Coaching centre \ha tak umin Indonesia rama inthawk Coach hung han training an pek angina tlan-gram district haia khawm Coaching \an a ni theina dinga hma lak a ni thu a hril.

Khuollien dinga fiel LM Khaute, IPS, DGP, Ma-nipur le President, Hill District Badminton As-sociation chu hung \hang theinaw sienkhawm Tour-nament Board \hangpuina dinga Rs. 25,000 a hung thawn chu CDBA kutah an hlan. \ Tournament-a hin Un-der 17 boys single ah mi 6 le double ah 6; Under 19 boys single ah mi 11, dou-ble ah 5, open men’s single ah mi 20 le double ah 23, women open single ah mi 5 le double ah 4, kum 35 le chungtieng mi 10 le double ah 15, kum 40 chungtieng single ah mi 4 le double ah 9, kum 45 chungtieng single-ah mi 4 le double ah 4, kum 50 chungtieng double-ah 4, kum 50 le chungtieng men’s veteran single ah mi 5 le double ah 4 an \hang a nih.