Sining, Arnam

akemenei ahem

Osomar aphan a Baibel Kepi abang

Ketok Abang: Edward Hughes

Kepangbar Abang: Lazarus

Ke-en pon Abang: Sarah S.

Lamlar Abang: Shersing Terang Mukrang

Kapeklang Abang: Bible for Childrenwww.M1914.org

©2013 Bible for Children, Inc.Jakong kepi: Nangli laso atomo akaprek along kethapji lapen kepachonji aphan klemun, nangli la jorjetik ke methang lo.

Jisu Pirthe kedo un ahut alangli sangho atum aphan sining hem rengme alam ta than lo. Alangli kachepu ke “Nepo Ahem”, Lapen alangli than lo laso ahem ang deng do-o. Lake thepik lapen alon kedo ser-rup pen kekim ahem. Sining hem rengme ke thepik lapen alir acham pen alon kedo pirthe ahem a an sose.

Jisu pulo, “Ne damsi nangtum aphan dim sik dam po. Lapen jongsi ne damra nangtum aphan dim sik tanglote, Ne mamat puthot vang thusi nangtum aphan nangpon po” Jisu kethi pen thur det aphi sining dam juilo.

Alangli sining karlu un ahut, sangho atum sining ang song anat langpronglo, lapen inghun vangsi alangli phan pon detlo lapen sangho atum amek pen thek longle detlo.

Halabangso arni pen mamat Jisu aphan kekroi atum an alangli lamchak ning chebi verlo lapen ning chepathe lo alangli vangthusi kado kave aphan ponji. Lapen Jisu pulo

tongsekot si vang ji, bonta majok ta apor chini un-e.HEMPHU PEN

CHELANG PET

Bonta eson alam Khristo aphan kekroi atum alangli vang ve ako kethi atum pi plangpo? Baibel along pulo latum nahok sangse pen sining si dampo. Ok abang

pen che-o si Hemphu Arnam angno do dun po.

HEMPHU PEN CHELANG PET

Baibel along kejutsi Kepaklang akitab along Sining hem rengme alam ethan pajir mi lo. Akeme nei alam ke lahelo je, peklang dak pen sining hem rengme ke Arnam ahem. Arnam ke nahok ta do, bonta alangli

recho anghoi kesining si do.

Sining hem rengme along tekala lapen sining armu atum Arnam aphan rolo. Lapen ajok ilitum chini arnam aphan kekroi pen kethitang atum sining sido. Halatum kejume pik alun pen Arnam aphan rolo.

Halatum lun kimi eson lun lo: NANGLI NELITUM APHAN KAPEJOK ABANG AOT DO, PIMA NANGLIPHAN THU TANGLO, LAPEN NANGLI VI PEN NANGLI ARNAM APHAN PANONG SI AKURTIN PEN, ...

... AJAT TIN PEN LAPEN PIRTHE AMONIT APHAN NAMLO, LAPEN NANGLI NELITUM APHAN RECHO LAPEN KURUSAR …

Baibel kejut si aphar along sining hem rengme aphan kepudam ke “Jerusalem Kimi”. Lake thepik, angtan apai song ta ingtui pik.

Jasper pu aarlong pen si selam lo, lake chithinglor aser asonlo. Ser- rup lapen mukuta aarlong pen paisong parjap lo, kedoilor kelang mepik ahi pen. La kedo an Rongsopi anghap ta ador sopik amukuta

pensi selamlo.

Labangso ledoilor anghap thepi kaike ta ingkir ke. Da damra arlo langdam sinang… O- keme! Sining hemrengme ke arlo memu lang. Laso rongsopi ke ser binong pen si kekim, keplan bong aloji ason. Halabangso atovar anta ser pen si selam lo.

Isi alangroi akeme lapen kachething et chethe alang Arnam anghoi pen si ingbop lo. Lapen labangso alangroi ihi anat chethe athengpi arong do, lake kechengsi ahut Eden pu aberi along kedo athengpi asonlo.

Laso atheng pi ke theng jong jung kali. Labangso athengpi athe jat krehini pathe, achiklo ajon tin si akaprek. Lapen laso athengpi arvo ke kereng-i aphan lapen lake amonit an aphan peme.

Sining hemrengme ke Arni lapen Chiklo atur nangne. Arnam adak atur pen theang ver lo. Hadak kaike ta ajo kangting avelo.

La anta kali sining hemrengme arlo ke marat api anta prekjam. Kaphere meme amarat anta jirpo-jirpi ason. Mahar atum pen biresak aso atum chopan raprap ji. Anchot kali ahir kangtang rak phere meme ahingho ta chainong ason sok pun si chopo. Hemphu arnam pulo, “nangtum angbong chepaso longle lapen chepathi ta longle ladak Kangthir anglong along.”

Itum kadokave langlote, ladak itum theklong ji je sining hemrengme along kopine eson ave. Lake ning kethi ase arju longle det ji. Majok ta chebohonghe lapen amethang aphan rirok abang ave.

Hadak hem anghap chingkir kling ave, athe sining athak ke hadak kachonghu abang ave. hadak kachobei abang ta ave, kepathi abang, thek-kere, kalite monit aot langno atum. Hadak eson nat apap ta avelo sining hemrengme ke.

Sining hemrengme Arnam along mekri-meklang ave det po. Ahut pen ahut Arnam asomar atum aning duk do lake non akai pen apot. Sining hemrengme arlo ke Arnam si mekri meklang ta ven po.

Sining hemrengme along ke kethi ta ave. Arnam aphan kekroi amonit atum kaiketa Hemphu along doverpo. Hadak ningduk ave, kachiru ta ave, lapen kesung ta avelo. Hadak keso ta ave, chekak ke, pametang hei hei ta ave lo. Sining hemrengme along kedo an amonit ta ning arong pen Hemphu along si doverpo.

Akemenei, Sining hemrengme arlo ke pinsomar lapen arlomar (lapen hadak ta pariso-paokarjang) halatum Jisu Khristo aphan kapejok abang lapen kekroi pen alangli ke Hemphu lo pusi chikilo.

BIRESAK

ASO

ACHETHE

AKITAB

Sining hemrengme along epak Biresak aso a chethe akitab do. Labangso akitab along monit an amen dolo. Nangli chinima komat atum amen si toklo? Lake kedo an Jisu aphan kekroi thirklong atum. Labangso along nangli men do ik ma? BIRESAK

ASO

ACHETHE

AKITAB

Baibel along kejutsi alamthe ke Sining hemrengme kejumesen pen ekepha.

“Karjong lapen Penan kedoji abang pulo, ‘Vang ik non!’ Lapen parju nang la karju abang aling punon ‘Vang ik non!’ Lapen kang it abang aling pejun nang. Lapen

komane abang jongsi aning hang lote labangso achethe alang pejun nang lake akejoi pen.”

Sining, Arnam akemenei ahem

Arnam alam pen atomo, A Baibel,

ilitum theklong

Jon 14; 2 Korinth 5; Kepaklang 4, 21, 22

“Nanglam anghap along atur pepinang.” Lun 119:130

Kejut

Laso a Baibel a tomo ekethan ke manghumeme Arnam itum aphan kapinchong abang lapen alangliphan kacheni nangji keri ver abang.

Arnam chini itum kaheno klem tanglo, alangli pulo lake pap. Pap anam ke kethi, seta Arnam nangliphan inghonpik, Alangli sopo Jisu epunpet ta pirthe athak nangtoi lo lapen thengparpan athak nangli pap alar hasti kepho nangji lapen kethi ji aphan. Bonta Jisu puthot rengthulo lapen amethang ahem sining dam juilo! Jongsi nangli Jisu aphan kroilote lapen pap kadiya chohanglote, alangli klemji! Alangli

nanglilong vangji lapen doji, lapen nanglita alangli pen kaiketa chelang verpo.

Nangli jongsi ahok kroilote, Arnam aphan la punon:Kanghon Jisu, Ne kroilo je nangke Arnam lapen monit cheplang si

pap apharman thilo, Lapen non nang puthot rengthulo. Ne choningrilo nekai along nang nangdodun non lapen ne pap an diya non, lapen ajok nechethe kimi pen kedoji, lapen mo arnisi nangli

long kedover ji aphan. Nephan raptha nangsopo ason kekroi lapen kedo-kethak kemesenji aphan. Amen.

Baibel porhira arnivang Arnam pen chingkitha! Jon 3:16