SHANGLAWT AI HTE HKRISTU HTA KABA RAWT WA GA (Growing in Christ through Freedom)

(Galati 5:1,13-15; Yawhan 8:32; Luka 4:18-19; Yaku 1:25;Esaia 61:1-3; Eph. 4:15).

Ga Hpaw : shanglawt ai (freedom) ngu ai gaw K.K a hkrang bung sumla a manu sari sadang, ahkang aya, atsam ningja hpring hpring hkrung nga lu ai sha n-ga, tinang a shawng lam asak hkrung lam hpe Karai Kasang a chyeju hte gaw gap nga lu ai masa rai nga ai.

Hkristu hta Shanglawt ai asak hkrung lam: Aten hku nna n htum n wai hkra galu ai lam (Quality)+ Hkristu a chyeju marang e Karai sharawng ai sak hkrung lam hku hkrung nga lu ai ningja (quality) hte kapyawn nga ai sak hkrung lam re. N dai prat htawm hpang prat lahkawng yan hte seng ai asak re.

Hpa baw kaw lawt ra ai?: Yubak a mayam (tsadan a mayam, shingra tara a mayam, jep ai tara a mayam, tinggyeng machyu ai a mayam) tai nga ai kaw lawt ra ai majaw re. (1) shanglawt ai wa n tai yawng?: lam shagu hta hkrit tsang nga shangun ai, gawng kya nga shangun ai, si htum mat shangun ai amayam tai nga ra ai. (2) Lawt ra ai aten?: Heb 9:27. Hkye shalawt ai a yaw shada ai lam ni: Hkraitu hta shanglawt ai ni tai na matu re (Htani htana asak lu la let asak hkrung lu na matu re). (1) Marai hkum shagu K. K a kashu kasha majing hku asak hkrung lu na matu (Personal conversion) (2) Karai Kasang sharawng awng ai shinggyim wuhpawng tai nga lu na matu (social transformation).

Yesu Hkristu jaw ya ai shanglawt chyeju: (1) Yubak hpe raw dat ya ai {Forgiveness from sin(s)} (2) Nhkru n kaja ai a shingkang hpe gawt shapraw kau ya ai (sh) dang manga kau lu shangun ai (Exorcism of evil powers) (3) Arawn asam galai mat wa shaangun ai (transformation) {Roma 12:1-2} (4) N hpaw n-ya asak lu la shangun ai (Abundant Life) {Yawhan 10:10}:asak hpe madu da lu ai lam sha n rai, K.K yaw shada da ai asak hkrung lam hku sak hkrung ai shaloi she lu la ai baw re; Yesu up hkang ai npu hta sak hkrung alm a lachyum nnan, n-gun atsam nnan, manu nnan, nam chyim nnan ni shani shagu hkam la lu nna hkum dingnum galu kaba jat wa ai the K.K a hpung shingkang hpe shadan jahkung nga lu ai asak re Tr.J 28:1-6 nhku shang wa yang, shinggan pru wa yang chyeju shaman lu la na).

Gara hku nna shanglawt ai wa/ni tai wa shangun ai:

I. Marai hkum shagu K. K a kashu kasha majing tai wa shangun ai (Personal conversion). (A) Tengman ai makam masham (Lk 15: 11-32 dam mat ai kasha: (i) Yubak a mayam kaw na lawt lu shangun ai (release){ Bai hpan shalat la ai (Yawhan 1:13 “K.K e shaprat ai”; Yawhan 3:3 “ntsa de na shangai ai”} (ii) kasha aya bai dagraw (release) { wenyi lam hta bai hkrung sharawt la hkrum ai, (Kolo 3:1 “wenyi si nga ai kaw nna, Hkristu hte rau bai hkrungrawt lu ai”; Roma 6:13 “si mat ai kaw nna bai hkrung lu ai”} (iii) kasha a rawn asam de galai shai shangun ai (transform){Ask hkrung lam ningnan hpa ap ya hkrum ai (II Kor 5:17 “asak hkrung lam dingsa galai nna, ningnan hta pra lu ai”; Eph 2:10 “mai kaja ai bungli galaw na matu Hkristu hta hpan da hkrum ai”; Ehpe 4:24 “tengman ai hte seng ai dinghpring ai hte chyoi pra ai K.K hpan tawn da ai gawng shingyan ningnan hpe dagraw ai ni tai wa ra ai”}. (B) Karai jaw wenyi ningmu hte hkrung lu ai (“amying sum sing mungdan hta ka da hkrum ai” Lk. 10:20, “K.K shaprat ai kashu kasha” Yawhan 1:12-13, K.K tsaw ra ai lam, manu shadan ai lam, yaw shada ai lam)

(i) Sak hkrung lam a yaw shada ai lam shai mat ai (New situation: objective change) (ii) Myit masin ningnan de galai shai mat ai ( New self: inner change) (iii) lai sat lawat- Hkristu hte shadawn ram ai gawng shingyan a lanang hkap lu hkra rai ra ai (Ehpe 4:13) ( New Steps: behavioral change). (C) Tsaw ra myit hta mahta nna asak hkrung ai (from sin-based to love-based) (i) Karai Kasang hpe masha hpe tsaw ra ai ( Mk.12:30) (ii) tinggyeng shagyawm nna masha wa a matu, wuhpawng a matu asak hkrung ai (D) Wenyi asak hkrung lam rawt jat galu kaba wa ai (i) Myit malai galai shai ai (ii) kangka sadi dung ai (iii) asi si ai (iv) ningbaw ningla tai ai.

II. Karai Kasang sharawng awng ai shinggyim wuhpawng tai wa shangun ai (social transformation). (A) Myit jasat masa hte seng nna shanglawt ai ni tai wa shangun ai. (i) gyip gyeng ai myit jasat (exclusive ideology) kaw nna, yawng a matu anum ahkum chye myit ai myit majasat de (inclusive ideology) (ii) Gum shem dip ka-up myit madang (colonial mentality) → Masa lam hku dip ka-up myit madang (neo-colonial mentality) → Dip ka-up lam n nga myit madang (post-colonial mentality) (iii) Lachyen ginhka myit mang ladat (either or thinking) → Mahkri shawn matut mahkai myit mang ladat {both and thinking (relativistic thinking)}

(B) Hkum hkrang, myit masin, wenyi, hkam kaja rawt jat kalu kaba wa shangun ai (hkum dingnum).

(c) Hpaji byeng-ya kung hpan wa shangun ai (Ga.Sh 1:7; 2:6; 3:13-15)

(D) Karai Kasang hta sut su ai ni tai wa shangun ai (Lk 12:13-21 “sut gan law htam wa ai hta masha asak rawng ai n rai…..tinang a matu sut gan mahkawng da nhtawm K.K hta n lu su ai wa”; Tr.J 8:18 “K.K gaw sut gan lu su chye ai atsam jaw nga ai” Mahta 20:1-16, Luka 19:11-17 “K.K gaw sut gan kyem da ai hta grau law htam wa hkra galaw ai hp era nga ai”)

(E) Myit hkrum kahkin gumdin wa shangun ai (mahkri shawn nga pra masa ringchying wa shangun ai) (i) Nbung ai lam ni nga ai lapran kaw na myit hkrum mang rum ai lam (Unity in diversity) (ii) shada mahku mara kanawn mazum ai (interrelationship), shada mahkri shawn matut mahkai nga ai (interconnected), shada shamyet shanat nga ai (interdependent) (iii) shada akyu jaw masa (mutuality): chye na hkat ai (understanding), masat masa galaw hkat ai (recognition),hkungga hkat ai (respect), bungle jawm galaw ai (co-poration), lahkawng maga akyu kaja hkam la lu ai (mutual enrichment).

(F) Ngwi pyaw sim sa lam hpe gaw gap la lu shangun ai (peace) (i) Ru pawt madung (Root cause): tara rap ra lam nnga ai kanawn mazum lam (unjust relation) & Tara rap ra lam nnga ai ninghtan gaw gap hkrang masa (unjust structure) (ii) lam shagu a matu madu n tai lu ai (objective people) → K.K a chyeju hte lam shagu hta madu tai lu ai (subjective people) (iii) Si ai hpang htawm hpang prat hpe sha madung dat ai Karai masa (life after death oriented theology) → shinggyim masha hpe sha madung dat ai Karai masa (Human-centered oriented theology) → hpan da ai lam yawng hpe madung dat ai karai masa (creation-centered oriented theology).

(G) Myu sha lam yan masa (mung masa) lam hta shanglawt lu shangun ai.(i) Gumchying Gumsa → Gumlau Gumsa→ Gumrawgn Gumsa. (ii) Majan (Lak nak, Kani, Ana ahkya)

To God be the glory!

Ginlen shalai ai,

Lahpai Awng Li (MIT, Insein).