OSH62-0311 Olwoodi Linenenene La Luwa VGRdownload.branham.org/pdf/OSH/OSH62-0311 The Greatest Battle...

OLWOODI LINENENENE LA LUWA

Tangi, Mumwatate Orman. Omwene ne ku yambeke.2 Mwalele po, ookaume. Ehafo okukala apa natango ongula ei, noshi li kanini inashi teelelwa, ndi wete, kuamemwene, nondi shi shii oshi nokukala keongalo. Ndele onda li ashike handi lesha ndele…Tangi, mumwameme. Ndele Omwene okwa tula sha shinini momutima wange, okueta kOngeleka, nohandi lipula ola li efimbo oku shi ninga. Ndele paife eshi…3 Eshi nda fika, noku ha shiiva nge ohatu kala apa Osoondaxa ei, onda shiivifa kutya ondi na e—Etumwalaka lOngeleka. Ndele onda hala, nge Kalunga e shi hala, okueta Etumwalaka eli Osoondaxa tai shikula. Ndele otapa ka kala efimbo lile unene, onghee, otashi dulika iha dje mo manga omulongonambali wapitifa omilongonhatu, oimwe komutwe, pamwe, nge opefimbo opo. Osha kala momutima wange efimbo lile, nohandi lipula ondi nongunga koshiwana enyamukulo omolwashike inandi kala handi linyenge mepya. Onde li udifila alishe, ashike ondi shi shii inashi uya opo shi nokukala. Onghee ohandi lipula, Omwene nge a hala, Osoondaxa tai shikula, onda hala ashike oku kufa efimbo lange noku shi eta po, etomelo nomolwashike, noku mu shiivifila, Pamushangwa, osho shi li po, uwete, omolwashike shi lile ngaho. Molwaashi, ohandi dulu ku ya kondje yomafuta ile kumwe diva. Onda teelela paife okumona ondjila ilipi Ye ta ifana nge ndi ye. Lwaxuuninwa…4 Konyala omaufiku atatu apita, ile omaufiku avali, onda dengelwa ongodi mokati koufiku; nosha li okuilikanena omukainhu wonhumba oo a li moshipangelo. Ndele ova dengela nge, nokutya, “Ilikana.” Ndele onda dimbwa edina olo va pa nge, kutya…Va ti okwa li okaume kOmufimanekwa. James Bell, mumwameme wetu apa pongeleka, mumwameme womumbabi, omudiinini unene, omukainhu muwa. Onda itavela edina ola li Shepherd, nda pewa. Onghee onda dja mo mombete nokutweengolo, no—nokulombwela omwalikadi wange. Ongodi oya dengwa, handi mu pendula. Ndele onda ti, “Otu na okuilikanena Omufimanekwa. Shepherd, omumwaina oo a denga, oo kaume kOmufimanekwa. James Bell.” Onghee otwe mu ilikanena, noku shuna mombete.5 Ndele hano lwopomulongo ile omulongonaimwe komutwe, efiku la shikula, onda dengelwa natango. Okwa li Billy. Ndele okwa ti, kasha li Omufimanekwa. Shepherd, ta ti okwa li Omufimanekwa. Bell, yemwene, ha kaume kOmufimanekwa. Bell. “Okwa li Omufimanekwa. Bell, ndele oku li moshipangelo, ta ehamenene.” Nokulotokela koshipangelo, ashike okwa ya nale. Omwene okwa ifana Omufimanekwa. Bell, Keumbo.

2 ONDJOVO YAPOPIWA

6 Omufimanekwa. Bell okwa kala omuongali omudiinini pamwe nafye apa pongeleka, omido dihapu. Omulumenhu waye, James, naame, otwa longa pamwe, natate, omido dihapu dapita, kondje, okulotoka…Otwa lotoka momalufilu aa, okudja koPennsylvania, okuya moColgate, omido dihapu dapita, ondi wete omido omilongonhatu dapita, ile didule po. Ndele otu hole Mumwameme Bell. Ye okwa li omunyakukwi.7 Ndele ondi udite ko oku neponokelo latwa longhalo yokamunda komaxu, ndele ova…Omukonakoni waye, oo e shii oshinima lela nawa, okwa li kondje yodoolopa pefimbo opo. Nomukonakoni mupe okwe uya oku mu tala, no—nokuyandja omayele etando lomeendelelo, ndele ine li tupuka. Ndele—ndele okwa li…Handi mu lipula…Omukalo ndi shi udite ko, kutya omukonakoni waye woshito ngeno ine mu shangela e—etando, molwaashi okwa li a lulilwa nokamunda komaxu kaye oka li kai. Ndele oku nomamanya, handi lipula, ile sha muko, no—nOmwene okwa kala omunanghenda. Ye okwa kala nomaponokelo oo nale nOmwene okwe a fila oshisho, oikando ihapu. Ashike osha ningwa shi kale ngaho…Iya, nge hatu shi konakona nawa, ohatu dulu kutya ngaha: Kalunga okwa ifana Mumwameme Bell, nosho omukalo shi nokukufwa ko, ou wete8 Ndele osha shekunwa ngahelipi, sha etwa kuame, opo nde lipula okwa li Omufimanekwa—Omufimanekwa Shepherd. Nghi shii Omufimanekwa Shepherd. Omukainhu pamwe oku li apa, ongula ei, nohandi mu shiiva pamwe nge nda tale koshipala shaye. Ashike, okwa tilwe okwa li Omufimanekwa. Shepherd. Ndele kutyanee ashishe osho sha longwa ngaho, onghee nge osha li…Ngeno okwa li ndi shii kutya Omufimanekwa. Bell okwa kala monghalo oyo, otashi dulika nda ya ko noku mu ilikanena diva. Ndele hano, uwete, kutya, Kalunga ina hala tu shi ninge, shapo. Onghee, “Ndele otu shi shii kutya oinima aishe ei ohai longelwa ouwa kuovo ve hole Kalunga.”9 Ndele ondi shi shii kutya Mumwameme Bell oku hole Omwene wetu. Okwa li omukainhu muwa. Paife, oumwe womufye. Omu, katu nomifinda domaluvala. Epata laKalunga iha li faneke omifinda domaluvala. Kutya nee otu vatilyana, vandjibi, valaula, ile vashunga, kashi nasha, vatoka. Kutyanee oshike, fye ovamwatate novamwameme muKristus. Nonghee otu—otu mu hole. Nohatu mu djuulukwa, etwaliongalo. Ohandi ka djuulukwa ngahelipi, Mumwameme Bell, ovo vanene, vakula, ovayandji “eamen” konima kwinya mokolonela. Noku mu twala keumbo, ye ta popi kombinga yOmwene Jesus.10 Nonge ondi shi udite ko nawa, inandi shi shiiva nale fiyo omafimbo mashona a pita, ashike ohandi lipula epako oli nokukala la ningilwa apa mongeleka. [Mumwatate Neville ta ti, “Oshi li mondjila.”—Sd.] Etivali eli tali ya po [“Oimwe komutwe.”] oimwe komutwe. Nohandi lipula ove naame otu nokutambula ko [“Oshi li nawa.”] moshivilo pako eshi.

OLWOODI LINENENENE LA LUWA 3

11 Ashike, meongalo, opo twa nghundipala ongula ei. Mokufimaneka Mumwameme wetu Bell, natu fikameni ashike keemhadi detu okafimbo, ngaashi hatu nyongameke omitwe detu.12 Kalunga komwenyo, Ou ho yandje nokukufa omwenyo; ngaashi Job wonale a ti, “Omwene okwa yandja nOmwene okwa kufa po; layambekwa Edina lOmwene.” Omido donhumba dapita, Owa tuma Mumwameme Bell mokati ketu, okukala omukwashiwana mukwetu pamwe nafye, womuhanga munene waKalunga. Ndele otwe Ku pandula molwa enwefemo keshe olo ye a li komesho etu, nhumbi e hole okuimba nokuhepalula, nokuyadifwa unene nOmhepo fiyo a kuwa nokuingida. Ndele ye ka li a fya ohoni Evaengeli laJesus Kristus, osheshi, kuye, Olo Eenghono daKalunga okuxupifa. Tuwete omido daye dapwa ko, nefimbo ota li uya eshi atushe tu nokunyamukula. Ndele Owe mu kufa po pufye, ongula ei, a ka kale mOukalipo Woye. Osheshi, oshoshili kutya, ngeenge twa tembuka apa, otu li mOukalipo waKalunga.13 O Kalunga, oha tu Ku pandulile aishe. Ohatu ilikana opo U yambeke omulumenhu waye, kaume kange, James; omonamati waye, ovanakadona vaye, aveshe ovo. Otu udite ko kutya omumati waye ota tuka okudja kOndowishi, koshi yomatanga a homatekwa, okuuya keumbo, okuyandja efimaneko laxuuninwa ta dulu, kedu, kuina a kanduka po. Omutima womulumenhu omunyasha oo otau denge ngahelipi ongula ei. Ohandi mu ilikanene, Omwene. Kalunga, mu yambeka. Yambeka Jimmy, nonhumbi ye…U mu wete ta longo oko, neetundi deloloko, okupalula eumbo laye. Ohandi ilikana kutya eumbo linene itali topolwa, ashike elola leumbo itali tokoka mEdu olo kombinga inya.14 Natu dule, Omwene, paife okupameka oshilwifo noshikelelifo, shi pame kanini, nokuya molwoodi paife, okulwa naumwe shi dulife twa li tu noshivike shapita. Ohatu ilikana opo U tu wanifile noku tu nghonopaleka, noku tu kwafa ngaashi hatu twikile, nefiku limwe atushe hatu ka ongala pamwe natango kombinga ikwao. Otwe shi indila mEdina laJesus. Amen.15 Paife omwenyo wamumwameme wetu a kanduka po nau tulumukwe nombili. Onda hala okutya epako laye—laye otali ka udifwa apa Osoondaxa, ile Etivali, ndele ohatu…Keshe umwe okwa tambulwa ko okuuya oo te uya. Ondi wete Mumwatate Neville apa oku nomalongekido. [Mumwatate Neville ta koleke—Sd.] Ndele ou a na. Paife, nena, ashike onda…16 Uwete, kape na unene vahapu. Nge ope noshipundi lwaapo etela Mumwatate naMumwameme Slaughter konima oko. Onda mona ongodi yoye, Mumwameme Slaughter, nonda ya okuilikanena koye…Mumwameme Slaughter mukwao,

4 ONDJOVO YAPOPIWA

Mumwameme Jean Slaughter neshikisha ladiba, otularemia. Oku na shili oupyakadi nalo, ashike otwe lineekela Kalunga kutya ota kala nawa.17 Paife otwa hala okulesha Omishangwa dimwe. Nonda hala ashike okulonga ongula ei, okukufa efimbo lange, shaashi nghee nda aluka kudja ko, Arizona, iya, epungunino lange otali xwexwema kanini.18 Ndele paife, Osoondaxa yashikula, ino dimbwa, ndele onda diladila Billy okwa tuma nale o—omashivifo. Ndele otali kala elongelokalunga lile unene, otwa itavela, onghee ila kuyele ngaashi to dulu. Otwa hala okutameka, lela lwopomuwoi wa pitifa omilongonhatu, ile ndi tye, omulongo komutwe. Ndele pamwe, dimbuluka, lwopoimwe ile oimwe-…pamwe, ile omulongonambali wa pitifa omilongonhatu, oimwe komutwe, shimwe sha tya ngaho, nhatu ile eetundi nhe, ile didule po, onda hala okukufa, nokukufa ashike Omishangwa. Etelela opena yoye yekala nombapila, noku shi dinda mo. Ope nepulo lasha, to pula—li pula, ou wete, ndele pamwe hatu dulu okuli ndjadjukununa, tu ninge osho hatu dulu okukwafa.19 Paife natu lesheni Omishangwa dimwe, tete, paife. Ondi neenhele nhatu mOmbibeli, odo nda hala okulesha. Noyotete yomudo, nge owa hala oku i didilika, nonge ou nopena yekala, onda hala okufaafaneka, ongula ei, komaleshelo mahapu oo nda hala…ile Omishangwa dihapu, shapo, odo nda hala okufaafanekela ko. Wotete otau kala Petrus Wotete 5:8-19, Ovaefeso 6:10-17, naDaniel 12:1-14. Paife, mokulesha, tu kufeni efimbo letu.20 Ndele keshe umwe melandulafano oku li omutumba. Onghee, vashona ova fikama natango, konima nomomunghulo. Ashike ohatu ka kendabala okupita mo diva ngaashi tashi dulika nokuefa mu dje mo, opo nee hatu ka ilikanena ovanaudu.21 Otu nomukainhu munini a nangala apa ongula ei, oo ta vele unene. Ondi udite ko kutya okwa li ta vele unene, onghela. Ndele onda—onda hala ashike a ude ko, ongula ei, tete, manga inandi mu ilikanena. Ndele onda shiiva onghalo yomukainhu munini. Ndele ota vele unene, ashike otu na Tate Omukwaulu munene unene Ou a findana e dulife ouyehame aushe. Ndele ondi na ka—kanini…22 Ohandi indile Omufimanekwa. Woods nge ota dulu oku u lesha, ashike okwa—okwa li a ongaonga kanini oku—oku shi ninga. Oshileshwa shonhumba, opo ndokotola wopaunamiti a kumwa lelalela. Eshi, a li omusheki meveluko Loukwakalunga noi na pitika nokuli umwe e lipopye mombelewa yaye; nomupangi waye, yo. Onghee, osha kala ngaha, a mona omunaudu oo a li e nokaangela, okaangela yakula. Ye ke na konasha nayo, onghee okwe mu tuma kokilinika ikwao. Kave na konasha nayo kwinya, onghee ove mu shunifa ko. Onghee


ova…Akutu, oya li kevele, noya li monghalo ii. Noshipa ashishe osha lika ko. Nokaangela, oya ya fiyo omevele, meemhati. Ondi wete omu udite ko eshi nda hala okutya.23 Ove na ndokotola munini kaume ketu okudja koNorway e li omutumba pamwe nafye ongula ei.24 Ndele oku noilongifo yaye aishe yalongekidwa, osheshi okwa ti oku shi shii kutya—kutya okwa hala e mu tande nokukufa po evele. Ndele osha li oshilonga sha nyikohonde. Ndele—ndele oku noupaki vaye aveshe, kesheshimwe. Omupangi okwa longekida omukainhu noku mu eta monduda yokutandela, nopo nee okwa shuna a ka tale oilongifo, yo, oyo i nokulongifwa kundokotola nomukwafeli, waye oku kufa po evele. Nonghee ove noifanduke noinima ya yalwa kombada yaye. Nonghee ova tameka…25 Eshi a tameka okupunguluka, omulumenhu waye okwa hala okushiiva nge ota dulu oku kalomutumba kofindo yonduda nokuilikana. Ye okwa li omuudifi omuyapuki. Ndele okwa kalomutumba pomunghulo wokuulu kwombete, nokuilikana. Shaashi, ndokotola ka li lela a wanenwa kusho, ou shi shii, kuye mokukala mo. Ashike shama ye ita tale, noita shi mu ehameke, omolwashike, “Ondi wete osha li nawa; ita—ita ngabuka.”26 Onghee fimbo e li omutumba, ta ilikana, omwe uya elinyengo monduda. Nandokotola okwa punguluka a ye, yo, noilongifo yaye, okutameka okukufa po evele. Ye okwe linyengifa okapaki nokapaki. Kapa li nokuli oshivadi kevele; kape noshivadi nokuli. Ye okwa ti, “Oshe—oshe li…Oshe linyenga?” Nokwa tameka…Nomupangi okwa yandja ehokololoumbangi. Aveshe vavali ova dja mo nova ninga ovapentekoste, va yadifwa nOmhepo Iyapuki, tava longele Omwene. Kape noshivadi nokuli!27 Ndokotola Holbrook okwa hepaulula, yemwene, ta ti, “Omunute umwe manga inandi fika ko, opa li o—omukainhu a nangala, nomupangi, nokaangela yakula aishe ya tumuka mevele laye. Nomunute umwe konima, kapa li nokuli oshivadi opo ya kufwa.” Oo oumwe womeendokotola dopaunamiti detu diwa apa moAmerica. Ye okwa ti okwa itavela hano opo. Ndele ye, natango, okwa li omudiakoni mongeleka. Uwete?28 Uwete, ovanhu ohave lipula ongeleka oyo shimwe ho i ko ashike, nosho i li, “Akutu, oho i ko uke lilonge okukala umuwa, ile shimwe shatya ngaho.” Hasho ngaho, kaume. Ahawe. Kalunga oye Kalunga. Ye omunene nena ngaashi Ye a li, a kala. Ndele Ye alushe ota kala elifa. Ndele Ye o…Otu Mu hole ashike.29 Paife, otwa hala okulesha paife okudja muPetrus Wotete, ekapiteli eti5, oni8 novelise oni10, okutamekifa.

Kaleni mu nelidiliko,…mwa pashuka; molwaashi omutondi weni omunawii,…onghoshi hai kumbu, ota dingilile, ta kongo ou te mu xwake po:

6 ONDJOVO YAPOPIWA

Mu lwifeni mwa pamenena me…itavelo, nye mu kale mu shi shii novamwaxo yo ve li mounyuni ove nokuhumbata omahepeko a tya ngaha.

Ashike Kalunga kefilonghenda alishe, ou e tu ifanena moshinge shaye shaalushe muJesus Kristus, eshi mwe lididimika okafimbo, oye ote mu longekida, te mu yambidida, te mu pameke, note mu kanghameke.

30 Kalunga ota hambelelwa ngahelipi! Paife mEmbo lOvaefeso. Otwa hala okupandjula apa kEmbo lOvaefeso, ekapiteli eti6, notwa hala okulesha oni10 fiyo okovelise oni17, onda didilika.

Lwaxuuninwa, ovamwatate vange, lipamekeni mOmwene, nomeenghono domepangelonghono laye.

Lidikeni oilwifo aishe yaKalunga, opo mu dule okufikamena omakonda omunawii.

Osheshi ihatu kondjifa ombelela nohonde, ndelenee oovene, ovanaenghono, ovapangeli vomilaulu vounyuni—vounyuni ou, neemhepo dowii mevalelwa.

Onghee hano tambuleni nyevene oilwifo aishe yaKalunga, opo mu shiive okukala ofika mefiku lii,…mwa longa aishe, okukala ofika.

Hano kaleni ofika, noiya yeni ya mangwa noshili,…mwa djala ponhulo oipapa yoivela youyuki;

Neenghaku keemhadi deni nelilongekido levaengeli lombili;

Muaishe,…oshikelelifo sheitavelo, mu dule okudima po nasho oikuti yomunawii yaxwama omundilo.

Ndele tambuleni embale loshivela lexupifo, neongamukonda lOmhepo, nokutya ondjovo yaKalunga:

31 Paife mEmbo laDaniel, onda hala okulesha dikwao. Paife, Daniel ekapiteli eti12. Onda hala okuhovela pu yo1, nokulesha lela o—oule woshitopolwa eshi, eevelise omulongonanhe.

Ndele pefimbo tuu olo…Mikael ota ka fikama, omwengeli omukulunhu munene ou ha popile ovana vovanhu voye: ndele otali kala…efimbo lidjuu, inali kala ko shito nghee tuu oshiwana sha kala fiyo kefimbo olo: ndele pefimbo tuu olo ovanhu voye otava ka mangululwa, keshe umwe ou a shangelwa membo.

Ndele vahapu vomuava hava nangala mondwi yedu tava ka penduka, ndele vamwe tava nyumukile momwenyo waalushe,…vamwe okufifwa ohoni noixuna yaalushe.

Ndele ovanaendunge otava ka vilima ngaashi evalelwa leulu; naava tava twala—tava twala vahapu kouyuki ngaashi eenyofi alushe fiyo alushe.


Ndele ove, O Daniel, pata—pata…embo, fiyo kefimbo lexulilo: vahapu tave ke u konakona, neendunge tadi ka hapupala.

Ndele Ame Daniel onda mona, ndele, nda tala, vakwao vavali va kala ofika,…umwe okombinga ei yomunghulo womulonga, ndele umwe o…kominga inya yomunghulo womulonga.

Ndele umwe okwa lombwela omulumenhu ou a djala oshikutu sholiina, ou e li kombada yomeva omulonga, Efimbo li fike peni li noku pita fiyo kexulilo opo…oikumifa?

Ndele onda uda omulumenhu ou a djala oshikutu sholiina, ou e li kombada yomeva omulonga, eshi a yelula eke laye lokolulyo neke lokolumosho keulu, ndele ta anene ou e nomwenyo fiyo alushe nokutya ope nefimbo limwe, efimbo, netatakati; ndele ngeenge ye a mane okuhanauna eenghono dovanhu vayapuki,…oinima ei otai ka wanifwa.

32 Onda itavela ohandi xulile opo. Onda hala okukufa eleshelo, nge otali dulu okuifanwa eleshelo okudja omo, okudja mulo, okueta eoyeko eli lo: Olwoodi Linenenene La Luwa. Olo nda hala okulongifa molweleshelo.33 Paife, onde u ya ngahelipi oku shi mona molwa eleshelo ongula ei. Opo ashike twa aluka; vahapu vomovadiinini voiniwe, apa pongeleka, naamemwene, otwa li moArizona. Ndele otwa ya ko, shoshili, oku ka ninga oshiongalele koPhoenix, naMumwatate Sharrit, ketwaliongalo laye. Ashike eshi nda mona mo kutya o—omumwatate okwa li modoolopa, e na omalongelokalunga metwali, iya, hano ondi udite eongaongo kanini kombinga yokuninga oshiongalele. Ohandi lipula pamwe ohandi shi ningi mOsoondaxa komatango, opo paha kale umwe a piyaanekwa meengeleka davo. Ashike, onda mona mo, kutya oku na omalongelokalunga Osoondaxa komatango, yo. Nonda li ka—kanini handi lipulapula kombinga yokukala nelongelokalunga.34 Nonghee fye ovamwatate, ponhele yokuya mo omutenya, ngaashi twa li hatu kongo, otwa ya moshilando, kuya nokulongekida, nokuya komalongelokalunga aMumwatate Allen. Mumwatate A. A. Allen okwa li e na omalongelokalunga. Onghee otwa ya komalongelokalunga, naMumwatate Allen okwa udifa eudifo leenghono. Otwa mona e—efimbo, efimbo liwa, okupwilikina kuMumwatate Allen, twa okuuda o—ovaimbi, nosho tuu, nhumbi va imba, nokuingida, nokukala nelongelokalunga linene.35 Hano otwa mona, mondjila aishe, eke lOmwene. Keshe opo twa ya, Omwene Jesus okwe tu shakeneka. Ndele ope na sha kombinga yokukala kuovemwene, mwinya meembuwa. Ope na

8 ONDJOVO YAPOPIWA

sha kombinga yasho, kutya nge owa kala auke omukalo oo, ope na sha osho tashi ku nane. Osho, ndi wete, olo etomelo limwe ndi hole eenhele odo dokokule. Oto i kokule eenghono domutondi, unene ngaashi tu na apa.36 Omunawii konyala ina nyika oshiponga kakele e na sha okulongela mo, okushi na. Oto dimbuluka eendemoni odo da tewa muLegion, di kwete? Oda hala okuniga oufifiti muhapu, onghee oda hala okuya moingulu. Onghee, eendemoni odi nokukala nasha okulongela mo, umwe okulongela mo.37 Ndele oo omukalo Kalunga ha longo, yo. Ye oku nokukala e tu na. Ye okwe likolelela kufye, okulongela mufye.38 Navahapu ove uya fimbo twa li molweendo, neendjodi. Ndele Omwene Jesus ina dopa nande okwa yandja efatululo mondjila, nokukala ngaho, omukalo naana oo.39 Ndele hano Ye okwa li muwa kufye, oku tu wilikila koshikunino shoifitukuti noku tu lombwela opo sha li. Ndele, ou shi shii, okukala momudingonoko ngaashi ngaho, oshiwa unene. Tu li omutumba, oufiku, pomundilo wonhanda, kokule nakeshe umwe, eemaila neemaila neemaila, nokutala o—omundilo wonhanda tau lafa komingenge domamanya. Ndele, akutu, osha li shiwa unene!40 Mumwatate umwe kwinya, ou a kala e noupyakadi nomwalikadi waye, oo e na…Omido dapita, okwa yelufa omutwe waye moshiongalele, opo nda li ndi nelongelokalunga. Nonde va indila va kaleke omitwe davo poshi; oku nomhepo yanyata oyo inai hala okweefa o—omukainhu, komesho. Nomukainhu, okuhangungumana ashike, a yelufa omutwe waye nande ongaho. Nomhepo oya fiya po omukainhu, komesho, nokuya kuye. Naashi omido hanga omulongonanhe, nomukainhu okwa kala monghalo ii; unene, nokuli pamadiladilo, fiyo a ninga oinima oyo ihe li nokuli nawa. Oshihopaenenwa onga, a fiya po omulumenhu waye mwene, a ya nokuhombolwa komulumenhu umwe fimbo a li pamwe nomulumenhu waye; ta ti ke shii nge okwe shi ninga. Nonghee ova—ova kendabala oku mu konakona molwa sho. Oho shi ifana shike, ngeenge u…Omahaluhalu? Osho…Ame, kutya edina olo oshike. Ondi wete oli li mondjila, ndokotola. Ashike kasha li ngaho. Osha li omhepo. Ndele waye…Nomukainhu okwa li kaume kange muwa. Ashike okudja oufiku oo, okutwikila, oku tonde nge oshiningilewina. Shaashi, ou wete osho sha li.41 Ashike nee eshi omulumenhu waye e uya, ndele hatu tweengolo monduda okuilikana, hano Omhepo Iyapuki oya kulukila poshi. Osho sha li ngaho. Hano Ye okwa holokela omulumenhu waye oufiku oo, mondjodi. Ye okwa aluka nondjodi, okwe lipula oya li omashendjo. E uya okushi mona mo, ola li enyamukulo lela keveluko lomwalikadi waye. Nhumbi hano Omhepo Iyapuki ya ungaunga!


42 Okuya moTucson, naMumwatate Norman navo, nOmwene okwa hovela okulonga natango nainene, oinima yeenghono nokuholola oinima.43 Onguloshi imwe, osho sha eta nge kokuoyako oku apa, onda li ofika naMumwatate Wood naMumwatate Sothmann. Notwa li…Osha li lwopomulongo komutwe woufiku, nonda li handi tale pombada kevalelwa leulu, noumbada unene owa hanga nge. Ndele handi ti, “Taleni ashike! Olo alishe linene, etanga lovakwaita ekwaulu!” Ndele handi ti, “Kesheshimwe oshi li lela mombili.”44 Ndele Mumwatate Wood ta ti, “A tala keenyofi mbali dinini di lyaafane lela popepi, odo, de shi ninga shafa ouyelele.”45 Onda ti, “Ashike, ou shi shii, Mumwatate Wood, shelikolelela kounongononi, mOule oo, Oule Munini, Oule Munene, eenyofi odo itadi monika di li li omanha avali kokule; ndele odi lyaafane kokule ngaashi tu di li kokule. Nonge oda tamekele kedu oku, otadi pula, peemaila omayovi motundi, otadi pula omido omafele nomafele opo di fike kedu.” Ndele handi ti, “Mualishe eli linene, omukalo munene apa, nonatango otadi tu lombwele kutya otadi talele momahalasa, di wete omido eemiliona efele nomilongombali defimbo louyelele, mokule omo; nope na natango eehani neenyofi. Ndele—ndele, natango, Kalunga okwa shita keshe imwe yomudo. Ndele Ye oku li omutumba mokati kado.”46 Onda ti, “Lwaa mwinya, onde li ulikila, oshikando shimwe mokunongonona, ozodiaka; ya hovela nokakadona, tashi ya kefimbo mudo lokangeela, nokutwikila nafiyo xuuninwa sha li onghoshi, oLeo onghoshi. Euyo lotete laKristus, kokakadona; euyo etivali, kOnghoshi yomepata laJuda.” Ndele onda ti, “Onda kendabala unene okumona ozodiaka oyo, ndele inandi i mona. Ashike, natango, opo i li. Ovo va deulwa, ove shi shii opo i li. Job okwe i mona. Ovanhu ova kala have i tale. Oya li Ombibeli, pefimbo limwe. Ashike monduba aishe oyo inene yeemiliona neebiliona do—domido douyelele, Kalunga oku li omutumba mokati kaadishe domudo, ndele Ye ota tale poshi. Paulus omo e li. Meme omo e li, lwaako, a tala poshi.”47 Ndele onde lipula elandulafano letanga lovakwaita ekwaulu olo, kape na limwe lomudo la dja ponhele. Keshe limwe ola diinina efimbo lalo, nawanawa. Etanga lovakwaita linene laKalunga! Onde lipula ovakwaita; ongahelipi nge omwedi owa di melandulafano, edu otali tuvikwa natango nomeva, mominute dishona. Edu otali kala ashike ngaashi la li eshi Kalunga a tokola oku li longifa, oku tu kaleka kulo. “Ola li la tokekwa, nola li hamungaho, nomulaulu, nomeva a kala kombada youle wedu.” Ndele nge omwedi oo owe linyenge, otau ningi oshinima shelifa natango. Ngeenge omwedi owa pungama edu kanini, omakufikufi ota e litumbu. Ngeenge owa

10 ONDJOVO YAPOPIWA

ningine, otau shikula omakufikufi. Etanga lovakwaita linene laKalunga. Ndele ngeenge handi lipula kombinga ya…yalo okukala etanga lovakwaita linene laKalunga kwinya.48 Paife, otwa ka nangala. Nonda hovela hano okudiladila kutya kape na shimwe shomuyo sha dja monhele yasho. Aishe oi li ponhele. Ndele nge ope na elinyengo, lwopamwe, layo, onelalakano, notali kumu edu eli. Otu wete oidjemo yalo paife, kudja kuimwe yomuyo yelinyengela peenhele dikwao. Oshi li ekumo. Osha kuma kesheshimwe.49 Ndele onde lipula, hano, nge etanga lovakwaita ekwaulu linene olo, latya ngaho, oli nokudiinina onhele yalo, okuninga kesheshimwe melandulafano, ongahelipi kombinga yokuhenelandulafano kwetanga lovakwaita ekwadu? Ongahelipi, ngeenge limwe la dja mo melandulafano, otali kupulashi ngahelipi oshinima ashishe mehalakano! Opolohalama aishe yaKalunga oya piyaanekwa ngeenge oshilyo shimwe sha di melandulafano. Otu na okutwikila okukondja okudiinina elandulafano lOmhepo.50 Ndele onda hala, kuKalunga, ongula ei, opo tu shi ete kelongelokalunga leveluko lashili, opo tu diinine oshitopolwa eshi…ongudu ei twa ongela koshi yongulu ongula ei, mombili yatya ngaha, opo Omhepo Iyapuki i tule oshilyo keshe shOlutu, shi li apa ongula ei, mombili oyo, fiyo tapa kala etwikilafano leveluko lomwenyo nolutu, nge otwa diinine ashike eenhele detu.51 Paife, ngaashi nda ti pehovelo, omukainhu ou a li e nokaangela oyo Ndokotola Holbrook a kufa…a li teke i kufa po. Paife, Kalunga oo a etifa eweelelo lomuheka li uye mokapangelo oko, nokukufa po okaangela oyo pehe nokufiya po nokuli oshivadi, ku shi shii kutya Kalunga elifa oku li apa? [Eongalo tali ti, “Amen.”—Sd.] Noshinima osho Ye a teelela, etanga lovakwaita Laye—Laye li kufe onhele yalo, ngaashi eenyofi, da kufa onhele.52 Paife, ou shi shii, otwa kala noita konima yoita, nomakundano oita? Ndele nge edu ola kala po, ohatu ka kala noita ihapu. Ashike owa dimbulula kutya ope na shoshili eenghono mbali mounyuni aushe? Domayooloko etu aeshe pokati koiwana, nomayooloko pokati ketu, nakesheshimwe, aishe otai tungile keenghono mbali. Ope na eenghono mbali adike, nope na omauhamba avali aeke; eenghono mbali, nomauhamba avali. Ikwao aishe, oinima inini ishona, oya kwatafana naimwe yeenghono odo. Neenghono odo eenghono daKalunga neenghono daSatana. Osho nee…Oita keshe, okuhenelandulafano keshe, kesheshimwe tashi endele po, otashi kondololwa shapo keenghono daKalunga ile keenghono daSatana, shaashi odo adike eenghono mbali di li ko. Naado eenghono domwenyo neenghono defyo. Paife, odo adike eenghono mbali.53 Ndele Satana ota dulu ashike…eenghono Daye, ye e na, oda hopaenena eenghono daKalunga. Kadi fi eenghono


doshili. Odo ehopaeneno leenghono daKalunga, kesheshimwe osho Satana e na. Efyo olo alike omwenyo wa hopaenenwa. Oipupulu oyo oshili aike ya pilikwa. Uwete? Oluhaelo olo o—oshilonga sha longifwa nai, oshilonga shoyuki sha longifwa nai. Uwete? Kesheshimwe osho Satana e na osho shimwe osho sha hopaenenwa, ashike osho eenghono.54 Ndele otu li, nena, omutumba apa, naimwe ile eenghono dikwao otadi ke tu kondolola. Onghee natu te mo omunawii. Natu kufeni onhele yetu ngaashi eenyofi dokeulu.55 Ngaashi Ombibeli tai popi, “Eenyofi dapukilila,” mwinya mEmbo laJudas, “tava tutumike ohoni yavo vene.” Ndele inatu hala tu kale enyofi dapukilila; onghumwe nge eshi oshi li mondjila, onghumwe nge shinya oshi li mondjila, onghumwe nge otashi ka ningwa, onghumwe otashi ka kala ngahelipi. Ino kumwa. Kala ngaashi eenyofi dokeulu, ngaashi omukwaita washili ponhele yoshinakuwanifwa longa shaye. Fikama opo, nokuitavela! Omwenyo nefyo.56 Paife, etanga lovakwaita lonhumba, ngeenge etanga lovakwaita lonhumba lashili, oshiwana otashi lilongekidile okuka lwifa oshiwana shikwao, oshi nokukala omutumba tete nokukonakona osho shi li mondjila noshapuka, nokutya nee otava dulu okuya okuka lwifa oshiwana sha shikula ko ile ahawe. Jesus okwe shi longa. Nonge ovanhu ove shi ningi, nge oshiwana osha—osha kala omutumba, nokukangheka nokudiladila oinima oyo, eembinga adishe, itatu kala vali noita.57 Paife, otwa mona mo, nge omunhu iteshi ningi, nge omitwe detanga lovakwaita doshiwana inadi kala omutumba, tete, nokukonakona nokumona kutya ove li mondjila, nomalalakano avo noilalakanenwa oi li mondjila, nonge ove nomafa a wana neenghono okufinda etanga lovakwaita lashikula ko, hano ove na okufindwa.58 Opo nee Ondjai Custer ya ninga epuko layo lakula. Ondjai Custer, ngaashi ndi udite, okwa pewa elombwelo okudja kepangelo, a ha ye moshilongo shaSioux, molwaashi ola li efimbo lopamhepo kuvo. Ola li efimbo lokulinyongamena. Ova li ve noshivilo. Ashike Custer okwa kolwa, nokwe lipula kutya ota dulu oku shi ninga nande ongaho. Ye ota tauluka, kutya nee osha li elombwelo ile halombwelo. Ndele hano kondadalunde ova umba ovalumenhu vonhumba vehenondjo, ve va umba. Ohandi lipula ova denga vamwe vomuvo. Osha li eendaadi, kondje, tadi kongo oikulya, okupalula ovanhu vavo—vavo fimbo va li mokulinyongamena. Ndele Custer, okwa tauluka, eva mona, nokulipula ova li tava shilike ombinga yavo, nonghee ova umba meendaadi. Neendaadi odo oda kukuma, da shuna. Ova ninga shike? Ove lihomateka, nove uya. Naalo ola li exulilo lOndjai Custer, molwaashi ye ina kala omutumba nokudiladila, tete.

12 ONDJOVO YAPOPIWA

59 Ye ke na ko oshilonga. Ye ke noufemba okukala ko. Ye okwa undula Ovaindia okudja kOmunghulofuta Wokoushilo, ondjila aishe okutavakana Ouninginino, nande ongaho. Ndele ove neudafano, ashike okwa teya po eudafano. Naashi a teya po eudafano, hano okwa kanifa olwoodi.60 Nonghee etanga lovakwaita, tete, mokulilongekidila olwoodi, tete ope nokukala ehoololo, ovakwaita vonhumba. Ove nokulongekidilwa okulwa. Ove nokudeulilwa okulwa.61 Ndele onda itavela kutya olwoodi linenenene olo la luwa, ole li longekida paife okuya moilonga. Onda itavela kutya Kalunga okwa hoolola ovakwaita Vaye. Onda itavela Ye okwa kala teva longekida, te va deula. Nonhele yolwoodi oya tulwa po paife, ye lilongekidila okutameka.62 Eli linene, olwoodi lotete olo la luwa, ola hovela mEulu, eshi Mikael nOvaengeli Vaye va lwifa Lusifer novaengeli vaye. Ola tameka tete, olwoodi lotete ola li mEulu. Onghee, oulunde inau tameka kombada yedu, owa tamekwa mEulu.63 Nowa umbwa mo hano mEulu, wa tewa mo mEulu, kuya kombada yedu, nokuwila kovanhu. Hano olwoodi, okudja kovaengeli, ola ninga omalwoodi lovanhu. Ndele Satana okwe uya okuhanauna eshito laKalunga, osho Kalunga a shita okukala Shayemwene. Ye oku na, Satana, okwe uya okuli hanauna. Olo la li elalakano laye, la li okuli hanauna. Hano olwoodi ola hovela oku kombada yedu, nokuhovela mufye, nokukala la twitwimika kudja opo.64 Paife, manga olwoodi lonhumba inali tulwa komalwilo, tete ove nokuhoolola edu lokushakena, ile onhele opo olwoodi li nokulwilwa, onhele ya hoololwa.65 MOita Yotete Younyuni, opa li yo pa tulwa, edu lihena mwene nomeenhele omo va lwila. Nodi nokukala eenhele da hoololwa.66 Ngaashi Israel eshi a ya koita nOvafilisti, opa li o—o—oshikulundudu kombinga keshe oko va ongala. Naako Goljat a dja nokuingida omatanga ovakwaita aIsrael. Oko David e mu shakeneka, mefilu, eshi a pitilila okamanhamulonga kanini oko kaenda pokati koikulundudu ivali, okwa toola omamanya.67 Ope nokukala onhele ya hoololwa. Ndele mwaashi, ope na o—onhele yaudafanwa, edu lihena mwene, nova lwila apa ponhele ei. Itava ningi ashike, umwe ota lwile apa, naumwe lwa apa, naumwe ta lotoka apa. Ope na onhele yolwoodi opo ve nokushakena nokulola eenghono davo, opo keshe etanga lovakwaita li nokulola omafa alo ketanga lovakwaita likwao, onhele yokushakena yaudafanwa. Paife, ino (kala) weshi shekuna.68 Eshi olwoodi eli linene la tameka kombada yedu, ope nokukala onhele yokushakena yaudafanwa. Ope nokukala


onhele ya hoololwa olwoodi li hovele, nomolwa olwoodi li twitwimike. Nomadu olwoodi oo okwa hovela momadiladilo ovanhu. Opo nee olwoodi la tameka. Omadiladilo ovanhu okwa hoololelwa onhele yolwoodi, opo la hovela, nomolwaashi kutya omatokolo ohaa ningwa okudja komadiladilo, omutwe. Paife, inae li tameka nande okudja kehangano lonhumba. Inae li tameka nande okudja koipambele youmakeeninga wonhumba. Omadu hako a tameka oko. Onghee nee, ehangano olo itali dulu nande, okulonga nande oshilonga shaKalunga, molwaashi omadu olwoodi, opo u nokushakeneka omutondi woye, omomadiladilo. Ou nokuninga ehoololo loye. Otali ku shakeneke.69 Onda hala okakadona aka kanini apa, taka vele unene, okukala lela ka pwilikina paife kuashi, nawanawa.70 Omatokolo ohaa ningwa momadiladilo, omutwe. Oko opo Satana te ku shakeneke, nomatokolo oo, molwaashi kutya Kalunga okwa shita omunhu omukalo oo.71 Paife, ondi na (ngeno owa li to tale mokafo kange apa) okaalita kanini ka fanekwa. Ondi ka na apa hanale unene, ko…ka longifwa koshipelende. Omunhu okwa shitwa po a fa omuma yoshilya. Oyo ombuto. Nomunhu oye ombuto. Pambelela, ove ombuto yaxo nanyoko; nomwenyo otau di kuxe, oshitapili otashi di kuina. Onghee, vavali, pamwe, ei no—nohonde, otai uya pamwe. Nomodopi yohonde omu nomwenyo. Naamo otau hovele, okufoloma, tau shiti o—okaana. Paife, keshe ombuto oi noshipeta kombada; meni omu noshitapili; nomeni loshitapili omu nombuto yomwenyo. Iya, oo omukalo twa shitwa. Fye olutu, omwenyo, nomhepo. Kombada, olutu, oshipeta; meni lasho, omaliudo pamadiladilo nosho tuu, omu nomwenyo; nomeni lomwenyo, omu nomhepo. Nomhepo otai pangele ikwao aishe.72 Paife, nge owa kala omutumba eshi wa fika keumbo, nokufaneka eelinga nhatu dinini. Oto ka mona kutya kombada yolutu oku nomaliudo atanho la kwatakanifwa, ndele oo okumona, okulola, okuuda, okunyika, okuudako. Oo omaliudo atanho oo taa kondolola olutu lomunhu.73 Meni lolutu omu nomwenyo, nomwenyo oo otau kondololwa komalipulo, omaliudo pamadiladilo, edimbuluko, omatomelo, nomaliudo. Oo oshinima osho tashi kondolola omwenyo.74 Ashike, omhepo, oi neliudo limwe. Omhepo…Akutu, natu shi mone. Omhepo oi neliudo limwe, neliudo olo, shapo tali shi danonghandangala, olo eitavelo ile elimbililo. Osho naana. Ndele ope nondjila imwe aike kusho, oyo onghalo yemanguluko. Oto dulu okutambula elimbililo ile oto dulu okutambula eitavelo, ile shimwe wa hala okulongela mo. Onghee nee, Satana okwa hovela koshitopolwa shopombada, okuetifa omhepo yomunhu i limbililwe Ondjovo yaKalunga. Kalunga okwa hovela koshitopolwa shopombada, okutula Ondjovo Yaye momhepo oyo. Oove ngaho. Osho she shi ninga.

14 ONDJOVO YAPOPIWA

75 Nge ongeleka ei, paife ngaha oya tulwa kumwe, nokutungilwa kumwe naasho omunhu keshe ta dulu ku kala momukoo umwe, ha nomudidimbe umwe welimbililo keshepamwe, itamu ka kala omunhu oshingone mokati ketu, mominute nanho dashikula. Itapa ka kala umwe apa a hala Omhepo Iyapuki ashike ote I pewa, nge owa wapaleke oshinima shonhumba osho. Paife, opo nee olwoodi tali hovele, momadiladilo oye, kutya nee owa hala.76 Paife dimbuluka, kashi fi Omukriste Paunongononi, paife, longifa omadiladilo. Osho kashi na…Omadiladilo okwa tambula Omwenyo, oo u li Ondjovo yaKalunga, nowa eta po Omwenyo. Omalipulo oye ashike ihae shi ningi. Ashike, Ondjovo yaKalunga, oya etwa momhitilo yomalipulo oye. Uwete? Kashi fi omalipulo, onga Omukriste Paunongononi te shi ningi, longifa omadiladilo. Ahawe. Hasho ngaho.77 Ashike, omadiladilo oye okwe U tambula. Okwe U dama. Omadiladilo oye otaa kondololwa koshike? Omhepo yoye. Ndele omhepo yoye otai kwata Ondjovo yaKalunga, naasho oshinima osho shi nOmwenyo muYo. Otai eta Omwenyo muove. Akutu, mumwatate! Ngeenge ta shi kufa ombinga, eshi Omwenyo tau ya nomhitilo oyo, muove, Ondjovo yaKalunga oya hololwa muove. “Nge tamu kala muAme, nEendjovo Dange tadi kala munye, indileni keshe tuu eshi mwa hala ndele tamu shi ningilwa.”78 Hano osho otashi ningi shike? Okudja mokati komutima, oo u li omwenyo, okudja opo okuya komesho, okupalula keshe omhitilo. Oupyakadi washo oo, otwa fikama omu apa nomalimbililo mahapu, hatu kendabala okutambula osho shi li pondje oko. Ou noku shi kangheka; nokuuya nomhitilo oyo nOndjovo yaKalunga yashili, ndele hano ta shi i kondje, shovene, pauhautomatika. Osheshi shi li meni. Osho oshinima tashi valulwa, shomeni.

Etaalelo laSatana ohali dilile meni.79 Paife, oto ti, “Ihandi vake. Ihandi kolwa. Ihandi ningi oinima oyo.” Osho kashi na nasho.80 Uwete, oshomeni. Kutya nee ou muwa ngahelipi, ou nomikalo ngahelipi, ou munashili ngahelipi, oinima oyo oya fimanekwa. Ashike Jesus okwa ti, “Kakele nge omunhu a dalululwa.” Uwete? Ope nokukala shimwe sha ningwa po meni. Nge hasho, oko okudjala oatifisi, osheshi momutima woye owa hala okushi ninga nande ongaho. Itashi kala oatifisi. Oshi nokukala sholela.81 Ndele ope nondjila imwe aike oyo tai dulu ku uya, naayo opamukalo wonghalo yemanguluko, tai ya momwenyo, pamalipulo oye. “Omunhu ngaashi ta diladila momutima waye, osho ye e li.” “Nge to lombwele omhunda ei, ‘Litumba po,’ ndele ino limbililwa momutima woye, ndele we shi itavela


kutya osho we shi tonga otashi ningwa, oto shi ningilwa.” Ou shi udite? [Eongalo tali ti, “Amen.”—Sd.] Oove ngaho. Uwete? Ope nomadu olwoodi. Nge owe shi tameke, tete.82 Otwa hala unene okumona oinima tai ningwa. Otwa hala unene okuningila sha Kalunga. Omukainhu munini ou oku li ina…hala unene, ina limbililwa, a hala unene okukala nomwenyo. Ye okwa hala okukala nawa. Vakwao ove li apa, va hala okukala nawa. Ndele eshi twa uda oshinima osho, ngaashi ndokotola, enyumuko lovafi, oinima inene yeenghono oyo Kalunga ketu a ninga, hano otwa hala unene. Noupyakadi washo oyou, otwa kendabala okuhanga momaliudo oo, okuvakula sha apa, ngaashi omaliudo pamadiladilo.83 Onghee ovanhu vahapu, oikando ihapu, ova tungulula Ondjovo. Ndele onda kala ndi he uditike ko muashi, mokuninga omaifano koaltari. Onda ti, “Ngha li unene meifano koaltari,” itashi ti kutya ino ninga eifano koaltari.84 Ashike umwe ota kwata umwe mokwooko, ta ti, “Akutu, Mumwatate Johannes, ou shii sha? Ame naave otwa kala ovashiinda efimbo alishe eli. Ila oku koaltari, twa eengolo.” Ota ningi shike? Nda hala ngeno ondi noshipelende apa, ndi dule ku kuulikila osho ta ningi. Ye ota kendabala okulongela omwenyo waye, momaliudo. Osho itashi longo. Oyo hayo ondjila. Lelalela, hasho.85 Pamwe ota longele mo (shike?) edimbuluko, okupitila momaliudo omwenyo waye. “Akutu, Mumwatate Johannes, owali una meme muwa. Okwa fya efimbo lile lapita.” Edimbuluko! Uwete? Ito dulu ku ninga ngaho.86 Oshi nokuuya momufinda womukalo wemanguluko. Ove, kuovemwene, pitika Ondjovo yaKalunga…Ito uya molwaashi nyoko a li omukainhu muwa. Ito uya molwaashi ou mushiinda muwa. Ove oto uya molwaashi kutya Kalunga ote ku ifana u uye, ndele to Mu tambula sha hanga kOndjovo Yaye. Ondjovo oyo tai ti kesheshimwe. Ondjovo oyo! Nge owa kufa mo kesheshimwe mondjila, omaliudo pamadiladilo aeshe, omaliudo aeshe, nokupitika Ondjovo i uye mo, Ondjovo oyo tai eta po ashike naana.87 Apa, uwete osho Ya tuvikilifwa? Oto ti, “Iya, paife,” oto ti, “iya, aa, omaliudo pamadiladilo nomaliudo, nosho tuu, kashi na nasho, Mumwatate Branham?” Lelalela, oye shi ninga. Ashike nge owa pitike Ondjovo i uye mo, noku Yi tuvikila nomaliudo pamadiladilo, hano Yo itai kulu; otashi kala ondjovo yatungululwa.88 Owa mona ngoo nale omuma iwa yepungu ya kunwa medu, nokuefa oshiti shi wile kombada yayo? Otai mene ya ngolyauka. Keshe muviinyu, kesheshimwe tashi mene po, otashi dulu, molwaashi shimwe oshe i imba.

16 ONDJOVO YAPOPIWA

89 Iya, oo omukundu nEitavelo letu lopentekoste nena. Otwa pitika unene oinima ihapu i Li imbe, Eitavelo olo twa longwa, Omhepo Iyapuki oyo ya kala mufye. Otwa pitika unene oinima ihapu, twa tala kuumwe elili.90 Nomunawii oku li alushe ta kendabala oku ku ulikila kedopo laumwe, ashike ota kendabala oku ku kaleka kokule nehokololoumbangi lolela olo lovene. Ye ote ku ulikile komuliningifi, efimbo limwe, ou a ya nokuhopaenena sha. Ye ineshi ninga, molwaashi okwa li ta hopaenene. Ashike nge osha dja kodjo yashili yOndjovo yaKalunga, “Omaulu nedu otaa xulu po, ndelenee Ondjovo Yange itai xulu po,” Opo tai kala. Ou shi wete, mumwamee?91 Oi nokutambulwa momadiladilo, hano Otai itavelwa nomutima. Hano Ondjovo yaKalunga ya ninga yoshili, hano keshe omaliudo omwenyo nolutu okwa poonyonwa nOmhepo Iyapuki. Hano eliudo loye laKalunga, omaliudo pamadiladilo oye aKalunga, kesheshimwe osho shopaukalunga, otashi kunguluka muove. Apeshe kape nelimbililo. Kape na eshi tashi ya po.92 Kape na eshi tashi uya medimbuluko, nokutya, “Iya, ohandi dimbuluka Omufimanekwa Jones ta kendabala okulineekela Kalunga, nOmufimanekwa Ngadi-na-ngadi. Omufimanekwa Doe ta kendabala okulineekela Kalunga molweveluko, oshikando shimwe, ndele ye okwa dopa.” Uwete?93 Ashike nge omhitilo oyo oya yelekwa po nokudimwa po, noku yadifwa meni nOmhepo Iyapuki, itashi i nokuli medimbuluko, kashi nombudi kombinga yOmufimanekwa Jones naashi a ninga. Oove naKalunga, kumwe, nokape na umwe elili ashike onye vavali. Oove ngaho. Ope nolwoodi loye. Mu dipaa pehovelo. Mu kangheka a fya moshinghoti shaye. Kashi na shifike peni to dulu okukaleka oita. Osho, i kangheka paife ngaha!94 Nge we uya, ndele to kala nomadimbuluko nomaliudo pamadiladilo, nakesheshimwe, to lipula, “Iya, ohandi dopa pamwe. Kashi li mondjila pamwe.” Ino ninga ngaho, nandenande.95 Ove kupula shi kesheshimwe, nokupatulula omhitilo, ndele to ti, “Kalunga, Ondjovo Yoye oyo Oukwaalushe shili, ndele Oya nge. Ongeleka aishe nge oya dopa, ounyuni aushe nge owa dopa, natango itandi dopa, molwaashi ame ohandi kufa Ondjovo Yoye.” Ope nolwoodi. Osho ngaho.96 Omolwashike Kalunga Omunaenghono a kufa okaangela okudja mevele lomukainhu, pehe noshivadi, nokuefa okaana ka nangale nokufya? Ahawe, omufimanekwa.97 Okakadona kanini ke uya apa, hanale unene, okudja kofikola yopombada. Ina yako okwa ifana nge ko, ta ti, “Mumwatate Branham, okakadona kange oke nomukifi


woHodgkin.” Oo okaangela, ya tungila moitumba. Neendokotola oda kufa okapambu kapambulwa momunino waye, ve ka tuma, nosha li lelalela omukifi woHodgkin.98 Onghee okwa ti, “Okupambula kumwe kwashikulako, okupambulwa komutima waye. Nge osha ningwa, otai.” Ta ti, “Ye ke na vali…Omukalo tava pambula, ye oku na, keshepamwe, konyala eehani nhatu, ku kala nomwenyo.”99 Ina okwa ti, “Nandi ninge ngahelipi? Ndi mu shune kofikola?”100 Nda ti, “Mu efa a ye, molwaashi ota i tashi dulika ombadilila.” Ndele ta ti, “Mu efa a ye nokukala onghalamwenyo ili nawa, ngaashi ta dulu. Ino mu lombwela sha kombinga yasho.” Onghee omukainhu okwa ti kuame, “Ondi nokuninga ngahelipi?”101 Onda ti, “Mu eta apa noku mu tula momukweyo weilikaneno.” Nonda ti, “Ila naye.” Onda uda eliudo liyolifi kanini.102 Ndele eshi okakadona kanini ke uya, ongula oyo, nomilungu tadi monika dimbulau, kondomo, nongaashi ofikola i va na. No—nokaima kanini ke uya. Nghi shi shii ota kala lyelye; ta ka ifana nge mongodi. Onda kwata eke laye. Onda ti, “Walele po, mumwameme.” Opo a li. Osha li oye. Mokafimbo kashona, nda tala kuina nokuaveshe vavali vehe na Kalunga, vehe na Kristus. Onda ti, “Owa teelela ngahelipi eveluko moinima ei? Ito tambula Jesus Kristus onga Omuxupifi woye wopaumwene?” Onda ti, “Ito uya kondama ei apa nokushashelwa mEdina laJesus Kristus mu diminwe po omatimba eni?” Ova ti, “Ohatu shi ningi.”103 Akutu, ou shii eshi sha ningwa po. Omukainhu pamwe oku li omutumba apa ongula ei. Vahapu vomunye oshiningwanima omu shi shii. Mumwatate Mike Egan, umwe womovadiinini voiniwe apa, va mona oshiningwanima. Osha kala hanga omido nhe ile nhano dapita. Okakadona kanini oka shunifwa kundokotola, kape na nokuli oshietifi shomukifi woHodgkin sha hangika muye.104 Oshike sha li omukundu? Ou nokupatulula omhitilo, tete. Ou nokukufa Omukwaita, Omhepo Iyapuki, ya tulwa ponhele yolwoodi, otashi kufa Ondjovo yaKalunga. Ye Ondjovo. Ndele Ye okwa fikama, kape na sha tashi I kangheke hano. Kape na sha. Keshe imwe yomeemhitilo dikwao oya kombwa po. Ngaashi oshifulukifi shikulu shi noluungu la fitikwa; oto tula mo omundilo, otau topifa po oshinima shoye. Osho shi li omukundu u nOvakriste vahapu vatopifwa, osho molwaashi kutya inava wapaleka eemhitilo, inava ya lela meni. Ou noku shi wapaleka, omaliudo pamadiladilo, edimbuluko, omadiladilo, efa po kesheshimwe, nokudja meni wa uka kondje, nOndjovo yaKalunga oyo inai haelwa, oyo I li Oshili.

18 ONDJOVO YAPOPIWA

105 Kashi nombudi nge omayovi omulongo okwa file kombinga ei, nena, lineekela; omayovi omulongo okwa file kombinga inya, mongula, lineekela; osho kashi na sha naame. Ame ohandimwe. Ame umwe ou te lineekele. Aame umwe ou te shi itavela. Ndele otu wete konima kwinya, nge otwa hala hano okuyeulula eemhitilo detu, nge hatu dulu, nokumona. Otwa mona ei ngaha nainya ngahenya, nai ngaha nainya ngahenya, omayovi domudo, tadi hepaulula.106 Ashike omunawii ota kendabala okualuka. Tala, nge ote ya mo, alushe, oku netanga lovakwaita loye la findika hano.107 Nge ou na omaliudo oye, okumona, okulola, okuuda, okulola nokuuda ko, aeshe oku li nawa, ashike ino e lineekela kakele taa tu kumwe nOndjovo. Aeshe oku li nawa, ashike, nge itaa tu kumwe nOndjovo, ino pwilikina kuo. Paife, omalipulo, omaliudo pamadiladilo, omadimbuluko, omatomelo, nomaliudo, aeshe oku li nawa nge otaa tu kumwe nOndjovo. Ashike nge omaliudo oye itaa tu kumwe nOndjovo, a kupulashi. Oto topifa oluungu, divadiva. Uwete? Nge etomelo loye itali tu kumwe nOndjovo, inda kokule nalo. Oshi li mondjila. Oingina…Nge edimbuluko loye, nge omalipulo oye, nge omaliudo pamadiladilo oye, kesheshimwe, itashi tu kumwe naaSho shi li meni, shi kupulashi.108 Ou na shike hano? Ou na eminikilo loketango. Halleluya! Oo, oKalunga a tula eenyofi melandulafano ndele ta ti, “Teleleni fiyo Handi mu ifana!” Opo da kala. Kape na eshi tashi di linyengifa. Ngeenge Kalunga okwa kufa omunhu momake Aye, fiyo ye ta mono omaliudo, eliudo pamadiladilo, kesheshimwe sha kosholwa, nafiyo tashi fikama naKalunga konima yasho, momhepo; kape nomunawii mounyuni ta tu mo elimbililo. Oshi li mondjila. Ye okwe uya ndele ta ti, “Ku udite xwepo.”109 Omaliudo pamadiladilo oye okwa ya nokuli, kulo. Oluungu ola yela nawa, otali ingida, “Halleluya!” Kombululu otaku shiki omwilwa, “Efimano kuKalunga!” Otali vilima, lelalela, lakoshoka ashike nokuyela, opo Ondjovo yaKalunga i longele mo, Eenghono daKalunga. Uwete? Osho oshinima shinene.110 Ope nedu lolwoodi loye. Edu lolwoodi loye oli li konima apa pehovelo, konima apa momwenyo, konima momadiladilo oye oo a yeuluka. O—omadiladilo oo oshivelo okuya komwenyo, oshivelo okuya komhepo, shapo. Omadiladilo oye okwa yeuluka nokutambula omhepo, ile ta anye omhepo. Oto dulu u kale nomaliudo pamadiladilo manini, nomaliudo palutu manini, nomakumo manini, oinima aishe oyo. Osho kashi na konasha nasho. Osho ekumo linini ashike noinima. Ashike ngeenge tashi ya paushili, omadiladilo oye otae shi yeulula. Omadiladilo oye shapo tae shi tambula ile tae shi anye. Osho ngaho, ookaume.


Kalunga, ino efa umwe womuvo eshi shekune.111 Uwete, omadiladilo oye oo taa patulula omuvelo; ile taa edile omuvelo, nokupwilikina komaliudo pamadiladilo oye, okupwilikina kedimbuluko loye, okupwilikina komaliudo oye. Ashike ngeenge omadiladilo oye okwe li pate koinima ei, nokupitika Kalunga, Omhepo yOndjovo Yaye, i ye mo, Otai topifile oinima aishe kondje. Elimbililo alishe ola ya. Oumbada aushe owa ya. Keshe ekumo lelimbililo ola ya. Keshe eliudo ola ya. Kape na sha shafikama po ashike Ondjovo yaKalunga, naSatana ita dulu oku I lwifa. Ahawe, omufimanekwa. Ye ita dulu oku I lwifa. Paife, otu shi shii kutya oshili.112 Omalwoodi aa okwa twitwimika kudja pefimbo loshikunino shaEden, olwoodi momadiladilo omunhu. Satana okwe li tameka. Okwa ninga shike eshi a shakeneka Eva? Ye ine likala Ondjovo yaKalunga, ashike okwe I kosha yatoka. Ye okwa fitika eemhitilo donhumba dinini lwaapa. Ye okwa ti, “Ashike oshoshili Kalunga…” Genesis 3:1. Uwete? “Oshoshili, Kalunga, oinima aishe ei oyo Ye—Ye—Ye a udaneka…” Ye oku shi shii Ondjovo oi li mondjila. Ashike oku shi shii ita mo nawa noku I topifa mo, okuweelela ngaashi ngaho, ashike ye—ye—ye okwe I vaeka osuuka.113 Ngaashi meme he tu kufa tu nwe omiti, noha kendabala okutula omeva omalemune momaadi ekonono. Ame, shapo kufa ashike omaadi ekonono e he nomeva omalemune! Kesheshimwe shi li paliningifo! Uwete? Ye…Otwa kala tu nokupenduka efimbo loufiku, nohe tu pe edite lomaadi, loshikayikayi. Ndele ta tula edite lomaadi, noku li tula osuuka; uwete, oludi lopaliningifo. Ashike otali xwike eendakona doye, hanga, okuya poshi, konima osuuka ya pwa po.114 Iya, oo omukalo shi li, ookaume. Satana ta kendabala oku—okukala paliningifo kombinga yasho. Ta kendabala oku ku ulikila shimwe shixwepo, omukalo upu, omangela i yela unene. Ashike kapu nomangela i yela i dulife oyo Kalunga a dika pehovelo, Ondjovo Yaye. Dama Ondjovo oyo. Kufa edamo muYo. Iyefa i dame muove. Kala po naYo. Osho—osho ngaho.115 Olwoodi ola twitwimika eshi Eva a yeulula omadiladilo aye, okupwilikina ketomelo laye. Olo oluungu le uya mo. Oyo o—omhitilo ya ya mo, etomelo laye. Ye, momwenyo waye, okwa tomela.116 Omesho aye okwa pashuka. Okwa mona eyoka. Ola li liwa, la wapala, li dulife kokule omulumenhu waye mwene. Ola li la lungama li dule oifitukuti aishe yomoixwa, nola li tashi dulika omunhu muwa e dule omulumenhu waye. Tali monika lafa oshifitukuti sheenhumba dinene sha fikama. Ola li linene ngahelipi! Nola li tali kendabala oku mu lombwela kutya oshinima shinene ngahelipi.

20 ONDJOVO YAPOPIWA

117 Noshinima shotete a ninga, okwa yeulula omadiladilo aye. Naashi eshi ninga, omatomelo omunhu okwe shi kwata. “Omolwashike, shi he li eshambuko?”118 Osho oshinima ta ningi komukainhu nena. Omukainhu umwe e nomulumenhu omuholike munini, a mona umwe munene, a kula, omulumenhu weenhumba. Omulumenhu ou ota kendabala okuyeulula omatomelo. Dimbuluka, oo oSatana. Oo omunawii. Ile, keembinga adishe, omulumenhu komukainhu, omukainhu komulumenhu, eendjila adishe. Ye okwa ninga shike? Ta longo meenghono detomelo olo, eliudo pamadiladilo olo ile shimwepo, ta hovele okulinyengela mo.119 Ashike pa Ondjovo yaKalunga onhele yotete. Omunhu ita dulu nokuli okuuya ko…Ye ita dulu okunyona…Halleluya! Oshe shi ngaha. Eshi otashi uya, shipe. Omunhu ita dulu okunyona nafiyo tete ye ta ekeleshi Ondjovo yaKalunga. Ye ita dulu nokuli okunyona, osho, okuhaitavela. Nafiyo tete ye ta kupulashi Ondjovo yaKalunga, Oukalipo waKalunga, ita dulu okunyona.120 Eva kali ta dula okunyona nafiyo a efa po Ondjovo yaKalunga, a yeulula omhitilo yomatomelo okuya komwenyo waye, nokuhovela okulipopila. “Omolwashike, lelalela. Omulumenhu wange ina lombwela nge nale oinima ei, ashike onda itavela kutya owa…Ye okwa lombwela nge ndi ha ninge ngaha, ashike, ou shi shii, owe shi ninga sholela unene noshipu unene. Onda—onda itavela otashi kala shiwa, molwaashi owe shi ninga shipu unene kuame.” Uwete, opa li olwoodi lotete. Ndele, okupitila molwoodi olo, ola etifa keshe oita ikwao. Nakeshe etileshi lohonde olo le uya, ola etifwa lela kwinya kuEden. Ye ina itavela Ondjovo yaKalunga.121 Ndele nge okanghwanu kamwe kanini kOndjovo yaKalunga ina ka itavelwa, ka etifa oupyakadi aushe ou, ohatu shuna ngahelipi, okuhaitavela Ondjovo? Ito dulu oku shi ninga. Ou nokupata oinima ikwao aishe ei, omaliudo pamadiladilo, omadimbuluko, noku tya…omatomelo, noinima ikwao aishe ei. “Okukupula shi omatomelo.” Itatu tomele kombinga yasho, nandenande, kape na sha nandenande.122 Ohatu tambula ashike Ondjovo kwaasho, “Kalunga osho a ti,” nokutula po omatondokelo pokati koye naKalunga. Keshe omhitilo ye uya pokati koye naKalunga, hano.123 Ope na olwoodi, lela lotete, komesho yomufinda. Inatu longifeni ondjebo yomilongombali nambali; natu kufeni o—oboma yoatomika. Natu ningeni oshilonga shayuka. Natu kufeni oboma yoatomika yaKalunga. “Oshikwa shike, Mumwatate Branham?” E-i-t-a-v-e-l-o mOndjovo Yaye. Olo oboma yoatomika yaKalunga. Otali topele ouyehame neendemoni, kolulyo nokolumosho. Otali—otali va kombolola po. Okutongola…Akutu, oshi li…Otali hanauna shike. Otali


halakanifa po kesheshimwe osho shihenakalunga. Ngeenge oboma oyo yeitavelo ya wile omu, nOndjovo yaKalunga konima yayo, otai topele keshe omunawii, keshe ouyehame, keshe omukifi.124 Oto ti, “Oshi li mondjila, Mumwatate Branham? Hano omolwashike shi li, muvamwe, ndele ha kuvakwao?”125 Oshi li molwa omhitilo. Oto dulu okutala kondje noku i mona. Ashike ou nokukala u ina meni omu, totale ngaha ondjila. Ha kondje oko, totale meni; ou nokukala meni, totale kondje. Uwete? Ito dulu okuuya okupitila metomelo. Ito dulu okuuya okupitila moinima ikwao ei. Ou na okuuya lela komhitilo yasho yaKalunga, lela momwenyo. Ndele oto shi ningi ngahelipi? Omhitilo yaxuuninwa oilipi?126 Otashi ka tome-…lela poshi. Oto ti, omaliudo, “Akutu, ondi—ondi shi udite. Heeno, osho ngaho. Uh-huh. Akutu, ohandi—ohandi dulu kushi nyika, ile nosho tuu. Oinima ei opo i li. Heeno.” Oshinima shashikula, oto tomele, “Iya, otashi monika shafa e nokukala e shii eshi ta popi. Ndokotola okwa ti itandi veluka. Osho shi nokukala.” Ou wete, opo owa—owa puka. Oo omunawii a fikama opo. Oo omunawii ta twile oinima ei muove. Ino shi itavela.127 “Halleluya! Ondjovo yaKalunga oya ti ohandi ka… ‘Muaishe, Onda hala opo u punapale moukolele.’ Oshi li nawa.” Oto kala ngahelipi omukwaita wolela kondje oko? Uwete, “‘Onda hala u punapale moukolele.’”128 Osho ngaho, opo ngaho, eemhitilo odo. Oto di mono, da yeuluka. Ino di pitilila.129 Hano nge Satana okwa pitile mo, a ya mo komaliudo pamadiladilo aa noinima ikwao aishe ei, hano okwe uya apa pexulilo lomwenyo, momadiladilo. Paife, nge okwe ku hange…Ito kala vali—ito kala vali wa tala kushimwe shayo nafiyo tete we mu efela mo apa. Ou noku mu efela mo. Hano ngeenge e uya mo, ota kufa ekondololo. Hano ota ningi shike? Ota hovele okulongifa omaliudo pamadiladilo. Ota hovele okulongifa eshi, ta hovele okulongifa ombululu ei. Oshikwa shike? Uwete, okulola, okuuda, okunyika, okuudako; omalipulo, omalipulo pamadiladilo, edimbulukifo, omatomelo, omaliudo. Okwa hovela okulongifa eemhitilo adishe odo dinini da yooloka, shama ashike ta dulu okuya mo, kombada yaashi ngaha apa. Oku nokuuya momadiladilo oye, tete, nou na oku shi tambulako. Ota shi…Pwilikina. Ota shi ku depaula, ashike ita shi uya kuove nafiyo we shi tambulako.130 Eshi Satana a ya kuEva, ndele ta ti, “Ou shi shii, oshiimati oshiwa.” Okwa kanghama okafimbo. Akutu, osho nee a ninga epuko, eshi a kanghama okafimbo.

22 ONDJOVO YAPOPIWA

131 Ino kanghamena sha. Ou na Etumwalaka. Jesus oku nomwenyo. Kalunga oye Omuveluli. Olo Etumwalaka. Ino kanghamena sha, ha omatomelo, ha shimwe shilili.132 Ashike ye okwa kanghama okafimbo. Osho nee Satana a ya lela momadiladilo oo. Ta ti, “Iya, otashi kwelengedja shi netomelo.” Akutu, ino ninga ngaho. Kufa osho Kalunga a ti.133 Abraham, ngeno okwa kanghamene molwa omatomelo, eshi Ye e mu lombwela ta ka mona okahanana muSarah, ndele ye a li nomilongohamano nanhano naye omilongoheyali nanhano? Ndele eshi a li e nefele, naye a li—naye a li e nomilongomuwoi; ye, natango, ye—ye—ye okwa hepaulula kutya Ondjovo yaKalunga oyoshili. Ndele ye okwa ifana oinima oyo, ya ha li po, onga ya li po. Uwete? Ye…Nokuli elineekela, opa li elineekelo? Ye ina longifa nokuli elineekelo.134 “Iya,” oto ti, “Onde lineekela ohandi kala nawa. Onde lineekela ohandi veluka. Onde lineekela ohandi mono Omhepo Iyapuki. Onde lineekela ame Omukriste. Onde lineekela ohandi ningi ngaha.” Ino shi hala.135 Abraham ina tala nande nokuli kwaasho. Amen. “Omhinge nelineekelo, natango okwa itavela Ondjovo yaKalunga.” Eitavelo oli li pombada yelineekelo. Eitavelo otali di konima apa, meni. Eitavelo otali di apa.136 Okwe ya mo ngahelipi? Okupitila mediladilo eli, oshivelo eshi—eshi, edu lolwoodi la fikama opo.137 Paife, ngeenge owa tula olwoodi komalwilo! Paife, omunawii oku li omutumba komutima keshe, ongula ei. Ye oku li omutumba, komutima wokakadona aka kanini. Ye oku li omutumba komutima woye. Ye oku li omutumba apeshe opo. Ye ota ti, “Akutu, onde ku mona to kendabala nale. Onde shi uda nale.”138 Mu ta mo. Opuwo. Mu ta mo. Ombibeli otai ti shike apa, eleshelo letu? “Mu ta mo.” Oshi li mondjila. “Mu ta mo.” Otwa deulwa.139 Ohandi diladila, “Oupyakadi owashike u tu kwete fye ovaudifi?” Onda kumwa edeulo loludi latya ngahelipi tu na.140 Kalunga ota deulile olwoodi linene eli. Mateus 24 okwa ti opo, nosho yo Daniel 12, okwa ti, “Otapa ka kala efimbo loixuna, olo inali kala ko nale kombada yedu.” Ndele otu li mefimbo olo, eshi onghulunghedi, nelongo, noinima, ya pwipwikilwa kombada yOndjovo yaKalunga, nokuya momatomelo nosho tuu. Olwoodi opaife. Olyelye ta kala po? Halleluya! Olwoodi ole lilongekida okuya mo. Ye oku li komalwilo paife. Tala omukondjifi munene tu na kwinya.141 Olyelye ta kala ngaashi David? Ta ti, “Omwa fikama nokupitika Omufilisti oo ina pita etanda a dine omatanga ovakwaita aKalunga omunamwenyo? Ohandi ke mu lwifa.”


Amen. Kalunga okwa hala ovalumenhu novakainhu ongula ei ovo tava dulu okufikama nokutya, “Ohandi kufa Omwene paNdjovo Yaye.” Amen. Kashi nombudi oshike sha dopa, openi eshi naashinya, noshike shinya umwe a ninga. Osho kashi na ko nasho. Nye Oosaul, nosho tuu, nge omwe mu tila, shuneni oko mu nokukala. Ashike, etanga lovakwita laKalunga otali pula komesho, amen; ovalumenhu vomukumo, ovalumenhu ve—ve—veitavelo, ovalumenhu veenghono, ovalumenhu veudeko. Kave nokukala va wapala. Kave nokukala va longwa. Ope nokukala eemhitilo. Kalunga ota kufa eemhitilo odo dinini.142 Ye okwa kanghama okafimbo, okutomela, ta ti, “Iya, paife, natu tale.” Iya, ngaashi ashike, oshike nge…143 Omukainhu ou munini, ongula ei, kape nonhgumwe kutya ndokotola e mu lombwela, ye oku li ashike pexulilo londjila, “Kape na sha tashi dulu ku ningwa.” Iya, paife, oo ondokotola. Itandi mu tokola. Omulumenhu oo oye omulumenhu omunongononi. Ye oku wete kutya omukifi owa finda olutu lokaana. Owa pitilila. Ye ke nomuti oo tau u kangheke.144 Onghee hano okaangela oyo oya finda omukainhu oo; shoshili, efyo ola kwata ko okahanana oko; ashike Elenga Ekulunhu letu, halleluya, letanga lovakwaita eli linene, Ye enyumuko nOmwenyo. Kape na sha tashi Mu findi. Halleluya!145 Omauluvi etanga lovakwaita oku li movakulunhu valo, eendunge. Rommelo, mOndowishi, okwa li omauluvi wOndowishi; kefi Hitler. Rommelo! Oshi li mondjila. Eisenhower! Omulumenhu omukwaita! Patton! Ovalumenhu ovo va li konhele, oshe likolelela omukalo ulipi va yandja elombwelo. Shikula omukulunhu woye, nge oye ondjai yomondjila. Nge oye womondjila, nge oye ondjai yeenyofi nhe, nge okwa kolekwa, nge okwa kala a kolekwa e li mondjla, mu shikula. Kutya otashi monika shapuka, kuove, inda komesho. Ninga ngaashi te ku lombwele.146 Halleluya! Otu na Ondjai yeenyofi nhano, ha shangwa J-e-s-u-s, a tula eenyofi nhano kombada yetu, e-i-t-a-v-e-l-o. Ye ina kanifa nande olwoodi. Halleluya! Ye okwa finda efyo, oheli, nombila. Kufa mo eendemoni mondjila. Ye Elenga Ekulunhu linene. Onghee, omunawii ita valulwa nokuli.147 Olwoodi linenenene ola twitwimika nale, otali lilongekida paife. Lelalela, oli li. Akutu! Halleluya!148 Ngeenge handi shi diladila! Eshi nda fikama nde Mu tala ta ningi oinima, ndi Mu wete ta holola oinima, ta yeulula oinima, ta ti, “Oshi nokukala omukalo ou nomukalo winya,” osho ngaho! Akutu, tala konima apa, ndele to ti, “Ondjai ei inene olyelye?” Akutu, inandi tala konima nokumona nge oNdokotola Ngadi-na-ngadi. Ondi wete osho Ondjai ya ti. “Oye Ondjai yexupifo letu.” Halleluya! Exupifo oshike? Emangululo! Efimano! “Oye Ondjai yemangululo letu.”

24 ONDJOVO YAPOPIWA

149 Otundi inene yokupangula oya fika. Halleluya! Omukwaita, noilwifo tai vilima, omaluvala ta kunguluka! Eitavelo nelimbililo ole ku tula komalwilo, metwaliongalo eli, ongula ei; elimbililo kombinga imwe, eitavelo kombinga ikwao. Vakwaita, fikameni ponhele yoinakuwanifwa longa yeni. Halleluya! Ondjai yetu, Onyofi Yongula, tai wilike. Ye iha shuna nande monima. Ye keshi (nande) oshitya etulepo. Ye ke nokutula po. Amen. Lelalela.150 Olwoodi linenenene la luwa, ye ota twikile lela omu paife, eheno, omufimanekwa, pokati komwenyo nefyo, pokati kouvela noukolele, pokati keitavelo nelimbililo, akutu, ame, pokati kemanguluko neemango. Olwoodi otali twikile! Upikeni omaonga, vakwaita. Pusheni oilwifo. Kalunga ota longekida ovakwaita Vaye. Amen. Kalunga ota vaeke etanga lovakwaita Laye.151 America okwa djaleka ovakwaita vaye muiwa oyo tava dulu okudjala mo, omambale oitenda, noilwifo, nakeshe osho ve na, eetenga dahomata, keshe omu va ya.152 Kalunga okwa djaleka etanga lovakwaita Laye. Halleluya! Oilongifo yoludi lilipi hatu longifa? Omhepo yEongamukonda, Ondjovo yaKalunga! Amen! “Ondjovo yaKalunga oi neememo i dule eongamukonda leememo keembinga mbali,” Ovaheberi 4, “otai tu okutongola omakipa, no—nomungo womakipa, nOkukonakona omadilongo omadiladilo.” Ondjovo yaKalunga! Okuitavela Ondjovo Yaye, ndele oo omukalo Kalunga ta homateke.153 Osho Ye a pa Eva e lihomatekife. Ndele ye okwa teya po oshilwifo shaye. Okwe shi ninga ngahelipi? Mokuyeululila omadiladilo aye ketomelo. Ito tomele nOndjovo yaKalunga. Kai na etomelo. Ove…Oyo ashike Ondjovo yaKalunga. Kape na—kape na elimbililo kombinga yaYo. Kape na etomelo kuYo. Oyo Ondjovo yaKalunga. Oye shi mana. Oi shi na. Oye shi mana fiyoalushe.154 Uwete osho nda hala okutya, muholike? [Mumwameme ta vele ta ti, “Amen.”—Sd.] Oyo Ondjovo yaKalunga. Kalunga okwe shi udaneka. Kalunga osho a ti.155 Ova ti kuAbraham, “Ou shi shii ngahelipi kutya oto ka mona okahanana oko?”

“Kalunga osho a ti.” Oshe shi mana.

“Iya, omolwashike u he ka na?”156 “Nghi shi shii onaini handi ke ka mona, ashike ohandi ke ka mona. Kalunga osho a ti. Itashi kangheke nge kashona.” Ye okwa ifa-…157 “Omolwashike ito shunine keumbo loye, oku wa dja?”


158 “Ondi nokukala omutembauki nomukwailongo moshilongo eshi.” Amen!…?…“Kalunga okwa yandja eudaneko. Kalunga ota yandje okahanana lela moshilongo eshi omu Ye a tuma nge.” Halleluya!159 Kalunga ote ku velula lela monghalo ei yOmhepo Iyapuki, omo Ye e ku tuma. Kalunga oteli ku pe. Shi itavela ashike. Amen. Yeulula omaluungu omwenyo nolutu, omaliudo, nomaliudo pamadiladilo, nokupitika ashike Ondjovo yaKalunga i ningine tete, kukufa omadiladilo oo. Ope na onhele yolwoodi.160 Ino tya, “Iya, nge onde shi udu, nge onda udu oshinge shaKalunga tashi u! Akutu!” Kashi na nasho; ha sha.161 Yeulula omadiladilo oo. Oyo onhele yolwoodi. Opo po olwoodi li li komalwilo, apa lela momufinda wokomesho, omadiladilo oye. A yeulula, ndele to ti, “Onda…Keshe elimbililo, onda limbililwa omalimbililo ange.” Amen. “Ohandi limbililwa omalimbililo ange paife. Ohandi itavele Ondjovo yaKalunga. Apa onde uya, Satana.” Shimwe otashi ka kufa ombinga. Shoshili, otashi kufa. Eheno, omufimanekwa.162 Ye ota vaeke ovapiya Vaye nOmhepo Yaye. Ye ote va tumine ovaengeli. Ovanhu otave shi sheke, omafimbo amwe, “ovaengeli.” Nandi—nandi pandjule kushimwe apa pamwe nanye, omunute ashike. Natu pandjuleni lwaapa kOvaheberi, omunute ashike. Ovaheberi ekapiteli eti4, ekapiteli eti4, ndele natu…Ndi tye, ekapiteli lo1 lOvaheberi, ndele natu pandjuleni kovelise oni14.

Ovo aveshe kave fi eemhepo dokuyakula, va tumwa okudja…va tuminwa eyakulo laovo tava ka fyuulula exupifo?

…olyelye umwe womovaengeli a tya…Kala omutumba kolulyo lange…?

…ovaengeli aveshe vaKalunga…163 Paife, apa Ombibeli oya aluka lela noku tu lombwela apa, kutya Kalunga okwa tuma ovaengeli. Efimano! Ovo oolyelye? “Eemhepo dokuyakula.” Efimano! Eemhepo dokuyakula, va tumwa (peni?) okudja kOukalipo waKalunga. Ku ninga shike? Ku yakula Ondjovo Yaye. Amen! Itava yakula outeolohi wonhumba wongudu youkwaongalo wonhumba, ashike okuyakula Ondjovo Yaye. Osho ngaho. “Eemhepo dokuyakula, va tumwa.”164 Otu shi shii ngahelipi kutya ovo? Ombibeli oya ti, kutya, “Ondjovo yOmwene ohai uya kovaxunganeki.” Oshi li mondjila? Ovaengeli ovo otava yakula Ondjovo Yaye, okupitila mOmhepo Yaye; tava yakula Ondjovo, okupitila mOmhepo Iyapuki. Ndele Omhepo nOndjovo ohai uya kovaxunganeki, novaxunganeki ove na Ondjovo yaKalunga. Olo etomelo va

26 ONDJOVO YAPOPIWA

dula okulonga oikumifilonga oyo va longa. Kasha li omunhu; osha li Omhepo yaKalunga momunhu. Omhepo yaKristus momunhu, molwa Ondjovo yaKalunga. Okwa ninga ngahelipi? A wapaleka keshe omhitilo. Kalunga okwe mu hoolola, nokwa vaekwa nOmhepo Iyapuki. Ndele kasha li ye. Ye ina ninga sha nande fiyo e shi mona memoniko. Elia okwa ti, kOmhunda Karmel, “Ashishe eshi onde shi ninga palombwelo Loye. Paife, Omwene, na shi shiivike kutya Oove auke Kalunga.” Akutu, efimano kuKalunga!165 Onde shi mona oikando ihapu unene, ngeenge owa mono Omhepo yaKalunga ya hanga onhele, nonhele oyo tai yi koshi yevaeko! Nge ongudu ei inini omu ongula ei, oi kufe ediladilo eli apa, kandula mo keshe elimbililo mondjila! Oto limbililwa vali ngahelipi, ngeenge owa mona ovafi—ovafi va nyumuka, oingudu ya enda, ovapofi va mona ko, ovafitamatwi va uda ko?166 Omwengeli wOmwene, nokuli efano Laye la endjelela apa kekuma, li na oshihako shounongononi, keshepamwe. Ye okwa ninga shike? Kala nawa nOndjovo. Amen! Otai tete keshe omunawii. Eheno, Otai shi ningi. Yo oshike? “Eemhepo dokuyakula, va tumwa okudja kOukalipo waKalunga,” okuvaeka ovapopi vOndjovo, ovo va kala nOndjovo. Ndele Ye okwa koleka Ondjovo nomadidiliko a shikula ko, a eta Jesus elifa onghela, nonena, nofiyoalushe. Oye ngaho.167 Ohatu limbililwa ngahelipi, ngeenge Oye ashishe paunongononi, pailongifo, paukwamhepo, keshe omukalo tashi dulu ku kolekwa, Ye okwa kolekwa apa?168 Oupyakadi owashike? Oshi li momadiladilo etu. Otwa yeululila omadiladilo etu koinima, hatu ti, “Iya, paife, nghi shii ngee otashi dulika ile ahawe. Pamwe, nge onda kala xwepo mongula.” Akutu, osho kashi na konasha nasho.169 Ngaashi luhapu handi ti, Abraham ota dulu a tya kuSarah…Ye okwa pitilila omido do—dokukala omukainhu. Ou shi shii osho nda hala okutya; olo efimbo longhalamwenyo, omafiku omilongombali naahetatu aye. Uwete, ye okwa li e nomido omilongohamano nanhano. Ye okwa li lela e di pitilila, nomulongonanhano, omido omilongombali. Ndele ye okwa ti kuye, pamwe, omafiku mashona taa shikula, a ti, “Ou udite eyooloko lonhumba, muholike?” “Kape neyooloko lasha.”170 “Osho kashi na konasha nasho. Ohatu twikile lela, nande ongaho. Iya, paife, nge owa tameke onga o—omukainhu omunyasha natango, otu shi shii, okupitila mohonde oyo yomwenyo, iya, hano, otwa mona mo opo kutya otashi ka amena okahanana, nakeshe shimwe otashi kala nawa. Paife, ou udite eyooloko lonhumba nena? Oshi li ohani okudja Ye a udanekela nge. Ou udite eyooloko lonhumba, muholike?”


171 “Nande okashona, Abraham. Kape na edidiliko, kape na sha. Ondi—ondi li ashike natango ngaashi nda—nda kala paife omido dishona dapita. Kape na nande eyooloko lasha.” “Efimano kuKalunga! Ohatu ke ka mona, nande ongaho.”172 “Wa hala okutya, Abraham, pombada…Tala, nge Ye okwe ku udanekela, shoshili Ye ote tu pe edidiliko omukalo ou. Oshoshili Ye ote tu pe edidiliko.” Huh! Halleluya!173 “Epupi loluhaelo nolinghundi otali kongo omadidiliko.” Oshi li mondjila. Ye oku na edidiliko. Ola li shike? Ondjovo yaKalunga. Oyo ya li edidiliko.174 Kalunga ota velula ngahelipi okaana aka? Ondjovo yaKalunga osho ya ti; nge ondi udite ekumo, ile ha ekumo. Nge ondi…Kashi nombudi oshike sha ningwa po, Kalunga osho a ti. Oshe shi mana.175 Abraham okwa ti, “Djaleni omambale eni nakesheshimwe kumwe, fye ohatu i koshilongo.” “Tamu i peni?”176 “Nghi shi shii.” Amen. “Ashike, ohatu i, nande ongaho. Otwa ya ngaha!” Twa longela nokuya. Halleluya! Oyo lela Ondjovo yaKalunga. Oshike sha li she mu kwatela komesho? Eudaneko laKalunga, Ondjovo yaKalunga. “Ohatu ke ka mona.”177 “Dja mo mokati kovanhu voye, Abraham. Ove li, oupyakadi washo oo, ove li ovalimbililwa novaheneitavelo. Otave ku tula monghalo yelifa. Dja mo. Li yoolola mo, nokukalela Nge.” Oshikwa shike? “Efa omaliudo opamadiladilo oye aeshe nomaliudo konima yoye, ngaashi nghaho. Yeulula omadiladilo oye, nokudimbuluka, Aame. Ila, kala pamwe nAame.” Amen.178 Kalunga ota ifana keshe Oludalo laAbraham, ongula ei, konghalamwenyo oyo yelifa. Olwoodi linene ola twikila, paife, ounyuni aushe. Kalunga okwa hala ovana Vaye ve li yoolole mo mushike? Uwete, okulola, okuuda, okunyika, okuudako; omalipulo, omaliudo pamadiladilo, omadimbuluko, etomelo, omaliudo; keshe shimwe. Va yeulule omadiladilo avo nokupitika Ondjovo i uye mo, nokunyanya nOndjovo. Oo omukwaita washili.179 Oo omukalo eenyofi da fikama. Eminikilo letango ina li lunduluka; ozodiaka. Onyofi yongula otai piti ponhele yoshinakuwanifwa longa shayo, ongula keshe, omukalo welifa ashike lela ya ningile eshi edu la shitwa. Onyofi yonguloshi ya kufa onhele yayo; keshe onyofi. Oule Munini, nokuya lela pefimbo lomomudo, oshi li ashike lela opo shi nokukala. Onyofi Yokolundume ya fikama ya kanghama noi na i linyenga. Halleluya! Oshinima ashishe otashi dingonoka Onyofi Yokolundume, adishe domudo, molwaashi oi li lela pokati kedu.180 Oo oKristus. Amen. Ye okwa fikama opo, ta komanda etanga lovakwaita Laye ngaashi Elenga linene.

28 ONDJOVO YAPOPIWA

181 Ngaashi Moses komhunda nomake aye pombada, naIsrael okwa li ta lu, tava tu mo ondjila yavo, ndele ye okwa fikama nomake aye pombada. Ye okwa fikama nomake aye pombada nafiyo etango tali ningine. Ove na okukwatela omake aye pombada. Oo okwa li Moses.182 Ye okwa li olupe laKristus. Okukala a shiiva kutya omake Aye okuli pombada, omake Aye okwa valelwa pombada komushiyakano. Halleluya! Ndele Ye okwa londa eehote dOshinge, nena, noikutu Yaye Yanyikohonde koshipala shaKalunga, kolulyo lEenghono Laye Oko. Nolwoodi, kukeshe omukwaita, ta tu mo ondjila yaye. Nghi na konasha oshike sha kufa ombinga; nOndjovo yaKalunga, ote li twala kemanguluko. Amen.183 Ngaashi okaxuxwena keli mei, ongahelipi nge oka tila okumbodola? Ongahelipi nge oka tila okumbodola ei? Ongahelipi nge okaxuxwena kanini meni lei, okadila kanini, oka tila okudenga oshipeta shei? Ongahelipi nge oka udu ondaka kondje, tai ti, “Ino denga oshipeta osho, oto li ehameke”? Ashike oushitwe wovene, mokadila, otau ka lombwele, “Shi shomona! Denga ombululu musho.”184 Omaukwaongalo aeshe naa tye, “Omafiku oikumifilonga okwa xula. Oto li ehameke. Owa yuka momusheko.”185 Shomona oshipeta lela, ngaashi to dulu. Halleluya! “Satana, dja po! Ame ohandi dimo omu.” Osho ngaho. “Ame itandi nangala apa, vali. Ame nghi li omutumba apa, vali. Ame nghi li vali medu lomunawii mukulu ou. Ame ohandi mbodola mo ondjila yange, ongula ei. Amen. Ame onhwa.” Amen. Halleluya!186 Ashike onhwa inini yakupa oyo, ofingo oyo yakola konima kwinya, tai shomona oshipeta osho. Kashi nombudi oshipeta oshi kukutu ngahelipi, ota ke shi shomona ko. Oshinima shotete u shii, hano, otai papameke omavava ayo kanini. Oi li nawa.187 Shomona mo ondjila yoye. Oshi li mondjila. Oto shi ningi ngahelipi? Shi topifa no, “OMWENE OSHO TA TI. OMWENE OSHO TA TI. OMWENE OSHO TA TI.” Lwaxuuninwa, oto hovele okuuda omhepo ipe. “OMWENE OSHO TA TI.” Tula omutwe woye kondje. “OMWENE OSHO TA TI.” Undula neenghono paife, oto di mo!188 Ye ina shuna vali koshipeta. Amen. Ye okwa manguluka. Akutu, ame! Ondjovo oyo nge ya i mo lumwe, okupitila momaliudo aeshe oo nomaliudo pamadiladilo noinima, oku ngungumanekwa apa, nomadiladilo oo a yeuluka noku I pitika. O Kalunga, fya onghenda! Kape nasha vali okushi manga. Owa manguluka. Ou a mangululwa kOmona okwa manguluka okwa dja mo moshipeta. Oukwaongalo woye itau ku ifana vali. Omunawii ita dulu vali oku ku ninga sha. Ota sheketa nokufuda, hano.


189 Ashike ou li mOshitauwa shakula, to lotoka onhapo yakula, akutu, ame, to lotoka kOshitauwa shakula shOhamba, omukwaita a vaekwa womushiyakano. Ndele osho amushe eenhwa, neitavelo, tamu lalekida Jesus, Ouyelele wounyuni, ta mu lotoka kOshitauwa shakula shOhamba. Shoshili. Eheno, omufimanekwa!190 Edi odo, “eemhepo dokuyakula,” va tumwa okudja kOukalipo waKalunga, okukala ovayakuli, okuyakula, (shike?) Ondjovo Yaye; ha outeolohi wonhumba, ashike Ondjovo yaKalunga. Odo eemhepo dokuyakula, va tumwa okudja kuKalunga, okuyakula. Eemhepo dokuyakula! Akutu! Ndele, dimbuluka, nge otava yakula shimwe ponhele yOndjovo, inashi dja kuKalunga. Shaashi, “Ondjovo Yaye alushe oya kolekwa mEulu.” Alushe, mEulu, Ondjovo, Kalunga ote I pashukile. Ndele Ye ita tumu nande omhepo okuyakula shimwe ponhele yOndjovo.191 Ye ita tuma nande omhepo noD.D.D. inene yakula, Ph.D., nomakutwi ohema yaye a tonyenwa kombuda, kesheshimwe sha tya ngaho, kutya, “Iya, osho lela, omafiku oikumifilonga okwa xula. Atushe otu shi shii.” Ahawe, ahawe. Osho inashi dja kuKalunga. Oshi li omhinge nOndjovo. Amen.192 Ye okwa tuma vamwe ovo tava yakula Omhepo yOndjovo. Amen.193 Akutu, ondi na hanga inhe ile oinima idule itano, ashike ohandi i efa oshikando eshi, handi i kufa Osoondaxa tai shikula. Oshi li nawa. Satana neendemoni daye ova vaekwa.194 Nge eemhepo dovaengeli ava oda vaekwa oku ku etela Ondjovo, oku ku ninga u itavele Ondjovo, paife owa mona peni opo wa uda omuxunganeki, omuxunganeki washili waKalunga, te likale Ondjovo yaKalunga? [Eongalo tali ti, “Ahawe.”—Sd.] Ahawe, omufimanekwa. Oshike sha ningwa po eshi omahangano efimbo lavo a fikama nokutya, “Paife, okwa puka”? Ye okwa fikama kuyemwene, nokufikama aeke. Ye okwa ti, “Oshi li mondjila.”195 Tala kuMika kwinya efimbo olo, omuingidi munini, uwete, omona waImlah. Opa li omafele anhe va vaekwa, va wana okukala, ovaxunganeki va vaekwa va fikama kwinya, aveshe va paluka, novalongekidwa, needgree dinene dakula, nelongo lopombada novalilongi vapushwa. Tava ti, “Inda ko, ohamba yetu idiinini. Omwene na kale pamwe naave. Oshe tu. Josua okwe shi tu pa. Onghee ove inda ko noku shi kufa ko. Oshi li lela mondjila. Ove inda ko noku shi kufa ko. Oshike…” Ye okwa ti, “Iya, Josu-…”196 Ou shi shii, Josefat okwa ti, “Kape na vali mukwao umwe, lwaapo?” Iya, ove na omafele anhe. Omolwashike itamu itavele omafele anhe? Ye okwa ti, “Ashike, shoshili omu na po mukwao umwe, lwaapo.”

30 ONDJOVO YAPOPIWA

197 Ta ti, “Ondi—ondi…Iya, otu na umwe. Ope na umwe, ashike, akutu, ondi mu tonde.” Huh! Uwete?198 “Opo—opo, omulumenhu oo nda hala okupwilikina, uwete.” Ta ti, “Mu eteni. Natu taleni eshi ta ka tya.”199 Nonghee ova ya noku mu lombwela, va ti, “Paife, pwilikina. Longekida ashike nawa eudifo loye, ongula ei, shaashi oto udifile ohamba. Oto udifile e…e—ehangano loulongi alishe langadi-na-ngadi, ou wete, laPalestine, ehangano loulongi alishe. Paife, oto dimbuluka, apa osheshi va ti. Popya oshinima shelifa. Itavela oshinima shelifa.” Osho shinini…200 Ye—ye oku na ko omulumenhu a puka. Omulumenhu oo okwa ya kokule netomelo eli likulu. Ye okwa mana ku wapaleka omaluungu, uwete, omaliudo pamadiladilo aye.201 “Ndele, iya, omolwashike, ou shi shii osho tava ka ninga? Nge owa popi oshinima shelifa, ohandi lipula otave ku ningi omutaleli omukulunhu woshitopolwa. Ove na ku ku ninga. Otave—otave ku ningi omukulunhu omutaleli woshitopolwa shoshiwana apa, nge owa—owa tu kumwe navo.” Oo ka li omulumenhu lela waKalunga.202 Omolwashike, omaluungu aye okwa wapalekwa, omaliudo pamadiladilo aye nakesheshimwe osha yela. Omadiladilo aye okwa yeulukila kOndjovo yaKalunga. Ndele Ondjovo yaKalunga, aike, e na okuitavela. Ovo eemhepo dokuyakula. Ovo omhepo yokuyakula.203 Ye okwa ti, “Nghi shi shii osho ndi nokupopya paife. Ashike, ohandi mu lombwele oshinima shimwe, ohandi ka popya osho Kalunga a lombwela nge ndi popye.” Onghee ova teelela onguloshi oyo. Ye okwa mona emoniko.204 Ongula yashikula, ohandi lipula Mika ta tale mOmishangwa ndele ta ti, “Paife, natu taleni paife. Emoniko olo…Paife, ovalumenhu ovo aveshe, ope na sha shapuka lwaapa, shaashi Oli li omhinge naasho va ti. Iya, Otali ti ngahelipi? Natu tale osho Elia a ti apa, omuxunganeki, shaashi otu shi shii ye okwa li omuxunganeki. Uwete osho…Ondjovo yOmwene ye uya kuElia. Heeno. Ndele Oya ti ngahelipi? ‘Eembwa otadi ka lafa ohonde yoye. Isabel, eembwa otadi ke mu lya. Nomolwa omuyuki Ahab…omuyuki Naboth.’” Ye okwa ti hano…Eshi e shi mona, okwa mona kutya emoniko laye ola yukilila nOndjovo yaKalunga, hano, omukulupe Ahab okwe li mona tali ya kuye.205 A ya ko, ta ti, “Inda ko, ashike onda mona Israel…” Uwete, ye kali a fya ohoni okupopya emoniko laye hano, shaashi ola li Ondjovo yOmwene. Ye oku shi shii ota twala oshinima osho nawanawa. Oshike? Ye okwa yeulula omutima waye, omadiladilo aye, kOndjovo yaKalunga, nOndjovo yaKalunga oya holululwa, onghee ye oku shi shii kutya osha li lelalela Ondjovo yaKalunga.


206 Paife, oto ti, “Akutu, ngeno nda li ashike Mika!” Oto dulu. Ou li. Ou li, yo, muholike. [Mumwatate Branham natango ta popi komumwameme ta vele—Sd.] Ou li Mika, omuxunganeki. Oto dulu ku ninga shike? Yeulula omadiladilo oye. Oshike handi kendabala oku ku lombwela ongula ei? Ondjovo yOmwene. Uwete? Yeulula omadiladilo oye, to ti, “Paife, ou shi shii, onda itavela ohandi veluka.” Iya, Oyo shike, hano? Oyo Ondjovo yOmwene? Shoshili, Oyo Ondjovo yOmwene.207 Ndele omulumenhu ou apa ota ti, “Omafiku oikumifilonga okwa xula. Ove ito dulu ku ninga ngaha. Ndele ve…” Shi dimbwa. Tula Kalunga tete.208 Ope uya Ondjovo yOmwene, nokwe I popya, nosho Ya li.209 Paife, Satana okwa ninga shike? Satana oku na vakwao va vaekwa. Paife, Satana ota vaeke ovapiya vaye. Akutu, shoshili. Uh-huh. Shoshili. Ye ota vaeke ovapiya vaye. Ote va vaekifa shike? Nokuhaitavela. Satana neendemoni daye ota vaeke ounhu okuhaitavela Ondjovo yaKalunga.210 Paife, nge owa hala oku shi koleka, pandjula kuGenesis 3:4. Natu pandjuleni ashike konima oko nokupwilikina kuashi, omunute ashike, nokumona nge osho kashi fi omukalo waye wotete. Osho oshinima shotete ye a ninga. Ye ina efa nande omikalo daye delifa. Ohe di ningi efimbo alishe. Paife, tala nge ha—ha sho shi li. Paife, ye ina twa kumwe nOndjovo. Ye okwe mu ninga e I tungulule kanini, ou shi shii, oludi oku I ninga i kwelengedje ngaashi omukalo ye a hala I kwelengedje, ino kufa Ondjovo aishe. Paife, Genesis, ondi na apa, Genesis 3:4. Natu taleni nge osho sha tiwa paife. Oshi li nawa.

Opo nee eyoka la tya komukainhu, Nye itamu ka fya shili:

211 “Itamu fi shili.” Uwete nhumbi le shi endulula? “Akutu, otwa itavela omafiku oikumifilonga okwa xula. Inatu itavela pe na oshinima sha tya ngaho ovanhu tava pewa Omhepo Iyapuki ngaashi va ninga puPentekoste. Akutu, nande nee owa shashwa, itashi ningi eyooloko lasha.” Uwete omunawii? Uwete omikalo daye? “Iya, nge ndokotola okwe ku lombwela ito veluka, oshe shi mana.”212 Paife, haku shololifa, okuhaitavela ndokotola. Ndokotola ota longo momufinda wopaunongononi. Nandokotola okwa ninga keshe shimwe ta dulu, okuxupifa omwenyo womunhu. Ndele ita u dulu ku xupifwa, molwaashi kape na sha shilili e shii okuninga. Ye oku li pexulilo leshiivo laye. Omunhu oku noshili. Ashike, paife, omuti weshiivo ou li nawa, ashike nge owa i kokule ngaashi tau i, hano londolokela kOmuti wOmwenyo nokutwikila to i. Amen. Osho ngaho. Otashi longo natango. Heeno.213 Paife, omukalo waSatana u lipi paife? Okwa ti shike apa? Paife tala 1 no—novelise oni2. Paife na—nandi leshe ovelise yo1 apa, fiyo 3.

32 ONDJOVO YAPOPIWA

Paife eyoka la li la lungama unene li dule aishe, keshe oshifitukuti shomoixwa OMWENE Kalunga e i ninga. Ndele lo ola pula omukainhu, Heeno, Kalunga okwa ti, Nye inamu lya…komiti adishe domoshikunino?

214 Pwilikina kuye paife, nhumbi ta ningi mwii, nonhumbi a—nhumbi a tuvika Ondjovo oyo. Uwete? Ota…Oshike ta kendabala okuninga? A ya momadiladilo aye. Uwete? Ota popi naye, konima Ondjovo ya nghonopalekwa nale.215 Paife, ino pitika Satana a nghonopaleke sha. Uwete? Ove diinina Ondjovo yaKalunga ya nghonopalekwa momutima woye. Uwete? Ove ninga shelifa. Paife taleni, nye Oomika.

…omukainhu okwa nyamukula eyoka, Ohatu li oiimati yomiti domoshikunino: ashike o…

Ndele nee koiimati yomuti wopokati (pokati, uwete) koshikunino, Kalunga…okwa ti, Nye inamu u lya, ile nye mu u kume, mu ha fye.

216 Uwete, paife, oyo Ondjovo. Ye ote I mu endululile. Paife tala.Opo nee eyoka la tya komukainhu, Nye itamu ka fya

shili:217 Uwete omukalo waye? Uwete? Osho tali kendabala okuninga? Opo omunhu wotete, ta kendabala okuvaeka omukainhu oo muwa, omonakadona waKalunga, nokuhaitavela Ondjovo yaKalunga. Osho lelalela ye ta kendabala oku mu longifa.218 Osho ta kendabala oku ku longifa, muholike. [Mumwatate Branham natango ta popi komumwameme ta vele—Sd.] Osho ta kendabala oku longifa keshe umwe womunye, oko, te ku vaeke. Ndele oshinima ashike u nokuninga paife…Ou li omumangululwa. Paife oto dulu ku shi tambula nge owa hala. Ashike shi fanga mo. Ngeno Eva ka kanghamene okafimbo oko, a pwilikine! Ino kanghamena sha. Ino kanghama.219 Eshi—eshi Elia a lombwela Gehasi, ta ti, “Kufa ekumbafa lange, li tenheka kokaana ka fya. Ndele nge omunhu wonhumba nokuli ta popi naave, ino mu nyamukula. Nge umwe ta kendabala oku ku kangheka, twikila ashike.”220 Tala komukainhu eshi a ifana omupiya waye. Ye okwa ti, “Shinga emwili nokuya komesho, ino kanghama nokuli fiyo handi ku lombwele.” Osho ngaho.221 Ngeenge ou na Etumwalaka, twikila to i. Amen. Tya, “Itandi dulu vali okuenda. Ahawe, ohandi nghundipala.” Twikila ashike nokuya. Ino kanghama. Efa po kesheshimwe, twikila ashike nokuenghena ko. Mumwatate, ou na Eongamukonda meke loye, twikila ashike nokushashala.222 Onda ya mokapale ketanga, oshikando shimwe, nondali handi ka udifa. Ndele onda kanghama poshivelo nokutala


pombada, pombada penya. Ola ti, “Kashi fi ounene wombwa molwoodi. Ounene wolwoodi mombwa.” Onghee oo tau findana olwoodi. Uwete?223 Oto ti, “Iya, tala. Tala keengeleka adishe dinene odi li omhinge naAshi.”224 Nghina konasha ounene ulipi di li. Olwoodi olo li li mombwa, olo tali valulwa. Eitavelo olo li li muhandimwe. Nge ove evaya, shuna komukwena woye wanitika. Ashike, mumwatate, nge ove omukwaita, fikama opo. Ope na olwoodi. Mondjila nokupuka ola teelelwa. Natu lweni.225 Ngaashi Petrus Cartwright, a ya moshilando, ta ti, “Omwene okwa lombwele nge ndi—ndi uye omu nokuninga epapuduko.” Ye okwa futa elimba likulu, okwa ya mo nokuhovela oku li wapaleka.226 Nomutiliti a kula wodoolopa, ombistoli ya endjelela ponho yaye, e u ya mo. A mona oivelo…Imwe yomuyo, ta ti, “Omulumenhu oo ota ningi mo shike?”227 Ta ti, “Ye omuudifi. Ye ota ka ninga oshiongalele, okwa ti.”228 “Iya,” ye okwa ti, “ondi wete ondi nokuya ashike noku mu ekela mepandavandava, noku mu ta po apa. Opuwo. Inatu hala oiongalele monhele yetu.”229 Onghee ye okwa ya ko, a ndwangula omuvelo. Ndele Petrus Cartwright okwa djala ombaikifa yaye, ou shi shii, ndele okwa li ta kosho omakende nomakuma poshi. Mukwetu munini a yooloka, ou shi shii.230 Omuudifi mukulu okwe mu yola, ou shi shii, molwa okulya oxuxwa neenyala daye; osho shi li omukalo muwa nena, ou shi shii.231 Onghee ye okwa li ashike ta kosho omakende nokupangela apeshe. Omutiliti a kula okwe uya po, a shilila ombaikifa yaye konima, ombistoli ya endjelela ponho yaye, ta ti, “Oto ningi shike?”232 “Akutu,” ye okwa ti, “ohandi kosho omakende.” Nokutwikila ashike ta kosho ekende, ou shi shii. Ye oku na elalakano limwe. Kalunga okwe mu lombwela a ninge epapuduko. Ta kosho omakende, kuya poshi. Ye okwa ti, “Fye inatu pitika omapapuduko apa.”233 Ye okwa ti, “Akutu, ashike Omwene okwa lombwela nge ndi—ndi ninge epapuduko eli.” Uwete? Ye okwa twikila ashike, noshilonga shaye. Uwete? Uwete?234 “Iya,” ye okwa ti, “ope na oshinima shimwe u—u na okuuda ko.” Ye okwa ti, “Onda enda odoolopa ei aishe.”235 Ye okwa ti, “Akutu, o u li?” Nokutwikila nokukosha omakende, ou shi shii.

34 ONDJOVO YAPOPIWA

236 Ye okwa ti, “Manga ino ninga epapuduko, ou nokudenga nge tete.” Ye okwa ti, “Akutu, osho ndi li? Iya, ohandi shi shikulifa ko hano.”237 Ye okwa dula mo ashike ombaikifa yaye. Okwa ya ko, nokulovelela omatwi ohema, noku mu dengela poshi polukolongo, nokunhukila kombada yaye. Ta ti, “Ondi nokulwa, nge ohandi pangele. Wedela omukumo wange, Omwene.” Te mu depaula. Ta ti, “Owa mona shawana?”238 Ye okwa ti, “Eheno.” Ye okwa yambuka po ta puku omutwe waye. Ye okwa xupifwa oufiku oo, mongeleka.239 Oove ngaho. Uwete? Otashi, kufa Ondjovo yaKalunga nokutaula mo ondjila yoye mukeshe elimbililo. U shi wete? Shoshili, osho ngaho. Osho oshilonga sha shikula ko, natu shi maneni. Onawa. Oshinima sha shikula ko handi ka ninga osho okuya kokule nomalimbililo ange, oku a teta po. Osho oshilonga shange sha shikula ko, okukufa po omaudifo nai ange aeshe. Nge omaliudo ange taa lombwele nge, “Iya, ou udite nai,” oshinima sha shikula ko okuninga osho okutetaula po oshinima osho. Oshi li mondjila.240 Oto ti, “Iya, ove…Ova lombwela nge kutya…Ou shi shii, omaliudo pamadiladilo ange taa lombwele nge, Mumwatate Branham, kutya ame…” Iya, oto dulu yo okuteta ko oshinima osho. Ove ku nokuya komesho shidulife opo. Ninga ashike oshilonga shoye sha shikula ko shipwe. Dula mo ombaikifa yoye nokuya lela musho. Twikila ashike nokuya. Oshilalakanenwa shimwe, “Ohandi ka findana.” Amen. “Itandi dopa. Ohandi ka findana.” Amen.241 Satana oha vaeke. Uwete? Omukalo waye wotete ulipi? Onhele yaye yotete ya li ilipi? Omadiladilo. Ye okwa kanghama okafimbo, okupwilikina kuashi ye ta ti. “Akutu, hasho wa ti?”242 Osho opo ovakainhu vanini vahapu va ninga epuko lavo, novalumenhu vanini vahapu va ninga epuko lavo; lela, va kanghama okafimbo, va kanghama ashike okafimbo. Oikando ingapi nda mona oibofa yehengano noinima ye uya po, musho.243 “Iya, ohandi ku lombwele, Mumwatate Branham, ye okwa shika omwiilwa ngaashi ‘wheet-whew’, ou shi shii, nonda kanghama, ndele, paushili, hasho nda—nda hala.” Uh-uh. Oove ngaho.244 “Akutu, ye onda li omutumba poshitafuulu popepi naye. Ye—ye oku na omesho mawa unene!” Uwete? Uh-huh. U shi wete? Osho ngaho.245 Omunawii ota ningi oshinima shelifa. “Akutu, ndokotola okwa lombwela nge itandi veluka, onghee onda…” Oove ngaho, oshinima shelifa, uwete, olwoodi linenenene olo la luwa.


246 “Iya, ova lombwela nge…onda mona Ngadi-na-ngadi ta ti oku na Omhepo Iyapuki.” Heeno, owa tala komuliningifi mukulu. Ongahelipi kombinga yaavo ve I na shili? Uh-huh. Heeno. Omunawii ote ku ulikile kokakulya kakulu kekola, ashike ye ite ku ulikile onghuti yovene. Uh-huh. Oshili nawa. Ye iteshi ku ulikile, ndele oteshi ku pofipalekele.247 Akutu, ye ependafule, yo, dimbuluka. Ashike munene owetu… “Munene Oye ou e li muove, e dule ou e li mounyuni.” Ashike dama kOndjovo yaKalunga; Yi itavela, nye vakulunhu vetanga lovakwaita apa. Diinina oshinakuwanifwa shoye, mumwatate. Oshi li nawa, diinina onhele yoshinakuwanifwa longa shoye.248 Onghee, onda li nokakadona kanini apa, oshikando shimwe. Omukainhu otashi dulika e li omutumba apa paife. Edina laye ola li Nellie Sanders. Shimwe shoshikando shotete nda mona omunawii ta tewa mo. Otu nomwenyo, paife, nge onda mono ashike onhele; nokukala ashike omakuma atatu apa, kombada yomaendo. Ndele onda ninga ashike omuudifi, nonda li handi udifa lela apa mokolonela ei, noshiongalele shetwali.249 Nokakadona oko kanini oka li kamwe kovatutuli dingi. Ye okwa ya kofikola yopombada apa, naye naLee Horn. Ndele vahapu vomunye apa modoolopa omu shii Lee Horn apa, okwa wilika onhele yokudanena osinuka. Nonghee vo, ye naLee Horn, okwa li omututuli dingi a li moshilongo. Oye Omukatoolika, yemwene. Shaashi, eitavelo kali noshilonga kuvo, onghee hano…Nellie navo. Onghee, ye okwa li omututuli munene, ndele ye okwa li, unene. Nova li nokututula oku apa kwa ifanwa “black bottom,” no “jitterbugs,” noinima aishe. Ndele ye okwa li o…Vo vavali ova li dingi moshilongo.250 Efiku limwe, ye okwa ongaonga mo apa, oufiku umwe, koshiongalele. Okwa wila poshi, koaltari, Nellie munini. Yambeka omutima waye. Okwa nangala koaltari. Okwa yelufa omutwe waye. Nokwa lila, nomahodi a lotoka keemhanda daye. Okwa ti, “Billy…” Ye oku shii nge. Okwa ti, “Onda hala okuxupifwa, lela.”251 Nonda ti, “Nellie, oto dulu ku xupifwa. Jesus okwe ku xupifa nale, kakadona. Ou na oku shi tambula paife komulandu wOndjovo Yaye.”252 Ndele ye okwa kala ko. Ndele ye okwa lila, nokwa ilikana, nokwa lombwela Kalunga ye ita ka pwilikina vali koinima younyuni. Ashishe palumwe, ombili yohole inyenye oye uya komutima waye. Ye okwa yambuka ko, ta ingida nokuhambelela Kalunga, ta fimaneke Kalunga.253 Ndele hanga hamano ile eehani hetatu konima yasho, ye okwe uya nEpandavanda Spring, oufiku umwe.254 Paife, omukadona omunyasha, okwa li momido omulongo nasha daye, hanga omido omulongonahetatu. Ndele ye okwe

36 ONDJOVO YAPOPIWA

uya kuame, ndele ta ti, “Hope…” Oo a li omwalikadi wange, ou a tetekela. Ye okwa ti, “Onda hala ngeno ndi monike nda fa Hope naIrene.” Ye okwa ti, “Ou shi shii, vo inava ya nande mounyuni.” Ta ti, “Ounyuni otau ku tula edidiliko.” Ta ti, “Ohandi monika nai.” Ta ti, “Paife, onda efa okuvava ondomo yokomilungu noinima, ashike ohandi monika nai unene. Nokuli omutalelo wange, moshipala shange,” ye okwa ti, “ohandi monika nai.” Ye okwa ti, “Otava monika vehe nondjo novanambili.” Ta ti, “onda hala ngeno nghi shi ningile nande.”255 Onda ti, “Nellie, Ohonde yaJesus Kristus oya kosha po omatimba aeshe, muholike. Twikila, shi itavela.”256 Wayne Bledsoe, vahapu vomunye omu mu shii apa, kaume kange kopofingo, nomido nomido. Ye okwa li omunwi. Ndele ye okwe uya apa nomumwatate wange, Edward. Nokwa kolelwa apa mepandavanda, noku mu kufa po, shaashi eembudi okwa li tadi ke mu hanga. Ndele onde mu eta apa. Ndele onda li omuudifi nonda kala apa, meme wange natate, nale manga inandi hombola. Ndele onde mu kufa, nde mu tula kombete mwinya. Onda nangala, nda kofela kombete hai tonywa. Opa li onduba yOvakwabranham, ou shi shii, omulongo vomufye. Nonghee otu na hanga eenduda nhe, notu na oludi lodaabulu, pombada kanini. Onghee, ondi na ombete ikulu hai tonywa oko nda nangala. Onde i shila mo ngaashi ngaha, no—nokutula Wayne kombete pamwe naame. A kolwa, ndi noku mu pakela meumbo noku mu nangeka.257 Ndele onda li nda nangala ko. Onda ti, “Wayne, ino li fyohoni ovemwene, ngaashi ngaho?”258 Ndele ye okwa ti, “Uh, Billy, ino popya naame ngaho.” Nonda tula hano omake ange kombada. Onda ti, “Ohandi ke ku ilikanena, Wayne. Kalunga ne ku yambeke.” Ndele onda kala opo nda xupifwa, akutu, ondi wete hanga, pamwe omudo.259 Nonghee hano, ashishe palumwe, o—onduda, a denga po omuvelo kondje, ndele umwe ta konghola lela unene. “Mumwatate Bill! Mumwatate Bill!” [Mumwatate Branham ta konghola koshiudifilo—Sd.]260 Nde lipula, “Vakwetu, ame, umwe ota fi.” Onda nhuka po, oshivelo; nda vakula po oshinima shange shikulu, nde lixwekela mokamudjalo kange kokungalifa, ngaashi ngaha; nokutuvikila Wayne. Nda lotokela koshivelo.261 Oshe linyenga shafa omukainhu. Onda yeulula oshivelo, nomukainhu ou munini a fikama poshivelo. Ye okwa ti, “Akutu, nandi uye mo?” Onda ti, “Ila mo.” Nonda tema eelamba.262 Nopaife okwa li ta lili ngaashi ngaho, nokwa ti, “Akutu, Mumwatate Billy, onda—onda—onda ya! Onda ya!”263 Onda ti, “Omukundu washike, Nellie? Ou ne—nedengo lomutima?”


264 Ye okwa ti, “Ahawe.” Ye okwa ti, “Mumwatate Bill, onda li nde uya noSpring.” Ye okwa ti, “Oshoshili, Mumwatate Bill! Oshoshili, Mumwatate Bill, inandi hala okuehameka. Inandi hala okuehameka.”265 Onda ti, “Oupyakadi washike?” Onde lipula, “Ohandi ka ninga shike naye paife?” Nghi shi shii osho ndi nokuninga. Ame, omunyasha mukwao ashike. Nonda…266 Ta ti, “Akutu, Mumwatate Bill,” okwa ti, “Ondi li ashike—ondi li ashike—ondi li ashike nda tekauka.” Onda ti, “Paife, li mwenenena, mumwamee. Lombwele nge ashishe.”267 Ndele ye okwa ti, “Iya,” ye okwa ti, “onda li nde uya nepandavanda, nOsaala Redman…” Nohava kala ve na okututula Olomakaya konguloshi oko. Ndele ye okwa ti, “Ondi na oinima yonhumba, opo nda li nda yuka keumbo okuke lilongekida.” Ndele ye okwa ti, “Onda uda ongalo oyo.” Ndele ye okwa ti, “Ou shi shii,” ta ti, “onda kanghama ashike omunute.” Nokwa ti, “Osha kala tashi ya xwepo. Onghee onde lipula, ‘Ou shi shii, itashi ehameke nge onda fikama apa ngaha.’”268 Opo ye a ninga epuko laye, a kanghama okafimbo. Ye okwa pwilikina ashike.269 Ta ti, “Iya, ame ohandi ka diladila.” Ta ti, “O Omwene, Ou shi shii ondi Ku hole, nonande.” Ta ti, “Ou shi shii ondi Ku hole, Omwene. Ashike ohandi dimbuluka lela efimbo eshi Lee naame twa kala hatu findana o—omakopi aeshe, nosho tuu.” Ta ti, “Ame, ohandi dimbuluka ongalo oyo ikulu ya kala ha inane nge. Ha sho paife.”270 Uh-akutu, uh-akutu! Oto lipula ashike itai dulu. Oi ku kwete nale, opo ngaho. Shiwa ashike ngaashi ye a hala, opo ngaho. Uwete?271 Vangapi ve shii nale Nellie Sanders? Iya, ondi wete amushe vahapu vomunye. Heeno. Lela. Onghee ova—ova li—ova li…272 Ta ti, ye okwa ti, “Iya, ou shii shike?” Ta ti, “Pamwe nge onda i peendodo pombada opo,” ta ti, “pamwe ohandi ka dula okuhepaulula kuvamwe vomuvo.”273 Akutu! Uwete, ou li lela medu lomunawii. Kala kondje yalo. “Livangeka lela eholokepo lowii.”274 Ashike ye okwe uya po, pombada yeendodo, nokufikama po ominute dishona. Noshinima shotete u shii, ye okwa li momaoko omumati wonhumba, kondje polukolongo.275 Hano ye okwa alukila kuyemwene. Ndele ye okwa li a fikama oko, ta lili nokutwikila, ta ti, “Akutu, ame onda kana paife, nai.”276 Onde lipula, “Iya, nghi shii shihapu unene kombinga yOmbibeli, ashike onda itavela Jesus okwa ti ngaha, ‘MEdina Lange otava te mo eendemoni.’” Onda…

38 ONDJOVO YAPOPIWA

277 Ndele Wayne okwa mana oku liwapaleka, kashona, nokwa li po omutumba, ta tale. Uwete? Onghee onda ti, “Paife, omunawii, nghi shii kutya oove lyelye, ashike ohandi ku lombwele paife, ou omumwameme wange, ndele ku noshilonga noku mu dingatela. Ye hasho a hala okuninga. Ye okwa kanghama ashike omunute.” Opo ye a ninga epuko laye, e lipula. Onda ti, “Ashike ou na okudja mo muye. Ou udite nge?”278 Nonghee kwafe nge, Kalunga, kOshipundi Shepangulo, paife. Omuvelo oo wekende owa hovela okuyeuluka nokuidila, kuovene. “Plampti, plampti,” komuvelo oko. “Pamp, ka-plamp, ka-plamp.” Onde lipula. Ndele ye okwa ti, “Bill, tala kwinya. Tala kwinya.” Nonda ti, “Heeno. Oshike osho?” Okwa ti, “Nghi shi shii.” Onda ti, “Naame yo.”279 Nomuvelo owa twikila “pampti-pamp, ti-pamp,” tau idile ngaashi ngaho. Onde lipula, “Oupyakadi owa shike apa? Oupyakadi owa shike?”280 Onda tala natango, ngaashi ngaho. Nonda ti, “Mu efa, Satana! MEdina laJesus, dja mo muye!”281 Eshi nde shi popya, osha monika shafa elimalima linene lakula, konyala oule ou, tali yeluka okudja konima yaye, neexwiki dile da endjelela okudja momavava alo nokeemhadi dalo, ngaashi ngaho. Tali i, “Oooooh.” La yukilila nge, la endelela ngaashi tali ya.282 Onda ti, “O Omwene Kalunga, Ohonde yaJesus Kristus amene nge kulo.”283 Ndele Wayne okwa nhuka po mombete, ta tale. Nola li apa, lafa omudidimbe wakula, tau dingonoka, nokuya pombada nokuya poshi konima yombete. Mombete omwa dja Wayne, monduda ya shikula, ta endelele ngaashi ta dulu. Onghee otwa…284 Onda kufa Nellie noku mu twala keumbo. Noku aluka, ndele inandi dula…285 Meme okwa ya mo nokutukumuna omalapi nakesheshimwe. Kamwa li sha mombete. Osha li oshike? Omunawii a dja mo muye. Oshike sha ningwa po? Ye okwa kanghama okafimbo. [Mumwatate Branham ta konghola koshiudifilo oikando ivali—Sd.] Opuwo.286 Ino kanghama, nande. Ngeenge Kalunga ta ninginifa Ondjovo Yaye momutima woye, kufa ashike Eongamukonda olo nokutameka to shashala nokuteta. Halleluya!287 “Nghi na efimbo okuteelela sha shilili. Oku tauluka ashike, nghi na efimbo nokuli okungungumana.”


288 Ye okwa ti, “Iya, ndele kufa ashike ekumbafa lange nokuli tuvikila kokaana. Ndele nge umwe ta popi naave, ino popya nokuli navo.”289 Nge omunawii ta ti, “Hei, ou shi shii osho u udite?” Ino popya nokuli naye. Twikila ashike to i.290 Omunawii, ou shi shii, omunawii ota ti, “Ashike ou shii shike? Ou shii, Ngadi-na-ngadi, eshi va mona Omhepo Iyapuki, oto dimbuluka ova—ova kanifa konyala omadiladilo avo.” Ino popya nokuli naye. Twikila ashike to i. Ku shi shii kombinga ya Ngadi-na-ngadi.291 Oove naKalunga. Oshi li mondjila. Diinina Kalunga. Ye ota vaeke ovapiya Vaye. Ondi na okuendelela. Kalunga ota vaeke ovapiya Vaye. Uwete?292 Paife ondi nokukoyapo oididilikwa ishona apa, ashike onda hala okutya ngaha. Apa, piwilikina paife, nawa.293 Omukainhu munini, pwilikina nawa paife. [Mumwatate Branham natango ta popi komumwameme ta vele—Sd.]294 Apa otu wete omikalo domunawii. Ohatu ningi ngahelipi? Paife, ondi na Omishangwa dihapu apa, dovaxunganeki noinima, opo e uya kuvo, novanhu va yooloka mOmbibeli aishe, nokuninga oshinima shelifa. Oshi li alushe omukalo waye, okukendabala okuninga ovanhu va ha itavele Ondjovo yaKalunga. Pwilikineni, nye ovakwaita vomushiyakano. Ngeenge ino itavela Ondjovo yaKalunga imwe ya shanga Ombibeli, owa homatekululwa.295 We shi itavela, omuholike? [Mumwatate Branham natango ta popi komumwameme ta vele—Sd.]296 Owa homatekululwa. Owe liyandja, ove oshi yodjeli. Lidikeni oilwifo iyadi yaKalunga. Amen. Otu li molwoodi. Osho Kalunga a ti osho oshili. “Ondjovo keshe yomunhu oyo oipupulu.” Uwete? Ashike diva ngaashi ove…te ku pwilikinifa koshinima shimwe, oo omukalo waye, owa homatekululwa.297 Oinima ingapi Eva e nokupwilikina? Shimwe. Ye okwa homatekululwa lela hano. Omunawii okwa ninga shike? E likombela lela momadiladilo aye, momhepo yaye, naapo ye okwa li a lundululwa. Oshi li mondjila? Ye okwa li a lundululwa lela omunute oo a homatekululwa, eshi ina itavela Ondjovo yaKalunga. Oshi li nawa. Apa otu wete omikalo daye.298 Ovakwaita vaKalunga ova lombwelwa oku “Lidika oilwifo iyadi yaKalunga.” Oshi li mondjila? [Eongalo tali ti, “Amen.”—Sd.] Paife, nge owa hala okushanga Omushangwa oo, otau hangika mOvaefeso 6:10 no13. Uwete? Otwe u lesha nale. Oo eleshelo letu. Oshi li nawa. Didilika. “Lidikeni oilwifo iyadi yaKalunga.” Natu…Omu na efimbo lominute dishona? [“Amen.”] Natu shuneni konima apa omunute ashike. Natu

40 ONDJOVO YAPOPIWA

taleni ashike kutya oilwifo iyadi yaKalunga oilipi. Oshi li nawa. Natu hoveleni povelise oni10. Paife, pwilikina nawa paife. Natu moneni oilwifo iyadi yaKalunga. “Lwaxuuninwa, ovamwatate vange…” Paife, ondi shi shii ohandi ka…Ohandi…299 Oshi li ominute omilongombali, paife ngaha, okudenga omulongonambali, ashike hanga. Ina—inandi…Inandi hala oku mu longa olule unene, nena, ashike ohandi—ohandi dulu ndi kale ashike ndi he nEtumwalaka limwe alike fiyo handi kufa amwe omalweendo ange opokwenye, ou wete.300 Ndele omu shii kutya oshike? Omu shii kutya omolwashike handi ningile ngaha? Ohandi mu lombwela. Efiku limwe onda twondjodi. Ngha li handi kei popya, ashike oi li momadiladilo ange. Ohandi dulu yo oku shi ninga, konima Omwene a pa nge omafatululo.301 Onda twondjodi kutya onda li nde lilongekida okutauluka omulonga munene, molwa oshilongatumo. Ndele paife, tete, onda li po nomwalikadi wange…302 Vangapi mu shii nale George Smith, Smith omutihamano omutivali, omu modoolopa? George Smith, olutu laye oli li meameno lopolifi apa. Ye, ohepele George, oku li ongholwe paife. Ashike ye okwa li umwe womoonakulwa dingi. Ye okwa li umwe a pange edeulo, manga nokuli ina ya koY.M.C.A. nakeshepamwe. Ye okwa kala he tu deula. Ndele okwa li a endelela, a endelela lela. Ye okwa li ashike woshiviha shopokati, sheepounda efele nomilongonhe nanhano. Ndele okwa deula nge. Nokwa li ha kala ofika, noha dulu okukufa ongonyo yaye, ngaashi ngaha, nokudenga nge lela medimo, ta yelufile nge kekuma, uwete, ashike, ndele itashi ehameke nge. Ye okwa deula nge ashike, kapa li sha ashike edeulo.303 Ndele hano onda—onda twondjodi, oufiku umwe, kutya onda mona Smith omutihamano omutivali. Paife, kasha li emoniko. Osha li ondjodi. Ndele onda mona Smith omutihamano omutivali, omunyasha mukwetu te uya kuame, monghondja. Ndele ye, omulumenhu oo mukulu, akutu, ondi wete…Ondi nomilongonhano nambali. Ye oku lihanga omilongonhano nahetatu, omilongohamano. Kapa li umwe womuvo ovanyasha ovamati ta dulu oku mu kuma, momukalo wonhumba. Ye okwe va mangela ashike medita, ngaashi ngaho, oku va nangeka ashike polukolongo noku va kwata neke laye.304 Ohandi lipula, “Oshi kumwifi.” Ohandi lipula omwalikadi wange okwa li naame, ndele onda ti, “Oshi kumwifi.” Onda ti, “Ou shii sha, Meda? Ye okwa kala omudeuli wange.” Ye okwa ti, “Ohandi—ohandi shi dimbuluka, owe shi lombwela nge.”305 Onda ti, “Eheno, omufimanekwa. Nedeulo laye liwa, onda findana omalwoodi omulongonaatano opombada, nokuefa o—ongeshefa; okuudifa Evaengeli.”


306 Ashike hano osha lunduluka, nonda li handi tauluka o—omeva. Ashike eshi nda li handi i, onda li handi i nombautu yeenghono. Onda tala komesho, ndele opa li vavali vomovamwatate vange ve li omutumba, mowato, ve lilongekida okuya pamwe naame. Onda ti, “Itamu shi dulu, ovamwatate. Huh-uh. Ondi nokuya andike.”307 Nomunambautu okwe uya po, ndele ta ti, “Apa ombautu yoye,” owato lela itoka yopulastika. Onda ti, “Naw. Huh-uh. Hasho ngaho.”308 Ye okwa ti, “Iya, oto dulu okuya nondjila ei nayo, eemaila omilongonhano motundi.” Onda ti, “Ashike ondi nokutauluka ondjila oyo.” Uwete? “Iya,” ye okwa ti, “inda novalumenhu ovo.”309 Onda ti, “Kave fi ovanambautu. Kave shii sha shawana kombinga yayo. Ova nyakukwa. Itava dulu oku u lidenga. Otava ningine ko aveshe. Itava dulu oku shi ninga.” Ndele ye okwa ti, “Ou li…oto lineekele…”310 Onda ti, “Pwilikina, ondi—ondi shii shihapu kombinga yeembautu ndi va dule, ndele itandi kendabala oku u lidenga nayo, oludi ashike loilongifo oyo.” Onda ti, “Oshi nokupula ombautu yeenghono oku u tauluka.” Onda ti, “Otashi pula shimwe shinene shi i dule.”311 Ndele onde mu mona ta lengalenga, kuumwe womovamwatate, ndele ta ti, “Ove omunambautu?” Omumwatate okwa ti, “Eheno.” Uwete? Onda ti, “Osha puka.”312 Nomunambautu okwa aluka. Okwa ti, “Handi ku lombwele eshi to ningi.” Ta ti, “Ove ku hole. Ove ku itavela. Ashike,” ta ti, “nge owa kendabala okutauluka mombautu yeenghono, otava ka kendabala oku ku shikula mowato oyo. Aveshe otava ka fya, uwete.” Ta ti, “Itava dulu ku ku shikula.” Ndele onda ti, “Iya, nandi ninge ngahelipi?”313 Nomunambautu ou koshikololo, okwa ti, “Ove shuna ko.” Ta ti, “Ope na ashike elimba limwe linini moshilongo ashishe eshi, elimba limwe linini. Ndele omuyadi oinima ihapu yokutumwa,” ta ti, “ndele otai kala apa. Otai—otai kala apa fimbo ove wa—fimbo ove wa ya. Ashike,” ta ti, “ou nokutula mo oinima.”314 Ndele onda li ashike nda tuma omaludi aeshe eembidi, nouturnipa, nouradisha, noinima, vei ndubila mo ngaashi ngaho. Hano onda penduka.315 Nghi shii kutya osha li oshike, ashike ondi shi shii paife. Uwete, otwa tula mo oinima, ovamwatate. Ei oyo onghalamwenyo oyo u nokuenda auke.316 Leo, oto dimbuluka ondjodi wa twa efimbo olo eshi we uya tete apa? [Mumwatate Leo Mercier ta ti “Amen.”—Sd.] Kombinga

42 ONDJOVO YAPOPIWA

yopiramidi, nowe lipula oto ka ya mo. Onda ti, “Leo, kape nomunhu a fika apa. Kalunga oku nokutula omunhu apa. Owa londa keshe oule wopambelela oo tau dulu ku londwa.” Onda ti, “Ove ito dulu ku uya apa, Leo. Uwete? Shuna poshi. Lombwela ashike ovanhu kutya osha dja kuKalunga.” Uwete? Uwete?317 Oshi li shimwe osho ove—ove ito dulu okulikolelela ko, ngaashi ovamwatate novamwameme, nongeleka yange nakesheshimwe, nongaashi eengeleka dikwao di li, novamwatate, keshepamwe.318 Paife, itandi kala kokule nongeleka. Umwe ta ti, “Iya, omolwashike wa ya ko novanhu ovo, ovaukwatatu ovo, aveshe ava, venya, navakwao, novaukumwe, nEdina Jesus, noinima ikwao aishe ei? Omolwashike wa lumbakanena navo, alushe?” Ova nge. Kutya nee ova ninga shike, ova nge. Ovo oshiudifilo shange.319 Eshi Israel a ninga unene owii, nafiyo Kalunga nokuli a lombwela Moses, ta ti, “Li yoolola mo. Ohandi ka tameka omunghoko upe—upe naave.”320 Moses okwe li ekela mondjila, ta ti, “Manga Ino va kufa, kufe nge.”321 Kutya nee ova ninga shike, oye ou handi mu tumu ko. Ye okwa tuma Ouyelele, ha kuminikila opo pe nOuyelele. Opo pe nomilaulu, opo po Ouyelele wapo. Ndele ou nokuikilila ovanhu. Ou nokufikama pamwe navo, shihena ko, ou na okuya, momapuko avo.322 Israel okwa li a puka a puka ngaashi ta dulu ku kala. Ova li va puka unene fiyo Kalunga te va efa. Ashike, Moses, onda kumwa alushe nhumbi she uya, ashike Omhepo yaKristus oya li muMoses. Uwete?323 Uwete? Atushe otwa puka. Ye okwe tu fikamena po atushe eshi twa li mepuko letu.324 Kashi nombudi ova puka ngahelipi, inatu ongaleni ile tuhahanganeni fyevene nakesheshimwe. Shama ashike hatu dulu okulikola omwenyo, natu ye i mo, “twa lungama ngaashi eyoka, ngaashi onghuti tu he na oshipo,” uwete, nokukendabala okulikola keshe omwenyo oo hatu dulu.325 Paife, eshi osho handi popi ongula ei, osho okutuvikila Oikulya. Okutuvikila Oikulya, opo u kale u na sha shokulya, opo u kale u na sha shokutyapula. Oto Shi kufa mouteipa voye. Kala omutumba momudile wonduda. Pamwe, ngeenge ndi li kokule, oto ka dimbuluka oinima ei kutya oyoshili. Kala omutumba monduda yoye nokupwilikina. Uwete? Ndele ei oyo Oikulya, ya tuvikilwa mo, melimba. Nghi shii olweendo opo li li. Ashike, keshe opo li li, Ye oku shii oku Ye ta wilikile; nghi shi shii. Onda shikula ashike.326 Paife, Ye ota ti shike paife apa? Pwilikina nawa.


Lwaxuuninwa, ovamwatate vange, lipamekeni mOmwene, nomeenghono domepangelonghono laye.

…lipamekeni…meenghono domepangelonghono laye.

Lidikeni oilwifo aishe yaKalunga, opo mu dule okufikamena omakonda aeshe omunawii.

Osheshi fye ihatu lwifa ombelela nohonde,… Okuumba eeholo nokuteta neembele, uwete, hasho ngaho.

…ndelenee oovene, neenghono, novapangeli vo…milaulu vounyuni ou,…

327 “Ovapangeli vomilaulu.” Olyelye ta pangele ounyuni? Omunawii. Lelalela. Olyelye oinima aishe ei tai twikile, oinima youhenakalunga aishe ei tai twikile, okuya apeshe apa, nomapangelo aeshe aa, nosho tuu? Ashishe omunawii. Ombibeli osho ya ti. Omunawii ota kondolola mOmapangelo Ahangana. Omanawii ota kondolola Ondowishi. Omunawii ota kondolola keshe oshiwana mounyuni. Ohandi uya kusho, mominute dishona, ndele hatu mono mo ngee osho ta ningi, ile hasho. Ngee…Keshe ouhamba wa li ko notau ka kala ko, nafiyo Kalunga ta diki po ouhamba Waye, otau kondololwa komunawii.328 Inandi hala okutya keshe umwe e li muo oye omunawii, paife. Ope na ovalumenhu ovatilikalunga me—meembelewa depangelo.329 Otapa ka kala umwe apa momaufiku mashona, apa ngaha, okuulika efano apa naMumwatate Arganbright, ponhele apa. Ye okwa kala omunadipolomate konya ovapresidente vatano va yooloka, Mumwatate Rowe. Ndele ye o…Ye ota ka kala apa, handi lidiladila osho konyala oshivike oshitivali muApilili. Mumwatate Neville ote shi shiivifa. Ndele ye omulumenhu muwa unene.330 Ye okwa ti oha dulu okupopya momalaka ahetatu a yooloka, nda itavela. Ashike eshi a tambula Omhepo Iyapuki, ke na elaka ta dulu okupopya nOmwene, onghee Omwene okwe mu pa limwe, okwa ti, onghee okwa popya naYe naalo. E mu pa limwe lipe, olo ina kendabala nale. Oshi li nawa.

…owii wopamhepo mevalelwa.Onghee hano…

331 Paife pwilikina, nye ovakwaita paife, manga ashike inatu tameka omukweyo weilikaneno.

…tambuleni yeni…mbuleni (a-i-s-h-e) aishe (kashi fi oshitopolwa shayo)…oilwifo aishe yaKalunga, opo mu dule okulipopila mefiku lii,…

Olo efiku tu li mo.…nokukala mwa longa aishe, okufikama.

44 ONDJOVO YAPOPIWA

Fikama…332 Amen. U shi udite? Uwete, omuholike? [Mumwatate Branham natango ta popi komumwameme ta vele—Sd.] Ngeenge owa longa aishe to dulu, okufikama, hano fikama. Ino linyenga.

Hano kaleni ofika, noiya yeni…333 Pwilikina kuashi. Pwilikina apa, kutya eshi oshike. “Oiya yeni.” Osho oshitopolwa shoye shopokati, apa, uwete.

…ya mangwa noshili,…334 Oshili oshike? Ondjovo yaKalunga. Oshi li mondjila. “Ondjovo Yoye oyo Oshili.” Oshi li nawa.

…nokudjala ponhulo oipapa yoivela youyuki;335 Osho, “Ninga eshi shi li mondjila.” Ou na Ondjovo yaKalunga muove, tai longo eshi shi li mondjila. “Oshipapa shoshivela shouyuki.”

Neenghaku keemhadi deni nelilongekido levaengeli lombili;

336 Inda keshepamwe, keshe onhele, keshe efimbo, eenghaku keemhadi nEvaengeli. Uwete? Ndele tala:

Muaishe, muaishe yasho, kwateni oshikelelifo sheitavelo,…

337 Osho shimwe osho hashi denge ko oikuti, uwete, “Oshikelelifo sheitavelo.”

…mu dule okudima po nasho oikuti yaxwama omundilo yomunawii.

Ndele tambuleni embale loshivela lexupifo,…338 Oo omwenyo…Omadiladilo—omadiladilo, omu apa, omutwe; a tuvikila omutwe.

…ne—neongamukonda lOmhepo, nokutya eendjovo daKalunga:

339 Ongahelipi to ka pitika embale eli loshivela, otali longo shike? Olo eameno. Embale loshivela ola longwa moshike? Oshivela shitwima. Oshivela shitwima ihashi dulu nokuli okuhongaulwa; shi kukutu, shi kukutulela shi dule oshivela. Oshivela shitwima oshipambu shokomutwe, (oshike?) exupifo, eshiivo loku shi shiiva, “Neveluko lange ola dja kuKalunga. Exupifo lange ola dja kuKalunga. Eeshiivo lange ola fa Ondjovo Yaye, kali fi ediladilo longeleka; Ondjovo!” Amen. Oove ngaho. Wa tuvikililwa po, neameno, embale loshivela lexupifo, emangululo. Li kufa, hano inda nyanyela komesho. Akutu, paife, paife osho twa wana okuninga. Etanga lovakwaita laSatana…340 Paife tala, paife, fye…Ondi na ashike okuendelela, ashike ondi—ondi na oku shi tula mo.


341 Etanga lovakwaita laSatana ola eta omikifi. Osho osho Satana e li, ye omuhanauni. Satana, ouhamba aushe waSatana, oo ouvela, efyo, noluhodi, nomaudifo onai, nelipulapulo, ashishe okuSatana. Kalunga oye Omwenyo, eitavelo, ehafo, ombili, luapa. Uwete?342 Paife, odo eenghono mbali dinene odo tadi uya kumwe paife ngaha. Otadi lu. Otadi lu paife apa metungo pife ngaha. Oda lwa, efiku nefiku, naave, keshe eenghono.343 Satana, okwe ku shikula apeshe, osho shinene, shakula, pauhamba, paupristeli Goljat ota kendabala okutilifa exuli kudja muove. Oye ngaha, ashike Kalunga…344 Owa amenwa, amen, nEvaengeli, nOndjovo yOshili ya dingilila oshiya shoye. Efimano! Muudifi, osho shi li ngaho. Embale loshivela lexupifo; oshikelelifo sheitavelo; nEongamukonda, Li dungadunga meke loye! “Satana, ohandi ku shakeneke. Oto shakeneke nge medina lounongononi. Oto shakeneke nge medina lo—longhulunghedi. Oto shakeneke nge medina lehangano. Oto shakeneke nge medina laashi, shinya, ile shikwao. Ashike ohandi ku shakeneke mEdina lOmwene Kalunga kaIsrael. Ohandi ku lambalala. Yandja ondjila!” Nande efyo lovene itali dulu ku fikama po. Shashala ombululu lela mulo. Oshi li mondjila.345 Etanga lovakwaita laSatana ola eta omikifi, netanga lovakwaita laKalunga ola tumwa oku di ta mo. Amen. Oove ngaho. Efimbo keshe Satana ta ekele ko sha, kuove, etanga lovakwaita laKalunga otali mu te mo. Amen. Tali te mo!346 Oo lela omukalo oo Kalunga a longifa. Satana okwa longifa etanga lovakwaita lokuhanauna, okuhaitavela Ondjovo yaKalunga, noku mu tulila po ouhamba u li xwepo u dule Mikael a li e na, ndele Kalunga te mu te mo.347 Omukalo waKalunga, oo, okuta mo owii. Okuta mo okutomela. Okuta mo ondjongo. Okuta mo elipulapulo. Okuta mo omikifi. Okuta mo oulunde. Amen. Ou li pombada yasho, wa nyumuka muKristus Jesus, u li omutumba meenhele Enghwaulu, nakeshe omunawii koshi yomhadi yoye. Nge okwa tameke okutwa mo omutwe waye, oshike…348 Ou shi shii, owa fya. Omwenyo woye owa holekwa. Oshike sha fya? Owa fya ko komaliudo oye. Owa fya ko komaliudo pamadiladilo oye. Ehalo loye mwene lopaunhu otali ti, “Eheno, ondi wete onda…” Wa fya ko kokutomela kwoye. Wa fya ko koinima aishe oyo. Nowa pakwa mEdina laJesus Kristus; nokunyumuka pamwe naYe. Nakeshe opo Ye e li, opo yo u li.349 Oshike sha ningwa po eshi vo, umwe womuvo ovalimbililwa, a ya mEulu? Kalunga okwe mu fanga mo. Ndele Ye okwa ti shike kovakwaita ovo va nyumuka

46 ONDJOVO YAPOPIWA

muKristus? “Ngeenge omunawii te uya, mu fanga mo. Mu ta mo.” Eshi Jesus a deula etanga lovakwaita Laye, nokuva tuma kominghulo dounyuni, “Indeni nounyuni aushe, udifeni Evaengeli kovashitwa aveshe. Ou ta itavele ndele ta shashwa oye ta xupifwa; ou ita itavele ota tokolelwa ekano. Noilongadidiliko ei tai shikula ovaitaveli, ovakwaita Vange. MEdina Lange otava te mo eendemoni; tava popi omalaka mape; tava kwata omayoka, ile tava nu oudiyo, itau va ningi sha; nge tava tenheke omake avo kovanaudu, otava veluka.”

Komesho, ovakwaita Ovakriste!Tava nyanyele koita,Nomushiyakano waJesusU li komesho.

350 “Ame onda valelwa pamwe naYe, hano nee ondi nomwenyo; haame ndi nomwenyo, ashike Oye ou e li muame.” Ondjovo otai twikile, komesho, Kalunga ta tetaulileshi, nEongamukonda Laye leememo keembinga mbali.351 Hano, kape nonghumwe, eshi Grant a kufa Richmond, nomukainhu munini oo wokolukadi a mona Grant te uya mo, etwomukumo ole mu hanga. Ndele ye okwa ti:

Omesho ange okwa mona oshinge sheuyo lOmwene;

Ye ota lyataula omaviinyu opo eevinyu da tuvikililwa ehandu;

Ye okwa efa oushelu vatilifi neongamukonda Laye lidjuu tali vavala;

Omatanga Aye otaa nyanyele ko.352 Amen. Ongahelipi Grant a kufa Richmond? Ngaashi ashike e uya kusho. Amen. Osho a kufa Richmond.353 Osho ovakwaita vaKalunga va kufa oulunde, ouvela; ngaashi ashike ve uya kuo. Amen. Oo omukalo va finda omalimbililo avo, nomautile, naikwao. Eshi umwe a yambuka, ove mu shashala po. “Dja mo mondjila!” Akutu, ame! Osho ngaho. Kalunga okwe va ta mo, ngaashi Ye a ninga mEulu. Elenga Ekulunhu letu ole tu ulikila nhumbi sha longwa. Amen.354 Roy Roberson naMumwatate Funk, vahapu vomunye oonakulwa vakulu apa, omu shi shii kutya ondjai yolela oshike.355 Oshikando shimwe onda…oshikandjo shomundilo eshi shinini shaJeffersonville lwaapa. Onhele yaPfau oya kwata omundilo. Naapa opa li oshikandjo shomundilo shaJeffersonville sha fikama ko, nondjai tai endauka, tai ti, “Shamineni omeva manini apa.” “Sp-sp-sp-sp,” ngaashi omunino munini lwaako. Ope uya Clarksville apa, “Shamineni omeva manini apa.” “Sp-sp-sp.” Etungo laPfau ola pya po.356 Ova ifana Louisville. Ope uya ovalumenhu va deulwa. Akutu, eembeda odo oda denga ko ngahelipi!


357 Naapa elenga ekulunhu lwaapa, loshikandjo shomundilo eshi, tali ti, “Shamineni omeva manini lela apa. Shamineni omeva manini kuya apa.” Ovalumenhu inava deulwa.358 Mumwatate, diva ngaashi oindjina ya kanghama, olyelye a li komutwe womhani? Elenga. Eshi omhani oyo ya ya pombada, ye okwa ya nayo. Eshi ye a hanga ekende, ye ina ya kekende natango. Ye okwa vakula ekuva laye noku li ekela mekende, ndele ta ti, “Ileni, vamati.” Nomundilo owa yaka, mominute dishona. Elenga!359 Kashi fi elenga, tali ti, “Shamineni omeva manini apa, Kendabaleni kanini apa.”360 Ashike, “Ileni, vamati!” Amen. Ye okwa wilika ondjila. Ye okwe tu ulikila nhumbi tashi ningwa.361 Onde lipula, “Oshikandjo shomundilo osho sha deulikika, ova dima omundilo oo mominute dishona.” Omolwashike? Ove na ko elenga olo li shii osho tali ningi.362 Mumwatate, popya kombinga youteolohi woye aushe wa hala. Omaukwaongalo oye opaunhu, omahangano oye, danauka nao. Ondi na Elenga Ekulunhu olo la lombwela nge osho ndi nokuninga. Ta ti, “Iya, nge handi shi nyika, ndi shi ude.” Akutu, oulayi!363 Apa osho omukalo Elenga Ekulunhu la ti nashi longwe, muLukas ekapiteli eti4. Nghi nefimbo oku li lesha. Li lesha, ovemwene. Oshi li nawa. Lukas ekapite eti4, hovela povelise yo1.364 Ye ina tya nande, “Paife ohandi ku lombwele. Ila lwa apa ndele to ningi ehangano linene. Ove kufa ovakulunhu, novadiakoni, ndele, ile kufa ovakaldinale, novabisofi, ndele to kufa ngaha.” Ye ine shi tya nande.365 Eshi Satana e Mu shakeneka, okwa ti, “Paife Owa fyondjala. Shitukifa omamanya aa omingome.” Ye okwa ti, “Opa shangwa…”366 Ye okwa ti, “Pombada apa, ohatu Ku twala pombada apa noku Ku ulikila sha.” “Ashike opa shangwa…” “Ohandi ningi ngaha, nge Owe shi ningi.” “Opa shangwa…”367 Osho nee Elenga Ekulunhu la ti osha longwa. Osha longwa ngahelipi, mumwameme? “Opa shangwa, ‘Nge tava tenheke omake avo kovanaudu, otava veluka.’” “Opa shangwa, ‘MEdina Lange otava te mo eendemoni.’” Amen. Oshi kwashike? “Opa shangwa!” Olo elombwelo lOmukulunhu. “Opa shangwa, ‘Keshe tuu ou ta udu Eendjovo Dange ndele

48 ONDJOVO YAPOPIWA

ta itavele muOu a tuma Nge, oku nOmwenyo Waalushe.’ Opa shangwa! Opa shangwa! Opa shangwa!” Olo e—olo elombwelo. Oo omukwaita. Oo omukalo. Oyo oatilali twa tula pombada.368 Okwa ninga shike? Ye okwa ya ko lela, kuGoljat. Ye okwa ulika…David okwa ulikila ngahelipi etanga lovakwaita nhumbi sha longwa? David okwa ulikila ngahelipi Israel nhumbi sha longwa? David tashi ti, “omuholike, omuxupifi.” Uwete? David okwe shi ninga ngahelipi? Ye okwa ti, “Apa omukalo sha longwa. Li neekeleni mOndjovo yOmwene.”369 Ndele Goljat okwa dja ko, ta ti, “Ou shii kutya oshike? Ohandi ku tula koxulo yeonga eli, ndele handi ku palula keedila.”370 Ye okwa ti, “Oto shakeneke nge onga ehangano. Oto shakeneke ge onga omunongononi womoode. Oto shakeneke nge neongamukonda loye linene lakula lomanha omulongonanhe. Oto shakeneke nge nembale loshivela shitwima, noshipambu shoshikelelifo osho itandi dulu nokuli okuyelufa pedu. Oto shakeneke nge onga ependafule la deulwa. Oto shakeneke nge noPh.D, noL.L.D. noL.D. ya daabulwa. Oto shakeneke nge moinima aishe ei. Ashike onde uya mEdina lOmwene Kalunga kaIsrael, ndele nena ohandi tete omutwe woye komapepe oye.” Amen. Oko kanini ke uya ka lwife omutongolume oo, ashike oku shii apa a fikama.

Israel, ta kakama konima oko, “Akutu, ohepele mukwetu munini.”

Goljat ta ti, “Ohandi ku ulikile nhumbi handi ningi.” Naapa okwe uya.371 Ye oku na e-i-t-a-v-e-l-o, uwete, m-u J-e-s-u-s, omamanya atano, oumanya vatano. Okamanya kamwe kanini mwinya, oku ka tamekifa. E ka dungadunga ngaashi ngaha, Omhepo Iyapuki oya kwata emanya, nola ya. Goljat okwa ongotela poshi. Oo omukalo sha longwa.372 Oo omukalo Jesus a ti, osho Ye a ti. “Paife, nge nye ovamwatate ovo tamu i mepya, nge omwa hala okushiiva nhumbi mu nokufinda eendemoni edi, Ohandi mu ulikile nhumbi sha longwa.”373 Satana ta ti, “Ohandi ku shakeneke.” Goljat, “Ohandi Ku ulikile osho handi dulu ku ninga. Owa fyondjala. Nge Ove Omona waKalunga, ohandi Ku palamene. Owa ti Ove Omona waKalunga. Ohandi Ku palamene. Nge Ove Omona waKalunga, shitukifa omamanya aa omungome. Lya; Owa fyondjala. Ndele nge Ove Omona waKalunga, Ou neenghono oku shi ninga.”374 Ye okwa ti, “Ashike opa shangwa, paife, ‘Omunhu ita kala nomwenyo komungome auke.’” Akutu, oo omukalo Elenga Ekulunhu le shi ninga.


Okwe Mu twala koxulo yotembeli. Ye okwa ti, “Nge Owa nhukile Ovemwene poshi,” ta ti, “Ou shi shii opa shangwa yo…”375 Ta ti, “Heeno.” Ta ti, “Opa shangwa, natango, ‘Ino yeleka Omwene Kalunga koye.’” Uwete osho Ye te li ti Yemwene? “Omwene Kalunga koye.” Uh-huh. “‘Ino yeleka Omwene Kalunga koye,’ opa shangwa, natango, ngaho.” Uwete? Akutu, ame!376 Oshike Ye a ninga? Ye okwe mu finda, nOndjovo yaKalunga. Omukalo womunawii oku ku ninga uha itavele Ondjovo yaKalunga. Ndele Elenga Ekulunhu ola ti, “Kufa Ondjovo yaKalunga noku Shi ninga. MEdina Lange otava te mo eendemoni.”377 Akutu, Satana, elenga ekulunhu lavo, akutu, heeno, ou shi shii, amwe omaukwaongalo aa taa kendabala oku ku itavelifa e nekondo lokapani, ou shi shii, nomushila wefungu, noshinima aishe osho. Ino shi itavela. Ye keli ngaho. Ahawe, omufimanekwa, mumwatate. Ye omukengeleledi. Ino itavela a tya ngaho. Ohave shi ningi ashike oku ku tilifa. Oo kefi omunawii. Omunawii ke nekondo, okuhovelifa; onde shi limbililwa unene. Ye omhepo ashike. Omunawii oye omhepo. Ye ke nomakondo okapani naikwao, ngaashi to kendabala oku mu faneka. Ahawe, ahawe.378 Ashike, ye okwa lungama. Mumwatate, ye omunhu lela a lungama, a longwa koshitwa, alushe okwa kala, mounongo wopaunyuni. Akutu, heeno. Ye omuwa. A unganeka etanga lovakwaita laye nounongo wopaunyuni, fiyo, mumwatate, ino kendabala oku—kendabala okupopya eendjovo doye. Xwepo u shiive eshi to popi ngeenge wa shakeneke umwe womovanhu ava, tava ti, “Omafiku oikumifilonga okwa xula.” Ahawe, ye ke ne—ye ke nekondo lokapani. Ye okwa, akutu, ye okwa—ye okwa—ye okwa dja lela moseminali. Ye okwa pushwa, mumwatate. Ndi tye, ye okwa fewa, Ph.D., L.L.D., Q.U.S.T., naaishe yaxupa ko yasho. Uwete? Aishe mwinya, ye okwa lungama ngaashi tashi dulika. A lungama, shoshili, ye eyoka, omuvambeli e dule aveshe. Eexwiki da edjelela, mumwatate, ndele, ndi tye, a djala, nokape nongonyoto mondjafa. A lungama ngaashi, a lungama ashike nokulungudja ngaashi ta dulu ku kala. Oshi li mondjila.379 Ino danauka naye kakele u shii eshi to popi. Oshi li mondjila. Akutu, ashike otu shii omikalo daye dikulu—daye dikulu. Otu shii eshi ye ta kendabala okuninga: oku tu ninga tu haitavele Ondjovo yaKalunga.380 Ndele ye ke nomakondo okapani. Ahawe, ahawe, ahawe. Paife, otwa mona mo kutya nge ke nomakondo okapani, hano oku na okukala shimwe shilili. Ye omukengeleledi. Ounongo waye, a longwa, a unganekwa. Mumwatate, ye oku netanga lovakwaita laye ngaho.

50 ONDJOVO YAPOPIWA

381 Tala, oshikando shimwe, mwinya moSwitzerland. Inandi mona onhele okukanghama, omaufita. Ope na o—o…Mwinya moSwitzerland, omwe uya etanga lovakwaita laNdowishi, tali nya-…novanailongo tave uya mo. Omolwashike, tali monika lafa ekuma leedopi; keshe omulumenhu a deulwa, keshe eonga lapita mo ngaashi ngaha, hetatu ile eenghatu omulongo komesho. Ndele ove uya fiyo okohepele inini Omuswitzerland kwinya, ova li ve na shike? Ova li va homata no—noikashulifo yavo yeememo, eedibo nomamanya, naapo ova fikama. Ove va kondeka. Koshikulundudu oko kwa li omaumbo avo. Apa etanga lovakwaita lOvaswitzerland la ya oku va shakeneka. Inave va ninga sha. Ove uya mo nokukufa edu lavo.382 Okaana aka oka longa shike mounyuni, okaana ashike? Satana, osho e li ngaho, te ka kufa omwenyo wako nge ta dulu. Lelalela. Oko ngaho; inaka shushuka. Uwete?383 Ovaswitzerland inava ninga sha. Ova li ovanhu vawa. Ova li tava kendabala okuamena omaumbo avo, ashike ova fikama okuamena. Konima yefimbo, opa li umwe wedina Arnold von Winkelried. Ope uya etanga lovakwaita eli. Aveshe ova li vadingililwa. Tava ti, “Oshike hatu dulu ku ninga?”384 Keshepamwe, omafuta ashike ovalumenhu, va deulikika. Oo omukalo Satana heshi ningi. Va deulikika, eonga laye lauluka mo, keshe omulumenhu monghatu; imwe, mbali; imwe, mbali; te lishilile metanga lovakwaita eli linini. Tava twikile ashike—ashike okuenda, osho ashike ve nokuninga, noku va toola, keshe umwe, komaongamukonda. Omaonga tae va djuuka. Ngeno osha xulifa po etanga lovakwaita lOvaswitzerland. Ngeno opuwo ngaho. Koshikulundudu kwinya okwa li omaumbo avo novaholike vavo. Ovakainhu vavo va fininikwa nokukwatwa onghonga, novanakadona vavo ovanyasha, nounona va dipawa, nomaumbo okwa pya po, nakesheshimwe, oikulya ya kufwa po, eengobe naikwao, ya ya. Opo va li.385 Oshike sha ningwa po? Etwomukumo ola kwata umwe wedina Arnold von Winkelried. Ye okwa ti, “Valumenhu vaSwitzerland, efiku eli ohandi file Switzerland.” Amen. “Efiku eli ohandi file Switzerland.” Ova ti, “Oto ningi shike?”386 Ye okwa ti, “Nye shikulei nge ashike nokulwa naashishe mu kwete.” Ye okwa fikama po; a ekela poshi eonga laye, odibo inini ya li meke laye, ngaashi ngaho. Nokuingida, nomake aye pombada, ngaashi ngaho, nokulotokela ko, ta ingida, “Paleni ondjila yemanguluko!” Ta lotoka ngaashi ta dulu kuya, a yukilila etanga lovakwaita. Ndele, eshi e shi ninga, ye okwa vakula keshe limwe lomomaonga olo ta dulu, noku e li twa monhulo yaye ngaashi ngaho, nokufya.387 Ye okwe va lombwela, manga ina ya. Ta ti, “Ope na eumbo linini kwinya, omwalikadi nouhanana ovo ame handi fiye po,


eumbo linini olo nda landa.” Ndele ta ti, “Ondi—ondi va hole, ashike, nena, ohandi file Switzerland. Ye okwa pa nge…” Ye okwa ti, “Ohandi yandje omwenyo wange okuxupifa oshiwana.” Ndele oo okwa li ependa. Inava kala vali noita okudja opo. Osho, oshe shi xulifa po.388 Osha finda etanga lovakwaita olo, noupendafule oo wa ulikwa, fiyo kapa li…E—etanga lovakwaita ola li langwangwana unene. Ovaswitzerland ve va kupula omamanya, noku va taata mo moshilongo shavo; noi nava aluka vali. Osha kala omido omafele apita. Uwete? Omolwashike? Osha li oshilonga shinene.389 Ashike, akutu, mumwatate, efiku limwe, eshi okuheneshiivo, eendjongo, elimbililo, omaudifo nai, omaumbada, a kondekela ovanhu vaKalunga mokolonela. Opa li Umwe wedina Jesus Kristus, “Efiku eli Ohandi file ovanhu.” Oshi li mondjila.390 Okwa ti shike ketanga laye lovakwaita? “Shikulei nge nokulwa nakeshe shimwe mu kwete. Nge ou kwete onghwalute, lwa nonghwalute. Ino tila. U kwete odibo, lwa nodibo. U kwete emanya, lwa nemanya, keshe osho u kwete.”391 Eshi osho Elenga Ekulunhu letu tali ti nena. “Onda kufa Ondjovo yaKalunga, nOnda finda omunawii neenghono daye.” Ye okwe mu shashala nai unene, amen, nOndjovo oyo. Paife, keshe osho u kwete, nge ou kwete Ondjovo imwe, “Omwene Kalunga koye ou te ku velula,” mu shashala. Shikula. Amen, Shikula Omukulunhu wetu. Eheno, omufimanekwa. Ye okwe mu shashala po.392 Satana, nowaye wakula, omauhamba mawa, nomauwa mahapu, nakeshe shimwe, aishe yopefimbo. Kai nasha nafye. Oshi li mondjila. Ye natango okwa lungama e dule oifitukuti aishe yomoixwa. Eheno, omufimanekwa. Jesus okwa ti kutya ovana vounyuni ou ova kotoka ve dule ovana vOuhamba waKalunga.393 Paife, eenhamanana edi mbali dinene. Ohatu i…Ondi na…ndi nokupata. Eenhamanana edi mbali dinene otadi ya kumwe paife ngaha. Paife ngaha oyo otundi eshi ouvela noinima ya hanga ounyuni, fiyo ounongononi wopaunamiti wa nyengwa, nakeshe shimwe sha nyengwa. Kape na sha, ndele—ndele ashike ohatu…Netanga lovakwaita, etanga lovakwaita linini laKalunga, oli li la kondekelwa mokolonela nakeshe shimwe. Mumwatate, oshi li efimbo laArnold von Winkelried mukwao. Oshi li efimbo, efimbo lomulumenhu waKalunga mukwao a fikame komesho. Olo efimbo laElia a holoke. Olo efimbo lashimwe shi kufe ombinga.394 Etanga lovakwaita laKalunga, pata omadiladilo oye. Ino kanghama omunute, okudiladila sha shomunawii e kwete oku ku pa momaliudo oye. Ashike dimbuluka, Ondjovo yaKalunga itai dulu ku dopa.

52 ONDJOVO YAPOPIWA

395 Omatanga ovakwaita avali aa manene! Eshi omutondi e uya mo a fa efundja, ngaashi te uya nena, Kalunga okwa ti Ye ota ningi shike? “Omhepo yaKalunga otai fikama okushi lwifa.” Oove umwe womuvo? Eheno, omufimanekwa.396 Otwa longwa muJakob 4:7…Nghi nefimbo oku di lesha. Jakob 4:7, oku, “Kondjifeni omunawii, ndele,” ita i kokule, ashike, “otai onhapo.” “Kondjifeni omunawii.” Oto mu lwifa ngahelipi omunawii? Omukalo welifa Elenga Ekulunhu letu le tu lombwela tu shi ninge. Kufa Ondjovo yaKalunga. Osho ngaho to lwifa omunawii, paNdjovo yaKalunga. Elenga Ekulunhu ole tu lombwela nhumbi sha longwa. Oshi li nawa.397 Paife, mokupata, onda hala okutya ngaha. Omunawii mukulu oo, paife, oto lipula ye omunahoni. Oto lipula ota ponokele okaana? Ota ponokele kesheshimwe. Ye okwa ponokela Jesus Kristus. Ye okwe uya kuYe, nomaponokelo atatu omombuwa. Ou shi shii osho? Satana ina ponokela ashike lumwe aluke. Ote ku ponokele nomukifi, hano apa ota aluka noku ku ponokela, te ku lombwele, “Omafiku oikumifilonga okwa xula. Ino veluka. Kape na sha kuYo.” Ou shi kutya oshi li mondjila?398 Ye okwa ponokela Jesus oikando itatu. Omaponokelo atatu omombuwa, okwa lotokela mo kuJesus, nokuhaitavela kwaye mOndjovo yaKalunga. Jesus okwa li Ondjovo. Shoshili, ye ine shi itavela. “Nge Ove ou li…Nge Ove ou li…” Apa okwe uya, omaponokelo omombuwa, ngaashi omafimbo amwe omutondi nena. Apa ove uya, tava ti, “Nge Ove ou li Omona waKalunga, u likile nge oshikumifilonga. Nandi mone sha longwa.” Mumwatate, omaponokelo atatu omombuwa a tukila mo, “Nge Ove…Nge Ove ou li…”399 Paife, Jesus okwa ninga shike? Jesus okwa li Ondjovo yaKalunga. Ye okwa li Ondjovo. Ye okwa ponokela Ondjovo. Efimano! Oha—ohandi kala ashike…ndi udite ashike nawa, okuudifa paife, oshili ondi li. Oshi li mondjila. Jesus oye Ondjovo. “Pehovelo opa li Ondjovo, nOndjovo oya kala puKalunga, nOndjovo oya li Kalunga. NOndjovo oya kala, ya ninga omunhu, nokukala…” Jesus okwa li Ondjovo. Ye okwa ninga shike? Ye okwe mu teta nai unene. Akutu, ame! Ohandi efa po. Jesus okwa ninga shike? Ye okwa li Ondjovo. Onghee, nOndjovo, Ye okwa teta Satana momaponokelo aye omombuwa. Ye okwa tukila mo a fa onduba yopara-, omatanga oshikungulu, ile sha shikwao shatya ngaho, a tukila mo kuJesus, Ondjovo, shatya ngaho. Ndele Jesus okwa kufa Ondjovo oyo, noku mu timbaula moipambu. Halleluya! Shoshili, okwe mu timbaula moipambu, e mu finda nOndjovo.400 Uwete eponokelo laye? Tala, pwilikina nawa, okupatako oku. Eponokelo laye oshike? Okuhaitavela Ondjovo yaKalunga, olo eponokelo laye. Opo, ku wete olwoodi linenenene la luwa? Ope na ashike eenghono mbali; Satana


naKalunga. Ndele oshilwifo shilipi shaSatana shi ku li omhinge? Osho okukendabala oku ku ninga u haitavele Oshilwifo shoye. Ye okwe ku homatekulula. Natu—natu pwilikineni lela twamwena paife. Pwilikineni. Nge okwe ku ninga u ha itavele Oshilwifo shoye oshifike pamwe, nge okwe ku ninga u itavele kutya Oshilwifo shoye kashi neenghono da wana, okwe ku homatekulula.401 Akutu, Mumwatate Neville, onde lineekela itatu shi efa nande. [Mumwatate Neville ta ti, “Onde lineekela ndele inandi ilikana.”—Sd.]402 Tala. Ye okwe ku homatekulula eshi e ku ninga u ha itavele Oshilwifo osho. Nge owe Shi yeeke, osha mana olwoodi loye. Owa mana. Diinina Oshilwifo osho. Ino Shi yeeka. Otu wete okuhaitavela kwaye. Natu…

Oshinima shimwe nda hala okupopya paife, momunute.403 Russia. Onda hala okupopya ngaha molwouwa woonakulwa vakulu, nosho tuu, apa, nanye ovalilongi vOmbibeli. Otamu tanguna shike nokuingida kombinga yaRussia? Huh! Inamu uda nge handi mu lombwele mu tunge oshikandekifo shoboma, omwa uda nge? Otamu tanguna shike kombinga yaRussia? Russia kefi sha. Itava ka findana oita. Itava ka kwata ko ounyuni. Oucomunisi itau ka kwata ko ounyuni. Oupyakadi washike u novanhu? Ondjovo yaKalunga ohai dopa?404 Pwilikineni, eshi omokateipa paife. Kounyuni, handi popi, ile keshe tuu opo outeipa ava tava i. Nokunye ovanhu apa, kashi nombudi keshe osho sha ningilwa nge, nye shi itaveleni.405 Russia, oucomunisi, itau kwata ko sha. Ondjovo yaKalunga ihai dopa. Ouromanisi otau ka kwata ko ounyuni.406 Natu kufeni emoniko laDaniel. Oyo Ondjovo yaKalunga, “Ove, O Daniel…” “Ove, O Ohamba Nebukadnesar, eshi omutwe woshingoldo,” Babel. “Ouhamba ukwao otau ku umbu ko, oo u li oshisilver,” uwete, oo wa li Ovamedia nOvapersia. Ukwao owa li Greek, Alexander Munene. Washikula, weu ya mo, Roma. Ndele kapa li sha shapopiwa kombinga youcomunisi. Roma okwa kwata ko ounyuni.407 Jesus Kristus okwa dalelwa mouhamba Wouroma, noku hepekwa, oshikando Shaye shotete e uya oku, pauhamba Wouroma. Ndele mOshivilo Shaye shitivali, Okuuya paife, Etumwalaka Laye otali hepekwa komaukwaongalo Ouroma, ou e li ina yaeshe omuo. Ndele eshi Ye ta aluka, Ye ota alukile okukomba po ouhamba Wouroma oo, opo Ovajuda veli alushe ve Mu teelela e uye nokukomba po ouhamba Wouroma.408 Oukwangudu waKatoolika nomaukwaongalo aeshe mounyuni, paife ngaha otae uya kumwe onga ehangano, ehanganifo leengeleka tadi li unganeke dovene kumwe. Kashi

54 ONDJOVO YAPOPIWA

fi Russia. O Roma. OMWENE OSHO TA TI. Heeno. U likile nge Omushangwa apa oucomunisi, ile kesheshimwe shilili ponho yaRoma, tashi pangele.409 Ovamedia nOvapresia ova umba ko Nebukadnesar? Lelalela. Greek okwe va umba ko? Heeno. Roma okwe va kwata ko, okudja ko? Osha topokela meenghono omulongo Ottoman ngaashi tu na paife? Osha…410 Eisenhower, osho tashi ti “oshivela.” Khrushchev tashi ti “onhata.” Ove na oshiongalele shavo apa ngaha? Ndele Khrushchev okwa kufa ko eenghaku daye. [Mumwatate Branham ta konghola koshiudifilo—Sd.] Okushi yelifa, kupatulula oshinima, kudenga poshitaafula, ngaashi ngaho, okuulikila ovanhu. [Mumwatate Branham ta konghola koshiudifilo.]411 Iya, oupyakadi washike movanhu nena? Eitavelo ola ya peni? Omolwashike, inamu itavela Ondjovo yaKalunga oyo Oshili? [Eongalo tali ti, “Amen.”—Sd.] Noshinima osho kashi mo Omu. Oupyakadi washike movaudifi nena? “Oucomunisi!” Keshe omuudifi oku li po ta kendabala okulwifa oucomunisi. Oucomunisi, kau fi sha!412 Oshinima, omunawii ote shi lapele lela koshi yeyulu loye, ndele ku shi shii; osho Ouromanisi, oukwaongaloelela. Ndele Roma oye ina yomaukwaongalo. Ombibeli oya ti, “Ye ombwada, novanakadona vaye ova li eembwada,” omhinge naKalunga, omhinge nOndjovo Yaye.413 Vakwaita, toolei po Ondjovo. Vaengeli vonghenda, kaleni nOndjovo oyo. Ohandi kana efiku limwe, ashike Ondjovo eyi itai kana. Ndele nye vanyasha, nge inashi ningwa mepupi lange, otamu ke shi mona. Osho ngaho.414 Omwa uda eenghundana ongula ei? Omufimanekwa. Kennedy ta i, aka mone omupapa, nomupapa okwa ti shike. Uwete, omaukwamhepo aeshe ounyuni! Akutu! Iya, pamwe ohatu ka kufa ko shihapu kuasho, Osoondaxa tai shikula.415 Uwete, ino lipula kombinga yaRussia. Russia okamanya kashona komunghulofuta. Ino lipula kombinga youcomunisi. Oto tale Ouromanisi eshi tau hangana neengeleka. Kape na sha sha shangwa mOmushangwa kombinga youcomunisi tau pangele ounyuni.416 Nohandi i nOndjovo, shihena sha nashimwe shilili shi li po. Oyo Ondjovo nda itavela. Osho Ouromanisi oo tau kufa ko ounyuni. Ndele Ouromanisi oo ina yehangano. Kapa li nale ehangano fiyo Roma, nakeshe imwe yomudo ya dja mo mulo. NOmbibeli osho ya ti, “Ye oina yeembwada.” Ohandi dulu okukala etata lefiku musho, natango, ashike ondi wete ohandi dulu yo okutwikila.


417 Ngeenge omutondi te ku ponokele, hano, “Akutu, handi ku lombwele, owa wana okuuya kudjoina letu…” Oto ka ninga shike, to shuna poshi, to ningilemo? Ha mukwaita washili, iteshi ningi. Ahawe, omufimanekwa.418 Natu ninge shike hano? Omadiladilo, “Kala nomadiladilo oo a li muKristus…” Osho Ombibeli ya ti? [Eongalo tali ti, “Amen.”—Sd.] “Omadiladilo oo a li muKristus, naa kale munye.” Omadiladilo oludi lilipi Ye e na? Kala nOndjovo. Oshi li mondjila. Kala nOndjovo, Ondjovo yaTate, nokufinda omutondi keshe efimbo. Paife ngeenge omutondi ta ponokele nokukendabala oku ku lombwela u nokuninga eshi nokuninga shinya, oto ka ninga shike? Kala nOndjovo. Oshi li mondjila.419 Owa hala hano okuninga shike? Kufa Ondjovo. Ondjovo oshike? Ombibeli ya ti apa. Otwe shi lesha. Osheshi Omhepo, naKalunga, oye Ondjovo. Uwete? Tala oku. “Ndele kufa embale loshivela lexupifo, nEongamukonda, Eongamukonda lOmhepo.” Eongamukonda lOmhepo! Oshike? Omhepo oyo ye uya momadiladilo oye nokuya muove, nEongamukonda lOmhepo oyo olo Ondjovo yaKalunga.420 Omhepo oyo otai lwifa shike? Omhepo Iyapuki otai lwifa shike, omakumo, omaliudo? [Eongalo tali ti, “Ondjovo.”—Sd.] Ondjovo; omutima! Whew! Efimano! Ota I lwifa shike, eliudo? Ondjovo! Ondjovo! Natu shi popye, Ondjovo! [“Ondjovo!”] Ondjovo! [“Ondjovo!”] Ondjovo yaKalunga oyo Omhepo tai lwifa.421 Omhepo yaKalunga oya uka lela komunawii, nokutya, “Opa shangwa!” Amen! “Opa shangwa!” Ndele omunawii ta i onhapo.422 Ohatu ningi shike? Kufa Eongamukonda, olo li li Ondjovo yaKalunga, Li shila na (shike?) eke leitavelo, eke leenghono leitavelo, Eongamukonda leememo keembinga mbali. Ombibeli oya ti, mOvaheberi 4, “Olo—Olo Eongamukonda leememo keembinga mbali,” tali tete okuuya nokuya.423 Mumwatate, okwa ninga shike? Kufa Ondjovo. Kufa Omhepo, pitika Omhepo i uye momutima woye. Yeulula omadiladilo oye, tya, “Ondjovo Yoye oyo oshili.” Paife, ninga ngaha, mumwameme. [Mumwatate Branham natango ta popi komumwameme ta vele—Sd.] “Ondjovo Yoye oyoshili.”424 “Omwene, itandi ka pwilikina kuasho ndi udite, eshi umwe, yemwene ta ti. Ohandi xulifa po, ohandi fuda mo keshe imwe yeendjila dange, omaudifo nai aeshe, nomalimbililo, nokuhaitavela oko nda kala ndi na. Keshe eliudo olo nda kala ndi na, ouvela aushe nda kala ndi na, kesheshimwe shilili nda kala ndi na, ohandi i fuda mo aishe. Ohandi ka koyelela po ashishe osho. Ohandi uya lela nda yukilika komhepo yange. O Omwene, kulukila poshi. Owa ti Oto ningi nge omumangululwa.”

56 ONDJOVO YAPOPIWA

“Ove, omonamati Wange.”425 “Oshi li nawa, onda yeulula omutima wange nomadiladilo ange. Ila mo, Omwene Jesus.”426 Ndele vakula Eitavelo, Eongamukonda olo lOmhepo, OMWENE OSHO TA TI. Ingida, “Halleluya!” Amen. Hano teta po keshe omutondi komesho yoye. Amen. Osho ngaho. Teta keshe omutondi. Nge o—omhepo yoshilulu shikulu tai ku ningi u ude ashishe…Teta po oshinima osho, nOndjovo yOmwene. Ashike eenghono detu, odo, “Ehafo lOmwene olo eenghono dange.”427 “Dja po puame.” Mwakula! Owe mu teta nOndjovo. Kutya nee oshi kale ondeemoni, kutya nee oshi kale omutondi, kutya nee oshi kale ouvela, kutya nee oshi kale omukifi, kutya nee oshike, kufa Ondjovo oyo noku I shila nEongamukonda. Ndele nge owe shi mwakula oshikando shotete, oshafa itashi linyenge, shi mwakula natango, noku shi mwakula natango, noku shi mwakula natango. Ndele shi mwakula nafiyo wa poyola mo ombululu, ngaashi okaxuxwa kanini ke li tendula mo; ile onhwa, osho u li. Li tendula mo lela moshipeta osho shikulu shouvela. Twa mo ondjila yoye, ndele to ti, “Halleluja! A shikula ko okuli peni?” Amen. Olo olwoodi. Oo omukwaita. Oo omukwaita womushiyakano. Eheno, omufimanekwa. Denga mo keshe omutondi.428 Omolwashike? Omolwashike? Fye, ovanuninwa, Oludalo lopauhamba laAbraham. Eshi Abraham e likala kesheshimwe sha li omhinge nOndjovo yaKalunga, okwa kokola mo ondjila yaye mukeshe einda olo le uya komesho yaye. Ova ti, “Omwalikadi woye okwa kulupa unene.” Ye okwa kokola mo ashike oshinima mondjila. Omunawii okwa ti, “Ito dulu okuninga ngaha. Ito dulu okuninga shinya.” Abraham okwe shi kokola mo mondjila. Ye okwe shi mwakula, noku shi mwakula, nafiyo she li taula mo shovene. “Pashikula ko openi, Omwene?”429 “Kufa po etwali loye apa.” Ye okwa ya noku Mu tungila ko oaltari.430 Okwa ya ko, naSatana okwe ya, ta ti, “Paife, ohandi ku lombwele, ei kai fi onhele yomondjila.” “Ohandi kala lela apa. Dja po pedu lange.” Ye okwa ti, “Halleluja!”431 Lot okwa ti, “Shixwepo u uye oku. Otu nefimbo liwa oku. Atushe otu nehangano letu oku. Omolwashike, omwalikadi wange oye omutwe woshiwana oshilongelwe nakesheshimwe shilili, moshilando. Ohandi ku lombwele, ou nokuuya oku.” Sarah okwa ti, “Abraham…”


432 “Mwena, Sarah.” Halleluya! “Fikama apa. Ngaha opo Kalunga a tula nge. Apa opo lela nda fikama.”433 Apa opo Kalunga a tula nge.

Kundeni eenghono dEdina laJesus!Ovaengeli nava we oombe;Eteni oshikoloni shouhamba,Noku Mu dika Omwene waaveshe.KuKristus, Emanya lakola, nda fikama;Omadu aeshe otaa ningine,Omadu aeshe otaa ningine.

434 Nande efyo lovene, kesheshimwe shilili, osho edu tali ningine. KuKristus, Emanya lakola, nda fikama.435 “Oludalo lopauhamba laAbraham.” Oludalo lopauhamba! Omolwashike, etanga lovakwaita laEngland la hoololekeka olo epangeli laEngland, ohonde yopauhamba, kesheshimwe. Ndele Oludalo lopauhamba laKristus olo Ongeleka ya yadifwa Omhepo Iyapuki, ya yadifwa nOmhepo Iyapuki. Oshike? Oludalo Lopauhamba, paudaneko, ha pamakumo. Ashike, paudaneko laKalunga, va fikama paOndjovo yaKalunga, nokukokola mo ondjila yavo, tava ingida, “Halleluya!” Nande efyo oli uye nokutya, “Ye ote uya oku ku yola.”436 To ti, “Yandja ondjila, Jordan. Ohandi tauluka.” Twa mo lela ondjila yoye, kEdu leudaneko. Amen.437 Oshike tashi ningwa po ngeenge olwoodi ola kuka? Ohandi pate paife, shawana lela. Ngeenge olwoodi ola kuka, novayapuki otave uya kEumbo tava nyanye, onda hala oku mu pula sha, oshike sha ningwa po?438 Oshike sha ningwa eshi Hitler a ya moFrance? Omolwashike, ova ti ito dulu nokuli okumona evalelwa leulu, efimbo lile, eedila. Onghatu ya yukilila yaNdowishi. [Mumwatate Branham ta i eenghatu da yukilila komesho oikando ivali—Sd.] Uwete, ova li va fikama, tava piti po, tava tyapula efindano.439 Eshi Stalin e uya koRussia, eemaila konima, keshe otenga konima kanini yaikwao, oya bomba Berlin fiyo inapa fyaala sha. Opuwo. Ndele eshi va ya, nOvandowishi ava…Ovakwaita Ovarussia ava tava tyapula, ova ya mo nasho, ou shi shii, oshinima shiyolifi shinini va ninga. Onde shi mona mefano, oshikando shimwe moLondon, nhumbi ve uya mo, efano lovene loshinima ola li, eshi sha ningwa po, ve uya mo, tava tyapula. Akutu, ame!440 Eshi twa uda kutya oita oya kuka, otwa ingida, otwa shika eemwilwa. Eshi omapendafule a aluka, otwe va shakenekela ko. Ova ingida. Ova kaluka. Ondi na mumwameme a li mo, ta ti, eshi a aluka, aveshe vakulu…Oonakulwa vakulu ovo va kala va tilifwa unene, inava dula okudja mombete, onghee

58 ONDJOVO YAPOPIWA

ova alangatifila kombada yosikepa eshi ve uya mo, okumona Omufika wEmanguluko wa fikama. Tava ti, “Ovalumenhu ovo vanene vakula va fikama, ova lila ashike, nokuwila po ngaashi ngaho, eshi va mona Omufika wEmanguluko oo.” Va kala kokule neumbo omido nhe, tava lu, olwoodi litilifi, nakesheshimwe shilili. Ashike ove shi shii kutya omwalikadi, nomuholike, naina, naxe, nounona, naaveshe ovo ve hole, ova li lela konima yOmufika wEmanguluko oo. Owa kalelapo osho va kala tava lwile. Akutu, eemwilwa oda shikwa, noNew York oya ya mokuingida, opuwo, eshi omapendafule avo e uya taa nyanyele mo. Otashi kala oshinima shishona.441 Oshikando shimwe eshi Omukesari, konima yolwoodi linene, okwa ti, “Onda hala ependafule lange la shiivika nawa li londe puame metyapulo eli linene lefindano kombada yomutondi wetu.” Nakeshe umwe wovanambelewa va konda omalwenya avo nokuvemeka oikelifo yavo, nokunyanyela pamwe, ou shi shii, ngaashi ngaho, onga—onga ovakwaita vashili ngaashi ngaho. Konima yefimbo, kanini, mukwetu mukulu e uya po, a teta. Ame! Ye okwa tala ashike pombada, nokutameka, ngaashi ngaho. Omukesari okwa ti, “Teelela omunute. Teelela omunute. Ove,” ina djala nokuli ngaashi o—omunambelewa, ta ti, “ila apa.” Ta ti, “Oivadi oyo owei kufa peni?” Ye okwa ti, “Omepya lolwoodi.”442 Ta ti, “Londa pombada apa. Oove omulumenhu ou nda hala wa kala omutumba puame.” Omolwashike? Ye okwa ulika kutya okwa kala molwoodi.443 O Kalunga, fila onghenda omulumenhu oo ta dulu okutetela eke laye kondooha yosaladine nokumona ombadi. Onda hala okukala nda tilifwa olwoodi. Ngaashi Paulus ta ti, “Onda humbata molutu lange oivadi yaJesus Kristus.” Osho nee nda hala okulwa mepya.444 Efiku limwe, eshi Elenga Ekulunhu letu tali ke uya, Ou e tu homateka, Ou e tu pa oilwifo yaKalunga, Omhepo Iyapuki, etu pa Ondjovo Yaye okulwifa, tu fikame; eshi Elenga Ekulunhu letu linene tali ya la londa mo, onda hala okunhukila metemba nokuya kEumbo pamwe naYe. Inamu hala? [Eongalo tali ti, “Amen.”—Sd.] Hano eshi nda kwata omwalikadi wange munini a kulupa mokwooko, okulengalenga apa nokumona ovamwatate vange novalikadi vavo, novana vavo, eshi twa tameka okuenda meeparadisa odo daKalunga, nOvaengeli tava yadifa ewangadjo nomaimbilo, pombada ngaashi ngaho, hatu popi etyapulo!445 Nongeenge olwoodi ola kuka, ohatu ka djala oshishani. Akutu, ame! Akutu, vakwaita vomushiyakano, ongula ei, shilileni okwooko oko kweitavelo oku, nokukwata Oshilwifo eshi.446 Oshike kombinga yasho, mumwameme, owe lilongekida? [Mumwatate Branham natango ta popi komumwameme ta


vele—Sd.] Shila mo Oshilwifo osho, to ti, “Kalunga, nghi na konasha oshike—oshike omunawii a lombwela nge, oshi fike peni umwe elili a ti. Ongula ei, ohandi itavele.” [Mumwameme ta ti, “Onda itavela, yo.”] “Ohandi itavele.”447 Ngaashi nda ti efiku limwe, kanini…Onda itavela Eesoondaxa dishona dapita, opa li omulumenhu a twondjodi. Ye okwa twondjodi omunawii a li oshinima shongaho shinini shakulupa, a lotokela kuye. Ye okwa ti, “Boo!” Ndele ta nhukile konima, nomunawii okwa nenepala. “Boo!” Ndele ta nhukile konima, nomunawii okwa nenepala. Lwaxuuninwa, omunawii okwa nenepala ngaashi a li, okwa li teke mu finda. Ye oku shi shii oku noku mu lwifa nasha, onghee okwa lengalenga. Ye ina mona sha oku mu lwifa nosho. Ye okwa toola po Ombibeli. Nomunawii okwa ti, “Boo!” Ye okwa ti, “Boo!” konima lela yaye, nomunawii okwa ninipala, nokuninipala, nokuninipala. Ndele, lwaxuuninwa, okwe mu denga okufya nOndjovo.448 Ove omukwaita, ku li, mumwamee? [Mumwatate Branham natango ta popi komumwameme ta vele—Sd.] Kufa Ondjovo oyo ndele to ti, “Opa shangwa.” Amen. “Ame itandi ka fya. Ame ohandi kala nomwenyo. Ohandi ka kala omutumba lela metwaliongalo eli nokuhambelela Kalunga molwa ouwa Waye, naaveshe vomuvo.”449 Omwe shi itavela, vayapuki? [Eongalo tali ti, “Amen.”—Sd.] Amen. Natu nyongamekeni omitwe detu.450 O Omwene Kalunga, Omushiti womaulu nedu, nashi shiivike nena kutya Oove auke natango Kalunga. Kashi nombudi shifike peni handi dulu ku udifa, oinima ingapi handi popi, Omwene, Ondjovo okudja kuOve oye shi mana.451 Ounasituke ava ove li apa, va kalela po ovanauda. Ohandi ilikana, Tate Omukwaulu, opo omayambeko Oye neenghono di wile kombada yakeshe komuvo, ngaashi nda tenheka omake ange kuvo. Kalunga, mEdina laJesus Kristus, ohandi ilikana opo U vaeke ounasituke ava nOukalipo Woye uyapuki, osheshi osha shangwa mOndjovo. Kashi li omhinge nOndjovo. Ashike osha popiwa mOndjovo, kutya, “Ova kufa kolutu laPaulus, ounasituke noiteta. Eemhepo danyata oda dja mo movanhu, nova veluka komikifi dilili.” Paife, fye katu fi Omuyapuki Paulus, ashike Ou li natango Kalunga, nOu li natango Omhepo Iyapuki yelifa. Onda tenheka omake ange kounasituke ava, mEdina lOmwene Jesus, nokuindila opo U yambeke nokuvelula keshe umwe womuvo.452 Ndele, Kalunga, sha nangala apa mombete, osha kala sha nangala apa, ha sha ashike okaana, okakadona kanini kawa. Ita ka xupu, Omwene. Satana okwe ka ningila owii. Novanamiti ovaholike vokedu oku ova kendabala noudjuu, kape nelimbililo, okuxupifa okaana. Itava dulu oku shi ninga.

60 ONDJOVO YAPOPIWA

Ove li pexulilo lounongo wavo. Kave shii shimwe shilili okuninga. Ashike, Omwene, onda hafa kutya ope na ekapiteli likwao la shangwa. Ohatu dulu okupandjula epandja likwao, nomepandja eli otu wete Omunamiti Munene e uya mo. Ohatu Mu ifana molwa eyukifo ongula ei.453 Paife, Omwene, inashi shangwa apa mOndjovo Yoye, kutya “Oilongadidiliko ei tai shikula ovo va itavela”? Omwene, nge ame nghi fi omuitaveli, ninga nge umwe paife. Nge okakadona aka kanini kake fi okaitaveli, ka ninga kamwe paife. “Oilongadidiliko ei tai shikula ovo va itavela; nge tava tenheke omake avo kovanaudu, otava veluka.” Opa shangwa yo, “MEdina Lange tava te mo eendemoni.” Omwene, odo—odo Eendjovo Doye. Odo Ye. Oyo Ondjovo Yoye. Nopaife ngaashi omupiya Woye…454 Ngaashi Wa ti, “Nge pe na vavali ile vatau vomunye va shakena pamwe, Ohandi kala mokati keni; nonge tamu tu kumwe, ngaashi okukuma oshinima shimwe, nokuindila, otamu shi pewa.”455 Kalunga, okaana aka otashi dulika okanauduelela metungo ongula ei, molwaashi itaka dulu okuxupa kehe Ku na, olule unene, noke li okanauduelela. Onghee, atushe, otwa twa kumwe, ngaashi keshe omukwaita a fikama apa. Ndele mongudu ei ya fikama Oludalo lopauhamba laAbraham.456 Ohatu nyanyele mo kuSatana paife. Nota shi dulika yo twe lilongekida okuya, Satana, shaashi oilwifo yetu otai vilima, omaluvala otaa kenita; ovalumenhu novakainhu ve kwete Omaongamikonda, tava nyanyele komesho paife kuove, molwa okakadona aka kanini. Dja mo muko, Satana. Efa okaana oko. Onga etanga lovakwaita laKalunga omunamwenyo, otwe ku anya. Ka efa, mEdina laJesus Kristus.457 Ohandi ka tenheka omake kuko. Ndele, Satana, owa manga okaana aka, owa longa owii ou. Ondi shi shii kutya ou dule ekondjo lopaunhu, ashike ku fi ekondjo lOmwene wange, onghee onde uya mEdina Laye. Ka efa, ove mhepo yomunawii. Ove ndeemoni youvela, dja mo mokaana aka, ndele naka ye kamanguluka, okudja kefiku eli. Ohandi shi lalekida, mEdina laJesus Kristus.458 Paife, Omwene Kalunga, Ove Ou wa nyumuna ovafi nokuulika kutya Ove wa li Kalunga, nyumunina omukainhu omunyasha ou koukolele waye nokeenghono natango, opo a fikame metungo eli apa. Omunawii okwa dja mo muye!…?…to ke mu velula. Na kale nomwenyo koshinge nefimano laKalunga. Osha—Osha popiwa, paife pitika shi longwe.459 Ope na mukwao omu oo a hala okuyelufa omake aye ndele ta ti, “Onda hala okuilikanenwa. Ohandi vele. Onda pumbwa Kalunga”? Nghi shii kutya otu nefimbo lifike peni. Otu nefimbo la wana okupitika ovanhu va pitile apa. Ondi udite


lela ehekeleko ongula ei paife. Heeno. Heeno. Onda hala u uye apa, Billy, nokukufa pamwe oshitopolwa shimwe eshi apa ngaha, kombinga ei lwaapa, apeke. Pitika oshitopolwa eshi shi uye tete, opo hatu ka kufa oshitopolwa shokonima konima yasho, fiyo opomwaka oo opo. Hano ohatu ke va kufa ngaashi ngaho, hano itava…460 Ndele paife onda hala Mumwatate Neville navamwe vomunye ovalongi ovamwatate mu fikame lwaapa puame, apa ngaha, opo mu va tule lela pomwaka natango. Oshi li nawa. Oshi li nawa. Paife onda…461 Vangapi vomunye mwa djala oilwifo yeni? [Eongalo tali ti, “Amen.”—Sd.]462 (Otashi ka yooloka paife. Inda keumbo, oto kala nawa paife, wa veluka.)463 Amen. Akutu, ame! Ovakwaita amushe nye, shileni Eongamukonda. Shileni Eongamukonda, ovakwaita vomushiyakano, nyanyeleni ko, nyanyeleni ko.

KuKristus, Emanya lakola, nda fikama.Omadu aeshe otaa ningine.

464 Oshi li nawa. Ileni lela, kombinga lela apa. Keshe umwe meilikano paife, ngaashi tava pitile po. MEdina laJesus, velula omukainhu ou. Amen. Shila Eongamukonda loye paife. Kala lela poshipundi shoye, to ingida.465 [Mumwatate Branham novalongi tava ilikanene ovanaudu, okudilila kokambako, meesekonde omilongombali nanhano—Sd.]

Komesho, ovakwaita Ovakriste!Tava nyanyele koita,Nomushiyakano waJesusTau tetekele.

466 “Yandja ondjila, Satana!” Oupyakadi owashike, ovakwaita? Otamu lipula ohatu dulu ku findana? [Eongalo la hafa ndele tali ti, “Amen.”—Sd.] Ye okwa findana nale. Fye otu dule ovafindani muKristus Jesus. Keshe omunawii okwa tewa mo, kesheshimwe shilili. Amen. Ileni apa, ovamwatate vange!…?… Ohandi ilikana opo mu veluke!…?… Velula omumwatate wange, Doc; mu velula, Tate, mEdina laJesus. MEdina laJesus Kristus, velula omukainhu ou. Ila…?…467 Paife, okwa kufa…Ondi nokupula ovamwatate konima. Keshepamwe, Omwene…?…

62 ONDJOVO YAPOPIWA

468 O Omwene Kalunga, Omushiti womaulu nedu! O Kalunga, Ou shii eshi shi li momutima waye. Ou shii ashishe. Ohandi ilikanene aveshe meme natate. MEdina laJesus Kristus, ohandi yandje…?… MEdina laJesus Kristus, ohandi…?… MEdina laJesus Kristus, ohandi…?…469 Kalunga, kala pamwe nomumwameme wange. Otu shi shii, omido oda hovela okulikokela mo nokuetifa efyo li hale okukwata olutu lomukainhu. Paife, mEdina laJesus…?…470 MEdina laJesus Kristus, yambeka okakadona aka kanini, Omwene. Olwoodi letu kofikola oko, ondi shii eshi ta pitile musho. Ohandi ilikana U yambeke. Na shile Eongamukonda olo, ongula ei, nokuya komesho!…?…Yambeka okamati aka kanini, Omwene; oke uya, okuifana Edina Loye, ongula ei; ohandi ilikana opo U ye pamwe…?…471 Kalunga, yambeka omumwatate wange, mu wanifila po omhumbwe yaye. MEdina lOmwene wetu Jesus, onde shi popya!…?… MEdina laJesus Kristus, otwa yandja eilikano eli. MEdina laJesus Kristus, otwa yandja eilikano eli. MEdina laJesus Kristus, otwa yandja eilikano eli. MEdina laJesus Kristus, otwa…?… MEdina laJesus Kristus, otwa yandja eilikano eli. MEdina laJesus Kristus…?… MEdina laJesus Kristus…?… MEdina laJesus Kristus, velula omumwatate wange. MEdina laJesus Kristus…?… MEdina laJesus Kristus! MEdina laJesus Kristus! MEdina laJesus Kristus! MEdina laJesus Kristus! MEdina laJesus Kristus!472 [Umwe ta ti, “Tate okwa fya.”—Sd.] Kalunga, mu kwafa, mEdina laJesus. Kalunga, mEdina laJesus Kristus, otwa…?… Kalunga, mEdina laJesus! MEdina laJesus Kristus…?… MEdina laJesus Kristus, velula omumwatate wange. MEdina laJesus…?… Ou udite ko paife? O Kalunga, nashi ye kokule…?…473 MEdina laJesus Kristus, otwa ilikana!…?…Wanifila omumwameme…?…


474 O Kalunga, okushiiva kutya meme muwa munini, ta pitile moupyakadi aushe ou, ohandi ilikana, Kalunga, opo U…?…kombada yaye. Shila Eongamukonda olo, Ed, nokuya komesho, mEdina laJesus.475 O Kalunga, velula omukainhu. Wanifa omhumbwe yaye. Na kufe Eonamukonda olo komesho yaye, mefimbo loudjuu. O Kalunga…?…ongula ei. Ohandi ilikana opo U…?…476 Tate, Kalunga, ohandi ilikana opo U velule omumwatate wetu noku mu kaleka nawa. Ndele mEdina laJesus Kristus…?…477 Kalunga, ohandi ilikana opo U velule omumwameme wetu, mu kaleka nawa, mEdina laJesus Kristus.478 Tate, Kalunga, ohandi ilikana opo U dule—dule okuvelula omumwatate wetu. Velula omumwameme wetu, Omwene!…?… Tate, mEdina laJesus, velula ou, omumwameme wetu, Tate.479 Tate…?…otwa ilikana mEdina laJesus. Kalunga, velula omukainhu ou. O Kalunga, ohandi ilikana opo U…?…480 O Kalunga, mu yambeka, Tate!…?…Otu hole ngahelipi vakwetu ovo vonale, Omwene. Ndele ohandi ilikana opo U wanife omhumbwe yaye!…?…481 Tate wetu Omukwaulu, ohandi ilikana opo omumwatate wange…?…O Kalunga,…?…ye, O Kalunga…?…omukwaita womushiyakano. Ndele ye ota ka shila Eongamukonda olo, ongula ei, nokunyanyela komesho. Kalunga, otwa…?…Shi wanifa, O Omwene, omhumbwe yaye.482 Kalunga, yambeka omumwatate…?…Ohandi ilikana opo U mu velule, Omwene!…?…Mu pa ehalo lomutima waye, mEdina laJesus Kristus.483 O Tate Omukwaulu, omulongi ou munini wEvaengeli, omunino waye…?…Opo ye ina takamifwa…?…Kalunga, ohandi ilikana opo U…?…Nofimbo etanga lovakwaita linene laKalunga tali linyengele komesho paife, nOmaongamikonda a yelufwa, mu pa efindano, Omwene. Omulumenhu waye munini apa, Omwene, ou a kufwa mombete yokaangela omo a li a nangala, ta fi kokaangela, neendokotola ode mu likonda, ngaashi a twikila. Ndele oye ou, ongula ei, omukwaita munini womushiyakano. Mu nghonopaleka, Omwene, molwa oshilonga Shoye, otwa ilikana, mEdina laJesus.484 Onda hala omukainhu oo munini…Ope na sha shikwao shi kwete omuudifi ou munini apa. Ila apa, Mumwatate Kidd. Omulumenhu ou okwa tumwa keumbo okudja koshipangelo, lwopaife ashike, ta fi, a lika kokaangela. [Mumwameme Kidd

64 ONDJOVO YAPOPIWA

ta ti, “Omudo wa ya.”—Sd.] Omudo wa ya. [“Mbali.”] Omido mbali da ya, nengabuko. Ndokotola waye okwe mu pa ashike omafiku mashona okukala nomwenyo. Ndele ongula imwe, otwa ya ko, ongula inene, twe mu ningila eilikano, lelifa ashike ngaashi loye, noinava mona mo sha nokuli. [Eongalo la hafa.] Ye okwa veluka. Amen. Ye—ye…[Mumwatate Kidd ta ti, “E noku shi itavela.”] Ye oku noshiviha shihapu paife shidulife a li e na. Ye nomwalikadi waye munini ova kala momapya Evaengeli, pamwe manga inandi dalwa. Ye oku li apa paife…[Mumwatate Kidd ta ti, “Omido omilongonhano nanhano.”] Omido omilongonhano nanhano. Manga nokuli inandi uya kedu, ova li tava udifa Evaengeli. Ndele oye ou, a veluka, lwopomido hanga omilongoheyali nanhano ile…[“Omilongohetatu naimwe.”] Omilongohetatu naimwe. [Mumwatate Kidd ta ti, “Otwa li nepapuduko, oshiongalele shoivike ivali, twa udifa keshe oufiku.”] Epapuduko loivike ivali, twa ninga epapuduko loivike ivali, nokuudifa keshe oufiku. Omido omilongohetatu naimwe, a veluka, kokaangela, eshi a kulupa.485 Oshi li nawa, mumwameme, efimbo loye paife. Owa itavela? [Eongalo la hafa ndele tali ti, “Amen.”—Sd.] Komesho, Ovakwaita Ovakriste. Oshi li nawa, mumwameme. Nye, kukeshe umwe womunye, ohatu ka ninga shike? OMWENE OSHO TA TI. Ohatu ningi shike, ku kala apa?486 Satana, owa kana. Ohatu uya ko paife. Ohatu nyanyele mo mEdu laudanekwa. Oshike osho? “Omhunda ei olye, komesho yaSerubbabel? Olyelye ou, a fikama komesho? Oto ningi oluhaela.” Omolwashike? NEongamukonda leememo keembinga mbali, ohatu mu tetaulile poshi. Oshi li mondjila. Oshi li nawa.

Komesho, omukwaita Omukriste!Ta nyanyele koita,Nomushiyakano waJesusU li komesho;Kristus, Omulongi wopauhamba,Ta lwifa omuyelani; (nOndjovo Yaye)Komesho molwoodi,Uwete, omapandela Aye taa i!Komesho, ovakwaita Ovakriste!Tava nyanyele koita,Nomushiyakano waJesusU li komesho.

487 Halleluya! Ova ninga shike? Oshinima shotete sha tetekela, molwoodi, laIsrael, oshinima shotete osha li oshike? Ovaimbi va tetekela, tete. Oshike sha shikula ko? Oshikefahangano. Opo nee olwoodi. Oshi li nawa. Omwe shi itavela paife? [Eongalo tali ti, “Amen.”—Sd.] Ohatu imbi Komesho, Ovakwaita Ovakriste. Ohatu shilileshi keshe elimbililo. Twa fikama keemhadi detu paife, hatu nyanyele kolwoodi.


Natu fikameni paife, kesheumwe.Komesho, ovakwaita Ovakriste!Tava nyanyele koita,Nomushiyakano waJesusU li komesho;Kristus, Omulongi wopauhamba,Ta lwifa omuyelani;

Ohatu mu findi ngahelipi? NOndjovo.Komesho molwoodi,Uwete, omapandela Aye taa i!Komesho, ovakwaita Ovakriste!Tava nyanyele koita,Nomushiyakano waJesusU li komesho.Fye inatu topoka,Atushe olutu limwe;Umwe melineekelo nomelongo,Umwe meyakulo.

488 Amushe ovo mwa itavela paife, tyeni, “Amen.” [Eongalo tali ti, “Amen.”—Sd.] Halleluya! Omwe shi itavela? [“Amen!”] Fye ovafindani. Keshe omutondi oku li peni? Koshi yeemhadi detu. Otu li shike nena? Twa nyumuka muKristus!489 Paife, osha pwa, mumwamee. [Mumwatate Branham natango ta popi komumwameme, ou a kala ta vele—Sd.] Owe shi itavela? Inda keumbo paife. Ou udite nawa? Ota ti oku udite nawa paife. Kesheshimwe oshi li nawa.490 Vangapi oko ve udite nawa? [Eongalo la hafa pombada ndele tali ti, “Amen.”—Sd.] Ndele eshi va ingida, ekuma ola wila poshi, amen, nove li kwata ko. Amen. Ova kwata ko oshilando. Amen! Amen! Omwe Mu itavela? [“Amen.”]491 Paife, inamu dimbwa elongelokalunga lokonguloshi. Mumwatate Neville ota kala apa konguloshi, noku tu etela etumwalaka liwa. Ndele Osoondaxa, Osoondaxa tai shikula, nge Omwene eshi hala, kaleni apa.492 Paife natu yeni, ngaashi hatu linyenge. Ndele paife, pondje okudja metungo, natu yeni, hatu imbi, Komesho, Ovakwaita Ovakriste. Nokudja kefiku eli, kuya komesho, ino tula vali Eongamukonda olo moshilaleko. Li shila mo. Natu findeni. “Ova tetekela, tava findi, nokufinda.” Oshi li nawa, natango, movelise oyo yotete.

Komesho, ovakwaita Ovakriste!Tava nyanyele koita,Nomushiyakano waJesusU li komesho.

OLWOODI LINENENENE LA LU WA OSH62-0311(The Greatest Battle Ever Fought)

Etumwalaka eli kuMumwatate William Marrion Branham, patamekelo layandjelwe mOshiingilisa mOsoondaxa ongula, Malisa 11, 1962, kEtwaliongalo Branham moJeffersonville, Indiana, U.S.A., ola kufwa okudja kekwatelo lengenete teipa nola nyanyangidwa metwokumwe mOshiingilisa. Efatululo eli Oshikwanyama ola nyanyangidwa noku andjakanekwa koVoice Of God Recordings.

OSHIKWANYAMA

©2015 VGR, ALL RIGHTS RESERVED

VOICE OF GOD RECORDINGS, SOUTH AFRICA OFFICE58 DISA ROAD, ADMIRAL’S PARK, GORDON’S BAY 7140 WESTERN CAPE

REPUBLIC OF SOUTH AFRICA

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Oufemba didiliko

Eemhito adishe oda kalekwa. Embo eli otali dulu okunyanyangidwa koprinta meumbo molwa elongifo lopumwene ile okuyandjwa po, oshali yovene, onga oshilongifo okuandjakaneka Evaengeli laJesus Kristus. Embo eli itali dulu ku landifwa, okwiindjipalekwa mondwanga, okutulwa kowebsite, okutuvikilwa momukalo wonumba, okufatululilwa momalaka akwao, ile okulongifwa molwa eyambidido lopashimaliwa pehe na epitikilo laVoice Of God Recordings®.

Molwa ouyelele uhapu ile molwa oilongifo ikwao ili po, alikana kwatafana:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

OSH62-0311 Olwoodi Linenenene La Luwa VGRdownload.branham.org/pdf/OSH/OSH62-0311 The Greatest Battle...

Documents

Transcript of OSH62-0311 Olwoodi Linenenene La Luwa VGRdownload.branham.org/pdf/OSH/OSH62-0311 The Greatest Battle...