O R T O G R A F I A

D I

P A P I A M E N T O

ARUBA februari 2006ISBN 99904

PROLOGO

Na aña 1976 Gobierno di Aruba a aproba e Ortografia Oficial di Aruba, cu a drenta na vigor na aña 1977 pa medio di e Boletin Oficial Insular 1977 nr. 1 (Ab. 1977, nr. 1). E miembronan di e Comision di Ortografia di 1976 tabata: Jossy Mansur, Ofelia Paris, Hubert Booi, Holmo Henriquez, Thomas Ruiz, Julio Maduro, Salomon Fingal, secretario: Juan Thijsen.

Na aña 1992 Ministro di Bienestar General a nombra un Comision (pa medio di e Decreto Ministerial di 27 di februari 1992) pa reformula, elabora y amplia e ortografia oficial, pa haci e reglanan mas cla, comprendibel y facil pa aplica.

E miembronan di e Comision aki tabata: Jose Dañe, Mario Dijkhoff, Evelyn Ruiz-Croes y Margriet Geerman. E Comision a trata di formula e reglanan di tal manera cu nan lo stimula uzo uniforme y consecuente di idioma Papiamento. E Comision a entrega su trabou dia 11 di december di aña 1992.

Na aña 1995 Gobierno a manda e ortografia aki pa diferente instancia y persona cu e peticion pa nan analis'e y manda nan comentario pa e Comision.Na aña 1996 a ricibi tur e comentarionan y na aña 1997 Ministro di Enseñansa y Trabou a nombra un di dos Comision (pa medio di e Decreto Ministerial di 28 di juli 1997) pa analisa y incorpora e comentarionan relevante.

E miembronan di e di dos Comision aki ta: Jose Dañe, Mario Dijkhoff, Evelyn Ruiz-Croes, Margriet Geerman, Jossy Mansur, Ramon Todd Dandaré y Pedro Velásquez.Na november 1997 e comision a entrega na Ministro di Enseñansa y Trabou un adaptacion y ampliacion di e reglanan di e Ortografia Oficial di Aruba.

Na aña 2003 un grupo di trabou di Departamento di Enseñansa, cu ta compilando un lista di palabra como anexo di e ortografia 1997, a haci algun recomendacion na e di dos comision di ortografia. E comision aki a tene cuenta cu e recomendacionnan.

E Comisionnan cu a traha riba e ortografia ta spera cu e adaptacion y ampliacion lo beneficia uzo di Papiamento den henter comunidad.

Presidente Vicepresidente Jose A. Dañe Mario A. Dijkhoff

Oranjestad, mei 2005

2

INTRODUCCION

Punto di salida di e Comisionnan di Adaptacion y Ampliacion tabata, di acuerdo cu e encargonan ministerial, e Ortografia Oficial di Aruba. Esei a trece cu ne cu a mantene e skema metodologico di sali for di e signonan alfabetico y no for di e fonemanan, o sea e zonidonan pertinente di e idioma.

Aunke a traha denter di e skema etimologico di Ortografia Oficial di Aruba, a trata sinembargo di acerca y refleha e sistema fonemico y prosodico di Papiamento lo mas posibel, teniendo cuenta cu e instruccion ministerial. Den e sentido aki a amplia e.o. uzo di e letter s pa representa e fonema /s/, p.e. den e palabranan: sapato, cuminsa, sambuya, enfatisa. Asina tambe a introduci uzo di apostrof como opcion pa representa contraccion den pronunciacion, p.e.: co'i hunga y botr'i lechi banda di: cos di hunga y boter di lechi.

Otro premisa cu e Comisionnan a tene nan mes na dje ta cu lo modifica solamente e aspectonan di e ortografia existente cu den practica a resulta di ta problematico den un sentido general. Pa e motibo aki e Comisionnan no a introduci uzo di accent, pasobra a constata cu por lo general y den practica, ora ta trata di palabra homografo, manera den e casonan di e palabranan: cacho (di baca) / cacho (animal domestico) y bruha (verbo) / bruha (participio), e contexto mes ta indica e nificacion pertinente.

E adhesion di e uzadonan di ortografia na e imagennan di palabra y e aceptabilidad social di e imagennan di palabra tambe ta factor cu a condiciona y orienta adaptacion y ampliacion di e Ortografia Oficial di Aruba. P’esei ta mantene e terminacionnan skirbi: "cion", "sion" y "xion" pa representa e fonemanan /shon/: oracion, television, conexion. Asina ta conserva tambe e imagennan di palabra den caso di contraccion, p.e.: cantic'i Pasco (y no * cantik'i Pasco). Den e casonan aki e letter “c” ta representa e fonema /k/ dilanti di e apostrof.

Den e deliberacionnan e Comisionnan a tene cuenta cu e pensamento cu e Ortografia Adapta y Amplia, mescos cu tur otro ortografia, no tin un caracter permanente. E desaroyo actual di Papiamento di Aruba, cu ta sumamente dinamico, ta refleha tendencia y forma varia na e diferente nivelnan di e lenga, specialmente na e nivel lexical. Pa tal motibo ta ofrece e uzadonan di ortografia den cierto caso diferente opcion pa skirbi un palabra. A base di e experiencianan cu e Ortografia Adapta y Amplia den e añanan benidero, lo fiha eventualmente mas aleu un ortografia mas uniforme di acuerdo cu e tendencianan y e formanan ortografico predominante den futuro.

Den e casonan cu ta ofrece forma ortografico alternativo, e Comisionnan consecuentemente no ta promove un forma preferencial. E desaroyo di e lenga mes y e uzo di e Ortografia Adapta y Amplia den comunidad lo determina eventualmente e preferencianan.

Trahando den cuadro di e Ortografia Oficial di Aruba y teniendo cuenta cu desaroyo di e lenga y e necesidadnan di comunidad, a trata di ofrece un modelo di ortografia mas elabora cu regla flexibel y explicito pa facilita y promove skirbimento corecto di Papiamento na Aruba.

Mirando complehidad di un ortografia etimologico e Comisionnan a opta pa compila un lista di palabra (limita) pa motibo practico. E lista limita aki, compila pa un grupo di trabou di Departamento di Enseñansa, ta aparece como anexo di e Ortografia Adapta y Amplia.

3

ACLARACION DI SIGNO FONETICO

Signo Representacion Ehempelfonetico

[a] a mas[b] b bo[ĉ] ch chapi[d] d dos[ɟ] dj djaca

[e] e, i tera, lip[ε] e speki[ə] e sanger[f] f floria[g] g gosa

[x] g signo[h] h hari[i] i, y tira, shelo y tera[j] j, y juni, yobe[k] k, c, q kelki, cos, quorum

[ks] x examen[k∫] xi conexion [l] l lesa[m] m mara[n] n nos

[ŋ] n pan[ɲ] ñ maña[o] o pos[ɔ] o bom[p] p, b puntra,

diahuebs

[r] r ros[s] s, c sa, cero[∫ ] sh, ci, si shinishi,

condicion, comision[t] t, d ta, amistad[u] u scur

[∧] u bus[y] uu zuur[v] v victoria[w] w weita[z] z zona

4

[ʒ] zj zjilea

CONTENIDO

1. Alfabet 6

2. Vocal

6

2.1 Vocal dobel 6

3. Diptongo 7

3.1 Diptongo creciente 7

3.2 Diptongo decreciente 8

4. Triptongo 8

5. Consonante 9

b, c 9 ch, d, dj 12

f, g, h, j 13k, l, m, n, ñ, p

14

q, r, s15

sh, t, v, w, x16

5

y17

z, zj 18

5.1 Consonante dobel 19

6. Partimento di palabra na silaba 19

7. Prefiho20

7.1 Prefiho formativo 20 7.2 Prefiho constructivo 20

7.3 Prefiho y palabra basico 21

8. Signo di lesa21

8.1 Punto21

8.2 Punto y coma21

8.3 Coma22

8.4 Punto dobel22

8.5 Comia23

8.6 Signo di pregunta 23

8.7 Signo di sclamacion24

8.8 Strepi24

8.9 Parentesis24

6

8.10 Tres punto25

9. Mayusculo y minusculo 25

9.1 Mayusculo na cuminsamento di frase 25 9.2 Mayusculo y minusculo despues di signo di lesa 26

9.2.1 Punto dobel 26 9.2.2 Tres punto

26

9.2.3 Coma 26 9.3 Skirbimento di nomber 27

9.4 Nomber di dignidad y titulo 28

9.5 Forma di cortesia 28

10. Apostrof29

10.1 Apostrof pa zonido na cuminsamento 29 y na final di palabra

10.2 Shua29

10.3 Skirbimento cu apostrof y sin espacio di palabra

29 10.4 Apostrof pa zonido final y siguiente

palabra30

10.5 Skirbimento hunto y sin apostrof 30 10.6 Skirbimento hunto y sin apostrof of

separa y apostrof pa dos silaba cu ta cai afo 30

11. Skirbimento hunto y separa 31 11.1 Skirbimento hunto y separa en relacion cu verbo 31

11.2 Skirbimento hunto y separa di dos pronomber personal 31

11.3 Skirbimento hunto y separa di preposicion y otro sorto di palabra 31

11.3.1 Preposicion 'cu' y pronomber personal 31 11.3.2 Preposicion 'di' y pronomber personal 32 11.3.3 Preposicion 'di' y pronomber

demostrativo 32

7

11.3.4 Preposicion y articulo 32 11.3.5 Construccion preposicional 32 11.3.6 Pronomber personal y particula ‘a’ 32

11.4 Adverbio33

11.5 Numeral34

11.6 Reduplicacion34

11.7 Palabra cu ta consisti di ‘la’ y un otro palabra

34 11.8 Otro composicion 35 11.9 Otro construccion 36

12. Nomber di luna 36

13. Palabra problematico 37

Anexo: lista di palabra

8

1. ALFABET

E siguiente letternan ta representa e fonemanan di Papiamento.

a g m q vb h n r wc i ñ s xd j o t ye k p u zf l

Tin cuatro digrafo: ch, dj, sh, zj.

2. VOCAL

E siguiente letternan ta representa e zonidonan vocalico di Papiamento.

a cas, saca

e tera, belabarbulet, spekibinager, sanger

i pipa, tiralip, bril

o copa, borabom, scoter

Palabra cu na final tin un zonido cu ta pronuncia como [o] y como [u], ta skirbi solamente cu ‘o’. Ehempel: duro, puro

u dushi, sucu

buszuur

2.1 Vocal dobel

a. Ta skirbi e siguiente palabranan y nan derivacionnan cu vocal dobel: posee creencia coopera coordina reemplasa contraataca contraatake

Por skirbi tambe: remplasa. Mira tambe 7.2, pag. 20

b. Ora cu un prefiho ta caba cu e mesun vocal cu un palabra basico ta cuminsa cu ne, ta skirbi dos vocal si e palabra basico tin nificacion riba su mes.

Ehempel: reeduca (educa), reeligi (eligi).

3. DIPTONGO

3.1 Diptongo creciente

Ta skirbi diptongo creciente cu y of w ora nan ta para na cuminsamento di silaba. Excepcion: regla na y-1, pag. 17 y excepcion na w, pag. 16.

Cu y

ya yabi cabuyaye yen cayente bayendo construyendo

yerbe biyechiyo yora, desaroyo

yorkiyu yuda desayuno

Mira letter y-1, pag. 17.

Cu w

wa wanta warawarawe weso caweta

welderwi wiriwo wowo awo

wordo worst

Ta skirbi diptongo creciente cu i of u ora nan no ta para na cuminsamento di silaba.Excepcion: regla na y-1, pag. 17 y excepcion na w, pag. 16.

Cu i

ia rabia papiaie miedo biento

kier gobiernoio cambio odioiu ciudad

Cu u

ua igual cuatroue pueblo cueba berguensa

buelta cuerdeui cuida cuihi linguistauo continuo antiguo

3.2 Diptongo decreciente

Ta skirbi e diptongonan decreciente na e siguiente manera.

ai bai caicai gaiei feita rei feilaoi roi coi morcoiui puiro hui pui

pasuit cuido

au/ou Den palabra di mas cu un silaba ta skirbi au den e prome silaba.

aumento bautismo clausura

Excepcion: scouder shouro couchi* blousa blousana shoumento

shoudo pouchi

Den otro caso ta skirbi ou.

cambou raspou bacalou dou

Excepcion : aeronauta, aplaudi, astronaut, astronauta, cosmonauta, * defrauda, exhaustivo, hidraulico, inaugura, recauda, restaura,

restaurant, precaucion y nan derivacionnan.

eu leu pareu coneu flambeuiu riu friu hudiu skiu

4. TRIPTONGO

Ta skirbi triptongo cu y of w na cuminsamento di silaba. Den otro caso ta skirbi nan cu i of u.

Cu i Cu y

ieu bieu yiu yiuiou miou you bakiyou

Cu u Cu w

uai wai wairauei buei wei weita

* E palabranan menciona no necesariamente ta forma un lista completo.

5. CONSONANTE

b 1. Ta skirbi b pa e zonido [b]:

bai, bende, barba.

2. Ta skirbi b como representacion di e zonido [p] den e palabranan: diahuebs, club.

3. Mira prefiho 7.1, pag. 20.

c 1. Ta skirbi c como representacion di e zonido [k]:

a. dilanti di e vocalnan a, o, u.

casca poco corta cumpra

E zonido [k] ta mantene su pronunciacion dilanti di e of i ora un di e vocalnan a, o, u, cai afo y tin un apostrof dilanti di e of i. Ta mantene letter c pa e zonido [k].

machica e batata cantica di Pascomachic'e cantic'i Pasco

b. dilanti di e consonantenan c, l, n, r, t.

atraccion conecta tecnicacla secreto

2. a. Ta skirbi c pa representa e zonido [s] ora e zonido aki ta dilanti di e of i den ultimo silaba.

conoce traducibeneficio espacio

E derivacionnan ta mantene letter c. Ehempel: conocemento

Excepcion:- Tur palabra cu ta caba cu -sis (tesis, crisis).

- E siguiente palabranan: amnesia, anestesia, Asia, autonomasia, autopsia, base, biopsia, burusi, casi, chimpanse, clase, controversia, cose, di pursi, eclipse, epilepsia, escases, fase, frase, iglesia, Indonesia, magnesio, Malasia, misil, piscasem, podise, potasio, simposio, vernisia y nan derivacionnan. Mira nota pag. 8 (*).

b. Tur palabra cu den ultimo silaba tin c dilanti di e of i, ta mantene e c den e derivacionnan si e zonido [s] ta dilanti di e of i.

facil social gradicifacilita socialisa gradicidofacilidad socialismo gradicimento

crece reconocecreciente reconocibelcrecemento reconocimento

c. Si e ultimo silaba tin c dilanti di e of i y den e palabra aki tin un otro zonido [s] dilanti di e of i den e penultimo silaba, anto ta representa e zonido aki tambe cu c. E derivacionnan ta mantene e c aki.

ehercicio decencia asociacionciencia inocenciacientifico inocente

Excepcion: 1. presencia, esencia, esencial, ausencia, sencia.Mira nota pag. 8 (*).

2. Tur palabra cu ta caba cu -sicion (p.e.: posicion).

3. Ta skirbi c como representacion di e zonido [s] ora e ta aparece meimei di dos e of dos i.

necesario decente decepcionfelicidad ricibi dicidi

Excepcion: no ta skirbi c pa e zonido [s] meimei di dos e of dos i:

a. ora e palabra ta caba cu sis (analisis, crisis) of isimo (carisimo)b. ora e palabra tin un prefiho (desempleo)c. ora cu e palabra ta caba cu ision (transmision) of isicion (adkisicion)d. den e palabranan: beyisima, bisiña, cerbeseria, decisivo, demisionario,

desea, deserta, disidente, disimula, esei, exkisito, fisico, fisiologia, fisioterapia, lisimbein, pesebre, presencia, presenta, presente, presenti, representa, reseña, reserva, risico, risinbein, risinben, risisti, reserva, sesenta te sesentinuebe, vernisia, visibel Tambe nan composicion – y derivacionnan ta skirbi cu s. Mira nota pag. 8 (*).

e. mira letter s-5 pag.15.

4. Ta skirbi c como representacion di e zonido [s] den e combinacionnan cibi y cede na final di palabra. Nan derivacionnan ta mantene e c:

percibi, procede/procedura.

5. Ta skirbi c pa e zonido [s], si esaki ta para dilanti di e of i y si su dilanti tin e zonidonan [ak] na cuminsamento di palabra. Ta skirbi c tambe pa e zonido [k] aki.

accesibel accent accidente

Excepcion: maximo, axioma, taxi, praxis y nan derivacionnan. Mira nota pag. 8 (*).

6. Ta skirbi ci pa e zonido [∫] den e silaba final [∫oŋ] y den e derivacionnan:a. si e silaba su dilanti ta caba cu a, ai, c of p.

a aprobacion nacion/nacional/nacionalidad

Excepcion: compasion, evasion, invasion, ocasion, pasion y nan derivacionnanMira nota pag. 8 (*).

ai traicion

c accion infeccion/infeccioso inspeccion/inspecciona

p descripcion

b. si e silaba su dilanti ta caba cu i,

coalicion

Excepcion: si e silaba su dilanti ta: ci, mi, vi

Ehempel: decision, mision, vision.

c. si e silaba su dilanti ta caba cu o,

emocion

Excepcion: 1. corosion, erosion. Mira nota pag. 8 (*). 2. si e silaba su dilanti ta: plo

Ehempel: explosion

d. si e silaba su dilanti ta caba cu u,

restitucion

Excepcion: 1. alusion, discusion, ilusion, percusion, repercusion y nan derivacionnan.

Mira nota pag. 8 (*).2. si e silaba su dilanti ta: clu, fu, tru Ehempel: conclusion, confusion

e. si e silaba su dilanti ta caba cu letter n,

prevencion

Excepcion: comprension, dimension, expansion, extension, mansion, pension, pretension,suspension, tension y nan derivacionnan.Mira nota pag. 8 (*).

f. si e silaba su dilanti ta: cre, he, por.

cre discrecion he obhecionpor desproporcion

Excepcion: adhesion, cohesion y nan derivacionnan. Mira nota pag. 8 (*).

7. Ta skirbi c como representacion di e zonido [s] den 'vice' (vicepresidente).

8. Ta skirbi cu c e palabranan:

abogacia, acento, acelera, acepta, acera, acerca, acesorio, acetona, acido, anciano, anecdota, anticonceptivo, bucea, cede, cedula, cel, celebra, celebro, celestial, celibato, cement, cen, cena, censo, censura, centenar, centenares,center,centiare, centigram, centiliter, centilitro, centimeter, centimetro, centro, ceramica, cerbes, cerca, ceremonia, cero (numeral), certamen, certidumbre, certifica, cesantia, cibernetica, cicatris, ciclo, ciclon, ciego, cierto, cifra, cilinder, cinco y tur numeral cu ’cinco’, cincuenta te cincuentinuebe, cine, cinema, cini, cinico, cinta (sustantivo), cintura, circo, circuito circula, circulo, circuncida, circunferencia, circunfleho,circunstancia, cirugia, cita (verbo y palabracion), ciudad, civil, concepto, concerni, concierto, concilio, decibel, decigram, deciliter, decilitro, decimal, decimeter, decimetro, decimo, decision, decisivo, diccionario, diocesis, docente, emancipa, encarecidamente, enciclopedia, es decir, farmaceutico,genocidio, halucina, incidente, indeciso, mercancia, ocean, parcela, patrocina, placenta, placentero, porciento, precioso, princesa, principal, principia, procesa, procesion, racional, recibo, sacerdote, secrecia, sencio/senciyo, sincero, specifica, suceso, sucesor, tercera, velocidad.Tambe nan composicion- y derivacionnan ta skirbi cu c. Mira nota pag. 8 (*).

ch Ta skibi ch pa e zonido [ĉ]:

chapi, chumbo, chuculati.

d 1. Ta skirbi d pa e zonido [d]:

dos, ladron, duda.

2. Tur palabra cu ta caba cu e sufihonan [dat], [tat] y [tut], ta skirbi cu d na final: -dad, -tad, - tud.

popularidad boluntad hubentud

3. Mira prefiho.

4. Mira letter t-1, pag. 16.

dj 1. Ta skirbi dj pa e zonido [ ɟ].

djaca djis podjo

2. Ta skirbi di pa e zonido [ ɟ] den:

a. e dianan di siman: dialuna te diadomingo,

b. e numeralnan: dies te diesnuebe.

f Ta skirbi f pa e zonido [f ].

fama forma sefta ablif

g 1. a. Ta skirbi g como representacion di e zonido [g], ora e ta dilanti di e vocalnan a, o, u, dilanti di un consonante of

un diptongo creciente cu ta cuminsa cu [w].

garganta gosa guli grandi linguista

E zonido [g] ta mantene su pronunciacion dilanti di e of i, ora un di e vocalnan a, o, u, cai afo y tin un apostrof dilanti di e of i.

lag'e carg’i apelsina

b. Ta skirbi gu como representacion di e zonido [g], ora e ta dilanti di e vocalnan e of i.

guera guiel sigui

Excepcion riba e regla aki ta ora e e tras di g ta unshua, e ora no ta skirbi u tras di g.

mangel sanger binager

2. Ta skirbi g como representacion di e zonido [x] ora e ta dilanti di e vocalnan e of i of consonante n y na final di palabra.

gesto gitano ignora mag

3. Ta skirbi g como representacion di e zonido [h] den e prefiho ge.: gedal.

h Ta skirbi h pa e zonido [h].

habri hala caha hues

Excepcion:1. Ta skirbi sin h: aloe, aros, uza. Mira nota pag. 8 (*). 2. Ta skirbi e siguiente palabranan y nan derivacionnan cu g:

aborigen, convergente, corigi, digeri, diligente, dirigi, eligi, exigi, fingi, fotogenico, genera,general, ginecologia, imagen, indigena, ingenio, letargico, liturgia, nitrogeno, oxigeno, regimen, vigila. Mira nota pag. 8 (*).

3. Palabra cu na final ta pronuncia cu [x] of [h] meimei di a y e, ta skirbi cu h.

aterisahe camuflahe ekipahe lenguahe

j 1. Ta uza letter j pa indica un orden alfabetico den numeracion, den palabra cu ta skirbi segun e forma original y den nomber propio.

2. Ta uza y pa e zonido [j] na cuminsamento di diptongo cu ta na cuminsamento di silaba.

3. Ta skirbi i pa e zonido [j] na cuminsamento di diptongo cu no ta na cuminsamento di silaba.Mira capitulo 2 y 3 y letter y.

k Ta skirbi letter k como representacion di e zonido [k]:

a. dilanti di e vocalnan e, i,

kere kens keiro kima baki

b. den posicion final.

hak plak hik

Mira letter c-1 pag. 9, c-5 pag. 10 y letter x.

l Ta skirbi letter l pa e zonido [l].

lampi calor culpa bel

m Ta skirbi letter m pa e zonido [m].

mesa cama himno fam

n 1. Ta skirbi n pa e zonido [n].

nieto conta cana

2. Ta skirbi n pa e zonido [ŋ].

bon danki bringa

ñ Ta skirbi letter ñ pa e zonido [ɲ]

paña soño ñapa

p 1. Ta skirbi p pa e zonido [p]

puntra papia topa hap

2. Mira letter b-2, pag. 9.

3. Mira prefiho 7.2, pag. 20.

q Ta uza letter q pa indica un orden alfabetico den numeracion, den palabra cu ta skirbi segun e forma original y den nomber propio.

r Ta skirbi letter r pa e zonido [r].

raton rosa barba poder

s 1. Ta skirbi s pa e zonido [s].

sin casi pos

2. Ta skirbi si pa e zonido [∫] den e silaba final [∫oŋ]:

a. si e silaba su dilanti ta caba cu e, l of r e profesion/profesional r excursion/excursionista

l emulsion

Ta skirbi e derivacionnan tambe cu si.Excepcion: si e silaba su dilanti ta he (obhecion), cre (discrecion) of por (desproporcion) y e palabra movecion.

b. si e silaba su dilanti ta: ci, mi, vi, plo, clu, fu, tru Ta skirbi e derivacionnan tambe cu si.

c. den e palabranan: comprension, dimension, expansion, extension, mansion, pension, pretension, suspension, tension, compasion, evasion, invasion, ocasion, pasion, corosion, erosion, alusion, discusion, ilusion, percusion, repercusion.Ta skirbi e derivacionnan tambe cu si. Mira nota pag. 8 (*).

3. Ta skirbi x pa e zonido [s] y e zonido [k] den e combinacion [ks]: mira letter x.

4. Mira letter c-2, c-3, c-4, c-5, c-6, c-7, c-8.

5. Ta skirbi sc pa e zonido [s] den e siguiente palabranan y nan derivacionnan.

adolescente discipulo fascismoAscension escena fluorescentediscipel escenario piscinadisciplina fascina transcende

Mira nota pag. 8 (*).

sh Ta skirbi sh pa e zonido [ ∫ ].

cushina shoshoro shinishi shen shelo shete

Excepcion: mira letter c, s, x. Mira nota pag. 8 (*).

t 1. Ta skirbi t pa e zonido [t].

trapi ritmo tanten flit

Excepcion: Ta skirbi red y sed cu d. Mira nota pag. 8 (*).

2. Mira letter d-2, pag. 12.

3. Mira prefiho 7.2, pag. 20.

v Ta skirbi v pa e zonido [v].

victoria nervio evalua

w Ta skirbi w ora e zonido [w] ta na cuminsamento di un silaba.Mira paragraf 3.1, pag. 7 y capitulo 4, pag. 8.

watapana awa caweta

Excepcion: No ta skirbi letter w entre vocal, ora e vocalnan no ta forma diptongo.

hangua yuana ruina poesia

x 1. Ta skirbi x como representacion di e zonidonan [ks]:

a. ora nan ta aparece dilanti di e vocalnan a, o, u,

examen exotico sexual

b. ora nan ta dilanti di un consonante,

experencia experto extra

c. ora nan ta aparece meimei di e y i,

exigencia, existi, flexibel

Excepcion: excita y su derivacionnan. Mira nota pag. 8 (*).

d. ora nan ta aparece meimei di o y i,

proximo oxigeno proximidad

Excepcion: occidente, occidental. Mira nota pag. 8 (*).

e. den e prefiho ex,

exminister excasa

f. na final di palabra: tambe e derivacionnan ta skirbi cu x.

mix box (di boxeo) clorox apendix

box (di postbox)

Excepcion: boks (di p.e. auto), cloks, deks, foks, heks.

Tambe nan composicion- y derivacionnan ta skirbi cu ks.

2. Ta skirbi xi pa e dos zonidonan [k ∫] den e siguiente palabranan y nan derivacionnan:

anexion, complexion, conexion, crucifixion, flexion, reflexion, transfixion. Mira nota pag. 8 (*).

3. Ta skirbi xc como representacion di e zonidonan [ks], ora nan ta aparece meimei di dos e na cuminsamento di palabra:

excelente, excepto

Excepcion: eccema, exegesis, exento, exencion, lexema y e derivacionnan. Mira nota pag. 8 (*).

4. Mira letter c-5, pag. 10.

y 1. Ta skirbi y pa e zonido [j] ora esaki ta nacuminsamento di silaba.

yora cabuya puyitoAntiya miyon beyaco

Excepcion:

cigaria, criansa, crio, deseo, dia, empleo, fia, horea, idea, patia, pelea, pia,

sea y e derivacionnan. Mira nota pag. 8 (*). Mira paragraf 3.1, pag. 7.

Ta skirbi na dos manera:

fiyo/fio, piyo/pio, streya/strea, weya/wea.2. Ta skirbi y pa e zonido [i] ora esaki ta conhuncion.

shelo y tera

Excepcion: e numeralnan di 21 te 99.

trinticuatro sesentidos

z Ta skirbi letter z pa e zonido [z].

zona zundra azeta

zj Ta skirbi zj pa e zonido [ ӡ].

zjilet zjilea trazjet

5.1 Consonante dobel

1. Ora cu un palabra cu ta sigui un prefiho ta cuminsa cu e mesun letter cu e prefiho ta caba cu ne, ta skirbi consonante dobel.

innecesario innovacion

2. Ora cu un palabra ta caba cu e mesun letter cu e sufiho ta cuminsa cu ne, ta skirbi consonante dobel.

zommento

3. Ora cu un palabra ta caba cu n y ta sigui e forma pluralnan, ta skirbi dos n.

pannan

4. Ta skirbi dos c:

1. ora cu dilanti di -cion tin un c pa e zonido [k]

p.e: accion

2. mira: c-5, pag. 10 y x-1d, pag. 17.

p.e.: accidente, occidente

5. Ta skirbi e siguiente numeralnan cu dos s.

diesseis dosshen seisshendiesshete tresshen

6. PARTIMENTO DI PALABRA NA SILABA

Generalmente ta parti palabra na silaba despues di vocal.No ta separa diptongo, triptongo ni e digrafonan.

1. Ora tin un consonante so entre dos vocal, e partimentota bini despues di e vocal su dilanti.

a-ya to-pa ba-ha

2. Ora tin mas cu un consonante entre dos vocal, epartimento ta bini despues di e prome consonante.

ben-de por-ta mus-tra

3. Ora entre dos vocal tin un consonante sigui pa l of r y esakinan ta forma un unidad (cluster), e partimento ta bini despues di e vocal su dilanti.

re-gla la-dra pa-la-bra

4. Den palabra cu tin un prefiho, e prome partimento ta binidespues di e prefiho. Ora cu un prefiho ta consisti di mascu un silaba, ta separa esaki segun e otro reglanan.

in-na-tu-ral ex-tra-o-fi-cial des-or-de-na

5. Ora tin dos vocal cu no ta forma diptongo ta sigui otro, epartimento ta bini despues di e prome vocal.

ma-in-ta cre-en-cia a-tra-e

6. Ora e digrafonan ch, dj, sh, zj y e consonante x ta meimei di dos vocal, e partimento ta bini despues di e vocal nan dilanti.

ha-cha po-djo ba-shatra-zjet a-xio-ma fle-xi-bel

7. PREFIHO

7.1 Prefiho formativo

Un prefiho formativo ta para dilanti di un palabra cu tin nificacion riba su mes. Ta skirbi prefiho formativo segun e principio morfologico. Esaki ta nifica cu ta skirbi un prefiho semper mescos (maske tin cambio den pronunciacion).

Ehempel: incurabel innecesario preescolar malgastainternacional reeduca antisocial contraproposicion

Excepcion riba e regla aki ta e prefiho in dilanti di l, r, b, p.

a. E prefiho in dilanti di l, r ta bira i.

ilegal iregular

b. E prefiho in dilanti di b, p ta bira im.

imbalido imposibel

7.2 Prefiho constructivo

Un prefiho constructivo ta para dilanti di un ‘palabra’ cu no tin nificacion riba su mes. Ta skirbi prefiho constructivo segun e principio morfologico. Esaki ta nifica cu ta skirbi un prefiho semper mescos (maske tin cambio den pronunciacion). Ta skirbi e siguiente prefihonan constructivo di e siguiente manera:

ab (absurdo) sub (subsidio) mal (malversa)

ob (observa) ad (admiti) contra (contradeci)

in (innovacion) re (reemplasa)

7.3 Prefiho y palabra basico

Ta skirbi prefiho pega na e palabra basico.

internacional recapasita innecesariocopiloto expresidentemacroeconomia

8. SIGNO DI LESA

8.1 Punto (.)

Ta skirbi un punto:

a. na final di un frase,

Mañan mi no ta bai hunga bala.

b. despues di abreviacion,

p.e. (por ehempel)dr. (doctor)

Excepcion:E abreviacionnan cu internacionalmente ta balido pa midi, peso etc. no ta skirbi cu punto.

km (kilometer)g (gram)

c. despues di number ordinal.

3. (di tres)

8.2 Punto y Coma (;)

Punto y coma ta indica un pauze mas cortico cu punto, peromas largo cu coma.

1. Punto y coma ta separa frase principal for di otro.

Su sapato a kibra; p’esei e no por a bai fiesta.

2. Por uza punto y coma entre palabra of grupo di palabra cu ta forma parti di un numeracion.

Ehempel: Ta skirbi cu mayusculo: e prome letter di e prome palabra di un frase; e prome palabra di un frase independiente cu ta para dentro di un frase.

8.3 Coma (,)

Coma ta indica un pauze cortico.E reglanan cu ta sigui por ta util den uzo di coma.

a. Ta skirbi coma entre palabra of grupo di palabra cu ta forma parti di un numeracion, si nan no ta uni pa un conhuncion.

Den hofi nos tin promenton, tomati, bonchi y lechuga.Su dianan di consulta ta dialuna, diaranson, diabierna y diasabra.

b. Un coma ta separa aposicion for di resto di frase.

Boy Ecury, nos heroe nacional, a muri fusila na Hulanda.

c. Un coma ta separa si y no enfatisa for di resto di frase.

Si, esei ta berdad. No, mi n' ta bai.

d. Un coma ta separa indicacion di un of mas persona na ken ta dirigi palabra, for di resto di frase.

Señor Tromp, skirbi mi asina cu Bo yega.Esei bo no por exigi di nos, mi yiu.

e. Un coma ta separa estilo directo for di resto di frase. Ta skirbi e coma pafo di comia.

"Mi tin hamber", el a bisa su primo."Di unda bo ta bin?", su tata a puntr'e."Laga mi na pas", Tinchi a contesta.

f. Ta uza coma tras di e saludo na cuminsamento di un carta.

Apreciabel Señor Wernet,Mi ta gradici Bo ...

8.4 Punto dobel (:)

Ta skirbi punto dobel:

a. dilanti di estilo directo anuncia,

Su mama a bis'e: "No lubida loke m'a bisa bo."

b. dilanti di numeracion anuncia,

Nan ta bende: mesa, cashi y cama.

c. dilanti di un frase cu ta resumi loke ta para dilanti,of cu ta saca un conclusion for di loke ta para dilanti,

Ban crea un scol cu cuido y cariño pa otro: esaki ta e curason di innovacion.

d. dilanti di un frase anuncia, of parti di un frase anuncia.

Sigui e conseho aki: No pone bo cedula nunca den bo maleta.Salario: Af. 300

8.5 Comia (“ ”)

Ta skirbi tur dos comia ariba ("...").

a. Comia ta indica estilo directo. Ta skirbi signo disclamacion, signo di pregunta y punto paden di comia.

E di: "Mi n' sa ta kico a pasa!""Di unda bo ta bin?", su tata a puntr'e.Na television nan a bisa: "No ta bin eleccion nobo."

b. Ta uza comia pa enfatisa un parti di un frase of un texto.

E pelicula "El Cid" no ta hopi conoci.

c. Comia ta indica un cita.

Den corant ta para: "E presidente nobo di Venezuelata biba na Caracas."

d. Ta skirbi un cita den un cita cu comia simpel.

"Mi ta conseha boso lesa 'Dubbelspel' un biaha mas."

e. Ta skirbi comia pa indica ripiticion di palabra bou di otro.

E ta lanta seis or.E ta come " " .

8.6 Signo di pregunta (?)

Ta skirbi signo di pregunta despues di:

a. frase di pregunta,

Dicon nunca e no ta yega na tempo?

b. palabra di pregunta.

Unda? Ki dia?

8.7 Signo di sclamacion (!)

Ta skirbi signo di sclamacion:

a. despues di sclamacion,

admiracion: Esta bunita! entusiasmo: Biba Aruba!rabia: Caramba! asombro: El a bira

bieu!duele: Ai ta pica! spanto: Mi Dios!

b. despues di frase cu ta contene un deseo,

Mara mi tawata sa!

c. despues di frase cu ta contene un ordo.

Bin aki mesora!

8.8 Strepi (-)

Strepi ta indica un pauze mas largo cu un coma.

a. Ta uza strepi pa partimento di palabra na silaba.

o-lo-shi la-pi

b. Ta uza strepi como signo pa remplasa e forma plural nan, si esaki ta aparece mas cu un biaha den un frase. Ta skirbi e forma plural nan na e ultimo palabra den plural.

Tecla a benta e pen- y e papelnan afo.

c. Ta uza strepi dilanti y patras di un frase of un of mas palabra cu ta aclaria of amplia loke a bisa.

Tur mainta - ta Pedro a bisa mi - e ta bebe awa di coco cu ijs.

Remarca:Na luga di strepi, por uza coma. Esaki ta indica un pauze mas cortico cu strepi. Tambe por uza parentesis, si ta pronuncia e frase hinca den e otro frase, sin enfasis.

Tur mainta, ta Pedro a bisa mi, e ta bebe awa di coco cu ijs.Tur mainta (ta Pedro a bisa mi) e ta bebe awa di coco cu ijs.

8.9 Parentesis ( )

Parti di un frase, of un of mas palabra cu ta duna un aclaracion y tambe un frase cu no ta pronuncia cu enfasis y cuta hinca den un otro frase, ta skirbi entre parentesis.

E ta biba na Rincon (Boneiro).

E di (casi mi n' por a reconoce su stem):“Mi no ta bin nunca mas.”

8.10 Tres punto (...)

a. Tres punto ta indica un pauze relativamente largo.

Si, pero ... no t'asina facil.

b. Tres punto ta indica un preparacion pa algo inespera.Ta uza tres punto tambe pa hisa tension.

Diripiente ... tur dos a cuminsa yora!

c. Tres punto ta indica un interupcion (lagamento afo di: findi un pensamento, un of mas palabra of parti di unpalabra).

“Bai traha, homber ...!” el a grit'e.

d. Tres punto den un cita ta indica cu den tal cita a laga un parti afo.

a) Cita completo:

“Na Bonaire tawatin 2000 Indjan cu tawata biba dipiscamento y agricultura.”

b) Cita abrevia:

“… Indjan cu tawata biba di piscamento y agricultura.”“Na Bonaire tawatin 2000 Indjan ...”“Na Bonaire ( …) tawata biba di piscamento y agricultura.”

e. Si un frase ta caba cu tres punto, anto no ta skirbi unpunto extra pa indica fin di e frase.

Y tur hende a keda keto ... Pa su mañan etc.

9. MAYUSCULO Y MINUSCULO

9.1 Mayusculo na cuminsamento di frase

Ta skirbi cu mayusculo:

a. e prome letter di e prome palabra di un frase,

Tur siman e ta come un webo herbi.Uzo: Mescla cada liter cu mei liter di awa friu.

b. e prome palabra di un frase independiente cu ta paradentro di un frase,

Su "Mi n' sa ta con" ta traha riba mi nervio.E di cu mi: "Dal bai numa!"

c . e palabra despues di e coma cu ta aparece tras di e saludo na cuminsamento di un carta.

Apreciabel Señor Wernet,Mi ta gradici Bo ...

9.2 Mayusculo y minusculo despues di signo di lesa.

9.2.1 Punto dobel

Ta skirbi cu mayusculo despues di punto dobel:

e prome palabra di un estilo directo.

Su tanta a bisa: "Sigui ehempel di bo tata!"

Ta skirbi cu minusculo despues di punto dobel:

a. e prome palabra di un parti di un frase anuncia,

Af. 400,-- skirbi na palabra: cuatroshen florin.

b. e prome palabra di un numeracion anuncia.

E ta cumpra: keshi, pan y ham.

9.2.2 Tres punto

Ta skirbi cu mayusculo:

ora ta cuminsa cu un tema nobo despues di tres punto cuta indica un interupcion.

Sucu ta gaba ... E no a cambia ni un tiki.

Ta skirbi cu minusculo:

despues di tres punto cu ta para dentro di un frase y cu ta indica algo inespera of cu ta pa hisa tension.

Diripiente ... un grito duro di pafo!

9.2.3 Coma

Despues di coma semper ta skirbi minusculo.

"Di unda bo ta bin ?”, su ruman a puntr'e."Stop di zundra, homber ...!", el a grit'e.

Excepcion: mira 9.1-c, pag. 26.

9.3 Skirbimento di nomber

Ta skirbi cu mayusculo:

a. nomber y fam, nomber di cariño ynomber di cherche,

Shon Ca Cha Tiger

b. 1. apelativo cu semper ta aparece cu un nomber,

Mo Hose Chi Tonia Tan NiniDon Pablo Shi Marianita

2. e siguiente apelativonan ora nan ta aparece cu nomber,

Papa Sha Pa Sha Shon CaMama Chichi Ma ChichiTanta Nini Tanchi Nini

3. e apelativonan Señor, Señora, Señorita ta skirbi cu mayusculo, tambe e formanan abrevia: Sr., Sra., Srta. Mira nota pag. 8 (*).

c. nomber di bestia,

Nos cacho Bufi no ta gusta pisca.

d. nomber di deidad y pronomber personal cu ta referi na deidad,

Nos Tata Ban alaba nos Tata.Nos Señor Ta E ta nos Señor.

e. tur e partinan di nomber geografico, cu excepcion diconhuncion y preposicion,

Sero di Compa Medio Oriente PlutoSaturno Mars

Venus

f. nomber di institucion, cu excepcion di conhuncion ypreposicion,

Instituto di Cultura

g . e siguiente tiponan di sustantivo y tambe adhetivo cu ta deriva di nomber geografico,sustantivo: un Frances, un Aleman, Spaño (idioma), adhetivo: un biña Italiano, un pasto Mericano.

h. nomber di idioma y nan adhetivo, cu no ta deriva di nomber geografico,

Papiamento, Sranan Tongo

i. nomber di dia di fiesta y dia religioso cu excepcion di conhuncion y preposicion,

Pasco, Aña Nobo, Dera Gai, Dia di Himno y Bandera, Cuaresma, Semana Santa

j. nomber di pueblo, rasa y tribu y nan derivacionnan.Indjan, Caquetio, Yankee, Gringo, Hudiu

Ta skirbi cu minusculo:

nomber di dia y di luna

diamars februari

9.4 Nomber di dignidad y titulo

Ta skirbi cu mayusculo:

a. nomber di dignidad y nan abreviacion; rei,presidente, gobernador, ministro etc., ora nomber di epersona ta para su tras of e ta menciona den e texto,

Minister TrompSu Altesa Real (S.A.R.)Su Santidad (S.S.)Su Excelencia (S.E.)

b. e adhetivonan san, santa y santo.

San PedroSanta TeresaSanto Domingo

Ta skirbi titulo y nan abreviacion manera e instituto di enseñansa a stipula nan scritura.

Ehempel: doctor dr. Master of Arts M.A.meester mr. Licenciado Lic.doctorandus drs.

9.5 Forma di cortesia

Por uza como forma di cortesia pronomber personal 'bo', 'boso' y pronomber posesivo

'bo', 'boso' cu mayusculo.

Ehempel: Nos ta invita Bo(so) pa un reunion.

Bo por a duna mi Bo(so) adres?

10. APOSTROF

Ta uza un apostrof pa indica cu un of mas zonido (un of mas letter) a cai afo. Ora uza un apostrof ta skirbi e dos palabranan hunto.Ora ta trata di e negacion no, ta mantene espacio di palabra.

10.1 Apostrof pa zonido na cuminsamento y na final di palabra

Ta skirbi e palabra completo of cu apostrof:

a. si un zonido na cuminsamento di un palabra ta cai afo,

mashin di cose

mashin'i cose

b. si un zonido na final di un palabra ta cai afo.

Mi no sa Mi n' sa.

No ta berde?

N' ta berde?

Excepcion: numeral di 21 te 99

10.2 Shua

Si un shua cu ta den un palabra ta cai afo, ta skirbi e palabra completo of unda cu e shua ta cai afo no ta skirbi apostrof y ta skirbi e letternan hunto.

boter a caba botr'a caba

10.3 Skirbimento cu apostrof y sin espacio di palabra

Ta skirbi separa y e palabra completo of cu apostrof y sin espacio di palabra:

1. Si un palabra ta caba cu vocal y esaki ta cai afo y esiguiente palabra ta cuminsa cu vocal of ta consisti diun vocal.

ta asina t'asinami a bai m'a bai

Tinchi ta cumpra e auto/ Tinchi ta cumpr’e auto.

Tecla ta cumpra e auto aki/ Tecla ta cumpr’e auto aki.

Excepcion: paragraf 10.3-3, pag. 29.

2. Si e zonido na fin di un palabra of un shua den unpalabra y na mesun tempo e zonido na cuminsamentodi e siguiente palabra ta cai afo.

weso di lomba wes'i lombasopi di carni sop'i carnicarni di baca carn'i baca

boter di lechi botr'i lechi

Excepcion: paticabra

3. Ta skirbi verbo cu ta caba cu vocal sigui pa e pronomber personal e semper cu apostrof y sin espacio di palabra, si e vocal ta cai afo.

Tecla a cumpra e buki. E mucha a fango e bala.Tecla a cumpr'e. E mucha a fang’e.Tinchi a sunchi Amanta. Tinchi a bende su auto.Tinchi a sunch'e. Tinchi a bend’e.

Mira 11.1-b.

4. Ta skirbi e siguiente palabranan cu apostrof.

cuat'or, cinc'or, shet'or,och'or, nueb'or, cuant'or

10.4 Apostrof pa zonido final y siguiente palabra

Si un palabra ta caba cu vocal y esaki ta cai afo y e siguiente palabra ta consisti di solamente un zonido y esaki ta cai afo, ta skirbi un apostrof so of e palabranan completo.

Nos n' come Nos no a come.

10.5 Skirbimento hunto y sin apostrof

Ta skirbi e siguiente palabranan hunto y sin apostrof.

pariba pasuit patras padenpabou panort padilanti pafo

10.6 Skirbimento hunto y sin apostrof of separa y apostrof pa dos silaba cu ta cai afo

a. Ta skirbi e siguiente palabranan separa, hunto of cu apostrof.

tawata tin tawatin ta’tintabata tin tabatin ta’tin

tawata ta tawata ta’tatabata ta tabata ta’ta

b. Ta skirbi un apostrof ora cu ta laga e ultimo dos silabanan di ‘tawata’ y ‘tabata’ cai afo.(tawata ta > tawata) > ta’ (tabata ta > tabata) > ta’

11. SKIRBIMENTO HUNTO Y SEPARA

11.1 Skirbimento hunto y separa en relacion cu verbo

a. Si e pronomber personal e ta aparece como dativo of acusativo tras di un verbo cu ta caba cu i y esaki no ta cai afo, ta skirbi nan hunto.

Su mama a bistie.

b. Si pronomber personal e ta para tras di un verbo cu ta caba cu consonante, ta skirbi esakinan separa.

Tinchi a dal e.

Mira tambe 10.3-3.c. Si mi, bo, nos, boso, nan ta para tras di un verbo, ta skirbi nan semper separa.

bisti mi bisti nos bisti nan

bisti bo bisti boso

11.2 Skirbimento hunto y separa di dos pronomber personal

a. Si dativo e y acusativo e ta sigui tras di otro, anto ta skirbi hunto.

Su mama a bistiele.

Su mama a dun'ele.

b. Den otro caso, unda dos pronomber personal ta sigui tras di otro, ta skirbi

nan separa.

Su mama a bisti mi e (of: bisti m'e)Su mama a bisti bo e. (of: bisti b'e)Su mama a bisti nos e.Su mama a bisti boso e. (of: bisti bos'e)Su mama a bisti nan e.

Mira 10.3-1.

11.3 Skirbimento hunto y separa di preposicion y otro sorto di palabra

11.3.1 Preposicion 'cu' y pronomber personal

Si despues di e preposicion cu ta sigui un pronomber personal, ta skirbi separa.

Dora a balia cu mi. Dora a balia cu nos.Dora a balia cu bo. Dora a balia cu boso.Dora a balia cu ne. Dora a balia cu nan.

11.3.2 Preposicion 'di' y pronomber personal

Si despues di e preposicion di ta sigui un pronomber personal, ta skirbi separa.

E buki di mi. E buki di nos.E buki di bo. E buki di boso.E buki di dje E buki di nan.

11.3.3 Preposicion 'di' y pronomber demostrativo

Si despues di e preposicion di ta sigui un pronomber demostrativo, ta skirbi nan separa of hunto.

di esaki djesakidi esei djeseidi esaya djesaya

11.3.4 Preposicion y articulo

Si despues di preposicion di ta sigui e articulo defini of e articulo indefini, ta skirbi nan separa of hunto.

E porta di e cas. E porta dje cas.

E ta doño di un tereno. E ta doño djun tereno.

11.3.5 Construccion preposicional

Ta skirbi preposicion componi of expresion preposicional separa.

Ehempel: a base di pa via di con tal cu por lo menos

en bes di na luga di

11.3.6 Pronomber personal y particula ‘a’

Ta skirbi ‘el’ pa e pronomber personal ‘e’ dilanti di e particula ‘a’.

El a bai caba.

11.4 Adverbio

a. Ta skirbi e siguiente adverbionan di luga y di tempo como un solo palabra.

akibanda eibanda ayabandaakibou eibou ayabouakiden eiden ayadenakifo eifo ayafoakiriba eiriba ayaribaakicerca eicerca ayacercaakitras eitras ayatras

awemainta awetardi awemerdia awenochi

b. Ta skirbi e siguiente combinacionnan di dos adverbio, hunto.

ayeramainta awemainta mañanmaintaayeramerdia awemerdia mañanmerdiaayeratardi awetardi mañanatardiayeranochi awenochi mañananochiantayeramainta antayeratardi aribabouantayeramerdia antayeranochi aribariba

c. Ta skirbi e siguiente combinacionnan di adverbio di tempo y di luga hunto.

aworaki aworei meianochi

d. Tambe ta skirbi como un palabra e siguiente combinacionnan.

antayera treimerdia/traimerdia

e. Si despues di e preposicion di ta sigui un di e siguiente adverbionan di luga, ta skirbi nan separa of hunto.

di ariba djariba di aki djakidi abou djabou di ei djei

di atras djatras di aya djaya di aden djaden di acerca djacerca di afo djafo di aleu djaleu

f. Si despues di e peposicion di ta sigui un di e siguiente adverbionan di tempo, ta skirbi separa of hunto.

di awe djawe di atardi djatardidi awo djawo di anochi djanochidi ayera djayera

11.5 Numeral

1. a. Numeral di 11 te 99 ta skirbi hunto.

bintiseis, trintidos

b. E numeralnan 200, 300, 400, 500, 600, 700, 800, y 900 ta skirbi hunto.

dosshen sheteshen ochoshen

c. Numeral di 101 te 999 ta skirbi hunto ora ta trata di e contraccion shenti

dosshentitrintiseis

d. Tur otro combinacion di numeral ta skirbi separa.

tresshen y trintiseisbintinuebe mil dosshen y trintitres

2. Composicion cu ta consisti di numeral sigui pa sustantivo ta skirbi hunto si:a. tin cambio di zonido,b. tin zonido ta cai afo,c. tin combinacion di a y b.

Ehempel: dosplaca doria treyotin

Excepcion: paragraf 10.3-4, pag. 32.

11.6 Reduplicacion

a. Ta skirbi forma reduplica hunto, si e forma skirbi hunto tin solamente un entonacion principal.

pegapega cachicachi shirishiri

b. Den otro caso ta skirbi e formanan reduplica separa.

duro duro nobo nobo fini fini

11.7 Palabra cu ta consisti di ‘la’ y un otro palabra

Ta skirbi palabra cu ta consisti di ‘la’ y un otro palabra hunto of separa.

lareina/La Reina Labirgen/La Birgen lamuerte/La Muerte

11.8 Otro composicion

1. Ta skirbi composicion cu ta consisti di verbo y sustantivo hunto si: a. tin cambio di tono,b. tin cambio di entonacion principal,c. tin combinacion di a y b.

Ehempel: kibrahacha pegasaya salbabida bringamosa

2. Ta skirbi composicion cu ta consisti di verbo y verbo hunto.

Ehempel: sendepaga chocamata dalbai (sort’i pan)

3. Ta skirbi composicion cu ta consisti di sustantivo y sustantivo separa.

Ehempel: bonchi cacalaca primo ruman cacalaca matros

Excepcion: panboyo bacator sayacarsonMira nota pag. 8 (*).

4. Ta skirbi composicion cu ta consisti di sustantivo y adhetivo of adhetivo y sustantivo hunto si:

a. tin cambio di tono,b. tin cambio di entonacion principal,c. tin combinacion di a y b.

Ehempel: alablanca palofriu pandushipanbati bonbida bonbini (sust.)

11.9 Otro construccion

1. Palabra componi cu ta cuminsa cu e componentenen acto, aero, astro, auto, electro, foto, hemo, herbi, hidro, meta, moto, narco, neuro, oceano, omni, orto, (p)sico,radio, retro y tele ta skirbi como un solo palabra.

Ehempel:

actoprimo actoactoprimoaerodinamica aeronautaautodeterminacion autodidacticoastrologia astronautaelectrocardiogram electromagneticofotokimica fototerapiahemoglobina hemodialisisherbivoro herbicidahidroterapia hidrotecnicametafisica metafisicomotociclismo motociclistanarcotraficacion narcotraficanteneurociruhano neurobiologiaoceanografia oceanologiaomnipotencia omnipotenteortopedagogia ortopedagogicopsicoanalisis psicoterapiaradioactividad radionovelaretroactivo retroactividadtelecomunicacion telenovelaMira nota pag. 8 (*).

E siguiente palabranan tambe ta skirbi hunto.

chupabebe panlefi turestenmacapruim todopoderoso planbari

2. Ta skirbi e siguiente palabranan separa.

tal bes una bes vice versa

Ta skirbi como un palabra: umbe(s).

12. NOMBER DI LUNA

Ta skirbi nomber di luna di e siguiente manera.

januari, februari, maart, april, mei, juni, juli, augustus,september, october, november, december.

13. PALABRA PROBLEMATICO

Tin palabra di otro idioma cu, pa motibo di aceptabilidad social, no ta skirbi segun e reglanan di e ortografia aki. Ta skirbi e palabranan aki siguiendo e forma original of tradicional.

Ehempel:

di Hulandes: belasting, letter

di Ingles: baby-sit, feedback

di Spaño: (aros) con pollo, quinceañera

di Frances: trottoir, pâté

di Italiano: allegro, pizza

di Latin: vice versa, ad hoc

forma tradicional: rooi, rooibiet