بسم الله الرحمن الرحيم

2:42. And cover not Truth with falsehood nor conceal the Truth when ye know (what it is).

2:111. And they say: “None shall enter paradise unless he be a Jew or a Christian.” Those are their (vain) desires. Say: “Produce your proof if ye are truthful.”

MGA PANGUTANA SA KADAGHANAN:

1. Unsay gitudlo sa Diyos sa Bibliya ngadto sa mga Israelihanon mahitungod sa gidaghanon sa Diyos?

Tubag:

“Magpatalinghug ka, Oh Israel; si Jehova nga atong Diyos, maoy USA lamang ka Jehova.”Deut.6: 4.

2. Aduna bay nag-una ug naulahi sa Diyos?

Tubag:

“…Una kanako walay Diyos nga nahimo, ni aduna pay mosunod kanako. Ako bisan Ako mao si Jehova: gawas kanako wala na’y Manluluwas.” Isaias 43:10-11.

3. Sa bag-ong tugon sa Bibliya nagtudlo ba usab sa pagka-USA sa Diyos?

Tubag:“Patalinghug Oh Israel, ang Ginoo nga atong Diyos, ang Ginoo usa ra.” Markos 12:29.

4. Mituo ba ang Israel nga usa ra ang Diyos?

1

Tubag:

“Husto kana, Magtutudlo; tinuod ang imong giingon nga ang Diyos usa ra, nga wala na’y lain gawas kaniya.” Markos 12:32.

5. Gitugot ba sa Bibliya ang pag-ila ug laing Diyos gawas sa USA ka Diyos?

Tubag:“Dili ka mag-ila ug lain nga Diyos sa atubangan ko.”Exodo 20:3.

6. Kamong mga Muslim nganong dili man kamo motuo nga Diyos si Jesus?

Tubag:Wala kami motuo nga Diyos si Jesus kay wala man Siya mag-ingon nga Siya mao ang Diyos.

7. Dili pa ba diay igo ang mga milagro nga gihimo ni Jesus nga tuohan na ninyo nga siya Diyos?

Tubag:Ang mga milagro ni Jesus maoy pagpamatuod nga Siya sinugo sa Diyos, dili nga ang mga milagro niya maoy maka-pa-diyos, kini sumala ni Jesus sa San Juan 11:41-42.”…Aron sila motuo nga ikaw (ang Amahan) maoy nagpadala kanako.”

8. Dili ba ang mga milagro ni Jesus maoy kabasihan nga Diyos gayud Siya.

Tubag:Dili mahimo nga ang mga milagro ni Jesus maoy basihan nga Diyos si Jesus kay ang mga tawo nga nakakita sa milagro ni Jesus wala man magtuo nga Siya Diyos kondili miingon man hinoon sila nga si Jesus usa ka PROFETA sa Diyos nga moanhi sa kalibutan. Kini sumala sa San Juan 6:14.Basaha usab ang Lukas 7:16 ug Lukas 24:19.

9. Kon si Jesus usa lamang ka Sinugo ngano man nga wala man Siya mosulti nga Siya Sinugo sa Diyos?

2

Tubag:Daghan kaayong higayon nga si Jesus misulti nga Siya Sinugo sa Diyos nalimot lang tingali ka. Palihug basaha ang San Juan 17:3, San Juan 8:40 ug San Juan 11:42.

10. Anaa ba’y tawo nga makabuhi ug patay?

Tubag:

Oo, anaa kini sumala sa I Hari 17:21-22.Gibuhi ni Profeta Elias ang bata nga namatay, apan dili siya Diyos.Si Pedro nakabuhi ug patay apan si Pedro dili Diyos, sumala sa Buhat 9:41.

11. Kon dili Diyos si Jesus unsa man diay Siya?

Tubag:

Sumala ni Jesus nga Siya tawo, mabasa sa San Juan 8:40 ug mabasa usab sa San Mateo 21:11,si Jesus Profeta sa Diyos.

12. Tongod ba nga tawo si Jesus nga dili na siya Diyos?

Tubag:

Oo, kay ang Diyos dili man TAWO, sumala sa Oseas 11:9”…kay Ako Diyos man ug dili TAWO.

13. Apan DIYOS gayud si Jesus kay ang Amahan anaa man kaniya, di Ba? Kini sumala sa San Juan 10:38.

Tubag:Kon DIYOS si Jesus kay ang Amahan anaa kaniya, DIYOS usab diay ang mga tawo kay si Jesus anaa sa Amahan ug sila anaa sa mga tawo, sumala sa San Juan 17:21.Busa si Jesus anaa sa Amahan ug Sila anaa sa mga tawo , busa DIYOS USAB ang mga tawo, kon ingnon nato nga DIYOS si Jesus kay ang Amahan anaa man kaniya .

14. Nganong dili man gayud kamo motuo nga DIYOS si Jesus nga ANAK man Siya sa DIYOS?

3

Tubag:Motuo lamang tingali kami nga DIYOS si Jesus kon tuohan usab ninyo si Adam nga DIYOS kay ANAK man usab siya sa DIYOS, sumala sa Lukas 3:38. Ug DIYOS usab si Israel kay ANAK man usab siya sa DIYOS, sumala sa Exodo 4:24. Ug DIYOS usab ang mga Anghel kay mga ANAK man usab sila nga lalaki sa DIYOS sumala sa Genesis 6:1.

15. Kondili pa DIYOS si Jesus, nganong miingon man Siya nga sa wala pa si Abraham MAO NA AKO, sumala sa San Juan 8:58?

Tubag:Kon DIYOS si Jesus kay diha na Siya sa wala pa si Abraham, DIYOS usab diay ang mga Anghel kay diha naman sila sa wala pa mabuhat ang kalibutan, sumala sa Job 38:7.Apan dili sila mga DIYOS bisan pa ug magulang sila sa kalibutan.

16. Apan DIYOS si Jesus kay Siya ang dagway sa dili makita nga DIYOS, SUMALA SA Kolosas 1:15, dili Ba?

Tubag:Kon DIYOS si Jesus kay Siya sama sa dagway sa DIYOS, Diyos diay ang tanang tawo kay gibuhat man kono sa Diyos ang tawo sama sa dagway sa Diyos, sumala sa Genesis 1:27.

17. Ngano man lagi nga miingon man si Jesus nga “…ang nakakita kanako nakakita sa Amahan.”Sa ato pa, Siya mao ang dagway sa Amahan, busa Diyos Siya, Di Ba?

TubagKon moingon ang tawo nga ang imong litrato (dagway) mao gayud ikaw, mahimo usab nga DIYOS si Jesus kay dagway man Siya sa DIYOS. Apan ang imong litrato sama lamang sa imong dagway apan dili siya makalihok ug makabuhat sa ma nimo kay litrato ra man. Busa dili gayud DIYOS si Jesus kay litrato (dagway) ra man Siya sa DIYOS. Ug dili usab maayo sa usa ka tawo nga may tuyo kanimo ug sa imong litrato (dagway) makigsulti. Busa dili makatarunganon nga kon may tuyo ikaw sa DIYOS adto ikaw moampo ni Jesus kay Siya litrato (dagway) ra man sa DIYOS.

18. Kay imo man nga gidawat nga si Jesus dagway sa DIYOS busa may labut gayud sa pagka-DIYOS, di Ba?

4

Tubag:“Ang modawat niining gagmayng bata, midawat kanako.” San Mateo 18:5, kini matud ni Jesus. Apan wala magpasabut si Jesus nga DIYOS usab ang bata kay gidawat. Ang pagkuyog nako sa imong pagtuo nga si Jesus dagway sa DIYOS, wala magpasabut nga gidawat nako si Jesus nga DIYOS. (Ang tinood wala kami magtuo nga si Jesus dagway saDIYOS kay walay dagway ang DIYOS nga sama sa tawo.) Ang atongpagdawat sa mga bata wala kana magpasabut nga atong gidawat ang mga bata ingon nga DIYOS.

19. Sa nakita ni Tomas si Jesus human sa giingon nga kamatayon, siya miingon “…Ginoo ko ug Diyos ko.” San Juan 20:28. Dili ba igo nga imong dawaton nga DIYOS gayud si Jesus?

Tubag:Si San Juan mao ang nagsulat nianang gisulti ni Tomas, nga Ginoo ko ug Diyos ko, apan matud pa ni San Juan sa San Juan 20:39. “Kini gisulat aron kamo motuo nga si Jesus mao ang Kristo…” Wala sulata ni San Juan ang iyang libro aron motuo kita nga si Jesus DIYOS kondili aron nga motuo kita nga si Jesus mao ang Kristo.

20. Motuo ba kamo nga ang Diyos nahimong tawo?

Tubag:

Dili kami motuo nga ang Diyos nahimong tawo kay nag-ingon man siya nga “..Kay Ako Diyos man ug DILI TAWO” Oseas 11:9. , “ikaw tawo man lamang ug dili Diyos…” Exequiel 28:2. Ang Diyos magpabilin nga Diyos ug ang tawo magpabilin nga tawo.

21. Apan wala ba diay nimo mabasa sa Bibliya nga ang Diyos nahimong tawo?

Tubag:Wala ako makabasa sa Bibliya nga nag-ingon nga “ang Diyos nahimong tawo,” pero nakadungog ako sa mga tawo nag-ingon nga “ang Diyos nahimong tawo.”

22. Wala ba diay ikaw makabasa sa Roma 9:5 nga natawo si Kristo nga mao ang DIYOS?

5

Tubag:Nakabasa ako nga natawo si Kristo, pero wala nako mabasa sa Roma 9:5, nga natawo ang Diyos.

23. Nganong dili man ikaw motuo nga natawo ang DIYOS?

Tubag:Dili ako motuo nga natawo ang DIYOS kay wala man Siyay sinugdanan ug walay Katapusan, sumala sa Salmo 90:1-2.

24. Motuo ka ba sa tagna sa Isaias 9:6?

Tubag:

Mituo ako sa tagna nga may bata nga matawo.

25. Motuo ka ba nga ang maong bata nga matawo mao si Jesus?

Tubag:Dili ako motuo nga si Jesus ang maong bata kay WALA may gingharian si Jesus ug ang maong bata aduna may gingharian.

26. Wala ba diay gingharian si Jesus dinhi sa yuta?

Tubag:

Wala.Si Jesus mao mismo ang nag-ingon nga wala siyay gingharian, kini sumala sa San Juan 18:36. “Ang akong PAGKAHARI wala dinhi niining kalibutana….”

27. Unsay bout ipasabut sa polong “KRISTO”?

Tubag:

Ang polong Kristo , usa ka polong nga Grego nga ang bout ipasabut “DINIHUGAN”. “Kining maong Jesus TAWO nga gipamatud-an sa DIYOS.” Buhat 2:22.

6

28. Motuo ba kamo nga si Jesus mao ang Kristo, gihatagan sa DIYOS ug ngalan nga labaw pa sa tanang mga ngalan, sumala sa Filipos 2:9?

Tubag:Kon motuo kami nga si Jesus gihatagan ug ngalan nga labaw sa tanang mga ngalan, DUHA na sila karon nga may taas nga ngalan, nga unta matud sa Bibliya nga “… ang DIYOS lamang maoy mataas sa tibook nga yuta..” Salmo 83:1‘8, ug ang ngalan sa DIYOS iya lamang. Kon motuo kami nga may ngalan si Jesus nga labaw sa tanang mga ngalan, nganong WALA man masulat sa Bibliya ang maong ngalan?

29. Apan si Kristo adunay usa ka bag-ong ngalan, sumala sa Pinadayag 3:12? Ug pinaagi sa maong ngalan maluwas ang tawo, Di Ba?

Tubag:Kon ang kaluwasan ana sa bag-ong ngalan ni Jesus, ang mga tawo karon wala gihapoy kaluwasan kay daan man gihapon ang ngalan nga inyong giwali.Ang JESUS, KRISTO, YASHUA, YAHWEH, JEHOVA, ELOHIM ug uban pa pulos man mga ngalan nga daan.

30. Dili ba diay makaluwas ang ngalan ni Jesus?

Tubag:

Ang pagtuman sa kabubut-on sa DIYOS maoy magdala kanimo sa langit sa kinabuhing dayon, sumala ni Jesus sa San Mateo19: 16-17. Ang kaluwasan dili diha sangalan ni Jesus kay daghan na ang mga nangahimong matarung sa panahon nga wala pa si Jesus, sama ni NOE, ABRA-HAM, MOISES, ug uban pa, apan dili ngalan ni Jesus ang nakamatarung nila.

31. Kon mao kana wala diay kapuslanan ang ngalan ni Jesus?

Tubag:Mapuslanon gihapon kay si Jesus Profeta man sa DIYOS, sumala sa San Mateo 21:11.

32. Kon mapuslanon nganong dili man lagi kamo motuo sa iyang gipanudlo nga Siya DIYOS?

7

Tubag:Wala kami magtuo sa pagka-DIYOS ni Jesus, kay WALA man siya magtudlo nga siya DIYOS.Ang iyang gitudlo nga aduna siyay DIYOS ug kana maoy among gituohan, sumala sa San Juan 20:17,ug dili kami motuo sa gipanudlo sa tawo nga siya DIYOS.

33. Tinood bitaw nga aduna siyay DIYOS, apan Diyos usab siya, Di ba?

Tubag:Adunay USA lamang ka DIYOS si Jesus nga inyong gituo-han usa sa mga sinugo sa DIYOS, mao nga sigurado kami nga si Jesus dili DIYOS, apan kon DUHA ang DIYOS, tingalig ikaduhang DIYOS si Jesus.

34. Wala ba kamo mahadlok nga gisalikway man ninyo si Jesus?

Tubag:WALA namo isalikway si Jesus, apan amo lang siyang gitabangan nga mapatuo ang mga tawo nga siya sinugo sa DIYOS, sumala sa San Juan 11:42.

35. Kon si Jesus sinugo sa DIYOS, dili diay siya sama sa DIYOS?

Tubag:DILI gayud siya sama sa DIYOS kay nag-ingon siya nga “…ang sinugo dili makalabaw sa nagsugo” San Juan 13:16. Ug miingon pa gyud siya nga “..Ang Amahan labaw pa kanako.” San Juan 14:28.

36. DIYOS gayud si Jesus kay nakabuhi gani siya ug patay, Di ba?

Tubag:Sayup ka diha kay dunay tawo sa Bibliya nga nakabuhi ug patay, siya mao si Profeta Elias, sumala sa I Hari17:21-22.

37. Kon si Jesus dili Diyos, nganong misulti man ang Diyos sa Hebreohanon 1:8 nga “ Ang imong trono Oh Diyos hangtud sa kahangturan.”

Tubag:Si Jesus miingon nga ang DIYOS usa ra sa San Juan 12:29, San Juan 17:3 ug uban pa. Ang Diyos usab miingon nga wala nay laing Diyos gawas niya, sumala sa Isaias 45:5. Busa dili mahitabu nga moila ang diyos ug

8

laing Diyos. Ug wala na gayuy Diyos pa nga mosunod pa kaniya, sumala sa Isaias 43:10.

38. Motuo ba kamo sa nahisulat sa I San Juan 5:7 “For there are three that bare record in heaven the Father, The Word and the Holy Ghost and these three are ONE”?

Tubag:Dili ako motuo niana kay wala gani kana gisulti sa ubang English translation of the Bible ug usab sa Cebuano nga Bibliya dili nimo kana mabasa. Gawas pa niana may giingon pa nga si Jesus ug ang Amahan USA ra, HAIN naman niini ang tinood nga inyong gusto nga among tuohan ang DUHA nga nahimong USA O ang TULO nga nahimong USA ? Kay alang namo kami nagtuo sa USA ka DIYOS nga USA ra.

39. Nganong dili naman lang ninyo dawaton O isipon nga si Jesus DIYOS?

Tubag:Kon si Jesus wala mag-isip sa iyang pagkahisama sa DIYOS, sumala sa Filipos 2:6.Kinsa man kita nga mag-isip ni Jesus nga sama sa DIYOS.

40. Pero gihaw-asan ni Jesus ang iyang kaugalingon?

Tubag:

Kon gihaw-asan ni Jesus ang iyang kaugalingon, ato diay pod nga kargahan, supak diay ka sa iyang gusto?

41. Apan nag-ingon man lagi ang Bibliya sa Exodo 15:3 nga ang Diyos nga si Jehova usa man ka tawo sa panggubatan? Dili ba tinood?

Tubag:Si Jesus miingon sa Pinadayag 22:16 nga Siya BITOON, apan wala siya makit-I nga nahimong bitoon. Apan ang bitoon mohatag ug kahayag sama ni Jesus nga mohayag sa mga Judeo.Sa sama usab nga paagi si Jehova TAWO sa panggubatan apan wala Siya makit-I nga TAWO, pero gipangtukmod niya ang mga Karwahi ni Faraon, kini sumala sa Exodo 15:4.Sa ato pa, si Jesus dili bitoon bisag miingon Siya nga Siya bitoon, kay may buhat man Siya nga MOHAYAG sa mga Judeo nga ang paghayag buhat man kana sa usa ka bitoon. Si Jehova dili TAWO bisag miingon siya nga siya \TAWO, kay may buhat man siya nga sama sa buhat sa Tawo

9

sama sa pagtukmod sa mga karwahi ni Faraon, nga tawo ra man unta ang motukmod.

42. Kon ang Diyos dili TAWO, unsa man diay ang iyang kahimtang?

Tubag:Ang Diyos walay sama kaniya, sumala sa I Cronicas 17:20 ug II Samuel 7:22 “Oh Jehova walay sama Kanimo, ni may lain pa nga Diyos gawas kanimo…”

43. Apan kon dili man gayud Diyos si Jesus, pero kauban Siya sa pagka-Diyos, dili ba?

Tubag:Dili si Jesus kauban sa Diyos ug wala Siya’y kalabutan sa pagka-Diyos, kay sumala sa Salmo 86:10 nga nag-ingon,”Ikaw lamang ang Diyos.” Busa walay kauban ang Diyos.

44. Kon walay kauban ang Diyos sa iyang pagka-Diyos, nganong miingon man siya sa Bibliya sa Genesis 1:26 ug 27 “Buhaton NATO ang tawo sama sa atong dagway….”Sa ato pa, may kauban ang Diyos sa pagbuhat sa tawo, dili ba?

Tubag:Walay tawo nga kauban ang Diyos sa Iyang pagbuhat sa tawo, kay wala pa may tawo nga nabuhat. Ug kay si Jesus nag-ingon man nga siya tawo, busa dili siya kauban sa Diyos sa pagbuhat sa tawo kay si Jesus tawo man.

45. Apan nganong miingon man ang Bibliya nga ang POLONG nga mao si Jesus, kauban sa Diyos, sumala sa San Juan 1:1?

Tubag:Tinood nga may polong ang Diyos nga iyang isulti sa matag buhat nga iyang buhaton, apan ang maong polong dili mao ang tawo nga si Jesus .Sa Genesis 1:3: Ug miingon ang Diyos MAHIMO ANG KAHAYAG, ug kini nahimo.”Ang polong nga “MAHIMO ANG KAHAYAG” dili si Jesus, busa walay kauban ang Diyos.Hinoon gitawag si Jesus ug “POLONG SA DIYOS”, Sama sa tawo nga ginganlan ug ROSAS kon ROSE, apan ang maong tawo dili bulak nga ROSAS kon ROSE.

10

46. Motuo ba kamo nga ang POLONG nahimong TAWO? Ug mipuyo uban nato? Basi sa nahisulat sa San Juan 1:14.

Tubag:Motuo kami nga namulong ang Diyos ug nahimo ang iyang gipamulong sama pananglit sa pag-ingon sa Diyos kang anghel Gabriel nga sultihan si Maria nga magsamkon siya sa usa ka bata nga lalaki, ug natuman ang gipamulong sa Diyos .

47. Sa ato pa, motuo na kamo nga ang POLONG sa Diyos nahimong TAWO nga mao si Jesus?

Tubag:Motuo kami nga namulong ang Diyos sa paghimo niya ni Jesus nga tawo apan si Jesus dili leteral nga polong sa Diyos.Sama sa ngalan nga RUBY, ROSE, ug uban pa nga dili leteral nga ruby nga hamiling bato O rosas nga bulak. Namulong ang Diyos nga buhaton si Jesus ug nahimo si Jesus pinaagi kang Anghel Gabriel nga maoy misulti kang Maria nga siya magsamkon sa usa ka bata nga lalaki ug natuman kini sa dihang gianak si Jesus.

48. Binuhat ba diay sa Diyos si Jesus?

Tubag:

Binuhat si Jesus sumala sa Bibliya sa Colosa 1:15 nga nag-ingon “…ang panganay sa tanang kabuhatan.”

49. Apan dili ba si Jesus man ang nagbuhat sa tanang mga butang? Kini sumala sa San Juan 1:3 nga nag-ingon “Ang tanang mga butang nangahimo pinaagi kaniya…”

Tubag:Dili tinood nga si Jesus maoy nagbuhat sa tanang mga butang. Ang DIYOS nga maoy nagbuhat ni Jesus mao ang nagbuhat sa tanang mga butang.kini sumala sa Mga Buhat 17:24,nga nag-ingon “Ang nga mao ang nagbuhat sa tanang mga butang ug sa mga sulod niini…”Samtang si Jesus dili makabuhat sa bisan unsa nga iyang gusto sumala sa San Juan 5:30,nga nag-ingon “Ako walay mahimo sa akong kaugalingong pagbuot…”

11

50. Motuo ba kamo nga si Jesus tinood nga TAWO ug tinood nga DIYOS?

Tubag:Motuo kami nga si Jesus tinood nga TAWO kini sumala sa San Juan 8:40, apan si Jesus dili tinood nga DIYOS kay may matuod Siya nga Diyos, sumala sa San Juan 17:3

51. Motuo ba kamo nga diha kang Jesus adunay panaghiusa sa DIYOS ug TAWO? Nga tungod niana si Jesus nahimong DIYOS?

Tubag:Kon Diyos si Jesus kay nagkahiusa siya sa Diyos, ang pagka-Diyos ni Jesus HANGTUD LAMANG sa panahon nga wala pa siya biyai sa Diyos, apan sa pagbiya sa Diyos kaniya, sumala sa San Mateo 27:46, dili na usab siya Diyos, sa laktud nga pagkasulti, si Jesus usa ka temporaryo nga DIYOS.

52. Kinsa man diay ang tinood nga Diyos?

Tubag:

Ang tinood nga Diyos mao ang Diyos sa tanang Profeta mao ang giampoan ni Jesus sumala sa San Mateo 26:39 ug San Juan 17:3 nga nag-ingon “…nga makaila unta sila kanimo nga mao ang bugtong tinood nga Diyos ug kang Jesukristo nga imong pinadala.”

53. Apan miingon si Pedro nga si Jesus atong Diyos ug Manluluwas, sumala sa II Pedro 1:1

Tubag:Si Pedro dinhi wala magpasabut nga Diyos si Jesus kay USA ra man ang Diyos nga mao ang Diyos ni Jesus.Si Pedro nagtuo nga si Jesus TAWO nga gipamatud-an sa Diyos sumala sa mabasa sa Mga Buhat 2:22, ug kay TAWO man busa dili Diyos.Busa sayup ang imong pagsabut sa II Pedro 1:1.

54. Lahi ba gayud si Kristo ug ang Diyos?

Tubag:

Oo, manag-lahi si Jesus ug ang Diyos.Si Pedro miingon,”Ang gracia ug ang kalinaw ipadagaya unta kaninyo sa inyong kahibalo sa DIYOS ug kang JESUKRISTO nga atong Ginoo.Busa ang Diyos ug si Jesus manag-lahi.

12

55. Apan dili ba nga si Jesus sama man ug kinaiya sa Diyos?

Tubag:Si Jesus lahi kaayo sa Diyos.Kay sumala sa Bibliya, si Jesus miingon nga “…moadto Ako sa Amahan kay ang Amahan labaw pa man kay kanako.” San Juan 14:28. Ug usab sa San Mateo 24:36,si Jesus miingon “Walay nasayud sa adlaw ug takna sa paghukom, bisan pa ang mga manulunda sa langit, bisan pa ang anak sa tawo{nga sa ato pa si Jesus} kondili ang Amahan lamang. Busa matin-aw nga dili managsama si Jesus ug ang Amahan.

56. Dili kaha si Jesus mao ra usab ang nagsugo sa iyang kaugalingon?

Tubag:Dili gayud mamakak si Jesus sa iyang pag-ingon nga Siya sinugo, kay walay limbong nga makaplagan diha kaniya.

57. Dili ba si Jesus mao ra usab ang Amahan, kay nag-ingon man siya sa San Juan 10:30, nga “ako ug ang amahan USA ra.?

Tubag:Matud ni Jesus sa San Juan 17:22, “Gihatagan ko Sila sa kadungganan nga imong gihatag kanako aron Sila ma-USA, maingon nga kita USA.Ang pagka-USA sa tawo wala magpasabut nga USA ka book, kondili nagpasabut nga ang mga tawo MAGKAHIUSA. Sa samang paagi ang pagka-USA ni Jesus ug Amahan wala magpasabut sa pagkaUSA ka book sa Diyos ug ni Jesus, kondili nga ang Diyos ug si Jesus nagkahi-USA.

58. Dili ako motuo nga dili sila USA kay si Jesus na gayud ang nag-ingon nga Sila USA ra? Di Ba?

Tubag:Matud ninyo nga si Jesus gilansang sa kruz ug namatay, kon uyonan namo ang inyong pagsabut sa San Juan 10:30 nga ang Amahan ug si Jesus usa ra ka book namatay man si Jesus sa kruz patay usab ang Amahan kay USA ra man Sila ka book.

59. Dili mamatay ang Amahan kay Diyos, si Jesus ra maoy namatay, dili ba?

13

Tubag:Kon wala mamatay ang Amahan kay Diyos ug si Jesus ra ang namatay, sa ato pa nga DUHA gyud diay sila ,kay ang usa BUHI ug ang usa PATAY.

60. Dili kaha nga ang LAWAS ra ni Jesus ang namatay ug dili ang Iyang pagka-DIYOS?

Tubag:Kon ang pagkatawhanon ra ni Jesus ang namatay, apan ang pagka-DIYOS, wala mamatay,dili diay HINGPIT ang iyang kamatayon kay ang katunga ra man sa iyang pagka-SIYA ang namatay.Busa dili diay tinood ang inyong giingon nga si Jesus TAWO nga matuod ug DIYOS nga matuod kay sa iyang kamatayon may BAHIN man nga BUHI nga mao ang Iyang pagka-DIYOS. Ug dili usab tinood ang inyong giingon nga si Jesus matuod nga DIYOS kay may BAHIN man nga TAWO.(Sa akong pag-ingon nga matuod,ang akong gipasabut nga”PURE” walay sagol) nga maoy namatay.

61. Apan matud sa San Juan 10:30, si Jesus ug ang Amahan USA ra, dili ba?

Tubag:Dili USA ka BOOK si Jesus ug ang DIYOS kay buhi man ang DIYOS sa dihang namatay kono si Jesus, ug ngani ang DIYOS pa maoy nagbanhaw kono ni Jesus, sumala sa Mga Buhat 2:32,busa DUHA sila, ang usa PATAY ug ang usa BUHI.

62. Apan dili kaha ang pagka-TAWHANON ra ni Jesus ang namatay ug dili ang iyang pagka-DIYOS?

Tubag:Mao kana ang pagtuo sa mga Magwawali nga kono ang PAGKATAWHANON ra ni Jesus maoy namatay, apan ang PAGKADIYOS wala mamatay, apan WALA magsulti niana ang Bibliya nga ang iyang PAGKATAWHANON ra maoy namatay ug ang iyang PAGKADIYOS wala mamatay. Kana maoy “HUNA-HUNA LANG SA TAWO”.

63. Motuo ba kamo nga ang Diyos nagpaka-matay tungod sa atong mga sala?

Tubag:DILI kami motuo nga ang Diyos nagpaka-matay kay nag-ingon ang inyong Bibliya nga ang “…Diyos mao lamang ang bugtong dili mamatay.”II Temoteo 6:15-16.

14

64. Tinood ba nga nalansang si Jesus sa Kruz ug namatay?

Tubag:Wala si Jesus malansang sa Kruz ug wala si Jesus mamatay, kay giluwas Siya sa Diyos gikan sa kamatayon tungod sa iyang diosnong kahadlok. Hebreohanon 5:7.

65. Nganong wala man motugot ang Diyos nga mamatay si Jesus?

Tubag;Wala motugot ang Diyos nga mamatay si Jesus, tungod kay sumala sa II Cronicas 25:4 ang tagsa-tagsa ka tawo mamatay lamang tungod sa iyang kaugalingong kasal-anan.

66. Mihangyo ba diay si Jesus sa Diyos nga luwason Siya gikan sa kamatayon?

Tubag:Oo, sumala sa Hebreohananon 5:7 “…Siya naghilak nga nagsinggit ngadto kaniya (sa Diyos) nga makaluwas kaniya gikan sa kamatayon.

67. Unya unsa man ang gihimo sa Diyos sa hangyo ni Jesus nga luwason Siya sa kamatayon?

Tubag:Ang pag-ampo ni Jesus nga luwason Siya sa Diyos gikan sa kamatayon, gipatalinghugan Siya sa Diyos, kini sumala sa Hebreohanon 5:7 “…ug Siya gidungog (sa Diyos) tungod sa Iyang diosnong kahadlok.

68. May bug-at ba nga hinungdan nga ang Diyos mohatag sa hangyo ni Jesus?

Tubag:Oo, kay ang Diyos mamati man sa tawo nga nagtuman sa Iyang kabubut-on, kini sumala sa San Juan 9:31. Ug gawas pa si Jesus nanudlo sa mga tawo nga ang tanan nga mangayo sa Diyos pagahatagan, sumala sa San Mateo 7:7-8, ug kon dili Siya hatagan sa Diyos sa Iyang gihangyo mahimo unya ang mga tawo nga moingon nga dili tinood ang gitudlo ni Jesus nga ang tanan nga mangayo makadawat kay Siya mismo wala man makadawat.

15

69. Motuo ba kamo nga si Jesus namatay didto sa kruz?

Tubag:

Dili kami motuo nga si Jesus TINOOD nga namatay didto sa kruz, kay matud pa sa mga Anghel nga nagpakita kang Maria Magdalena nga”…Siya (Si Jesus) BUHI”Lukas 24:23.Kon “BUHI” wala mamatay, kon “NABUHI” ang polong nga gigamit sa mga Anghel, tinood nga namatay si Jesus. Apan kay ang gigamit nga polong “BUHI” sa ato pa WALA mamatay.

70. Dili ba mao may tuyo ni Jesus nga magpakamatay?

Tubag:

Dili niya tuyo nga magpakamatay kay mihangyo paman gani Siya sa Diyos nga luwason Siya sa gikan sa kamatayon. San Mateo 26:39.

71. Wala kaha gyud mamatay si Jesus?

Tubag:

Wal a gayud Siya mamatay sumala sa mga Anghel nga nakit-an ni Maria Magdalina, kini sumala sa mabasa sa Lukas 24:23. Ang polong nga gigamit “…Siya BUHI.” Ang polong nga “BUHI” nagpasabut nga wala mamatay.

72. Kon tinood nga wala mamatay si Jesus sa Kruz, wala na gayud diay kita’y kapasayloanan sa atong mga sala?

Tubag:

Aduna gihapo’y kapasayloanan sa atong mga sala, kay nagsaad man ang Diyos sa Isaias 55:7. “…Pabalika siya kang Jehova ug siya malooy kaniya…ug sa atong Diyos, kay Siya mopasaylo sa madagayaon gayud.”

73. Kon mao kana DIYOS diay si Jesus kay WALA man mamatay? Dili Ba?

16

Tubag:Kon ang pagkaWALA mamatay ni Jesus maoy nakapa -DIYOS ni Jesus, Diyos diay usab si Enoc kay wala man usab siya mamatay, sumala sa Hebreohanon 11”5.Ug si Elias wala usab mamatay sumala sa II Hari 2:11,Diyos usab diay si Elias, kon Diyos si Jesus kay wala mamatay.

74. Mapasaylo pa kaha ang mga sala sa mga tawo kon wala mamatay si Jesus, nga Siya ra man gayud ang makapasaylo sa mga sala ug WALA nay lain?

Tubag:DILI TINOOD nga si Jesus ra ang makapasaylo ug sala, kay matud pa ni Jesus,” Amahan pasayloa sila kay wala sila makahibalo sa ilang gibuhat. Kay kon makapasaylo pa si Jesus ingnon unta niya nga “Amahan akong pasayloon sila kay wala sila makahibalo sa ilang gibuhat.”(Basaha ang Lukas 23:32).

75. Dili ba nga si Jesus man maoy atong manluluwas ug WALA nay lain?

Tubag:Si Jesus DILI maoy atong Manluluwas kay aduna pa gani siya’y manluluwas, sumala sa Hebreohanon 5:7 nga nag-ingon”Si Jesus. …Naghilak nga nagsinggit ngadto Kaniya (sa Diyos) nga MAKALUWAS kaniya sa kamatayon.”

76. Aduna pa ba diay makaluwas nga LAIN gawas kang Jesus?

Tubag:ADUNA kaayo, ang nagluwas ni Jesus sa kamatayon, sumala sa Hebreohanon 5:7.Kon si Jesus adunay Manluluwas ug WALA nay lain nga manluluwas,sa ato pa ,nga TINOOD ang gisulti sa Isaias 43:11 nga “Ako mao si Jehova,ug gawas kanako WALA nay Manluluwas.”Ang Manluluwas ni Jesus maoy ato usab nga Manluluwas.

77. Apan si Jesus maoy atong Manluluwas kay gibayran niya sa iyang dugo ang tanan nato nga mga sala didto sa kruz, dili ba kamo motuo niana?

Tubag:Dili kami motuo nga nabayran ni Jesus ang atong mga sala sa iyang dugo, kay kon nabayaran pa nganong magsigi man kita ug pangayo ug pasaylo nga gibayran naman kaha? Ang buhaton nalang nato nga magpasalamat nalang kita niya nga gibayran niya ang atong mga sala. Apan sa atong mga pag-ampo moingon man gihapon kita nga “pasayloa ako sa akong

17

mga sala nga nabayran naman,” Sa ato pa, WALA mabayari ang atong mga sala.

78. Pero gibayran ni Jesus ang sala nga panulundon nga nahimo ni Adam ug Eva nga atong napanunod, Sa ato pa nga atong Manluluwas si Jesus. Di ba?

Tubag:Si Jesus Manluluwas lamang siya ni Adam ug Eva kay ang ilang nahimo nga sayup mao may gibayran ni Jesus. Dili si Jesus atong Manluluwas kay wala may gibayran siya nga sala nato kay kang Adam ug Eva ra man kaha nga sala ang gibayran ni Jesus.

79. Ang bout nimo nga ipasabut nga DILI nato Manluluwas si Jesus?

Tubag:Dili gayud nato Manluluwas si Jesus kay ang kang Adam ra man kaha ang gibayran nga sala, busa Manluluwas ra siya ni Adam ug Eva.

80. Pero Manluluwas gayud si Jesus nato, Di ba?

Tubag:

Manluluwas lang nato siya kon gibayran niya ang atong mga sala. Pero matud nimo nga ang sala ra ni Adam ug Eva ang gibayran busa dili nato siya Manluluwas. Ug kon gibayran niya ug apil ang atong mga sala, ato siyang Manluluwas, ug wala na kitay sala kay nabayran naman ug dili na makatarunganon nga magsigi pa kita ug pangayo ug pasaylo sa atong sala kay WALA naman kitay sala kay nabayran naman.

81. Motuo ba kamo nga ang bayad sa sala mao ang kamatayon sa tawo? Sumala sa Balaang kasulatan sa Roma 6:23?

Tubag:Motuo kami nga may sala nga angay sa kamatayon ug may sala usab nga dili angay sa kamatayon. Kini sumala sa Deuteronomio 21:22.

82. Motuo ba kamo nga sal-an ang tanang tawo, sumala sa Roma 3:23?

18

Tubag:Dili kami motuo nga sal-an ang tanang tawo kay may nangasulat sa Bibliya nga mga tawo nga mga walay sala.

83. Mahimo ba nga tug-ani kami kon kinsa kanang mga tawo nga walay mga sala?

Tubag:Si Zacarias ug ang iyang asawa, sumala sa Lukas 1:6. SiAbel walay sala, sumala sa San Mateo23: 35. Si Noe, sumala sa Genesis 6:9 ug 7:1.

84. Apan nag-ingon si Pablo nga sal-an ang tanang tawo. Kini sumala sa Roma 3:23?

Tubag:Dili mahimo nga ingnon ni Pablo nga sal-an ang tanang tawo kay si Jesus TAWO matud ni Jesus mismo sa San Juan 8:40. Kon sal-an tanan, maapil si Jesus kay tawo man siya.

85. Walay sala si Jesus bisan ug TAWO siya kay dili man siya tinood nga tawo?

Tubag:Apan ang gipangwali sa mga Magwawali nga si Jesus tinood nga tawo ug tinood nga Diyos.Ug kon tinood si Jesus nga tawo, sayup ka sa imong pag-ingon nga dili tinood nga tawo si Jesus.

86. Sigurado ba ang mga Muslim nga WALA mamatay si Jesus hangtud karon?

Tubag:Sigurado kami nga WALA gayud mamatay si Jesus didto sa kruz. Hinoon giluwas Siya sa Diyos sa kamatayon, sumala sa Hebreohanon 5:7 ug sumala usab sa mga polong sa Balaan nga Qur’an 4:157.

87. Kon pananglit nga wala mamatay si Jesus, Diyos gyud diay Siya?

Tubag:Bisan pag wala mamatay si Jesus hangtud karon, dili gihapon Siya Diyos kay sa iya unya nga pagbalik mamatay man Siya. Kay ang among Qur’an 21:35, nag-ingon nga “Ang tanan nga may kinabuhi makatilaw gayud sa kamatayon.”,Ug ang bibliya nag-ingon usab nga “…ang Diyos ra maoy

19

bugtong dili mamatay” ug kay si Jesus dili man mao ang Diyos mao nga mamatay gayud Siya unya.

88. Dili ba gayud mamatay ang Diyos?

Tubag:

Dili gayud mamatay ang Diyos. Kana ang gitudlo sa Bibliya sa II Temoteo 6:15-16. Ang bulok nga PUTI magpabilin lamang nga tawgon ug PUTI kon PUTI pa kini, apan kon dili na siya PUTI, dili na usab siya mahimong tawgon nga PUTI. Mao usab ang DIYOS nga may kinaiya nga dili mamatay kay DIYOS man, apan kon may kamatayon DILI na kana mahimo nga tawgon ug DIYOS, kay dili man lagi mamatay ang Diyos.

89. Unsay gusto sa DIYOS nga buhaton sa tawo?

Tubag:

Gusto sa DIYOS nga ang tawo magmasimbahon kaniya, ug magatuman sa iyang mga sugo sumala sa San Juan 9:31.

90. Nganong kinahanglan man gayud nato nga mosimba?

Tubag:Mosimba gayud kita kay nag-ingon man ang Pinadayag 14:6 nga”…simbaha ninyo siya nga nagbuhat sa langit ug yuta, sa dagat ug sa mga tuburan sa tubig.”

91. Aduna bay lagda sa Diyos nga gihatag kon unsay buhaton sa dili pa magsimba?

Tubag:Oo, limpiohan nimo ang mga bahin sa imong lawas nga gihisgutan sa Exodo 40:31-32.

92. Kinahanglan ba gayud nga limpiohan ang KINATAWO nimo sa dili pa mosimba?

20

Tubag:Oo, Tungod kay gisugo kini sa Diyos nga hugasan ang kinatawo, ingon nga usa ka lagda sa kalinis sa kaugalingon. Basaha ang Levitico 17:16

93. Mahimo ba nga mosimba ang usa ka tawo nga nakighilawas sa iyang asawa O kaha sa iyang Bana?

Tubag:Oo, apan kinahanglan una sila nga “MALIGO” sa dili pa mosimba. Kini maoy mabasa nimo sa Levitico 15:18

94. Unsa may tuyo nga gipadala man sa Diyos ang mga Profeta dinhi sa kalibutan?

Tubag:Gipadala sa Diyos ang mga Profeta aron nga mahimo sila nga mga sumbanan sa mga tawo sa mga angay nga buhaton ug sa mga dili angay nga pagabuhaton, labi na gayud sa pamaagi kon unsaon sa Pagsimba.Sama ni Jesus nga matud pa niya “Usa ka panig-ingnan ang gipakita ko kaninyo aron nga buhaton usab ninyo ang gibuhat ko.” San Juan 13:15.

95. Unsa ba ang pamaagi nga gipakita sa mga Profeta sa ilang pagsimba?

Tubag:Ang mga Profeta kon magsimba Sila “MOHAPA” sila. Pananglitan si Profeta Abraham sa Genesis 17:3 naghapa siya, si Moises sa Exodo 34:8 naghapa nga nagsimba, si Esdras, nagluhod sumala sa mabasa sa Esdras 10:1, si Nehemias ug ang iyang katawhan, naghapa (ang ilang mga nawong ngadto sa yuta) sumala sa Nehemias 8:6, si Ezequias ug iyang katawhan “NANAGDUKO” sa ilang mga ulo sa ilang pagsimba, si Solomon sa II Cronicas 7:3 nagsimba uban ang katawhan nga “NANAGDUKO” nga ang ilang mga nawong paatubang sa yuta, si Josaphat sa II Cronicas 20:18 “GIDUKO” niya ang iyang ulo paatubang sa yuta sa iyang pagsimba sa Diyos, si Jesus naghapa nga nag-ampo sumala sa mabasa sa San Mateo 26:39, ug ang mga Anghel sa langit “NANGHAPA “ sa ilang pagsimba sa Diyos didto sa langit.

96. Dili man tingali importante nga mohapa sa pagsimba, kondili nga ang pagka-kinasing-kasing maoy importante bisan ug dili nalang mohapa,di ba?

21

Tubag:Kondili ikaw mohapa nga mosimba ug maghuna-huna ka nga “MAAYO” man gihapon,”PELIGRO” kana kay “May dalan nga daw matarung sa mata sa tawo apan ang kataposan mao ang dalan sa kamatayon” sumala sa Proberbio 16:25. Nganong dili nalang nimo sundon si Jesus nga “MOHAPA” nga magsimba? Labing maayo nga dili nalang kita mag-inbento kay masayup gayud kita.

97. Manimati ba ang Diyos sa tanang mag-simba kaniya?

Tubag:

Dili mamati ang Diyos sa pag-ampo sa nagpalingog-lingog sa iyang mga kasuguan (Proberbio28:9) apan manimati Siya sa pagsimba sa mga tawo nga nagtuman sa iyang kasuguan O kabubut-on. (San Juan 9:31).

98. Unsa bay buot nga ipasabut sa imong giingon nga “pagtuman sa iyang kabubut-on”?

Tubag:Ang kabubut-on sa Diyos mao ang pagkabalaan O pagkabuotan kini sumala sa nahisulat sa I Tesalonica 4:3

99. Unsa ba gayud diay ang makapabalaan sa tawo?

Tubag:

Mabalaan ang tawo pinaagi sa pagtuo sa Polong sa Diyos, kay matud pa sa pag-ampo ni Jesus sa Diyos, siya miingon “Amahan balaana sila pinaagi sa Imong polong”

100. Diin man magagikan ang polong sa Diyos nga makapabalaan sa tawo?

Tubag:Matud ni Jesus ang polong sa Diyos magagula gikan sa baba sa Diyos, kini sumala sa San Mateo 4:4.

101. Kinsa may nahibalo nianang polong sa Diyos O kaha sa mga tinago sa Diyos?

22

Tubag:Ang nahibalo sa mga polong sa Diyos O sa mga tinago sa Diyos mao ang mga Profeta kini sumala sa Amos 3:7.

102. Buhi pa ba ang mga Profeta sa Diyos nga nakahibalo sa mga tinago sa Diyos?

Tubag:Adunay BUHI nga gibayaw ug ang uban nangamatay na.

103. Kay wala naman sila, unsaon naman nato pagkahibalo sa mga tinago sa Diyos?

Tubag:Ang mga Profeta misulat sa mga polong sa Diyos, sama pananglitan ni Moises nga misulat sa mga polong sa Diyos, sumala sa nahisulat sa San Juan 5:46-47.

104. Unsa may itawag sa mga sinulat ni Moises/

Tubag:

Sumala sa II Cronicas 35:12,gitawag kini nga “BASAHON NI MOISES”.

105. Unsa may ginabasa nila kaniadto?

Tubag:

Ang ilang ginabasa kaniadto mao ang Kasuguan O “BASAHON NI MOISES” ug “BASAHON SA MGA PROFETA” kini sumala pa sa Mga Buhat 13:15.

106. Ang BASAHON NI MOISES ug ang MGA BASAHON SA MGA PROFETA mao ba kining Bibliya karon?

Tubag:Oo, kini sumala sa mga Magwawali.

23

107. Kon mao kana aduna pa diay higayon kita nga masayud sa mga tinago sa Diyos o sa polong sa Diyos kay ania pa may Bibliya?

Tubag:Oo, apan dili na pinaagi sa Bibliya pa kay may nahitabu na nga mga kasaypanan sa pagsulat sa niini.

108. Aduna ka bay basihanan sa maong pasangil, nga may mga kasaypanan ang Bibliya?

Tubag:Oo, aduna kaayo. Sumala sa PREFACE sa RSV edition 1952 p.iii “Yet the King James Version has GRAVE defects.By the middle of nineteen century…made it manifest that these defects are so MANY and so SERIOUS as to call for a revision of the English translation.”

109. Giunsa man sa Diyos sa paghatag sa iyang mga polong ngadto sa mga Profeta?

Tubag:Daghan ang paagi nga gigamit sa Diyos sa paghatag niya sa iyang mga polong. Makigsulti Siya pinaagi sa damgo, Makigsulti Siya pinaagi sa Baba-sa-Baba, kini sumala sa Numeros 12:6-8.

110. Si David nga profeta aduna ba Siya’y Basahon?

Tubag:Oo, aduna kaayo kay gihisgutan kini ni Profeta Samuel nga may Basahon si Profeta David, kini sumala sa I Cronicas 29:29.

111. Si Jesus nga Sinugo sa Diyos, Siya ba adunay Basahon?

Tubag:Si Jesus adunay maayong balita nga maoy iyang giwali didto sa Galelia, sumala sa Markos 1:14-15.Dili bag-ong Tugon sa Bibliya kay wala pa mahisulat ang Bag-ong Tugon sa panahon ni Jesus kondili ang Maayong Balita nga nadawat Niya nga gikan gayud sa Diyos.Dili usab tingali mahitabu nga wala Niya sulata ang Maayong Balita nga Iyang nadawat kay ang mga Profeta nga una pa Kaniya misulat man sa ilang mga Basahon nga ilang nadawat.

24

112. Unsa man ang unod sa Maayong Balita nga giwali ni Jesus?

Tubag:Ang pagbiya sa kadautan ug paghinulsol.ang giwali ni Jesus, kini sumala sa Markos 1:15.

113. Mao ba gihapon ang Maayong Balita nga giwali ni Jesus, ug ang giwali sa mga tawo karon?

Tubag:Lahi kaayo ang mga giwali karon sa mga Magwawali, kay wala man magwali si Jesus nga Siya mao ang Diyos, wala usab Siya magwali sa Trinidad,ang tulo ka Personas sa pagka-Diyos nga maoy giwali karon ug gituhoan sa mga tawo.

114. Nganong dili man mahimong kaonon ang baboy?

Tubag: Gidili sa Diyos ang pagkaon sa onud sa baboy,kini sumala sa Levitico 11:7 ug sa Deuteronomio 14:8 “…sa unod sa baboy dili ikaw magkaon niini,mahugaw kini alang kanimo.”

115. Nganong gibuhat man sa Diyos ang baboy nga dili man diay ipakaon?

Tubag:Abi god nimo, duha man god ka klasi ang hayup nga gibuhat sa Diyos, ang usa ka matang mahimong makaon apan ang usa dili mahimong makaon, kini sumala sa Levitico 11:47.

116. Apan matod sa among mga pangulo nga gihinloan na ni Kristo ang tanan nga mga hayup, busa hinlo na ang tanan, di ba?

Tubag:Ang tuyo sa pag-anhi ni Jesus mao ang pagpangita sa mga nawala nga mga karnero sa banay sa Israel, ug dili mao ang paghinlo sa unod sa baboy, mabasa sa San Mateo 15:24.

117. Dili ba diay ang dugo ni Jesus maoy naghugas sa tanan, apil na niini ang baboy?

25

Tubag:Matud pa ni Jesus,”Dili kamong tanan mahinlo” kon wala mahinloi ni Jesus ang 12 ka book nga mga apostoles, baboy pa kaha ang mahurot ug hinlo, wala gani mahurot ug hinlo ang 12 ka book apostoles? Mabasa sa San Juan 13:11.

118. Apan gipakita na sa Diyos ngadto kang apostol Pedro nga dili na paghinganlan ug mahugaw ug dili binalaan ang mga butang nga gihinloan sa na sa Diyos?

Tubag:Tinood nga dili paghinganlan ug mahugaw ug dili binalaan ang mga butang nga gihiloan na sa Diyos apan HUGAW gihapon ang mga wala mahinlo-i. Di ba?

119. Apan ang panan-awon sa habol nga gituntun ngadto ni Pedro nahiapil ang tanan nga mga mananap ug klaro kaayo nga apil ang baboy, Di ba?

Tubag:Tinood nga nahimong apil ang baboy sa maong panan-awon.

120. Kon apil ang baboy nahinloan na gayud diay, Di ba?

Tubag:

Apil ang baboy nga gihinloan kon ang mananap sa habol maoy gihinloan.

121. Kay unsa man diay ang nahinloan ug nahimong binalaan?

Tubag:Dili mananap O baboy ang nahinloan kondili TAWO sumala ni Pedro nga nakakita sa panan-awon. Sumala sa mabasa sa Buhat10: 28

122. Makalibug kining imong tubag da, nganong TAWO may nahinloan nga mananap may gipakita nga gitunton gikan sa langit?

Tubag:Nalibug gani si Pedro nga maoy nakakita nga maoy nakakita sa panan-awon ikaw pa kaha, sumala sa Buhat 10:17.

26

123. Sigurado kaha nga husto si Pedro sa iyang pagsabut sa kahulugan sa iyang panan-awon?

Tubag:Wal gayud masayup si Pedro sa iyang pagsabut sa panan-awon kay ang Diyos man gayud maoy nagpahibalo sa kahulugan sa panan-awon, sumala sa mabasa sa Buhat 10:28.

124. Kon ang tawo mokaon gayud sa unod sa baboy bisag guinadili na kini sa Diyos, makasala ba siya?

Tubag:Sumala sa I San Juan 3:4 “ang sala mao ang paglapas sa sugo sa Diyos”busa sala ang pagkaon sa unod sa baboy kay guinadili man kin sa balaod sa Diyos.

125. Mokaon ba si Jesus ug unod sa baboy?

Tubag:

Dili mokaon ug unod sa baboy si Jesus kay nagtuman man siya sa mga balaod sa Diyos, sumala sa San Mateo 5:17.

126. Kon ang tawo nakakaon na ug unod sa babboy sa daghang higayon, pasayloon pa ba siya sa Diyos?

Tubag:Oo, sumala sa Isaias 1:18 ug Isaias 55:7.

127. Ang tawo nga mohunong sa pagkaon sa unod sa baboy, mahilangit ba?

Tubag:Ang mga tawo nga mahilangit dili mangaon ug unod sa baboy, busa ang tawo nga dili mokaon sa unod sa baboy sama na siya sa ug batasan sa mga tawo nga mahilangit.

128. Ang DUGO sa mga hayup, gitugot ba sa Diyos nga kan-on sa tawo?

27

Tubag:Ginadili gayud sa Diyos ang pagkaon sa DUGO sumala sa Levitico 17:14.

129. Kon ang tawo diosnon, masimbahon, pero mokaon sa unod sa baboy,silotan ba gihapon sa Diyos?

Tubag:Oo, silotan gihapon sa Diyos ang diosnon, kusog mosimba pero mokaon sa unod sa baboy.kini sumala sa Isaias 66:15-18.

130. Guinadili ba sa Diyos ang pag-inom sa ilimnon nga makahubog?

Tubag:Oo, sumala sa Isaias 5:11,22 ug Proverbio 23:29-30.

131. Kon guinadili sa Diyos ang pag-inom sa ilimnon nga makahubog, nganong nagsugo man si Pablo kang Timoteo nga mag0inom ug diutay nga bino alang sa iyang kanunayng nagsakit nga kuto-kuto? Sumala pa sa I Timoteo 5:23.

Tubag:Sumala sa Roma 6:16 ”Kamo ulipon sa inyong ginasugot.” Kon ulipon ka ni Pablo sugta siya, apan kon ulipon ka sa Diyos nga labing taas, sugta ang Diyos.

132. Nganong miinom man lagi si Jesus ug bino sa panahon sa katapusan nga panihapon?

Tubag:Sumala sa San Mateo 26:29 nag-ingon”…Ako dili na moinom pag-usab niining gikan sa bunga sa parras…” Dili bino O makahubog ang giinom ni Jesus kay nagtuman man siya sa mga balaod sa Diyos ug sa mga basahon sa mga Profeta, sumala sa San Mateo 5:17.

133. Nganong moinom man lagi si Jesus ug bino didto unya sa gingharian sa Diyos, sumala sa San Mateo 26:29?

Tubag:Ang palahubug dili makasulod sa gingharian sa Diyos, sumala sa Galacia 5:21,busa klaro kaayo nga dili makahubog ang imnon ni Jesus sa gingharian sa Diyos.

28

134. Tinood ba ang giingon sa Bibliya nga Jehova ang ngalan sa makagagahum?

Tubag:Sumala sa Encyclopedia Americana vol.16 p. 11 article “JEHOVAH” nag-ingon “…Jehovah is an erroneous form of the name of God of Israel” busa dili tinood nga “JEHOVAH” maoy ngalan sa Diyos.

135. Nganong sayup man ang ngalan nga “JEHOVAH”?

Tubag:

“JEHOVAH the pronunciation of this name,by which God was known for the Hebrew,has been entirely lost,the Jews themselves scrupulously avoiding every mention of it…”Dictionary Of The Bible p.278.Tongod sa kahadlok nga makapasipala sa ngalan sa Diyos,mao nga gilikayan ang paglitok sa ngalan sa Diyos.(Leviticus 24:16,Dictionary of the Bible p. 216)

136. Kon mao kana unsa man diay ang matuod nga ngalan sa Diyos?

Tubag:“Ang Jehova ug Elohim maoy duha ka mga dagku nga ngalan sa kasulatan sa mga Hebrew.Ang Elohim matud pa gikan sa pulong “ELOAH” nga sa Arabic pa “ALLAH” Kini sumala sa “A Dictionary Of The Bible” edited by William Smith LL.D p.216.

137. Nganong WALA man mahisulat ang ngalan nga “ALLAH”?

Tubag:Sa bibliya nga Hebreo, ang ngalan nga “MOHAMMAD”nahisulat sa Awit Ni Solomon 5:16,apan sa English ug Cebuano nga mga Bibliya WALA gisulat ang ngalan nga “MOHAMMAD”. Sa Haggeo 2:7 ang ngalan nga “AHMAD” nga maoy laing ngalan ni Mohammad, nasulat sa Hebreo nga Bibliya, apan sa English ug Cebuano nga mga Bibliya WALA gisulat ang ngalan nga “AHMAD”. Busa ang ngalan sa”ALLAH”wala na sa Bibliya bisan tuod ug sa una nga edition sa SCOFIELD REFERENCE BIBLE gisulat ang ngalan nga “ALAH” uban sa huna-huna nga ang hustong spelling sa Hebreo nga pulong “ILAH” mao ang “ALAH” usa lamang ka “L” ug subo kaayo nga sa ulahing hulad sa SCOFIELD REFERENCE BIBLE, ang tanan nga pulong gisulat, apan ang pulong nga “ALAH” wala na gisulat.

29

138. Dili ba mugna ra ni Mohammad ang ngalan nga “ALLAH”?

Tubag:Sayup ang maong hunahuna nga mugna lang ni Mohammad ang ngalan nga “ALLAH”, kay ang amahan ni Mohammad ginganlan ug Abdullah nga ang buot ipasabut nga “ulipon sa Allah”. Ang “ALLAH” nga ngalan diha na nga daan sa wala pa si Mohammad gianak, busa unsaon man ni Mohammad paghatag ug ngalan sa iyang amahan ug “ABDULLAH”nga wala pa man siya gianak sa pag-anak sa iyang amahan?

139. May lain pa ba nga kalig-onan nga ang ngalan nga “ALLAH” nga dili minugna ni Mohammad?

Tubag:Sa pag-anak ni Mohammad wala niya mahatagi ug ngalan ang iyang amahan kay upat pa ka bulan siya sa tiyan sa iyang inahan namatay naman ang iyang amahan nga si Abdullah.

140. May uban pa bang kalig-onan nga dili gayud binuhat ni Mohammad ang ngalan nga “ALLAH”?

Tubag:Oo aduna pa. Ang among altar sa Mecca ginganlan ug “BAITULLAH” gatusan pa ka tuig sa wala pa ianak si Mohammad.Ang “BAITULLAH”nagpasabut nga “Balay sa Allah”. Busa dili gayud “invento” ni Mohammad ang ngalan nga “ALLAH”.

141. Kinsa man kini si Mohammad?

Tubag:

Anak ni Abdullah ug Amina.

142. Kanus-a man si Mohammad gianak?

Tubag:

Lunes sa buntag, petsa 12 sa Rabi Al Awal (Ikatulong Bulan sa Hijrah nga calendario) O kaha petsa 20 O dili ba 22 sa Abril tuig 571 P.K.

30

143. Asa siya gianak?

Tubag:

Sa Makkah (Mecca, Saudi Arabia)

144. Naminyo ba siya?

Tubag:

Oo, si Khadija mao ang una niyang asawa.

145. Aduna ba siyay mga anak?

Tubag:

Oo, mga babaye ug mga lalaki, apan walay lalaki nga midaku kay nangamatay sila samtang gagmay pang bata.

146. Sa mga babayae niyang mga anak, aduna bay midaku?

Tubag:Oo, adunay midaku, sama ni Fatimah nga asawa ni Ali nga anak ni Abutalib ug ang duha ka mga asawa ni Uthman.

147. Gisugo ba nga ampoan kini si Mohammad?

Tubag:

Dili siya ampoan kay sinugo ug Profeta lamang siya sa Allah.

148. Dili tingali siya Profeta kay nagsulti man ang Lukas 16:16 nga ang mga Profeta hangtud lamang kang Profeta San Juan Bautista?

31

Tubag:Sayup kana nga pagsabut kay human sa panahon ni Jesus ug San Juan aduna pa may daghang mga Profeta nga nangabut, kini sumala sa mga Buhat 15:32,13:1,21:11, ug 11:27.

149. Pero nganong wala man hinganli sa Bibliya nga may Profeta pa nga ngalan ug Mohammad?

Tubag:Si Jesus gitagna nga moabut sa Israel, apan wala nganli nga Jesus sa nagtagna nga tungod niana si San Juan nga Bautista nagpasugo sa iyang mga tinun-an sa pagpangutanakang Jesus kon siya ba mao ang Profeta nga ilang gipaabut. Kini mabasa sa San Mateo 11:2-3. Busa magsusi kita kon kinsa kini si Mohammad.

150. Aduna bay gitagna si Jesus nga may mosunod pa kaniya?

Tubag:Oo, kana matud pa sa among Qur’an. (Apan sunod kanako usa ka sinugo sa Allah kansang ngalan mao si Ahmad…Qur’an 61:6.) And remember Jesus the son of Mary said: “O Children of Israel! I am the apostle of Allah (sent) to you confirming the Law (which came) before me and giving glad Tidings of an Apostle to come after me whose name shall be Ahmad.” But when he came to them with Clear Signs they said “This is evident sorcery!”

151. Sa among Bibliya may tagna ba nga may moabut nga motudlo sa Kamatuoran?

Tubag:Oo, Adunay tagna. Sa San Juan 16:12-13 nasulat kining mosunod,”Daghan pa ako ug igsusulti kaninyo, apan dili pa kamo makadaug pagdala niini karon, apan inig-abut sa Espiritu sa Kamatuoran, Kini siya mao ang magtultol kaninyo sa tibook nga kamatuoran. Kay siya dili man magasulti sa iyang kaugalingong pagbulot-an, hinonoa ang iyang madungog mao ang iyang igasulti ug ang mga butang nga umaabut iyang igatug-an kaninyo”.

152. Apan sa among pagsabut ang Espirtu Santo ang ikatulong persona sa pagka-Diyos, maoy gipasabut sa maong tagna?

32

Tubag:Sumala sa San Mateo 3:16 “…ug iyang nakita ang Espiritu sa Diyos nga mikunsad nga sama sa salampati,ug mipahiluna kini sa ibabaw niya…” Ang Espiritu diha nang daan sa panahon sa pagbautismo kaniya, apan kining iyang gitagna “UMAABUT PA,”busa dili kini kauban sa tulo ka personas sa pagka-Diyos.

153. Apan miabut na ang gitagna ni Jesus, sumala sa Buhat 2:1-13.Apan dili man si Mohammad maoy miabut kay gianak si Mohammad sa tuig 571 P.K., ang miabut mao man ang Espiritu Santo, di ba?

Tubag:Ang tagna ni Jesus nagsulti nga “ …iyang igasulti ang mga butang …”MOSULTI KINI kon moabut,dili magdahunog nga hangin, sama sa nahitabu sa Buhat 2:2.Ang miabut sa buhat 2:4 maoy misugo sa tawo sa paglitok, samtang ang gitagna ni Jesus mao gayud maoy “MOSULTI” ang moabut,dili ang giabutan.Kini sumala sa San Juan 16:12-13.Dili ang moabut maoy mosugo sa tawo sa pagsulti,kondili ang MIABUT maoy mosulti.

154. Apan kon si Mohammad maoy gitagna ni Jesus nga motudlo sa Kamatuoran, nganong dugay man kaayo siyang miabut ug walay Profeta nga nakatudlo sa mga tawo sa taas nga panahon?

Tubag:Sa pag-abut ni Jesus sa Israel, aduna kini mga 400 ka tuig ang milabay gikan kang Profeta Malaqias una pa si Jesus miabut. Busa dili makatarunganon nga ang kadugay sa panahon maoy basihan nga dili tuohan si Mohammad.

155. Kon si Profeta Mohammad Sinugo pa sa Diyos, nganong daghan man siya ug asawa?

Tubag:Kinahanglan nga mahibaloan nga ang mga Profeta sama ni Abraham, Jacob, David ug Solomon polos sila mga bayani sa Pagtuo apan daghan sila ug mga asawa. Si Abraham tulo ang iyang mga asawa, sumala sa Genesis 16:1-3,25:1.Si Jacob may asawa nga upat sumala sa Genesis 29:20,Si Raquiel maoy ngalan sa iyang asawa,si Lea lain nga asawa ni Abraham sa Genesis 29:23,si Bilha ang laing niyang asawa sa Genesis 30:4,si Silfa lain niyang asawa sa Genesis 30: 9.Ang mga asawa ni David ,basaha sa I Cronocas 33:1-9,14:3,II Samuel 5:13.Ang mga asawa ni Solomon mabasa sa I Mga Hari 11:3.

33

156. Pero ang mga dili Profeta wala sila tuguti nga mangasawa ug labaw sa usa?

Tubag:Gitugutan sila, kay nasulat kini sa Exodo 21:10 “…kon siya magapili ug lain nga asawa, dili pag-ibanan ang iyang kalan-on, ang iyang bisti, ang katungdanan sa pagkaminyo.”

157. Apan batasan lamang kana sa mga tawo sa panahon sa daan nga tugon, apan sa bag- nga tugon wala kana gitugot. Di ba?

Tubag:Anaa gihapon ang maong batasan, kay sa I Temoteo 3:2 wala tugote sa Iglesia nga mahimong Obispo ang daghan ug asawa, kondili ang USA ra gayuy asawa ang himoon nga Obispo.Sa ato pa anaa pa gihapoy daghag asawa sa panahon sa bagong tugon.

158. Apan adunay tambag si Pablo nga “…ayaw nalang pangasawa…”unya kamo magdaghan hinoon kamo ug asawa? Kini sumala sa I Corinto 7:27.

Tubag:Ang pagpangasawa sugo sa Diyos, ang dili pagpangasawa tambag kini ni Pablo ug iyang hunahuna lamang,sumala sa I Corinto 7:40.Apan alang kanato labing maayo ang pagsugot sa sugo sa Diyos.

159. Apan sala ang pagpangasawa sa subra sa usa kay supak kana sa balaod sa Diyos nga “Dili ka manapaw”dili ba?

Tubag:Dili sala ang pagpangasawa sa subra sa usa kay ang mga Profeta nga mga balaan daghan man ug asawa.

160. Kon mao kana makasala diay kita kon dili manga sawa ug daghan?

34

Tubag:Wala isugo sa Diyos ang pagpangasawa ug upat, kondili gitugot lang wala gisugo. Kini sumala sa Qur’an 4:3 [£ƒƒG‘ £G› DZÂH©I¼œO£G• «çGƒ¿«ƒG¥GƒÃMšOZ çI• DZÂHµI±MºH† ‘G} MâH¥M¹I‹ MwI~ Gy ‘G} MâH¥M¹I‹ MwIǃG• GÚ«ƒƒG…HeG y GΫƒGƒ¾H‡ Gy «çGƒÀM¦G› IYóƒG±INÀšOZ GãIN› âH¼Gš ‘G} «PçGƒœMcG} GßIšˆGd MâH¼ƒHœƒ«ƒG¿MžG} MÍG¼Gƒ¾G› £G› MyG} J{G¬IŠˆGÂG• DZƒHšI¬ƒM·G†

D( 3) ZÂHšÂH·G†

“If ye fear that ye shall not be able to deal justly with the orphans marry women of your choice two or three or four; but if ye fear that ye shall not be able to deal justly (with them) then only one or (a captive) that your right hands possess. That will be more suitable to prevent you from doing injustice”.

161. Kon ang mga lalaki gitugotan sa pagpangasawa sa subra sa usa, gitugotan ba usab ang mga babaye nga mamana ug subra sa usa?

Tubag:Wala gitugot sa Bibliya nga ang babaye mamana ug subra sa usa kay kana maoy “PANAPAW”Ug walay makausab sa maong balaod. (ug dili arang mabungkag ang kasulatan San Juan 10:35)

162. Nganong ang inyong babaye nga Muslim dili man mahimo nga pangasaw-on ug Kristohanon?

Tubag:Ang among babaye kon among ipaasawa sa inyong lalaking Kristohanon, mahimong makadaut kana sa pagtuo sa among babaye. Samtang ang among lalaki dili man makalapas sa balaod sa Diyos kon mangasawa sa inyong babaye.

163. Unsa man pananglit ang makadaut sa inyong babaye kon pangasaw-on sa among lalaki?

Tubag:Kami nagtuman sa balaod sa Diyos mahitungod sa mga angay kao-non, ilimnon, ug labaw sa tanan ang pagsimba sa usa lamang ka makagagahum nga ALLAH.

35

164. Ang among mga babaye madaut usab kon pangasaw-on sa inyong lalaki kay dili naman siya makatuman sa mga balaod sa Diyos, di ba?

Tubag:Ang inyong mga babaye dili namo palapason sa mga balaod sa Diyos pero makalapas hinoon siya sa mga balaod sa inyong relihiyon.

165. Pero ang among mga babaye madaut ang pagtuo kay inyo man nga pasimbahon sa inyong ALLAH nga si Jesus man maoy among Ginoo.

Tubag:Kon si Jesus WALA makasala sa dihang misimba siya sa iyang Diyos, dili usab tingali makasala ang inyong babaye kon among pasimbahon sa Diyos nga giampoan ni Jesus.

166. Pero dili na siya makasimba ni Jesus busa nadaut siya?

Tubag:Dili gayud siya madaut kay nagsunod ra man siya sa gisugo ni Jesus nga ang Diyos ra maoy simbahon ug wala nay lain,kini sumala sa San Mateo 4:10.

167. Kinahanglan ba nga pugson ninyo ang mga tawo nga motuo sa inyong relihiyon?

Tubag:Dili gayud namo pugson ang mga tawo kay guinadili kana sa among Qur’an 2:256. “Let there be no compulsion in religion. Truth stands out clear from error”.

168. Si Jesus nga among Ginoo nagtukod siya sa iyang Iglesia, sumala sa San Mateo 16:18.Motuo ba kamo niini?

Tubag:Mahimo tingali nga may mga tawo nga naglain sa ilang kaugalingon gikan sa kinabag-an sa mga tawo kay nagsunod sila sa mga gitudlo ni Jesus.Apan wala magpasabut nga nagtukod siya ug relihiyon kay dili gayud mahimo nga mao pay itukod sa tinood nga relihiyon kay maunsa naman lang unya ang mga tawo sa wala pa si Jesus, wala diay silay relihiyon nga tinood? Palayo kana.

36

169. Dili ba ang gitukod ni Jesus mao ang Iglesia usa ka polong nga Grego, nga ang buot ipasabut nga “Tinawag”?

Tubag:Oo,”Tinawag”mao kana ang kahulugan sa Iglesia, gitawag aron nga motuman sa kabubut-on sa Diyos.

170. Nganong dili man kamo motipon sa Iglesia nga motuman man kaha kini sa kabubut-on sa Diyos?

Tubag:Ang Iglesia kaniadto maayo nga tiponan, apan ang Iglesia karon lahi na kaayo kay ang Diyos naman hinooy pasundon sa gusto sa Iglesia.

171. Kay unsa man diay ang gusto sa Iglesia nga gusto niyang sundon sa Diyos?

Tubag:Gusto sa Iglesia nga ang Diyos mosulti nga may Diyos siyang kauban nga mao ang Anak ug ang Espiritu Santo, human siya mosulti nga walay laing Diyos gawas sa kaniya. Gusto sa Eklesia nga ang Diyos mosulti nga “mahimo “ na nga kaonon ang mga guinadili nga sama sa Baboy, kay “GIHINLOAN NA”human makasulti ang Diyos nga kining Baboy HUGAW (basaha ang Isaias 45:5 ug Levitico 11:7).

172. Sa pagka-karon may mga tawo pa ba nga gustong mosunod sa Diyos?

Tubag:Oo, anaa kaayo. Ila pa man gani nga ihalad ang ilang mga salapi ug bahandi,kinabuhi ug dungog nga ilang gimahal, tungog kay gusto silang mosunod sa gusto sa Diyos.

173. Unsaon man nako pagkahibalo sa mga gusto sa Diyos?

Tubag:Si Jesus miingon nga “Kon tuyoon ni bisan kinsa ang pagbuhat sa kabubut-on sa Diyos, siya mahibalo sa akong pagtulun-an (iyang kabubut-on)”.

174. Aduna bay basahon nga mahimo nako nga basahon aron nga ako mahibalo sa gusto sa Diyos?

37

Tubag:Oo. Ang basahon sa mga Profeta.

175. Nganong ang basahon man gayud sa mga profeta maoy akong basahon?

Tubag:Tungod kay ang mga profeta man maoy nahibalo sa mga tinago sa Diyos.Kini sumala sa Amos 3:7 ug Qur’an 14:4.

“We sent an apostle except (to teach) in the language of his (own) people in order to make (things) clear to them.”

176. Diha sa Bibliya may mga basahon ba ang mga Profeta?

Tubag:Oo.Anaay mga basahon sa mga Profeta diha apan dili na putli, tungod sa sambug nga gihimo sa mga dili mga Profeta.

177. Aduna ka bay mga kalig-onan nga nasambugan ang Bibliya?

Tubag:Oo. Sa Enclopedia Biblica vol. IV p.4980 nag-ingon “But the new testament of today, in the very early times had not canonical authority, ALTERATIONS and ADDITIONS were actually made, where they seemed improvements.”

178. Apan mahimo ba nga basahon nato ang Bibliya aron nga mahibalo kita sa mga kabubut-on sa Diyos?

Tubag:Oo.Apan dili na kita makasiguro sa iyang gipanudlo tungod sa mga gipang-usab ug gipangdugang niini.

179. Kon mao kana, aduna pa bay basahon sa Profeta nga maayong basahon nga makasalig kita nga walay mga gipangdugang niini?

Tubag:Oo. Aduna ug among isugyot nga basahon, ang Balaan nga Qur’an maoy basaha.

38

180. Dili ba nga sama usab kana sa Bibliya nga gipanghilabtan?

Tubag:Lahi kaayo kining Balaan nga Qur’an kay gibantayan kini sa ALLAH, sumala sa Qur’an15:9

“We have without doubt sent down the Message; and we will assuredly guard it (from corruption)”.

181. Aduna ka bay kalig-onan nga wala gayud mahilabti ang Qur’an?

Tubag:Oo. Aduna, ang basahon nga “The Construction Of The Bible And Qur’an” p.5 …”the complete texts of the Qur’an has remain the same, without any change or alterations, UP TO THE PRESENT TIME.It is to be regreted that the same cannot be said of all the books of old and new testaments.”

182. Apan dili masabtan ang Qur’an kay ARABIC man, di ba?

Tubag:Masabtan gihapon kay may mga hubad man nga English sa mga kahulugan sa Qur’an.

183. Kinsa may nagsulat sa Qur’an?

Tubag:

Kining mosunod nga mga ngalan maoy nagsulat sa Qur’an nga ORIGINAL.

Zaid Ibn Thabit, Abubakar As Siddiq, Umar, Uthman, Ali Ibn Talib, Zubair, Ubayy, Hanzala, Abdullah Ibn Sad, Abdullah Ibn Arkam, Abdullah Ibn Rawaha, Sharhubail Ibn Said, Khalid Ibn Said, Aban Ibn Said, ug Mu’-Aiqab, Khadija (asawa sa Profeta s.a.w.)

[Kini sumala sa FATH AL BARI IX p.19 by Al-Hafiz Abu-l Fadzl Al Din Ahmad Ibn Ali (Cairo 13 vol.)]

184. Kining mga tawo nga nagsulat sa Qur’an mga kasaligan ba sila?

39

Tubag:Oo. Kini sila mga kasaligan kay ang Mahal man gayud nga Profeta (saw) ang mimando kanila sa pagsulat niining Qur’an alang kaniya kay lagi dili man Siya maantigong mosulat, ug iya pa gayud kining mga suod kaayong mga kauban (sahaba).

185. Si Jesus miingon nga may manungha nga mga bakakon nga mga Profeta, motuo ba kamo sa sulti ni Jesus?

Tubag:Oo.Tinood kana nga may mga bakakon nga Profeta, nga manungha sumala sa San Mateo 24:24.

186. Kon mao kana wala na diay tinood nga Profeta karon?

Tubag:Sayup kana nga pagsabut kay sa pag-ingon ni Jesus nga may manungha nga bakakon nga mga Profeta, kini wala magpasabut nga wala nay tinood nga Profeta, anaa lay bakakon.

187. Unsa may ilhanan sa usa ka matuod nga Profeta?

Tubag:

Sa San Mateo 7:20, si Jesus miingon “…sa ilang mga bunga maila ninyo sila.”

188. Unsa may bunga sa gipangtudlo ni Mohammad?

Tubag:

Si Mohammad (saw) karon may somusunod nga kapin sa usa ka bilyon ka mga Muslim.Gitudloan niya ang mga Muslim sa pagsimba sa usa lamang ka Makakagahum Nga Maglalang. Ang pagpa-ambit ngadto sa mga kabus sa bahandi sa mga datu pinaagi sa bayad sa Zakat. (Zakat nga 2.5% nga kuhaon sa limpio nga kinitaan sa tawo). Pagpugong sa kaugalingon sa mga bisyo, sama sa sugal, inom sa makahubog, pagpatubo sa salapi nga gipahulaman, paglikay sa mga makadaut sa lawas nga mga pagkaon, paghilabut sa mga babaye nga dili asawa ug uban pa. Pag-puasa sa bulan sa Ramadhan sa matag tuig. Pag-hajji kon pagbisita sa Mecca, ginamit ang bahandi nga tinigum sa matarung nga pamaagi. Ug labaw sa tanan, gitudloan ni Mohammad (saw) ang iyang mga sumusunod sa pagsimba sa Allah nga labing gamhanan lima ka higayon sa matag adlaw

40

189. Ngano man nga kamong mga Muslim mopatay man ug tawo nga sala man ang pagpatay?

Tubag:Kaming mga Muslim wala sogoa sa Allah sa pagpatay ug tawo.

190. Kon tinood nga wala kamo sogoa nga mopatay ug tawo, nganong mopatay man lagi mo?

Tubag:Wala kami sugoa pagpatay, apan may pagtugot nga gihatag sa Allah,nga panalipdan namo ang among mga kaugalingon, ug among pamilya,ug among mga kabtangan ug sa pagpanalipod sa among relihiyon batok sa among mga kaaway, sa makatarunganon nga paagi.Sama usab kaninyong mga dili Muslim mopatay gihapon kamo,sa samang hinungdan nga ako na nga gihisgutan.

191. Unsay buot ninyong ipasabut nga mopatay kamo, kon kabahin sa religion?

Tubag:Kon pamatyon kami tungod sa among pagtuo, mopatay usab kami, kay dili gayud namo matalikdan ang among relihiyon.

192. Gawas nianang imong giingon, may lain pa ba nga hinungdan nga kamo mopatay?

Tubag:Oo. Kon kuhaon gikan kanamo ang among mga katungod, ug dili kami mahatagan sa hustisya, sama sa gisulti sa “A SPECIAL SUPPLEMENT “of the U.C.C.P.?Revised Standard Version 1971 edition p.32.

“We resolved and identify ourselves with THE OPPRESSED AND EXPLOITED MUSLIM OF MINDANAO”,

dinhi niini mahimo nga kami mopatay kon gikinahanglan, apan kon makapailub kami kana maoy labing maayo.

193. Motabang ba kamo sa mga buhat nga binuang?

Tubag:

41

Gisugo kami sa among Qur’an nga magtinabangay sa mga buhat nga maayo ug dili tabangan ang buhat nga dautan. Kini mabasa sa Qur’an 5:2

Help ye one another in righteousness and piety but help ye not one another in sin and rancor: fear Allah: for Allah is strict in punishment

194. Tinood ba nga guinadili sa Diyos ang pagpahulam sa salapi ug unya patungan sa tubo, sama nianang gitawag nila ug 5/6?

Tubag:Sumala sa Deuteronomio 23:19 nag-ingon “Dili ka magpahulam nga may tubo sa imong igsoon, patubo sa salapi bisan sa patubo sa makaon,bisan patubo sa bisan unsang bunga nga papahulaman nga may patubo.(Qur’an 3:130)

“O ye who believe! Devour not usury doubled and multiplied; but fear Allah; that ye may (really) prosper”.

195. Unsay tambag ni Jesus sa usa ka maayo nga pagpuasa?

Tubag:Sumala ni Jesus sa San Mateo 6:16 nag-ingon “Ug sa magpuasa kamo, ayaw kamo pagpadayag nga masulob-on, ingon sa mga maut, kay sila magpadaut-daut sa ilang mga nawong aron nga makita sa mga tawo nga sila nanagpuasa…”

196. Unsa ang gitudlo ni Jesus nga atong buhaton kon mosaka kita sa usa ka panimalay?

Tubag:Sumala sa San Mateo 10:12, “Ug inigsaka ninyo sa balay, hatag kamo ug katahuran.”

197. Unsa ang katahuran nga gihatag ni Jesus sa diha nga nakigkita siya sa mga apostoles?

Tubag:

Sumala sa San Juan 20:19 “…si Jesus mitungha ug mitindog sa ilang taliwala ug miingon kanila,” ang kalinaw maga-uban kaninyo” (nga sa Arabic pa ASSALAMU ALAIKUM.)

42

198. Unsa bay gitudlo sa Bibliya mahitungod sa mga babaye?

Tubag:Sumala sa I Corinto 11:6, “Kay kon ang babaye dili magpandong sa iyang kaugalingon...apan kon makauulaw man alang sa usa ka babaye ang pagka inalutan ug pagka kiniskisan ug ulo nan, pagamita siya ug pandong.

199. Nganong kamong mga Muslim ang inyong minatay inyo man nga ligoan?

Tubag:Mao man ugod kana ang gihimo sa mga magtutuo ni Jesus sa diha nag namatay si Dorcas.Ilang gihugasan ang lawas nga patay. Mabasa kini sa Mga Buhat sa mga Apostoles 10:37.

200. Ug ngano man usab nga inyo man nga ilubong ang inyong mga minatay nga walay longon?

Tubag:Si Jesus sa inyong giingon nga namatay man kono ila man nga gipotos sa panapton nga puti ug usa pa gilubong, mao nga kami amo usab nga putoson ug panapton nga puti ang patay una ilubong.

201. Ug nganong may pahumot pa man nga ibutang sa patay?

Tubag:Basaha ang San Juan 19:40 kay butangan ug pahumot ang patay.

202. Unsang matang sa pagkatawo ang gitawag ug Muslim?

Tubag:Mao kana ang mga tawo nga mga somusunod sa relihiyon nga Islam.

203. Unsa may buot ipasabut sa polong nga Muslim?

Tubag:

Ang polong nga Muslim usa kana ka inarabic,ug ang buot ipasabut, “One who submit to God”The New International Webster Comprehensive Dictionary of the English Language.Ang usa nga mosugot sa kabubut-on

43

sa Allah mao kanay Muslim.Sa mga Arabu,aduna mga Muslim apan aduna usay mga Kristiyano.Sa mga Maranao,aduna usay mga Muslim ug aduna usay mga dili Muslim. Sa mga Maguindanao, Tausug, Yakan, Bangingi ug uban pang mga Lumad deri sa Pilipinas adunay mga Muslim ug aduna usay mga dili Muslim, kay ang pagka-Muslim dili man sa dugo, ni sa Tribu, kondili ang pagsugot man sa gusto sa Allah (swa). Ang uyuan ni Profeta Mohammad (saw) nga si Abu Lahab, sama gayud sa tribu ni Mohammad (saw), ang iyang dugo, sama gayud sa dugo ni Mohammad (saw), ang iyang sinultihan sama gayud sa sinultihan ni Mohammad (saw), ang iyang pinuy-anan didto mahimutang sa Mecca, sama gayud sa kang Mohammad nga didto usab sa Mecca, apan si Mohammad (saw) MUSLIM pero si Abu Lahab nga iyang uyuan KAFIR (buot ipasabut sa kafir-DILI MUSLIM)

204. Unsa man usab kanang ISLAM?

Tubag:

Ang ISLAM usa ka polong nga inarabic, nga ang buot ipasabut “KALINAW”.

205. Unsa bay mga haliging patukuranan sa ISLAM?

Tubag:(a.) Ang pagsaksi nga walay angay O takus nga pagasimbahon gawas sa

Allah (swa) Ug pagsaksi nga si Mohammad (saw) Sinugo sa Allah(b.) Ang pagpatindog sa PAGSIMBA(c.) Ang pagbayad sa ZAKAT(d.) Ang PAGPUASA sa bulan sa Ramadhan(e.) Ang pag-HAJJ sa Mecca

ANG ISLAM MAO ANG RELIHIYON NGA GIHINGPIT SA ALLAH PARA SA MGA TAWO NGA MAGTUTUO. “KINI MAO ANG PIPILA KA MGA PANGUTANA NGA AKONG NA EKSPERYENSIYAHAN SA AKONG PAG-DA’WAH NGADTO SA NAGKALAIN-LAIN NGA MGA PANGULO SA KRISTIYANISMO NGA RELIHIYON SULOD SA PIPILA KA MGA TUIG GIKAN SA ABRIL 23,1990 HANGTUD KARON NOVIEMBRE 3,2001. ALHAMDULILLAH UG IYANG GITUGOT NGA MASULAT NAKO KINING PIPILA SA MGA DAGKUNG PANGUTANA NGA ILANG GIPANGUTANA KANATO. MANGHINAUT AKO NGA ANG MAKABASA NIINI NGA KRISTIYANO NGA MODUGANG UNTA SIYA SA PAGSUSI SA KAMATUORAN UG GAKSON KINI. UG MANGHINAUT USAB AKO NGA SA MUSLIM NGA MAKABASA NIINI NGA MAGAMIT NIYA KINI SA PAG-DA’WAH KON PAG-DAPIT SA MGA TAWO NGADTO SA RELIHIYON SA ALLAH. UG KON

44

MAY MAKAHUNA-HUNA MAN UG LABI PA KA MAAYONG PAGTUBAG KAY SA NASULAT NAKO, INSHA-ALLAH, MALIPAY GAYUD AKO NIANA ARON IKADUGANG NATO SA PAGPATIN-AW ATONG PAGTUBAG NGADTO SA MGA DILI MUSLIM UG ARON MATUBAG GAYUD “ANG PANGUTANA SA KADAGHANAN.”

MOHAMMAD EISA SABUERO, AL-HAJ.(Isabelo Bugas Sabuero, Jr.)

SOUTHEAST ASIA DEV’T FOUNDATIONS INC. AID COMPOUND, BANALE, PAGADIAN CITY,

ZAMBOANGA DEL SUR, PHILIPPINESTel. 062-2142-329, Cell 00966506993567

45