Filipino Shopping Culture

11
Filipino Shopping Culture Isang sulating pananaliksik nina Kevin Joseph P. Afunggol, Vimara Mariel A. Bolisay, Gem Angeli J. Burgos at Herielle E. Evangelista Mula sa patnubay ni Prop. Zendel M. Taruc, M.Ed. Klase ng I-2, UST Kolehiyo ng Narsing, T.A. 2008-2009 Panimula Shopping – isa sa mga gawaing pinakakinagigiliwan ng mga Pilipino. Ang shopping ay ang gawain nang pamimili ng mga bagay maging ito man ay pangunahing pangangailangan o para lamang sa luho. Ito ang madalas ginagawa ng libo- libong Pilipino sa bansa. (Greenlees, 2008) Noon, hindi pa gaanong patok ang industriya ng pagsa- shopping dito sa Pilipinas. Kakaunti lamang ang mga nagpupunta sa mga mall para mamasyal at mamili ng mga bagay na nais bilhin. Pumupunta lamang ang mga tao noon sa mga mall o pamilihan upang bilhin ang mga bagay na kailangan talaga. Nang lumaon, natuklasan ng mga negosyante na patok pala ang ideya ng pagsa-shopping sa mga Pilipino. Nagsulputan ang mga malls sa bawat ng sulok ng bansa. Malaki man o maliit, maganda man o hindi, dinarayo ng mga Pilipino ang mga Shopping Areas na ito. Parati ‘yan, may pera o wala, may pasok o wala, ang mga Pilipino, matatagpuan sa malls. Sa mga susunod na taon, inaasahang mas darami pa ang malls dito sa bansa, nangangahulugang mas darami pa ang mga Pilipinong mahuhumaling sa pagsa-shopping. Kaugnay nito, nilalayon ng aming pananaliksik na matukoy ang ilan sa mga gawi sa pamimili ng mga Pilipino, ilan sa mga salik na nakakaapekto sa pagsa-shopping, at ang ilang positibo at negatibong epekto ng shopping sa mga Pilipino. Ang pananaliksik na ito ay maaaring makatulong sa aming mga kapwa mag-aaral na maintindihan ang shopping culture ng mga Pilipino.

description

University of Santo Tomas College of Nursing. A research paper entitled "Filipino Shopping Culture" as a fulfillment to the requirements of Filipino 2, AY 2008-2009. Research Work By: Kevin Joseph Afunggol, Vimara Mariel Bolisay, Gem Angeli Burgos and Herielle Evangelista. Submitted To: Prof. Zendel Taruc, M.Ed., Professor in Filipino 2.

Transcript of Filipino Shopping Culture

Page 1: Filipino Shopping Culture

Filipino Shopping Culture

Isang sulating pananaliksik ninaKevin Joseph P. Afunggol, Vimara Mariel A. Bolisay, Gem Angeli J. Burgos at Herielle E. Evangelista

Mula sa patnubay ni Prop. Zendel M. Taruc, M.Ed.Klase ng I-2, UST Kolehiyo ng Narsing,

T.A. 2008-2009

Panimula

Shopping – isa sa mga gawaing pinakakinagigiliwan ng mga Pilipino. Ang shopping ay ang gawain nang pamimili ng mga bagay maging ito man ay pangunahing pangangailangan o para lamang sa luho. Ito ang madalas ginagawa ng libo-libong Pilipino sa bansa. (Greenlees, 2008)

Noon, hindi pa gaanong patok ang industriya ng pagsa-shopping dito sa Pilipinas. Kakaunti lamang ang mga nagpupunta sa mga mall para mamasyal at mamili ng mga bagay na nais bilhin. Pumupunta lamang ang mga tao noon sa mga mall o pamilihan upang bilhin ang mga bagay na kailangan talaga.

Nang lumaon, natuklasan ng mga negosyante na patok pala ang ideya ng pagsa-shopping sa mga Pilipino. Nagsulputan ang mga malls sa bawat ng

sulok ng bansa. Malaki man o maliit, maganda man o hindi, dinarayo ng mga Pilipino ang mga Shopping Areas na ito. Parati ‘yan, may pera o wala, may pasok o wala, ang mga Pilipino, matatagpuan sa malls.

Sa mga susunod na taon, inaasahang mas darami pa ang malls dito sa bansa,

nangangahulugang mas darami pa ang mga Pilipinong mahuhumaling sa pagsa-shopping.

Kaugnay nito, nilalayon ng aming pananaliksik na matukoy ang ilan sa mga gawi sa pamimili ng mga Pilipino, ilan sa mga salik na nakakaapekto sa pagsa-shopping, at ang ilang positibo at negatibong epekto ng shopping sa mga Pilipino. Ang pananaliksik na ito ay maaaring makatulong sa aming mga kapwa mag-aaral na maintindihan ang shopping culture ng mga Pilipino.

I. Pagsusuri sa mga Kaugnay na Pag-aaral

Ang pagshoshopping o pamimili ay nasa puso na ng bawat Pilipino. Kahit saan, o kahit ano pa man ang okasyon, mapapansin na mayroon pa ring panahon ang mga Pilipino para sa pamimili ng mga samu’t saring gamit, maaaring pansarili man o para sa ibang tao. (http://www.travelmart.net/philippines/shopping)

Ang mga Pilipino ay mahilig magshopping kahit walang okasyon hanggang ngayon kung saan nagkakaroon tayo ng problema sa ekonomiya.

Ang Pilipinas ay sadyang katangi-tangi dahil halos kahit saan ka mapunta ay siguradong may mga shopping malls na kung saan ay maaari kang makapamili ng mga bagay na gusto mong bilhin katulad ng mga damit, sapatos, libro, pagkain, at marami pang iba. Hindi ka rin naman nalilimitahan sa malalaking shopping

Page 2: Filipino Shopping Culture

malls dahil kahit sa mga maliliit na bangketa ay makakapamili ka na rin ng mga magagandang bagay na tiyak na magugustuhan at magagamit mo sa araw-araw sa iyong buhay sa mas murang halaga. (http://www.world66.com/asia/southeastasia/philippines/shopping)

Halaw sa mga kwento ng mga Pilipinong dumayo na sa iba’t-ibang bansa at nakapagmasid ng kultura ng mga tao roon, masasabing ibang-iba nga talaga ang paraan ng pagsa-shopping ng mga Pilipino. Ang mga dayuhan kasi, tulad na lamang ng mga Ingles, pumupunta lamang sa malls para bilhin ang mga bagay na talagang kailangan nila. Matapos noon ay uuwi na sila. Sa ‘Pinas, ang mga Pilipino ay pupunta sa mga malls upang mamili ng kailangan, mamasyal, kumain, at mamili ng mga bagay na gusto nilang bilhin.

A. Mga Dahilan ng Pagsa-Shopping ng mga Pilipino

Maraming mga dahilan kung bakit nagshoshopping ang mga Pilipino. Ang ilan sa mga ito ay ang okasyon, pangangailangan at luho. Okasyon – isa sa mga bagay na kilalang-kilala ang mga Pilipino dahil sa engrandeng paghahandang ginagawa. Nakasanayan na ng mga Pilipino na sa tuwing may mga mahahalagang okasyon, katulad na lamang ng Pasko at Kaarawan, ay talagang maraming nakahandang pagkain dahil marami ang mga inaasahang bisita. Idagdag pa rito ang pagbili ng regalo para sa may kaarawan o para sa mga kaibigan naman sa araw ng Pasko. Pangangailangan – Bago naman mag-umpisa ang mga klase ng mga estudyante ay kailangang bumili ng mga gamit na kakailanganin sa mga paaralan. Katulad din ito ng pamimili ng mga gamit na kailangan para sa pang araw-araw na pamumuhay. Luho – Ang mga Pilipino ay sadyang mahilig bumili ng mga bagay na hindi naman kasama sa kanilang mga pangunahing pangangailangan.

B. Mga Problemang Kaugnay ng Pagsa-shopping

Maraming mga negatibong epekto ang pagsa-shopping. Ang tatlo sa mga ito ay ang Compulsive Buying, Shopaholism at ang mga hindi nabayarang utang, cash man o credit card.

Ang mga Pilipino ay nasabing mga compulsive buyers. Ang compulsive buyers ay ang mga tao na sa tuwing namimili ay sadyang kumukuha lamang ng mga gamit na gusto kahit wala na sa badyet, basta ito lamang ay magustuhan. (Dreger, 2007)

Ang shopaholism o oniomania naman ay ang pagbili ng mga gamit na wala naman sa badyet, wala sa panahon at hindi naman mahalaga. Ito ay ang paggasta ng pera sa mga bagay na minsan lang nagamit o hindi man lang nagalaw o nabuksan. Ito ay isang problemang sikolohikal na kinahaharap ng may sampung bahagdan ng populasyon ng mga babae sa buong mundo. Ang ilan sa mga dahilan ng pagkakaroon ng behavior na ito ay ang pakiramdam na walang nagmamahal o walang silbi, stress, at kalungkutan. Bilang tugon sa mga nararamdamang ito, gumagawa ng paraan ang isang tao upang maibsan ang kalungkutan. Isa na nga rito ang pagsa-shopping ng sobra-sobra (Quiliam, 2006).

Nasa ibaba nito ay mga kwento tungkol sa isang shopaholic na mga Pilipino at ang mga naging epekto nito sa kanila.

Ang unang kaso ay tungkol sa isang working employee na maitatago na lamang natin sa pangalang Verna. Dahil sa ilang mga kadahilanan ay pinili na lamang niyang hindi magbigay ng personal na impormasyon. Siya ay isang working independent, walang asawa at anak. Noong taong 2003 ay nagkaroon siya ng napakalaking utang sa credit card na umabot ng halos Php 100,000. Nagdulot ito ng maraming problema sa mga credit card companies at umabot pa sa sitwasyong muntik nang mademanda. Nang tanungin kung papaano naman umabot ng ganoon kalaki ang kanyang gastusin, “Kapag nasa mga stores kasi ako, nangangati talaga ako magsukat ng mga damit sa racks. Sa totoo lang, yung apat na credit cards ko, maxed out lahat.” tugon ni Verna. Lahat ng kanyang sinusuweldo sa trabaho ay napupunta lahat sa pagbabayad ng utang. Sa kasalukuyan, siya ay nagtatrabaho bilang isang freelance coordinator. Nang

Page 3: Filipino Shopping Culture

tanungin ukol sa planong solusyon sa suliraning ito, “Kapag nakapag-ipon ako, hahanapin ko lahat ng mga credit card companies na iyon para ma-settle na lahat”, ang kanyang pahayag. Ang ikalawa sa aming nakalap na kaso ukol sa mga Pilipinong shopaholic ay ang kaso ni Joann Conception, dalawampu’t anim na taong gulang, may asawa at tatlong anak. Ang kanyang asawa ay nagtatrabaho bilang isang waiter sa Guam kung kaya’t napapadalhan sila ng sustento kada buwan. Aminado siya sa kahiligan sa mga bags at sapatos. Ngunit hindi rin naman niya nakakaligtaan ang pamimili ng mga kagamitan para sa mga anak. “Kapag wala akong magawa, pumupunta na lang ako sa mall kasama ang mga anak ko para mamili”, sabi ni Joann. Nakasanayan nila ang ganitong gawain hanggang sa hindi na nakontrol ang paggastos at tuluyan na ngang lumaki ng lumaki ang kanilang utang sa credit card na umabot halos Php 25,000/buwan. Simula noon nagsimula na ang mga pagtatalo sa pagitan niya at ng kanyang asawa na nahantong sa tuluyang hiwalayan. Sa kasalukuyan, namumuhay siya kasama ang kanyang tatlong anak sa tulong narin ng kanyang mga magulang.

Ayon sa mga kuwentong ito, masasabi natin na mahirap nang pigilan ang sarili kapag nasanay na at naging bahagi na ng ating buhay ang pagshoshopping. Kapag nasa mall o sa ibang pamilihan ng mga damit, sapatos, at iba pa, nangangati na ang mga kamay hanggang sa hindi na mapigilan ang pagsusukat at pamimili. Sa pagiging shopaholic, ang pagkakaroon ng maraming utang na hindi nababayaran ay isa lamang sa mga sangay o kaugnay na problema nito. Ang mga shopaholic, katulad ni Verna at Joann, ay umuutang ng pera sa ibang tao o sa mga institusyon para lamang mapagbigyan o matugunan ang kanilang kahiligan o pag-kaadik sa pagsa-shopping. Ito ay nagdudulot ng lalo pang mas malalaking mga problema tulad ng pagkakaroon ng hindi magandang relasyon sa pagitan ng umutang at napagkautangan at pwede pa itong humantong sa demandahan kapag hindi na resolba kaagad katulad ng nangyari kay Verna. Isa rin sa mga posibleng problema na sangay ng pagiging shopaholic ay ang maapektuhan ang iyong relasyon sa mga mahal sa buhay tulad ng magulang, kaibigan, o asawa katulad sa nangyari kay Joann na pwedeng humantong sa hiwalayan.

II. Paglalahad ng Sariling Pag-aaral

A. Pamamaraan

Balangkas ng Pananaliksik

Ginamit sa papel pananaliksik na ito ang Deskriptiv na Pananaliksik upang matukoy ang ilan sa mga gawi sa pamimili, mga salik na nakakaapekto sa pagsa-shopping at ang ilan sa mga positibo at negatibong epekto ng shopping sa mga Pilipino.Lugar ng Pananaliksik

Ang sulating pananaliksik na ito ay isinagawa sa iba’t ibang malls sa Metro Manila.Sampol

Sa mga malls na matatagpuan sa Metro Manila, kumuha ang mga mananaliksik ng dalawang (2) Marketing Managers at isang (1) Store Managers. Sila ang nagsilbing respondente dahil naniniwala ang mga mananaliksik na sila ang mga taong may sapat na kaalaman sa paksang ito.Instrumentasyon

Ginamit ng mga mananaliksik ang paraang pakikipanayam sa mga respondente. Gumamit ang mga mananaliksik ng open-ended questions upang mas maipaliwanag ng mga respondente ang kanilang mga sagot sa mga katanungang ibinigay sa kanila.Pamamaraan sa Pangangalap ng Datos

Ang pangangalap ng datos ay sinimulan noong ika-16 ng Enero taong 2009 at natapos noong ika-24 ng Enero taong 2009. Ang pagsusuri naman ng mga datos ay sinimulan noong ika-20 ng Pebrero taong 2009 at natapos noong ika-7 ng Marso sa parehong taon.

Page 4: Filipino Shopping Culture

B. Presentasyon, Pagsusuri at Interpretasyon ng mga Nakalap na DatosAng mga nakalap na datos ay naglalayong matugunan ang mga layuning nailatag sa unang bahagi ng

sulating pananaliksik na ito.

Talahanayan Blg. 1. Gawi ng mga Pilipino sa Pagsa-shopping

Kinapanayam Posisyon/Mall Obserbasyon sa Gawi sa Pagsa-shopping ng mga Pilipino

G. Tony So Marketing Manager/168 Shopping Mall

-Namimili para makalimot sa problema.-Basta mura at may nabiling kahit ano.

Bb. Anne Nayve Marketing Manager/Trinoma

-Brand Conscious lalo na ang mayayaman.

G. Francis Casimiro Senior Sales Manager, Penshoppe/Trinoma

-Bumibili kapag may okasyon.-Bumibili ng mga pangunahing pangangailangan.-Bumibili para makasunod sa uso.

Ipinapakita ng Talahanayan 1 ang mga naobserbahang gawi ng mga Pilipino sa pagsa-shopping base sa mga kinapanayam.

Ayon kay G. Tony So, Marketing Manager ng 168 Mall, ilan sa mga gawi sa pagsa-shopping ng mga mamimili ay ang pamimili upang makalimot sa problema at dahil sa ang presyo ng mga produkto ay mura. Ayon naman kay Bb. Anne Nayve, Marketing Manager ng Trinoma, tanging naoobserbahan niyang gawi ng mga mamimili ay ang pagiging brand conscious ng mga ito lalung-lalo na ang mga mayayaman. Base naman sa panayam kay G. Francis Casimiro, Senior Sales Manager ng Penshoppe-Trinoma Branch, ang mga mamimili ay pangkaraniwan ng bumibili kapag may okasyon, kapag kailangan at para makasunod sa uso sa kasalukuyan.

Talahanayan Blg. 2. Mga Epekto ng Pagsa-shopping

Obserbasyon sa Mga Epekto ng Pagsa-shoppingKinapanayam Positibo Negatibo

G. Tony So -Nagiging wais at praktikal -Bb. Anne Nayve -Stress-reliever

-Ginagawang wise-shopper ang mga mamimili

-

G. Francis Casimiro

-Nakakasabay sa uso

-Nagkakaroon ng declined na credit card.-Nagkakaroon ng utang at nababaon sa utang.

Iprinisinta sa Talahanayan 2 ang mga positibo at negatibong epekto ng pagsa-shopping.Ayon kay G. Tony So, isa sa mga positibong dulot ng pagsa-shopping ay nagiging wais at praktikal sa

pamimili ang mga Pilipino kapag nagsa-shopping. Ayon din kay Bb. Anne Nayve, ang pagsa-shopping ginagawang wise-shopper ang isang tao at ito rin ay nagsisilbing stress-reliever. Ayon naman kay G. Francis Casimiro, ang mga taong nagsa-shopping ay nakakasunod sa uso, mapadamit man yan o iba pang kagamitan.

Samantala, nagbigay siya ng ilang di-mabuting dulot ng pagsa-shopping tulad ng pagkakaroon ng declined na credit card, pagkakaroon ng utang at pagkabaon sa utang.

Page 5: Filipino Shopping Culture

Talahanayan Blg 3. Mga Salik na Nakakaapekto sa Pagsa-shopping

Kinapanayam Posisyon/Mall Obserbasyon sa Gawi sa Pagsa-shopping ng mga Pilipino

G. Tony So Marketing Manager/168 Shopping Mall

-maraming mapagpipilian.-murang halaga-variety ng mga tindahan at restawran-kalinisan ng kapaligiran-accessibility ng transportasyon-karaniwang presyo

Bb. Anne Nayve Marketing Manager/Trinoma

-ganda ng mall-mga amenities

G. Francis Casimiro Senior Sales Manager, Penshoppe/Trinoma

-presyo-disenyo-kalidad ng produkto-paraan ng pakikitungo ng empleyado-ganda at katangi-tanging anyo ng mall

Ipinapakita ng Talahanayan 3 ang mga salik na naobserbahan ng mga kinapanayam na nakakaapekto sa mga nagsa-shopping.

Base kay G. So, karaniwang naaapektuhan ang pamimili ng mga Pilipino kapag maraming pamimilian, may mga sari-saring tindahan at restawran, malinis na kapaligiran, pagkakaroon ng transportasyon at higit sa lahat karaniwang ang presyo ng mga produkto. Ayon naman kay Bb. Nayve, ang dalawang (2) mahalagang nakakaapekto sa pagsa-shopping ay ang ganda ng mall at mga amenities. Sa obserbasyon naman ni G. Casimiro ang presyo, disenyo, kalidad ng produkto, paraan ng pakikitungo ng empleyado at ganda at katangi-tanging anyo ng mall ang mga salik na lubos na nakakaapekto sa pagsa-shopping.

III. Buod ng mga Datos, Rekomendasyon at Bibliyograpiya

A. Buod ng mga Datos

Batay sa Presentasyon, Pagsusuri at Interpretasyon ng mga Nakalap na Datos, ang mga sumusunod na impormasyon ay nagsilbing buod ng saliksik na ito:

1. Ang mga gawi sa pagsa-shopping ay kinabibilangan ng pamimili upang makalimot sa problema, murang presyo, brand conscious lalung-lalo na ang mga mayayaman, pagbili kapag may okasyon, kapag kailangan at para makasunod sa uso sa kasalukuyan;

2. Ang mga positibong dulot ng pagsa-shopping ay nagiging wais at praktikal sa pamimili ang mga Pilipino, ginagawang stress-reliever ng ilan, at nakasusunod sa uso;

3. Ilan sa mga di-mabuting dulot ng pagsa-shopping ay ang pagkakaroon ng declined na credit card, pagkakaroon ng utang at pagkabaon sa utang; at

4. Ang mga salik na nakakaapekto sa pagsa-shopping ng mga Pilipino ay ang maraming pamimilian, may mga sari-saring tindahan at restawran, malinis na kapaligiran, pagkakaroon ng transportasyon, karaniwang presyo ng produkto, ganda ng mall, mga amenities, disenyo, kalidad ng produkto, paraan ng pakikitungo ng empleyado at ganda at katangi-tanging anyo ng mall.

Page 6: Filipino Shopping Culture

B. Rekomendasyon

Batay sa mga nakalap na datos kaugnay ng problema o negatibong dulot ng pagsa-shopping sa mga Pilipino, ang mga sumusunod na rekomendsayon ay inilahad:

1. Suriing mabuti ang mga bagay na bibilhin batay sa kalidad nito at hindi batay sa tatak.2. Magtanong-tanong muna ng presyo sa iba’t-ibang tindahan bago mamili.3. Ilista ang mga pangunahing pangangailangan pati na rin ang mga luho ngunit mas bigyang-pansin ang

nauna.4. Mamili sa mga pagkakataong may diskwento ang mga tindahan upang mas makatipid.

C. Bibliograpiya

Herald Tribune. 21 May 2008. Greenlees, Donald. 20 Jan. 2009. <http://www.iht. com/articles/2008/05/21/business/mall.php>.

Christmas Shopping at Divisoria. 22 November 2008. All Best of the Philippines. 8 March. 2009. <http://allbestofphilippines.blogspot.com/2008/11/christmas-shopping-at-divisoria.html>Mall Mania. September 2002. Cecile C.A. Balgos. 8 March 2009. <http://www.pcij.org/imag/SpecialReport/malls.html>Travelmart. 26 Sept. 2008. TravelMart Network Group, Inc. 03 Dec. 2008. <http://www.travelmart.net/philippines/shopping.html>.Trinoma. 2008. Photobucket. 8 March. 2009.

<http://i29.photobucket.com/albums/c254/snglguy/trinoma.jpg>Mall of Asia. 18 March 2007. Philippine Builder. 8 March. 2009.

<http://www.philippine-builder.com/images/stories/Mall%20of%20asia%201.jpg>Shopaholism. 2008. Quiliam, Susan. 07 Dec. 2008. <http://www.ivillage.co.uk/

relationships/famfri/social/articles/0,,165_655980,00.html>.Shopping. 2007. World 66. 03 Dec. 2008. <http://www.world66.com/asia/

southeastasia/philippines/shopping>.Shopping Behaviour. 2008. Shopping Behaviour Xplained Ltd. 03 Dec. 2008.

<http://sbxl.com/Behaviour.html>.Social Workers. 2007. Holly E. Dreger. 10 Dec. 2008. <http://www.helpstarts

here.org/Default.aspx?PageID=1003>.Travelmart. 26 Sept. 2008. TravelMart Network Group, Inc. 03 Dec. 2008.

<http://www.travelmart.net/philippines/shopping.html>.

Mga Appendiks

Apendiks A: Interview Questions 1. Paano nito naapektuhan ang buhay ng mga Pilipino?2. Ano-ano ang mga salik na nakakaapekto sa pagsa-shopping?3. Nakakaapekto ba ang ganda ng isang mall sa pagsa-shopping ng mga Pilipino?4. Gaano kahalaga ang brand sa pamimili ng mga Pilipino?5. Ano-ano sa palagay ninyo ang mga positibong naidudulot ng pagsa-shopping sa mga Pilipino?6. Pakilarawan po ang shopping behavior ng mga Pilipino.7. Ano pong maipapayo niniyo upang maiwasan ng mga Pilipino ang pagkakaroon ng problema kaugnay

ng pagsa-shopping?

Page 7: Filipino Shopping Culture

Appendiks B: Sulat para sa mga Respondente

UNIBERSIDAD NG SANTO TOMASKolehiyo ng NarsingSt. Martin de Porres Bldg, España, ManilaIka-16 ng Enero, taong 2008

MARKETING DEPARTMENTMarketing Manager/Store Manager

Mahal Binibini/Ginoo:

Magandang araw po.

Kami po ay mga mag-aaral mula sa unang taon ng Unibersidad ng Sto. Tomas, Kolehiyo ng Narsing. Kami po ay gumagawa ng isang pananaliksik ukol sa “SHOPPING CULTURE NG MGA PILIPINO”. Layunin po nitong madetermina ang ilan sa mga gawi sa pamimili ng mga Pilipino, ilan sa mga salik na nakakaapekto sa pagsa-shopping, at ang ilan sa mga positibo at negatibong epekto ng shopping sa mga Pilipino. Kami po ay umaasang makakalap ng datos upang maanalisa ang shopping behavior ng mga Pilipino.

Kaugnay nito, nais po sana naming kayong makapanayam upang makapagbigay ng mga pananaw at kaalaman ukol sa nasabing paksa. Kayo po ang aming napili sapagkat naniniwala po kami sa inyong kakayahan tungkol sa nasabing paksa. Kung inyong mamarapatin, maaari po ba kayong makapanayam sa ika-24 ng Enero taong 2008 sa inyong tanggapan?

Inaasahan po naming ang inyong positibong pagtugon.

Maraming salamat po.

Lubos ng gumagalang,

HERIELLE E. EVANGELISTALider ng Pangkat

Binigyang Pansin:

PROP. ZENDEL M. TARUC, M.Ed.Guro sa Filipino 2