De magistra illa honoranda
-
Upload
oscar-ramos-rivera -
Category
Documents
-
view
221 -
download
0
Transcript of De magistra illa honoranda
7/25/2019 De magistra illa honoranda
http://slidepdf.com/reader/full/de-magistra-illa-honoranda 1/6
!
!
DE MAGISTRA ILLA IVRE MERITOQVE HONORANDA
FRANCISCA
MOYA DEL BAÑO
Omne tulit punctum qui miscuit utile dulci
VIII CONVENTVS SOCIETATIS
STVDIORVM LATINORVM
LEGIONE, APVD ECCLESIAM BASILICALEM SANCTI
ISIDORI. MENSE IVNIO EXEVNTE A. D. MMXVI
7/25/2019 De magistra illa honoranda
http://slidepdf.com/reader/full/de-magistra-illa-honoranda 2/6
Franciscae illius profestricis amici sodalesque innumeri qui numerantur idemque apud Facultatem
Litterarum Murcianam versantes ea occasione data qua VIII Conventus Societatis Studiorum Latinorum
(SELat) Legione in oppido fuit celebrandus hanc tantae feminae iustissimam et mente finxerunt et litteris
mandarunt laudationem.
Quam in Latinum Ansgarius Legionensis idque libentissimo animo convertit sermonem.
7/25/2019 De magistra illa honoranda
http://slidepdf.com/reader/full/de-magistra-illa-honoranda 3/6
Franciscam Moya del Baño, die 14 mensis Maii a. D. MCMXLII in oppido Cieza
Hispanico more nuncupato nata cum esset, Magistram Cathedrariam Philologiae Classicae
idque inde ab anno MCMLXXII necnon Profestricem rude donatam inde ab anno MMXII
apud Vniversitatem Studiorum Murcianam esse constat.
Cui enim Vniversitati quibusque studiis philologicis tanta per suam vitam operam
ardori maximo liberalitatique inmixtam dedit, ut talibus in rebus curandis aetatem eam
degisse totam crederes. Quin etiam animus eius firmissimus maiora semper evolvens
semperque altioribus exardens rebus -Dei providentia iuvante, ut ipsius frequentissimis utar
verbis- eo usque tendere est visus, quo citius serius non modo Studiis eis Philologiae
Classicae, primi quorum fructus anno MCMLXXXII exorti sunt, sed etiam omne librorum
supellectile prorsus ceterisque hoc
genus necessariis, quo nostra estanimo ingenioque, Vniversitas
Murciana esset donata.
Quae quidem profestrix Francisca illa
Moya, si ad eius vestigandi navitatem
nunc temporis veniamus atque
quaelibet ab ipsa tractata repertaque
consideremus, vestigiis doctoris illius
magistrique Antonii Ruiz de Elvira
insistens, eminentissimis in eis
praecipuisque Romanis auctoribus studium collocavit id, quo dato impensoque scriptores
maximi momenti, quales fuerunt Vergilius, Ovidius, Tibullus, Propertius, Persius, Petronius,
multi alii, non solum bene interpretatos enodatosque habuerit, verum etiam exemplaris instar
eorum recentiorum -quos inter Garcilasus de la Vega, Diegus Hurtado de Mendoza, Petrus de
Ronsard, Antonius Mira de Amescua, Diegus Saavedra Fajardo, Georgius Ludiovicus
Borges, Michael Espinosa, Josephus Saramago, alii numerantur- illos antiquos habens, voces
necnon eorum saporem, ut ita dicam, diuturna hereditate in recentiores transmissum
allatumque mirum in modum et significare et splendidissime in lucem edere valuerit.
7/25/2019 De magistra illa honoranda
http://slidepdf.com/reader/full/de-magistra-illa-honoranda 4/6
Novas enim nostra ut sterneret procurans et
aperiret vestigandi vias, quas una cum sodalibus
percurreret multis, gregem illum aliquando
condidisse constat, cui inscriptio IANVS, ope
cuius plurima inter alia consilia suscepta, quaedeclaremus, memoria dignum illud fuisse creditur
inceptum, quo anno MCMXCVI idque rei
publicae moderatoribus foventibus, quid novi
speciosive humanistae aperuerint illi apud
Hispanos qui versi sunt classicam tractantes hereditatem, quove modo pactoque thesaurum
illud mansuetarum Musarum apud nos locupletaverint magistra nostra eiusque sodales ad
dilucidandum se destinarunt. Qua enim re facta, quasi fundamenta studiorum ad
Humanismum necnon Classicam Hereditatem, quam vocant, nulli eorum, qui nostra aetate peritiores eius rei evadere creduntur, Franciscam nostram posuisse sunt qui negent.
Si quis autem quos in auctores nostra legens incubuerit roget, ecce quosdam: Aelium
Antonium Nebrixensem, Antonium
Augustinum, Achillem Estaço, Joannem
Ludovicum a Cerda, Josephum Antonium
González de Salas, Franciscum Fernández a
Córdova, Joannem a Fonseca, Franciscum aQuevedo, Vicentium Mariner, Faustinum
Arévalo, J. D. Casasús. Qui omnes a profestrice
illa tali tantaque perspicuitate complexi sunt, ut
hodierno die quantum in textibus antiquorum interpretandis auctores illi valuerint clarius
fusius apertius solito et recognoscere et callere possimus,
id quod de Francisci illius a Quevedo studiis apprime est
dicendum, quippe in quibus profestrix Francisca plurimam
recentissimis annis collocavit operam eam, cuius summalibro eo Quevedo y sus ediciones de textos clásicos
inscripto contineri videtur. Quis tandem tanta memoria
gaudere credatur, qui quaecumque consilia hoc genus
opere Franciscae eiusque sodalium studioque e Sedis
Latinae gremio nostrae Vniversitatis Murcianae sint
exorta narrare valebit? Quae omnia cum temporis decursu
incepta alias diversasque tetigerint provincias, fieri non
potuit quin Franciscae illius animum ingeniumque earedolere viderentur.
7/25/2019 De magistra illa honoranda
http://slidepdf.com/reader/full/de-magistra-illa-honoranda 5/6
Illud ergo persuasissimum luceque clarius habemus, profestricem enim Franciscam suam
ipsius condidisse apud nos scholam, cuius praelectionum beneficia emolumentaque ex eo sunt
pensitanda, quod plurima computentur consilia, incepta, theses eae -plures quam viginti
quattuor- ad lauream coronam academicam impetrandam ab ea moderatae quae fuerunt. Adde
etiam discipulos eius plurimos discipulasque vestigia magistrae secuturos secuturasque qui
numerentur, quin etiam (si maiora dicere licet) illud prae oculis pone, quod nostra, qua estanimo ardoreque, dum nova parat ministratque consilia, benignitate multa, sale plurimo
subrisuque et festivitate humanissima ea, qua abundat, omnia spargere atque condire pergit, ut
eius fuit atque est diuturnus mos.
Quid ergo eius vita ipsissima melius proponamus exemplar illius
per saecula classicorum thesaurorum hereditate transmissionis,
qua –verbis ut Franciscae ipsius utar creberrimis- antiquorum
cultus et humanitas hominibus nostrae aetatis aequalibus nullodamno poenaque data nulloque negotio prohibenti obstantique
offerantur? Nos enim, qui res excultiores colimus tales, nihil aliud
nisi mirabili in concursu cursores ei esse videmur idemque metam
eo pacto petituri, qui, teste a superioribus accepto, aliis futuris
eadem via emensuris tradamus in cursu, dummodo mente
animoque nostro magistros cum revocamus tum ante animi oculos
teneamus. Haud aliter de Francisca nostra est dicendum, quippe
quae magistros eorumque doctrinam in deliciis identidem habuiteosque in oculis semper tulit suis.
Atqui, quid tandem -Erasmum illum testem ut afferam-
non efficiant manus? Quid enim mirum si Francisca illa studia
humanistica, quae vocantur, causa provehendi commentariolum
illud, quod est eius rei peritioribus notissimum
vulgatissimumque Myrtia inscriptum anno MCMLXXXVI
condiderit edendum? Quod enim commentariolum apud nosgratia dignitateque et ex multa eius auctoritate et altiore
doctrina plurimum pollere nemo est qui nesciat.
At iam ad eam veniamus, quam nostra maximopere et
colere et describere solita est provinciam! Nihil enim libris
suavis dulciusve Franciscae esse constat: quorum autem a teneris unguiculis, ut aiunt, amore
capta cum fuerit, tanta in eis curandis ordinandis disponendis libris Francisca usa est cura
diligentiaque, ut optimo iure meritoque portae Bibliothecae illius Nebrixensis, apud campumde la Merced nuncupatum sitae, prout eius anima maxime fautrix nostra evadere videtur,
nomine Franciscae in albo prostante nuperrime exornatae sint.
7/25/2019 De magistra illa honoranda
http://slidepdf.com/reader/full/de-magistra-illa-honoranda 6/6
Quibus iam de multis aliis apertis,
quidni nunc temporis de tantae
profestricis animo ingenioque nonnulla
diceremus? Quam si definiri volemus,
nihil aliis nisi humanitatis, benignitatisliberalitatis idque eminenter in
Francisca describenda vocabulis
utendum est. Quae vero magistra, dum
nos omnes rebus vestigandis operam
dantes incitabat et exhortabatur idque
velis totis remisque, animarum cum sit
hominum sat gnara, ab ea auxilium
consiliumve rogantem quemlibet quin auscultaret aut ei praesto esset nullo prosus modoumquam recusavit. Quin etiam, virtutum eius numerum,
quibus nos circumstantes saepissime locupletaverit,
longum narrare esset, si simus declaraturi: laborem esse
et studium maximi momenti, animi maximam vim in
adversis rebus semper esse adhibendam, hilaritatem
benignitatemque vitae numquam esse neglegendam,
pacem imprimis ipsorum ad nos ipsissimos atque ad alios
quoslibet esse semper identidemque instituendan necnonfruendam magistra continenter fatebatur, ut pauca huius
generis exempla afferamus…
Quibus autem virtutibus eius non modo Sedem nostram Latinam, cuius illa quasi alma
mater esse existimatur, sed etiam multas alias aliis in locis donatas esse fama est. Sat enim
scitum profestricem Moya multis cum aliis aliarum Vniversitatum Studiorum hominibus
amicitia esse coniunctam. Vnde hoc quoque consilium, Societate Studiorum Latinorum
maximopere fovente, exortum est dulcissimum, ut tantam nempe honoremus mulierem, cuiminimam saltem gratiarum nostrarum partem esse reddendam bene iustissimeque credimus.
Quod ad te, amicissima, compertissimum cum ingenium habeamus tuum, apud nos
semper te versaturam atque animos incensuram nostros nos fingere semperque ficturos scito.
Quamobrem, amica et magistra nostra, infinitas tibi agimus gratias atque semper optime
optima valeas valetudine exoptamus!
Murciae sive Myrtiae, apud Facultatem ad Litteras Classicasmense Iunio exeunte a. D. MMXVI