“The Glory of Salvation” Njangc-Laangc Nyei Njoux En

1 Peter/Bide 1:3-12

Yauzsing Zeuz 1

1 Bide 1:3 Mbuo oix zuqc ceng mbuo nyei Ziouv Yesu Giduc nyei Die, Tin-Hungh. Ninh za'gengh! korv-lienh haic mbuo. Yesu Giduc daic mingh, Tin-Hungh aengx bun nangh daaih, bun mbuo kaux ninh aengx siang-yungz jiex, ziouc duqv yietc liuz maaih lamh hnamv dorngx. 4 Hnangv naaic mbuo ziouc haih siouc maiv haih mietc, maiv haih huv, maiv haih zitc nyei buonc, dongh Tin-Hungh weic ninh nyei mienh siou jienv wuov tin-dorngh nyei buonc. 5 Weic meih mbuo sienx, meih mbuo duqv Tin-Hungh nyei qaqv beu jienv, zuov taux setv mueiz nyei hnoi Tin-Hungh liuc leiz ziangx nyei njoux en cuotv daaih.

6 Weic naaiv meih mbuo oix zuqc orn-lorqc maiv gunv ih zanc zuqc seix, siouc camv-nyungc kouv naanc, nzauh caamx baav. 7 Naaiv deix sic se weic bun cing meih mbuo zien-zien nyei sienx. Sienx fim se gauh jaaix jiex jiem. Maiv gunv jiem haih zitc corc oix zuqc longc douz sinx. Hnangv naaic, oix zuqc seix mangc meih mbuo nyei sienx fim. Taux Yesu Giduc aengx daaih wuov zanc, Tin-Hungh ziouc ceng meih mbuo, taaih meih mbuo, bun meih mbuo duqv njang-laangc 2

8 Maiv gunv meih mbuo maiv gaengh buatc jiex ninh, meih mbuo hnamv ninh. Maiv gunv meih mbuo ih zanc mangc maiv buatc ninh, meih mbuo yaac sienx ninh ziouc za'gengh! maaih orn-lorqc aqv, zungv maiv maaih waac gorngv, 9 weic zuqc meih mbuo nyei lingh wuonh duqv njoux. Naaiv se weic meih mbuo nyei sienx fim.

10 Douc waac mienh gorngv taux Tin-Hungh oix bun meih mbuo nyei en. Ninh mbuo longx-longx nyei zaah mangc yaac zimh lorz naaiv njoux en. 11 Naaiv deix mienh maaih Giduc nyei Singx Lingh yiem ninh mbuo gu'nyuoz jaa-ndaangc gorngv Giduc oix zuqc siouc kouv, mv baac nqa'haav oix duqv nyei njang-laangc. Ninh mbuo qaqv zaah mangc naaiv deix sic taux haaix zanc cuotv yaac oix hnangv haaix nor cuotv. 12 Tin-Hungh bun naaiv deix douc waac mienh hiuv duqv ninh mbuo zoux nyei gong se maiv zeiz weic tengx ninh mbuo ganh, se weic tengx meih mbuo. Ninh mbuo douc daaih gorngv nyei sic meih mbuo ih zanc haiz mienh zunh kuv fienx mbuox meih mbuo. Naaiv deix zunh kuv fienx nyei mienh yaac kaux yiem tin-dorngh paaiv daaih nyei Singx Lingh zunh. Liemh fin-mienh yaac oix hiuv naaiv deix sic.

3

Se gorngv meih njormh jienv yiem douc zieqc nyei biauv, maaih laanh mienh siev jienv ninh nyei maengc bieqc mingh njoux meih. Ninh heuc meih, meih yaac maiv nyie, ninh ziouc bouh meih faux ndaam jienv cuotv douc zieqc wuov norm biauv cuotv muotv hnangv ziangh norm biauv douc zieqc nzengc. Weic zuqc kungx zengc meih ganh hnangv, ninh maiv dan njoux meih ninh horpv meih benx ninh nyei dorn fai sieqv. Ninh yaac dorh meih mingh yiem ninh nyei nzueic haic nyei biauv, bun ziex nyungc zingh nyeic meih.

Introduction/Gorngv Jiex Gorn Waac:

4

Se gorngv meih maaih qiangx fai duqv qiangx souv jienv mienh camv mbu’ndongx gorngv taux njoux meih wuov laanh mienh, maaih ziangh hoc laengz zingh ninh yiem zuangx mienh nza’hmien nor meih hnangv haaix nor laengz zingh ninh? Meih laengz zingh ninh weic siev jienv ninh nyei maengc njoux meih fai? Meih oix zuqc hiuv duqv gorngv maiv maaih haaix nyungc maaih eix-leiz fai jaax-zinh se gorngv meih maiv duqv njoux yiem douc cuotv daaih? Bide yiem 1 Bide 1:3-12 fiev mingh bun taux Yiu^tai mienh dongh zuqc diev kouv zuqc bun nzaanx nyei mienh, yaac maaih eix-leiz bun taux mbuo gorngv taux njang-laangc nyei njoux en, caux maaih laamh hnamv yiem Yesu.

5

A. Salvation of Hope/Maaih Lamh hnamv nyei njoux en (1 Pet. 1:3-4)

1. Mouz laanh sienx Yesu nyei mienh za’gengh oix zuqc ceng Tin-Hungh weic mbuo maaih laamh hnamv nyei njoux en (1 Bide 3 Mbuo oix zuqc ceng mbuo nyei Ziouv Yesu Giduc nyei Die, Tin-Hungh. Ninh za'gengh! korv-lienh haic mbuo. Yesu Giduc daic mingh, Tin-Hungh aengx bun nangh daaih, bun mbuo kaux ninh aengx siang-yungz jiex, ziouc duqv yietc liuz maaih lamh hnamv dorngx) Tin-Hungh bun sienx ninh nyei mienh siang maengc, dongh loz maengc maiv haih ziangh nyei. Mbuo zuiouc yietc liuz maaih laamh hnamv “living hope” Naaiv nyungc maaih laamh hnamv se maiv zeiz feix duqv, mv baac bungx dingc hnyouv Ziouv nyei waac gorngv maengc se maiv zeiz ziangx yiem qiex dangx nyei ziangh hoc. Mv baac siang jiex gorn yiem qiex dangx nyei ziangh hoc.

2. Mbuo duqv njoux se weic Tin-Hungh korv-lienh mbuo. Maiv gunv mbuo benx zuiz mienh. Tin-Hungh nyei korv-lienh biux mengh yiem Ninh daaih njoux, daaih lorz zuiz mienh. Mbuo za’gengh maaih laamh hnamv, maaih laamh kaux weic ninh bun nyei njoux en. Naaiv se njang-laangc nyei njoux en.

6

3. Maaih laamh hnamv se weic zuqc Yesu daic mingh aengx nangh daaih. Maaih hnoi mbuo yaac haih duqv nangh daaih. Maiv gaengh sienx nyei ziangh hoc mbuo daic yiem zuiz, sienx liuz Yesu mbuo duqv siang ziangh maengc, yietc liuz maaih lamh hnamv nyei maengc. Maaih lamh hnamv weic uzqc maaih norm ziangh hoc duqv caux Yesu yietc liuz yiem wuov Tin-dorngh.

4. 1 Bide 1:4 gorngv, Hnangv naaic mbuo ziouc haih siouc maiv haih mietc, maiv haih huv, maiv haih zitc nyei buonc, dongh Tin-Hungh weic ninh nyei mienh siou jienv wuov tin-dorngh nyei buonc. Naaiv se njoux en nyei njang-laangc, mbuo nyei lingh wuonh duqv njoux. Maiv dan naaic hnangv Yesu ganh gorngv ninh laengz jienv mingh liuc leiz ziangx dorngx liuz ninh aengx daaih dorh sienx nyei mienh caux ninh yietc liuz yiem (Yo^han 14:1-3, Yesu aengx gorngv, “Maiv dungx hnyouv huaang hnyouv nzauh. Oix zuqc sienx kaux Tin-Hungh yaac sienx kaux yie. 2 Yie nyei Die nyei biauv maaih yiem nyei dorngx camv nyei. Se gorngv maiv maaih yie zungv mbuox meih mbuo mi'aqv. Yie yaac mingh liuc leiz dorngx bun meih mbuo yiem. 3 Yie mingh liuc leiz ziangx dorngx bun meih mbuo yiem, yie aengx daaih dorh meih mbuo mingh caux yie yiem wuov. Yie yiem haaix meih mbuo ziouc caux yie yiem wuov) Ih zanc mbuo duqv seix deix mueix, yiem wuov Tin-dorngh maaih mbuo nyei zingh nyeic zuov jienv mbuo. 7

B. Salvation of Power and Trial/Maaih qaqv caux sinx nyei njoux en (v.5-8)

1. Tin-Hungh nyei qaqv beu jienv sienx Ninh nyei mienh. “Weic meih mbuo sienx, meih mbuo duqv Tin-Hungh nyei qaqv beu jienv, zuov taux setv mueiz nyei hnoi Tin-Hungh liuc leiz ziangx nyei njoux en cuotv daaih.” (1 Bide 1:5) Maaih qaqv nyei njoux en, duqv njoux nyei mienh yaac duqv Tin-Hungh beu jienv fai goux jienv yiem ninh nyei guoqv nyei mienh (hnangv mbuo zoux huingx nor, maaih latc weih jienv maiv bun ga’nyiec nyei saengh kuv daaih nyanc ga’naaiv zuangx) sienx Yesu nyei mienh mv baac duqv Tin-Hungh hnangv longc latc nor dangv jienv maiv bun ga’nyiec waaic nyei daaih hoic ninh nyei naamh nyouz.

2. Mbuo horpc zuqc a’hneiv orn lorqc hnamv taux maaih laamh hnamv nyei njoux en, maaih qaqv nyei njoux en, “maiv gunv ih zanc zuqc seix, siouc camv-nyungc kouv naanc, nzauh caamx baav. 7 Naaiv deix sic se weic bun cing meih mbuo zien-zien nyei sienx. Sienx fim se gauh jaaix jiex jiem. Maiv gunv jiem haih zitc corc oix zuqc longc douz sinx. Hnangv naaic, oix zuqc seix mangc meih mbuo nyei sienx fim. Taux Yesu Giduc aengx daaih wuov zanc, Tin-Hungh ziouc ceng meih mbuo, taaih meih mbuo, bun meih mbuo duqv njang-laangc” (1 Bide 1:6-7) Mbuo hnamv taux duqv njoux nyei maengc caux nqa’haav hingv oix duqv siouc nyei mbuo haih diev duqv ih zanc sienx liuz Yesu zuqc buangh nyei nyungc nyungc kouv naanc, weic benx camx baav hnangv.

8

3. Mbuo maaih nyei orn lorqc se maiv zeiz bangc taux baamh gen cuotv daaih nyei sic, mv baac bangc kaux Yesu duqv nyei njoux en, mbuo maaih lamh hnamv se bangc kaux Yesu. 1 Bide 1:8-9, Bide gorngv, “Maiv gunv meih mbuo maiv gaengh buatc jiex ninh, meih mbuo hnamv ninh. Maiv gunv meih mbuo ih zanc mangc maiv buatc ninh, meih mbuo yaac sienx ninh ziouc za'gengh! maaih orn-lorqc aqv, zungv maiv maaih waac gorngv, 9 weic zuqc meih mbuo nyei lingh wuonh duqv njoux. Naaiv se weic meih mbuo nyei sienx fim.”

4. Sienx fim se gauh jaaix jiex jiem. Maiv gunv jiem haih zitc corc oix zuqc longc douz sinx. Hnangv naaic, oix zuqc seix mangc meih mbuo nyei sienx fim. Yiem naaiv seix zangc mbuo oix zuqc maaih sinx nyei njoux en. buangh zuqc nyei sic sinx mbuo. Mangc gaax mbuo nyei sienx fim se zien fai maiv zien. Sienx fim jaa sinx jaa mangc duqv cing gorngv zien. Jiem jaa sinx jaa ndortv zoqc, mv baac sienx fim jaa sinx jaa camv faux. (buangh zuqc sic…bungx hnyouv Ziouv dieh nzunc gauh hungh heic bungx hnyouv Ziouv weic buatc Ziouv zoux jiex daaih nyei)

9

C. Salvation of Revelation/Laauc yaangh nyei njoux en (v. 10-12) 1. Ih jaax hnoi mbuo ziangh nyei ziangh hoc fai yiem nyei ziangh

hoc za’gengh benx longx haic nyei ziangh hoc, weic mbuo duqv zipv laauc yaangh nyei njoux en, weic mbuo haih hiuv duqv taux Tin-Hungh laauc yaangh nyei en mbuo za’gengh horpc a’hneiv caux maaih orn lorqc haic.

2. Yiem Loz Ngaengc waac nyei douc waac mienh hiuv duqv maaih hnoi njang-laangc nyei njoux en dongh mbuo haih zipv nyei njoux en. Ninh mbuo za’gengh longc hnyouv hoqc caux zaah. 1 Bide 1:10-12, Douc waac mienh gorngv taux Tin-Hungh oix bun meih mbuo nyei en. Ninh mbuo longx-longx nyei zaah mangc yaac zimh lorz naaiv njoux en. 11 Naaiv deix mienh maaih Giduc nyei Singx Lingh yiem ninh mbuo gu'nyuoz jaa-ndaangc gorngv Giduc oix zuqc siouc kouv, mv baac nqa'haav oix duqv nyei njang-laangc. Ninh mbuo qaqv zaah mangc naaiv deix sic taux haaix zanc cuotv yaac oix hnangv haaix nor cuotv. 12 Tin-Hungh bun naaiv deix douc waac mienh hiuv duqv ninh mbuo zoux nyei gong se maiv zeiz weic tengx ninh mbuo ganh, se weic tengx meih mbuo. Ninh mbuo douc daaih gorngv nyei sic meih mbuo ih zanc haiz mienh zunh kuv fienx mbuox meih mbuo. Naaiv deix zunh kuv fienx nyei mienh yaac kaux yiem tin-dorngh paaiv daaih nyei Singx Lingh zunh. Liemh fin-mienh yaac oix hiuv naaiv deix sic.

3. Douc waac mienh longx-longx nyei zaah lorz (hnangv lorz jiem buv yiem mbaengx kuotv nyei mienh lorz jiem buv nor, wetv nie, long nie…) ziouc hiuv duqv Njoux Ziouv Yesu Giduc oix zuqc diev kouv yaac hiuv duqv njang-laangc nyei njoux en. Fin-mienh yaac oix hiuv…Gorngv nyei eix-leiz se douc waac mienh caux fin-mienh maiv gengh mengh taux njoux en nyei njang-laangc, mv baac ih zanc mbuo duqv zipv, duqv njoux weic Yesu zoux nyei gong.

4. Ih zanc zunh doz mienh zunh kuv fienx taux Tin-Hungh nyei njangc-laangc nyei njoux en, Singx Lingh bun mienh haih bieqc hnyouv duqv njoux. Fin-mienh zungv mbuoqc horngh taux Tin-Hungh nyei njoux en.

11

Life Application 1. Hnangv jiex gorn mbuo gorngv taux wuov

diuh waac fangx, se gorngv mienh maiv njoux meih yiem douz cuotv daaih, meih maiv maaih ziangh maengc. Se gorngv Yesu maiv njoux mbuo yiem zuiz cuotv daaih, mbuo nyei maengc za’gengh maiv maaih eix-leiz.

2. Mbuo oix zuqc ceng mbuo nyei Ziouv Yesu Giduc nyei Die, Tin-Hungh. Ninh za'gengh! korv-lienh haic mbuo. Yesu Giduc daic mingh, Tin-Hungh aengx bun nangh daaih, bun mbuo kaux ninh aengx siang-yungz jiex, ziouc duqv yietc liuz maaih lamh hnamv dorngx.

12

3. Tin-Hungh maiv dan njoux mbuo, Ninh yaac beu jienv mbuo. Mbuo haih ceng ninh maiv gunv mbuo buangh nyei haaix nyungc sic yiem naaiv baamh gen, weic zuqc mbuo nyei orn lorqc se yiem Yesu daaih.

4. Mbuo za’gengh bieqc hnyouv taux dongh mbuo zipv nyei njoux en nyei fai? Mbuo duqv nyei njoux en za’gengh njang-laangc nyei njoux en(glorious salvation). Ih zanc mbuo yiem caux ziangh nyei ziangh hoc za’gengh benx longx jiex nyei qiangx. Ziouv aac, laengz zingh meih weic Yesu zoux nyei gong. Zuoqc mbuo nzuonx daaih.

13