7/28/2019 (24) June 16, 2013

http://slidepdf.com/reader/full/24-june-16-2013 1/4

Vo l. X XXII : N o. 24 Pathianni June 16, 2 013

Regn. No. NE - 307 (MZ)Estd : 11 May, 1982th

Hunawl hman that   Zofate hmasawnna ngaihtuah    Kristian nun dan tha ngaihsan

Kumpuan 2013 : Ram leh hnam humhalh http://chanmari-yma.blogspot.com

Branch Report

Chanmari, Pathianni June 16, 2013 : YMA Day vawi 78-na nimin June 15, Inrinnia

hman zawh takah Chanmari Branch YMA chuan veng chhung tihfai hnatlang leh YMA

hall hnatlang a nei.

 YMA DAY AH FAINA HNATLANG NEIH A NI* Chanmari Branch YMA chuanEdenthar Branch YMA in Silver Jubilee

lawmna an neih mekah lawmpuina thuziak 

a hlan. He thilpek hi nimin khan hlan niin, a

hlan tur hian Pu Laldinpuia Sailo, Vice

President, Pu Vanlalruata, Secretary, Pu

F. Lalhmangaiha, Executive Member leh

Pu Zothankunga, Committee Member,

Section I te an kal a ni.

* Zarkawt Branch YMA a\angin YMA

Day chibai bukna ziakin dawn a ni a,

Branch YMA chuan an chungah lawmthusawiin Zarkawt Branch YMA hi YMA Day

chibai a buk ve a ni.

* Branch hruaitu hmun danga YMA Day

hmanga kalte - Pu Lalhmangaiha, President,

Pu Lalremruata Sailo leh Pu Lalrinthanga,

Executive Member-te chu Central YMA

aiawh a thusawi turin Darlungah a kal a, Pu

Vanneihtluanga, Executive Member chu

Kawlkulhah YMA Day lawmna khuallian

turin a kal a, Pu P.C. Lalramliana, Executive

Member chu |uahzawlah YMA Library

hawng turin a kal.

* Executive Member Pu John

Zonunthara chu Bilkhawthlirah a zin.

YMA Day faina hnatlang hi zingkarah

neih niin member pum huap hnatlang a ni

a. He hnatlangah hian veng chhung

kawngpui dung leh step te tih fai a ni a,

YMA member \hahnem tak an thawk 

chhuak. Hnatlangte hi veng chhung hmun

hrang hrangah in sem darhin vantlangkawng leh step te an phiat fai a. Hnatlanga

thawk chhuakte hian hnatlanna hmanrua -

hmunphiah, bawlhhlawhruhna leh \ul

dangte an thawh chhuahpui a ni.

Zingkara faina hnatlang neih bakah hian

nimin chhun khan YMA hall-ah hnatlang

neih leh a ni a. He hnatlangah hian Branch

YMA Executive Member, Section

Committee Member, Sub-Committee

Member, Chanmarians Editorial Board leh

YMA a mawhphurhna chanvo nei an

thawk chhuak a. Hnatlang hian YMA

 bungrua leh hall leh a bul vel tihfai leh bungraw chin fel ngaite an ching fel a ni.

Hnatlangte tan hian Refreshment Sub-

Committee chuan ei leh in a buatsaih a ni.

Chanmari Branch YMA chuan

hnatlanga thawk chhuak zawng zawngte

chungah lawmthu a sawi a ni.

YMA Day pual

tanpuina pe

Chanmari Branch chuan YMA Day pualin Chanmari veng chhunga damlo leh

\anpui ngaite hnenah thilpek a hlan.

YMA Day pual \anpuina hi pawisa

faia pek niin, veng chhunga damlo leh

YMA in \anpui ngai ni a a hriat mi

sawmpasarih hnenah pek a ni a. Heng

\anpuina pawisate hi nimin June 15, Inrinni

khan Branch Executive Member-ten

anhmahni inah kalin an pe a ni.

YMA Day puala \anpuina pawisa

 pekte hi veng chhunga mi thil phal lehtlawmngaite thawhkhawm a ni a. Hei

 bakah hian Branch Executive member-ten

an phal ang tawk pawisa an thawh khawm

 bawk a ni. |anpuina pawisa dawn zawng

zawng hi a vaiin Rs.45,900 a ni.

Chanmari Branch YMA chuan YMA

kaltlanga \anpuina pawisa petu zawng

zawngte chungah lawmthu a sawi a ni. (Phek 

4-na ah \anpuina petute hming tarlan a ni)

YMA Day ChibaiChanmari Branch chuan YMA chuan

YMA member zawng zawngte chu YMA

Day chibai bukin, he YMA din champha

vawi 78-na a\ang hian member-te chu nasa

lehzuala YMA leh khawtlang tana inpe turina sawm a ni.

YMA hi Mizo hnam damna a nih

avang te, \anpui ngaite \anpuina hmun

awlsam leh Pathian rawngbawlna \ha tak 

a nih avangin nasa lehzual zawk a YMA

tana rilru leh tha seng turin member te a

sawm a. YMA a la inhmang ngailote pawh

tlangnel taka inhmang turin Branch YMA

chuan a sawm bawk a ni.

No.4 man Nunthari, Section I a Pu Dawngngova

inluah hnen a\angin CADS chuan June 13khan No.4 an man.

Chanmari Branch YMA chuan in

neitute chu mahni inluahtute hre chiang tur 

leh mahni chhungkua leh veng chhung

timualpho theite chu in luahtir lo turin a ngen

YMA ChanchinbuYMA Chanchinbu a lo thleng a,

Section I leh IV ten YMA hall chowkidar hnenah lam tur a ni.

YMA in thisen pe dawnChanmari Branch YMA chuan YMA

Day denchhenin Synod Hospital,

Durtlangah July 27, Inrinni hian thisen a pedawn. Thisen pe tur hian YMA member 

zawng zawngte sawm niin, hun ruata thisen

 pe thei tura lo inruahman turin Branch YMA

chuan member-te a chah nghal a ni. YMA

Committee in June 22 atana hun a ruat chu

damdawi in lam remchan zawkna avangin

July 27 ah sawn a ni.

7/28/2019 (24) June 16, 2013

http://slidepdf.com/reader/full/24-june-16-2013 2/4

VOL. XXXII No.24 Pathianni June 16, 2013 : CHANMARIANS : PHÊK 2-NA : C.B.Y.M.A

KARTIN CHHUAK : CHANMARI BRANCH YMA : AIZAWL

8974025369 /9862361419

Editorial

Editor David LalmuankimaJoint Editors Lalmalsawma Sailo

Lalhruaitluanga Sailo

R. Lalthanmawia

Cir. Managers F. Lalhmangaiha

Lalremtluanga

Johnny Lalhruaitluanga

David Lalremruata

O.B Incharge Vanlalruata, Br. Secy.

Estd : 1982

Damlo : Pi Lalrinmawii w/oBiakchungnunga, Sec-II damlo chu in

lamah enkawl mek a ni.

Nau nei : Pu C. Lalhmingsanga, Sec-

IV te chuan June 13, Ningani khan Aizawl

Civil Hospital-ah fanu an nei a, damdawi

in a\angin an chhuak tawh.

Pu K. Vanlalrinchhana, Sec-III te

chuan June 10, Thawh\anni khan fapa an

nei.

Pu Joseph Lalsangzuala, Sec-IV te

chuan June 8, Inrinni khan Newlife Hos- pital-ah fanu an nei.

Pass :  Nl. Lalrinchhani d/o Lalropara,

Sec-I chuan College Of Horticulture &

Forestry, Central Agriculture University,

Pasighat a\angin M.Sc. Horticulture (Fruit

Science) Ist Class Distinction-ah a pass

a, Nl. Lalrinchhani hi CAU, Imphal

hnuaiah Topper a ni.

Brenda VL Remruatpuii w/o C.

Lallawmawma, Sec-III chuan Class XII,

CBSE, Science- ah Ist Division ah a pass.

Inkhel :  Zomuanpuia s/oZothlamuana, Sec-II chu a school luhna,Sainik School aiawhin vawiin hianGoalpara, Assam-ah football khelin a kaldawn.

 Vengchhung Section Reports

 YMA DAY ENGTINNGE I HMAN?Kum khata vawi khat thleng \hin,

YMA Day chu kan hmang zo leh ta.

Chanmari Branch chuan hnatlang chi

hnih kovin hun a hmang.

YMA member tana ni pawimawh ber chu chhiat tawk an awm ni leh

YMA Day hi a ni a, a pawimawh em

avangin sawrkar pawhin YMA Day hi

chawlhah a puang hial a ni. Chuti

khawpa pawimawh chu member tam

zawk hian engtin nge kan hman?

He ni hman dan tur hi Branch

Committee chuan uluk takin a

ngaihtuah a. Tunhmaa thu leh hla

hmanga kan inkoh khawm \hin ang lehkum kalta lama veng pawn lama kan

hman dan \hin ang ni lovin kumin

chuan veng chhungah faina hnatlang

neiin hun kan hmang a ni.

Kumtira YMA member atana kan

inpek khan he ni pawimawh tak atan

hian kan inpe tel a, member ten hruaitu

atana min thlan khan an tih theih loh

leh an phur loh chang pawha anmahni

hruai tur leh ti \ang \ang turin hruaitutehi an thlang bawk. Hman hun, phur hun

leh peih hunah chauh kan che chhuak 

dawn a nih chuan Chanmari Branch

YMA hian rawih lam a pan ta tihna a

niang. Chumi a thlen hlauva hman leh

hman loh pawh sawi lova YMA hah

 pui tu, kan hruai tu ta ima leh

hratkhawkheng mi tlemte te hi an va

fakawm em.

SECTION I

An section Lucky Ticket siamah Tv.John Lalpeka (3:16 Plan Solution) chuan

3rdPrize a tumsak bakah 1st leh 2nd Prize-

ah discount tam tham tak a pe a, a chungah

lawmthu an sawi. Tin, Lucky Ticket

leisaktute chungah lawmthu an sawi bawk.

An section member Tv. LV.

Malsawmtluanga s/o Vanneihtluanga chuan

chhiat tawha hman tur tui bottle (1 doz) a

rawn pe a, a chungah lawmthu an sawi.

An hruaitu Tv. R. Lalhlimpuia zin

 pawh dam takin a lo haw leh ta.

Scction property atan thingpui thlitna

no lian, fawng nei chi 2 an lei thar.

SECTION II

June 15, 2013 YMA Day zing

hnatlangah Section hruaitute leh member-

te an thawk chhuak \ha hle a, member 

thawk chhuakte chungah lawmthu an sawi.

An hruaitu Pu Lalnithanga chu mimal

thil buaipuii Guwahati-ah a zin.

An section huamchhung Chaltlangroad kawngchung lamah ui ek hmuh tur a

tam leh ta khawp mai. Tin, ui chhuah

chingte khan mahni ui vulhte khuahkhirh

\ha lehzual tura hriattir an ni.

An hruaitu Tv. Lalremtluanga Lunglei

zin pawh dam takin a lo haw leh ta.

SECTION III

June 11 leh 13 zan khan section

sumtuak hnatlang an nei. Member thawk 

chhuakte leh an thil zawrh leisak tute

chungah lawmthu an sawi.

June 18, Thawhlehni zan hian sumtuak 

hnatlang an nei leh dawn a, dar 7:00 ah

YMA Hall-ah member a tam thei ang ber 

kal turin an inhriattir.

An hruaitu Tv. Lalrinhlua, Kolkata a

inentir a kal pawh dam takin a lo thleng

leh ta.

An Treasurer Pu Vanlalhuma Singson

chu a Pu Sangvela kum 78 (Pi Sangpuii

 pa) Sairanga mi chuan a boralsan a,member ten an tuarpui tak zet a ni.

An hruaitu Tv. Michael Lalromawia

leh Nl. Lalrinzuali te damlo pawh \hat lam

an pan zel e.

SECTION IV 

June 11, Thawhlehni zan khan Section

Committee an nei a, thu pawimawh tak 

tak an rel.

An Secretary Pu Benjamin

Zohmingliana leh Treasurer Pu Joseph

Lalrammawia te zin pawh dam takin an lo

haw leh ta.

June 22, Inrinni hian Section Property

enfel hnatlang an nei dawn a, section

hruaitute chawhma dar 11 ah Neuhof 

School-ah innghahkhawm tur a ni.

LIBRARY REPORT  Ningani zan khan Sec-III, Thlertawiah

member lak hnatlang neih a ni a, member-

a inpe te chungah lawmthu an sawi.

Library member-a inpe zawng zawng

481 an tling ta.

Joseph VL. Rinchhana, Section-IV

chuan lehkhabu 160 an rawn donate a, an

chungah lawmthu an sawi tak meuh meuh

a ni.

Thawhlehni zan hian Library room-ahcommittee pawimawh tak neih tur a ni a.

Hruaitute kim taka kal turin an inhriattir.

Hall sak hna kal mek :Main gate lam

sak chhunzawm mekah beam chhun zawh

tawh a ni a, a chhuat chhuna tur buatsaih

mek a ni.

7/28/2019 (24) June 16, 2013

http://slidepdf.com/reader/full/24-june-16-2013 3/4

VOL. XXXII No. 24 Pathianni June 16, 2013 : CHANMARIANS : PHÊK 3-NA : C.B.Y.M.A

 Hriatzauna  Article

ZORAM TAN- H. Thantluanga, Section-II

YMA Day vawi 78-na chu kan lo

thleng leh ta reng mai. He hun min hruai

thlengtu Pathian hnenah lawmthu sawi ila,

YMA Day 2013 hmangtu zawng zawngten

he kan Zoram hi thinlung taka vei a,

humhalh tlat turin kan insawm a. Heng a

hnuaia point tlemte a\ang hian Zoram tan

theih tawp chhuahin \an i la ang u.

 Zu leh ruihhlo do a ngai Zu leh ruihhlo laka kan hnam a lo dam

lehna tura \an lak hi YMA member-te tih

tur a ni. Kan taksa tana \ha lo ruihhlo lakah

kan inthiarfihlim tur a ni a. A zuar te hum

emaw, \anpui emaw, in luahtir emaw hi kan

tih loh tawp tur a ni. Sorkarin a duh loh,

khawtlangin \ha a tih loh hi a punlun zel loh

nan YMA member-te hian i do tlat ang u.

Zu leh ruihhlo hi ram leh hnam tlukchhiatna,

mimal leh chhungkaw zahawmna tichhetu

leh khawtlang nun tikhawlova, tlakrannathlentu leh thihna hial thlentu a ni a. Kan do

a ngai tak meuh meuh a ni.

 Ram leh hnam humhalh

Mizote hnam anga kan dinchhuahna tur 

leh, chimral kan nih lohna tura theih tawpa

 beih hi kan tihtur a ni. Inchimralna hrang

hrang zingah politics-a inchimralna hi hnam

tlem tan chuan a hlauhawm ber a ni.

Mizo hi kan la tlem hle a, India ramaState 26 zingah pawh mihring tlemna ber  pawl kan ni.Kum 2011 chhiarpuiah mihring

10,97,206 kan tling awrh a, chu a chhapah

Mizo hlang kan la ni lo leh nghal. Chuvangin

kan enkawl zawh dawn phawt chuan fa

neih deuh duah pawh a pawina a awm lo

ve. Hei hi ram leh hnam humhalhin a tum

 pawh a ni.

Culture vawn nun

Culture hi \henkhat chuan thil hlui leh

hmanlai thil niin kan ngai a. Culture hi

hmanlai thil chauh ni lo vin, hmasang a\anga

hnamze \ha, mi tam zawkten an la chhawm

zel hi a ni. Kan incheina leh lam te kan

humhalh rualin - tlawmngaihna te,

hawihhawmna te, huaisenna te, taimakna

te, chhelna te, rinawmna te, mi dangte

hmakhawngaihna te leh aia upa zah te hi

chhawm nung reng turin YMA member-te

hian mawh kan phur a ni.

 Hnam inpumkhatna

Mizo hnam hi kan zavai pawha kan la

tam loh tehlul nen, inlahrang zawng leh

in\hendarh zawnga hma la an awm \hin hi

a pawi takzet a. Mizo hnahthlak hnam

hrang hrangte zinga chibing leh inla hrangzawnga khawsa te tireha tibo tur leh,

inpumkhatna tura \an lak hi kan tihtur 

 pawimawh tak a ni.

Thing leh mau, nungcha humhalh

Kan ram rohlu - thing leh mau, nungcha

te, lui tui te, boruak leh kan ram leilung

humhalh leh humhim zel hi YMA member-

te tihtur a ni. Mi thiamte chuan, “Tun a\anga

kum 50 a ral hunah chuan kan rama nungcha

30% te hi hmuh tur an awm tawh lo vang,”

an lo ti hial a ni.Kan ramin Mau kan nei hi kan vannei

hle. Kan humhalh a, kan hman thiam a

 pawimawh takzet a ni. Chawhmeh atan tui

viau mah se rawtuai/ mautuai te hi ei raltu

ni lo vin, a humhalhtu nih i tum zawk ang u.

 Zirna lama tan lak 

Zirna hi ram leh hnam humhalhna

kawngah hian a pawimawh takzet a. Kan

rama sorkar hna lian zawng zawng bakah,

hna ruak awm reng rengte luah khat vek 

tura \an lak hi kan tih makmawh a ni. Sorkar hna bakah thiamna tak tak hmanga kan ram

leilung enkawl te, lo neih dan hlawk zawka

zir te, sumdawnna hrang hranga hnamdang

khum tura inzirtirte leh thiamna bik nei tura

\an lak zel te hi a pawimawh hle a ni.

IT-in a \ha lo zawnga min tihbuaina lak 

a\ang hian tal chhuah tum ila. Hei hian kan

zirna leh nunphung nasa takin a tibuai a,

chin tawk i hria ang u.

Taimakna

Kan rama hnamdang- vai lehkhawchhak lam mite hian hnathawh hreh

an nei lo. Heng ho hian sorkar a\angin

 NLUP dawn an beisei ve lo va. Kan ram hi

hmanraw tlawmte - taimakna,

dawhtheihna, chhelna, remhriatna leh

inngaihtlawmna ten min bei a, kan hrethiam

si lo! Tawngkaa anmahni vei rik ngawt hian

min chhanhim dawn lo va, pawngpaw huat

ngawt lahin kan lehpel dawn der si lo! Kan

 bei let ve dawn a nih ngai chuan, an

hmanrua ang bawk taimakna   hi kan

hmanrua tur a ni ngei ang.

A tawp berah chuan YMA Day

hmangtu zawng zawngte duhsakna ka hlan

a; ram leh hnam humhalh kawngah tha

thawh a ngaih hunah thawh ho a, do a ngaih

hunah do tlang a, tuar a ngaih hunah tuar 

za turin kan infuih ni sela. Kan tu leh fa,

chhuan lo la awm zel tur ten Mizoram hi

‘ka ram a ni’ an tih zel theih nan \an i la

sauh sauh ang u.

Vivian Campbell cancer : Def Leppard

guitarist Vivian Campbell chuan a cancer tih a sawi. Vivian Campbell hian a hrawk 

lam fel lo chu Viva Las Vegas Show re-

hearsal an neih ni March 11 khan biopsy

lak a nih avangin rehearsal-ah hian a tel theih

loh thu a sawi. Tunah hian chemotherapy

vawi ruk lak turah vawi hnih a la tawh a, he

natna hi hneh ngei a tum thu a sawi.

Pink Floyd vangin man : Kum 51 a upa,

Chesterton a cheng, Paul Foster chu Pink 

Floyd hla a play rin lutuk avangin police in

an man a, ni 28 a tang ang. An

\henawmten an sawi danin zan eng emaw

zat chu zankhuain Pink Floyd hla Darkside

of the moon, The wall leh Wish you were

here te chu ring takin a play a, a mut theih

loh an ti a ni. He pa zai play ring lutuk vang

hian an \henawma chhungkaw pakhat,

helai hmuna kum 20 zet lo khawsa tawh

te chu an pem sawn daih tawh bawk. April

thla khan Sweden a nupa kum 81 leh 71 a

upa te chu Iron Maiden zai an play rin lutuk 

avangin man an ni bawk.

Indian super hero thar : Spider-Man,

Iron Man, Thor, X-Men, The Hulk, The

Fantastic Four phuah chhuaktu Stan Leechuan Indian superhero tur a phuah mek 

chu a hming atan Chakra the Invincible a

nih tur thu a sawi. Hei bakah hian China

lamah super hero dang a chhuah tur thu a

sawi bawk a, hengte hi milembu tur a ni.

Miss Israel atan mihang : Mihang nula

kum 21 a upa, Yityish Aynaw chu Miss

Israel atan thlan a ni a, Israel in Miss atana

African thisen kai an neih hmasa ber a ni.

Kum 12 a nih a\anga Israel rama cheng he

nula hi Israel army-ah a \ang tawh a ni.

7/28/2019 (24) June 16, 2013

http://slidepdf.com/reader/full/24-june-16-2013 4/4

PUBLISHED BY : CHANMARI BRANCH Y.M.A., 1000 COPIES PRINTED AT L.V. ART

VOL. XXXII No. 24 Pathianni June 16, 2013 : CHANMARIANS : PHÊK 4-NA : C.B.Y.M.A

PUBLISHED BY : CHANMARI BRANCH Y.M.A., 1000 COPIES PRINTED AT L.V. ART

 Advertisement 

Belhchian Dawl Lo 

The Good LifeKitchenware Multibrand Showroom

CHANMARI, Aizawl

Ei leh in siamna, chhumna, chhawpna

& vawn \hatna :

Corelle, Treo, Nirlep, Milton, Clay

Craft, Roxx, Signoraware & company

rintlak dangte siam : melamine, plastics,

 bone china, ceramics, glass, non-stick &

stainless steel -

Microwave oven, induction cooker,

mixer, juicer, grinder, thleng, no, fian, bel

leh bawm man tlawm ber a\angachangkang ber thlengin kan zuar e.

 Duh anga \ha, rin aia tlawm!

The Good Life, Opp.: HB College

Chanmari Kawn, Ph : 2346826

Sihhmui-ah Zothlaa a hman loh

avangin Zohmangaiha ka hruai a, kan naute

ho chuan, “Pu Zothla, thingpui in rawh” an

lo la ti \alh a nih chu!! ...Sawmtea

Lalri-i hi Chanmari kawna vai thingpui

dawrte hi risk a hrat lutuk a, thingpui dawra

a luh chiah hian vai ho hian a man tlawm

tlawm hi an lo chhawp nghal zung zung zel,

nuam thei raps. An koh pawn Pi Lal-Risk-an ti zel. ...Maggie

Section-I hruaitu Laloo Mafak 

Zakung Yadav chu tunlai hian Serchhipah

campaign urhsun tak neiin a buai \hin hle.

...Am-a

Picnic na a sa tem dan in hriat duh

chuan Nl. Lalropuii in lo zawt mai dawn

nia. ...Pu Zuia

LOCAL COUNCIL NEWS  NLUP 2nd Phase, Industry hnuaia

trade thlangtu Name Plate la lam lo te chuan

Pu Lalmalsawma Sailo dawrah tunkar 

chhung ngei hian lam tur a ni, lam lo chuan

harsatna an tawh pawhin an mawhphurhna

a ni ang.

June 15, Inrinni zing khan Thlertawi a

in pakhat chu a sak dan enfiah a ni.

Rualbanlo in report turChanmari veng chhunga rualbanloten

June 22 ral hmain Chanmari Local Council

hnenah hengte hi report tur a ni.

1. Hming

2. Kum

3. Nu or pa hming

4. Rualbanlohna

5. Rualbanlo certificate nei tawh em?

6. Sorkar a\angin \anpuina dawng tawh

em ?

Kan fanu,

 Vanlalawmp uii

lehLaltanpuia Rivung

(s/o R. Lalsangzuala, Lawipu)

June 21, 2013 (Zirtawpni) chawhnu

dar 2:00 a Lawipu Veng Presbyterian

Kohhran Hall-a an inneihna min hriatpui

tur leh min lawmpui turin Chanmari veng

mipuite kan sawm a che u.

Lalzamliana

& Lalhmunpuii Sailo

Zorun, Chanmari, Sec-II

Nalh i duh em?Salon, Facial, Spa, Scrub &

Wrap, Manicure & Pedicure, Skin

Bleaching, Threading leh Waxing kan ti

thei e. Min han pan ve teh, i in chhir lo

ang. Tin, in tih cher duh tan Green Tea\ha chi chi hrang hrang kan nei bawk.

BLISS

SPA & STYLE LOUNGE

0389 2345 888

Chanmari, Near Traffic Point.

(2-1)

Helen O’Grady International

English Speech and Drama

 AcademyLearning through Drama

Admission OpenedKum 3-5 inkar (Pre-primary)

Kum 6-8 inkar (Lower primary)

Kum 9-12 inkar (Upper primary)

Kum 13-18 inkar (Youth Theatre)

Contact : 8974003592 (1-1)

 YMA DAY PUAL TANPUINA 

THAWHLAWM PETUTE1. Pu C. Rosanga - 1,000

2. Tv. David Hauhnar - 500

3. Tv. Thanbanglova - 200

4. Pu Ngama - 500

5. Tv. Lalchhunga - 2,000

6. Pu K. Dinga - 500

7. Pu Mundra - 1,000

8. Pu David Lalhmangaiha - 10,000

9. Pu Lawmzuala - 100

10. Pu Lalfamkima - 50

11. Pu R. Zatawna - 3,00012.Nl. Peggy Lalrampari - 3,000

13. Zopar Store - 2,000

14. Pi Veli (Lena Ent.) - 5,000

15. Daniel Hauhnar - 500

16. Hriat loh - 100

17. Hmingthup - 2,000

  Total - 31,450

18. Branch Executive - 14,450

Grand Total - 45,900

RUALBANLO NU LEH PATE

NGENNA January 18, 2010 a Gilead Special

School a kal rualbanlo nu leh pa mi 156

kalkhawmte chuan kan fate hma khua

ngaihtuahin Person With Disabilities Act,

1995 in Rualbanlote chungchang a sawi a

hlawhtlin theih nan leh ham\hatna an hmuh

theih nana bei turin Mizorama rualbanlo nu

leh pate inzawmkhawmna atan Parents’

Association for Special Children of Mizoram

(PASCOM) hi din a ni a. Zau zawka leh

chak zawka hma kan lak theih nan kum

2013 a\ang hian Aizawl khawpui chhunga

Rualbanlo fa neite chu member ni vek turin

a sawm a ni.

Hriat tur pawimawhte :

1. Membereship Fee Rs. 30/- (Nu emaw

 pa emaw hming pek tur)

2. Pekna hmun - Pu Lalsawmkima, Asst.

Secretary, CBYMA.

3. June - July, 2013 chhunga pek tur.

sd/- Lalthanmawia, Secy. PASCOM

A/39 Bawngkawn South. 9436141879

Zaipawl hla zir leh hnam lam tan : Cen-

tral YMA zaipawl intihsiakna atana hla zir 

leh CM Running Trophy atana hnam lamzirte ei leh in atan Pu Joseph Lalsangzuala,

Sec-IV chuan Rs.1000 a rawn thawh a, a

chungah Branch in lawmthu a sawi.

CHHUNGTIN MAMAWHPuan\hui khawl, puan pan, puan fan,

 puan chhah \hui thei turin ka la siam thei

reng e. Gas stove pawh ka la siam thei

reng a, sim a thi, herh sak, ri phurh phurhleh leak kan siam thei. Puan\hui khawl

chhuak hmasa, a pan, a fan leh a chhah

\hui thei tlawm te te a lei tur kan nei bawk.

I mamawh chuan min han phone la ka

rawn pan mai ang che.

SAVE RAWH LE

L.H. CHAWNGTHU

9612322639 (2-1)